ঙসি ইনফোর্মেসন অমসুং ব্রোদকাষ্টিং মিনিষ্ট্রিনা মরুওইবা ৱারেপ অনি লৌখ্রে। ৱারেপশিং অসিনা ভারতকী ফিল্ম উদ্যোগ চাউখৎপদা মতেং পাংগনি। মখোয়না লৈবাক শীনবা থুংনা সেনিমা স্কৃনশিংগী মশিং হেনগৎহনবদা মতেং পাংগনি।

ঙসি ন্যু দিল্লিদা ইনফোর্মেসন অমসুং ব্রোদকাষ্টিংগী য়ুনিয়ন মিনিষ্টর শ্রী অশ্বিনি বৈষ্ণবনা লুচিংদুনা পাংথোকখিবা অৱাংবা থাক্কী মীফম অমনা ৱারেপশিং অদু লৌখিবনি। মিনিষ্ট্রিগী সেনিয়ার ওফিসিএলশিংগা লোয়ননা পাংথোকখিবা মীফম অদুদা, ফিল্ম পুথোকপা, য়েন্থোকপা অমসুং তেক্নোলোজি শীজিন্নবা হেনগৎহন্নবা খুদক্কী ওইবা থবক কয়া পায়খৎনবা মিনিষ্টরনা পাউতাক পীখ্রে।

ষ্টদি গ্রুপ অমা লিংখৎলে।

মিনিষ্ট্রিনা অৱাংবা থাক্কী ষ্টদি গ্রুপ অমা লিংখৎলে। শ্রী প্রাসুন জোসিনা গ্রুপ অসিগী লুচিংবা ওইরের। মসিদা উদ্যোগকী অখঙ-অহৈশিং অমসুং তেক্নোলোজিগী কাংবুশিং য়াওগনি। 

ভারতকী সেনিমানা থেংনরিবা কান্নবশিং অমসুং খুদোংচাদবশিং গ্রুপ অসিনা নৈনগনি। ফিল্মগী হিরম অসি চাউখৎনবা লম্বীশিং গ্রুপ অসিনা পাউতাক পীগনি। মালেমগী ওইনা চাংদম্নবা য়ারবা ভারতকী ফিল্মশিং পুথোক্নবা খোঙথাংশিং গ্রুপ অসিনা পুখৎকনি।

মখাগী ৱাফমশিং অসি ষ্টদি গ্রুপ অসিনা য়েংশিনগনি:

•        মালেমগী কৈথেলশিংদা হেন্না পাম্নগদবা ভারতকী ফিল্মশিং পুথোক্নবা থবকশিং।

•        অনৌবা  তেক্নোলোজিশিংনা ফিল্মদা পীরিবা চৈথেং। মখোয়গী মনুংদা আর্তিফিসিএল ইন্তিলিজেন্স অমসুং ভর্চুএল প্রদক্সন য়াওরি। হায়রিবা খুৎলায়শিং অসি কমদৌনা ভারতকী ফিল্ম পুথোক্লিবশিংনা শীজিন্নগনি হায়বা গ্রুপ অসিনা পাউতাক পীগনি।

•        ফিল্ম পুথোক্নবা কমদৌনা ফিল্মমেকরশিংনা শেন পুগনি অমসুং অনৌবা শেন ফংনবা পাম্বৈশিং।

•        ফিল্ম পুথোকপা অমসুং য়েন্থোকপদা শেন চঙবা হেনগৎলকপদা ফিল্মমেকরশিংনা থেংনরিবা খুদোংচাদবশিং।

•        রাজ্য সরকারশিং অমসুং অতোপ্পা মরী লৈনবশিংগা লোয়ননা থবক তৌমিন্নবা। গ্রুপ অসিনা খ্বাইদগী ফবা থবকশিং মশক খঙদোক্কনি। মতম শাংনা ভারতকী সেনিমা চাউখৎনবা মপুংফারবা পোলিসি  ফ্রেমৱার্ক অমা মসিনা পুখৎখি।

লৈবাক শীনবা থুংবগী মরী লৈনবশিং ষ্টদি গ্রুপ অসিনা খন্ন-নৈগনি। থা অহুমগী মনুংদা মসিগী রিপোর্ত মিনিষ্ট্রিদা পীখৎকনি।

রাজ্যশিংনা চৎন্নবা মোদেল ষ্টেৎ সেনিমা রিগুলেসনশিং

সেনিমাশিং অমসুং থিয়েতরশিংগী নিয়মশিং রাজ্যগী মখাদা লৈরি। সেনিমা অমসুং থিয়েতরশিংগীদমক দরকার ওইবা পর্মিসনশিং পীনবা তোঙান তোঙানবা রাজ্যশিংনা তোঙান তোঙানবা রুলশিং চৎনরি। মসিনা অপীকপা তাউনশিং অমসুং খুঙ্গংগী লমদমশিংদা সেনিমাগী মচাক-মথুমশিং চাউখৎপদা অচৌবা খুরৌ থাংবা অমা ওইরে।

সেনিমাগী মচাক-মথুমশিং য়াংনা শেমগৎনবা, মিনিষ্ট্রিনা মোদেল রুলশিং শেম্লে। মরী লৈনবা খুদিংমক্কা ৱা তানরবা মতুংদা হায়রিবা রুলশিং অসি দ্রাফ তৌখিবনি। মিনিষ্ট্রিনা হৌজিক হায়রিবা মোদেল সেনিমা রিগুলেসনশিং রাজ্য সরকারশিংদা থাখ্রে। মখোয় চৎন্নবা রাজ্যশিংদা হায়জখ্রে। রুলশিং অসি থবক ওইনা পাংথোক্নবা মিনিষ্ট্রিনা রাজ্যশিংগী মতেং পাংগনি।

অমতা ওইনা, ৱারেপশিং অসিনা মপাঙ্গল কনবা, অনৌবা অমসুং মালেমগী ওইনা চাংদম্নবা য়ারবা ভারতকী ফিল্ম উদ্যোগ অমা শেমগৎকনি। অনৌবা থবক, নাৎ অমসুং ইন্নোবেসনগী শক্তি লৈরবা পাম্বৈ অমা মখা তানা ভারতকী সেনিমানা ওইগনি।

***