Da kaba shim ia ka sienjam kaba rai pyrshah ia ki nongleh kam sniew kiba phet rieh, hapoh ka jingialam jong u Myntri Rangbahduh ka ri u Narendra Modi bad ka jingpyniaid jong u Myntri kam pohiing jong ka sorkar pdeng u Amit Shah, ka India ka la wanrah biang ia 274 ngut ki nongleh kam sniew kiba phet rieh na ki 36 tylli ki ri naduh u snem 2021. Ban pynkhlain ia ka sienjam pyrshah ia ki nongleh kam sniew kiba la phet rieh, u Myntri Rangbah duh ka ri u Narendra Modi u la pynjari ïa ka Fugitive Economic Offenders Act ha u snem 2018. Hapoh ka jingïalam jong u Myntri kam pohïing u Amit Shah, ka India ka la shna ïa ka rukom treikam kaba ïatylli, kaba pynshong nongrim ha ka jingstad, bad kaba la pynïaid da ka teknoloji pyrshah ïa ki nongleh kam sniew kiba la phet rieh, kaba prat lynti na ka bynta ki sienjam kiba tyngeh pyrshah ïa ki bad ban pynsuk ïa ka jingwanphai biang jong ki sha India.

Hashuwa u snem 2014, ka rukom treikam jong ka ri ban wanrah biang ia ki nongleh kam sniew kiba phet rieh ka la long kaba la rim bha, bad ka India ka la don ïa ki jingïateh kular ban pynphai biang tang bad 37 tylli ki ri. Ym shym la don ruh ka ain kaba kyrpang ban pynshitom ia ki nongphet rieh kiba pynkhein ia ki ain kiba iadei bad ka ioh ka kot ne ban kurup ia ki jingdon jingem jong ki. Hapdeng u snem 2004 bad 2013, ka India ka la ïoh wanrah biang tang saw ngut ki nongleh kam sinew kiba la phet rieh ha ka shi snem ha ka jingkheiñ kyllum, katba 110 tylli ki jingkyrpad ban pynphai noh ki dang sahteng. Nalor kata, ki kot ki sla ki bym biang bad ka jingpynkhreh kaba suki ka pynlong ia ka rukom wanrah biang ia ki nongleh kam sinew ban long kaba eh bha, kaba bunsien ka pynlong ia ki iingbishar bar ri ban kyntait ia ki jingkyrpad ban pynphai ia u briew. Ki jingpyrshang jong ka India ban pynphai noh ia ki briew ka la iakynduh ruh ia ki jingeh ha ka liang ka ain bad ka jingbishar, kynthup ia ki nongrim jong ka double jeopardy bad dual criminality, kaba ju pynlong ia ka jingshah kyntait ia ki jingkyrpad ban pynphai noh ia ki. Shuh shuh, ka jingbym don ka jingiatreilang kaba biang bad ka rukom treikam kaba iatylli hapdeng ka Tnad kam pohiing bad kiwei kiwei ki tnad ka la khanglad ia ka jingiaid shaphrang. Ka jingsam jingtip shaphang ki nongphet rieh, ka jingbuddien ia ki jaka, bad ka jingpynmih ia ki Red Corner Notice ruh kalong kaba suki bha.

Ki sorkar kiba mynshuwa ki duna ka mon ha ka kam sain pyrthei ban wanrah biang ia ki nongphet rieh; Ka sorkar Modi ka la pynlong ia ka jingpynphai ia ki nongphet rieh kum ka ‘jingthmu ba kongsan jong ka ri’. Ha ka ba iadei bad ka jingthmu jong u Myntri Rangbahduh ka ri u Narendra Modi, u Myntri kam pohïing ka sorkar pdeng u la ban jur ïa ka rukom treikam kaba don lai bynta pyrshah ïa ki nongphet rieh: ka jingpynbna pyrthei, ka jingïatreilang kaba khlaiñ, bad ka jingïadei kaba stad. U Amit Shah u la batai ia ka mat jong ki nongleh kam sniew kiba phet rieh kum kawei kaba don jingiadei kaba jan bha bad ka bor synshar jong ka ri, ka jingskhem ka ioh ka kot, ka shongsuk shongsain, bad ka jingshngain jong ka ri.

Ka Sorkar Modi ka la mynjur ïa ka aiñ NIA (Amendment) Act bad ka UAPA (Amendment) Act ha u snem 2019, bad naduh u snem 2020 ter ter, ïa ka rukom wanrah biang sha India ïa ki nongleh kam sniew kiba phet rieh la shim ha ka rukom treikam mission mode. Kumta, ki jingpyrshang ban pyntreikam kim shym la sahkut tang ha ki seng ba la khein beain. La pyniar ia ka jingtreikam ban kynthup ia ki lehnoh, ki nongpyniaid, ki rynsan bei tyngka, bad ki rukom ai jingkyrshan kiba don shabar ri, kaba la pynkhlain shibun ia ka bor jong ka India ban buddien ia ki nongphet rieh bad ban pynpra ia ki rynsan jong ki.

Ha u snem 2024, ka Sorkar Modi ka la pyntreikam ïa lai tylli ki aiñ ba thymmai na ka bynta ki nongleh kam beain, kiba kynthup ïa ki kyndon ba kyrpang kiba ïadei bad ki nongleh kam sniew kiba phet rieh. Ha ka sien kaba nyngkong, ki Section 355 bad 356 jong ka Bharatiya Nagarik Suraksha Sanhita (BNSS) ki pynbiang ia ka jingbishar wat haba ym don ki nongleh kam sniew ha ka jaka ba bishar, kaba plie lad ia ka rukom bishar baroh kawei—naduh ka jingbishar haduh ka jingpynshitom—ban pyndep wat lada ym don u nongleh kam sniew uba phet rieh.

Ha u snem 2022, ka India ka la pynlong ïa ka Interpol General Assembly kaba 90, ha kaba u Myntri kam pohïing ka sorkar pdeng u Amit Shah u la ban jur ïa ka jingdonkam jong ki lai tylli ki nongrim jong ka kam pulit ha ka pyrthei—Ka jingïakren bad ka jingïatreilang. Ban pynkhlain ia ka jingiatreilang, ka jingpyniasoh, bad ka jingsam jingtip hapdeng ka India bad ki bor pynjari ain ha ka pyrthei, u Myntri kam pohiing jong ka sorkar pdeng u la plie paidbah ia ka BHARATPOL ha u bnai Kyllalyngkot 2025. Ka BHARATPOL ka la wanrah ia ka jingpynkhreh jingtip kaba bniah da kaba pyniasoh lang ia ka CBI, ki jaka treikam jong ki pulit jong ki jylla (lyngba ki Interpol Liaison Officer - ILO), bad ki jaka treikam jong ki pulit ha ki District sha kawei ka rynsan. Hapoh kane ka sienjam, palat 1,400 tylli ki unit jong ka Jylla bad ki tnad sorkar pdeng la pyniasoh lyngba ka portal, kaba pynthikna ia ka jingpoi suk ia ki jingtip. Kumta, ka por ban jubab na ka bynta ka jingïasam jingtip hapdeng ka CBI bad kiwei kiwei ki bor pynjari aiñ ka la nang duna bha. Mynta, ia ki jingtip ba la wad da ka CBI, la ju iasam lang da kiwei pat ki bor pynjari ain hapoh 10 haduh 20 sngi, bad ha ki katto katne ki khep, hapoh 3 haduh 10 sngi, kaba kyntiew shibun ia ka jingtreikam jong ki jingtohkit bad ki kam ban wanrah biang ia ki briew. U Myntri kam pohiing jong ka sorkar pdeng u la pynlong haduh 5 tylli ki jingialang kiba kongsan ha kane ka bynta.

Ka Sorkar Modi ka la pyntreikam ïa ka Prevention of Money Laundering Act (PMLA) da kaba kham tyngeh. Lyngba ka jingpyntreikam kaba pyrkhing ïa ka PMLA, ka Sorkar Modi ka la pynïasoh ïa ki jingdon jingem kiba shongdor T.17,874 klur kiba dei jong ki nongleh kam sniew kiba la phet rieh hapdeng u snem 2019 bad 2026. Ban pynkhlain ia ki jingpyrshang jong ki ri ka pyrthei ban wad bad kem ia ki briew kiba phet rieh, ka Central Bureau of Investigation (CBI) ka la sdang ia ka Special Global Operations Centre. Ka Centre ka ïatreilang mardor bad ki tnad pulit ha kylleng ka pyrthei lyngba ka Interpol, kaba plie lad ban buddien bad kem kloi ïa ki nongphet rieh. Ban pynsuk ia ka jingpynkylla stet ia ki jingtip, ka CBI ka la thung ruh ia ki Contact Officer ba iadei bad ka Interpol ha man la ka Jylla bad kumjuh ha baroh ki tnad tohkit jong ka Sorkar Pdeng, kaba la kyntiew ia ka jingiatreilang bad ka jingiatreilang hapdeng ki ri ha ki jingtohkit ia ki nongphet rieh.

Ka jingdon ki Interpol Red Corner Notice ba la pynmih ki la kiew bha ha kine ki snem ba la dep. 40 tylli ki Red Corner Notice la pynmih ha u snem 2022, 100 tylli ha u snem 2023, 107 tylli ha u snem 2024, 112 tylli ha u snem 2025, bad 182 tylli la dep pynmih ha u snem 2026 haduh mynta. Ban pynkhlain ia ki jingpyrshang ban wad ia ki nongleh kam sniew kiba la phet rieh, la sdang ia ka Operation Trishul ban wad ia ka jaka sah jong ki nongleh kam sniew kiba la phet rieh. Hapoh kane ka sienjam, da ka jingkyrshan jong ka Interpol, la lap ia ki jaka ba shong ki nongphet rieh da kaba pyndonkam ia ki satellite, ka jingpeitngor, bad ka jingpeit bniah da ki lad digital. Bun ki nongphet rieh ki la pynkylla kyrteng ne jinglong katba ki dang sah shabar ri. Hynrei lyngba ka jingpyndonkam ia ka teknoloji kiba katkum ka juk mynta bad ka profile mapping, ki tnad treikam jong ka India ki la lah ban ithuh bad wad ia ki. La pyndonkam ruh ia ka teknoloji ban pynsted ia ka jingbishar ia ki nongphet rieh, kynthup ia ka jingpyndonkam ia ka video conferencing na ka bynta ki jingbishar ha ka iingbishar, da kaba iarap ban pynsted ia ka kam ain. Ha kine ki lai snem ba la dep, la pynmih ïa ki Red Corner Notice pyrshah ïa 401 ngut ki nongleh kam sniew kiba phet rieh.

La wanrah biang ia 274 ngut ki nongleh kam sniew ba la phet rieh ha ki sans nem ba la leit, katkum ki jingtip na u snem sha u snem

Hapoh ka jingïalam jong u Myntri kam pohïing ka sorkar pdeng u i Amit Shah, mynta la pynkhreh ïa ki jingkyrpad ban pynphai biang ha ka rukom kaba kham ryntih bad kaba ïahap. Nalor kata, la ai ia ki jingpynthikna ba la thoh hadien ba la shimkhia bha ia ki jingdonkam ha ki kot ki sla bad ki jingdonkam jong ka ri ba iadei bad kane ka kam. Ki nongphet rieh ba la wanrah biang sha India ki kynthup ïa ki briew kiba dokti ha ki kam lehnoh, ki nongleh kam sniew, ki nongleh kam sniew ha ka liang ka pisa tyngka, kiba donkti ha ki kam ba iadei bad ki drok, bad ki briew kiba donkti ha ki kam pynïap briew, leh beijot, bad ki kam runar hapoh ka Protection of Children from Sexual Offences (POCSO) Act.

Ka campaign ban wanrah biang ïa ki nongphet rieh sha India ka iadei bad ki mukotduma bapher bapher kiba ïadei bad ki kam lehnoh, ki kam lehnoh ba kyrshan ïa ka Khalistan, ka jingïadei hapdeng ki nongleh kam sniew bad ki kam lehnoh, ka jingkhaii drok, ka kam thok lyngba ki lad digital, bad ka pisa thok. Ka jingpynphai noh ia u Tahawwur Hussain Rana na America ka long kum ka nuksa ba kongsan jong ka jingkut jingmut jong ka India bad ki jingpyrshang ba iaineh jong ka ha ka liang ka ain bad ka kam sain pyrthei ha kaba buddien ia ki mukotduma ba jynjar jong ki kam lehnoh. Ha ki kam kiba ïadei bad ka Jammu bad Kashmir, la pyndonkam ïa ki nongphet rieh kiba treikam nabar ri ban bteng ïa ki kam lehnoh, ki kam lehnoh ba iadei bad u drok, bad ki jingkyrshan nabar ri.

Ka jingjop kaba la ioh ha kaba wanrah biang sha India ia ki nongleh kam sniew kiba phet rieh kam dei ka jingmih na ka jingjia kaba shu jia ryngkhat, hynrei na ka jingshaniah, ka jingpynkhreh kaba bniah ha ka liang ka ain, ka jingbuddien bad kiwei kiwei ki ri, bad ka jingbuddien kaba iaibteng. Hapoh ka ri, ïa kane ka jingpyrshang la pynlong da ka jingïatreilang kaba jan hapdeng ka Intelligence Bureau (IB), Central Bureau of Investigation (CBI), Research and Analysis Wing (R&AW), National Investigation Agency (NIA), Enforcement Directorate (ED), Ministry of External Affairs (MEA), Narcotics Control Bureau (NCB), Directorate General of Goods and Services Tax Intelligence (DGGI), bad ki bor pulit jong ka jylla. Kane ka pyni ia ka rukom treikam kaba shisha "Jong baroh kawei ka Sorkar ", ha kaba ki tnad Sorkar Pdeng bad ki Sorkar Jylla ki iatreilang ban pynthikna ia ka jingwanrah biang jong ki nongleh kam sniew kiba phet rieh bad ban pynioh kloi ia ka hok sha ki lanot.

Ka jingthung ia ka Standing Focus Group hapoh ka Multi Agency Centre (MAC) jong ka Intelligence Bureau (IB) ha u bnai Kyllalyngkot 2026 ka pyni ia ka sienjam ba kongsan ha kane ka kam ha kaba pynkhlain ia ka kam jong ka India kaba iadei bad ki nongphet rieh. Ka kynhun ka don ka jingkitkhlieh ban buh hakhmat eh ia ki mukotduma kiba iadei bad ki nongphet rieh, ban pynbeit ia ki dossier, ban pyndap ia ki jingduna ha ki jingtip, ban pynthikna ia ka jingbuddien kaba iaineh bad ki nongiatreilang nabar ri, bad ban ai jingkyrshan jong ka ri ia ki mukotduma ba la sdang da ki tnad jong ka Jylla. Ki nongphetrieh kiba treikam nabar ri kim dei ki mokutduma kiba sahkut—ki pyni ia ki jingma kiba donkam ia ka jingtreikam kaba iaineh, kaba iasoh lang bad kaba stet.

Shon hangne ban ioh ia ka note

***