ভারত সরকারগী আয়ুশ মন্ত্রালয়গী মোরারজি দেসাই নেশ্নেল ইন্সতিত্যুত ওফ য়োগা (এম.দি.এন.আই.ৱাই.)না মার্চ ১৩, ২০২৬তা বিগ্যান ভবনদা য়োগা মহোত্সব-২০২৬ – ইন্তর্নেস্নেল দে ওফ য়োগা-২০২৬কি নুমীৎ ১০০নিগী কাওন্তদাওন হৌবগী থৌরম অমা পাঙথোক্লি। আয়ুশ মন্ত্রালয়না মসিগী তোঙান তোঙানবা স্তেকহোলদরশিংগা লোয়ননা নুমীৎ ১০০নিগী কাওন্তদাওন প্রোগ্রাম অমা শেম্লে, মসিদা ওর্গনাইজেসন ১০০না মফম/সহর ১০০দা য়োগা প্রমোত তৌরি। মার্চ ১৩, ২০২৬তা বিগ্যান ভবন্দা অয়ুক্কী পুং ৯.০০ দগী মখা তানা চত্থগনি।

থৌরম অসিদা ইকায় খুম্নজরবা মন্ত্রীমন্দলগী শেংলবা য়াইফ-পাওজেল উবা ফংগনি হায়না থাজরি। থৌরম অসি ইকায় খুম্নজরবা কেন্দ্রগী রাজ্য মন্ত্রী (মনীংতমবা চারজ), আয়ুশ মন্ত্রালয় অমসুং রাজ্য মন্ত্রী, হকশেল অমসুং ইমুং মনুংগী য়াইফনবা মন্ত্রালয়, শ্রী প্রতাপ্রাও জাধব; ভারত সরকারগী আয়ুশ মন্ত্রালয়গী সেক্রেতরি বৈদ্য় রাজেশ কোতেচা; এস-ভিয়াশা সোসাইতি, বেঙ্গলুরুগী প্রসিদেন্ত, দা.ঐচ.আর.নাগেন্দ্র; ভারত সরকারগী আয়ুশ মন্ত্রালয়গী জোইন্ত সেক্রেতরি শ্রীমতি মোনালিসা দাসকা লোয়ননা মমিং লৈরবা শক্নাইরবা মীওইশিং, য়োগা গুরুশিং, য়োগা মাস্তরশিং, আয়ুশ এস্কপর্তশিং, মোদর্ন মেদিসিন অমসুং এলাইদ সাইন্স, দেলিগেতশিং, য়োগা পামজবা মীওইশিং, অমসুং য়োগা সাধকশিং য়াওরি।

ইকায় খুম্নজরবা আয়ুশ মন্ত্রী শ্রী প্রতাপরাও যাধবনা হায়খি, “অদোম্না খঙবিরিবা অদুগুম্না ইকায় খুম্নজরবা প্রধান মন্ত্রী শ্রী নরেন্দ্র মোদিগী ইনিসিয়েতিবতা য়ুনাইতেদ নেসন্সকি জেনরেল এসেমব্লিনা ২০১৪দা জুন ২১ অসি ইন্তর্নেস্নেল য়োগাগী নুমীৎ ওইনা লাওথোক্নবা পুৱারি ওইরবা ৱারেপ অমা লৌখি। য়োগা অসি মালেম শিনবা থুংনা য়াবা অসি ঐখোয়গী লৈবাক্কিদমক চাওথোকচনিংঙাই ওইবা ৱাফম অমনি, মরমদি য়োগা অসি ঐখোয়গী কলচর অমসুং স্পিরিচুএল হেরিতেজগা শাগোন্নবা শরুক অমনি। আয়ুশ মন্ত্রালয় অসি ইন্তর্নেস্নেল দে ওফ য়োগা (আই.দি.ৱাই.) পাঙথোক্নবা নোদেল মন্ত্রালয়নি। চহি খুদিংগী আই.দি.ৱাই.গী ওবজর্বেসনগী মরুওইবা থৌরম অসি মাশ য়োগা দেমোন্সত্রেসন অমা ওইনা লুচিংদুনা, ইকায় খুম্নজরবা প্রধান মন্ত্রী মশামক্না লুচিংলি। আই.দি.ৱাই.-২০২৬কি শেম-শাবগী থবক অসি হান্নদগী চত্থরি।

মসি য়াম্না মরু ওই মদুদি ইন্তর্নেস্নেল দে ওফ য়োগাগী নুমীৎ ১০০নিগী কাওন্তদাওন অসি চহি খুদিংগী পাঙথোক্কদৌরিবা অসিগী মমাঙদা মরুওইবা ফেজ অমা ওইনা পাংথোকই। মতম অসিগী মনুংদা মন্ত্রালয় অসিনা লৈবাক শিনবা থুংনা লৈরিবা মীওইশিংগা শম্নহন্নবা অমসুং ইন্তর্নেস্নেল দে ওফ য়োগা ২০২৬কি মমাঙদা নুমীৎ ১০০নিগী মনুংদা মীয়াম্না হেন্না শরুক য়ানবা পুক্নিং থৌগত্তুনা য়োগাগী পাওজেল অসি পাকাথোক চাওথোকহন্নবা অমসুং পাক শন্না য়োকখৎনবা হোৎনরি।

লাক্কদৌরিবা ১২শুবা ইন্তর্নেস্নেল দে ওফ য়োগা (আই.দি.ৱাই.)গীদমক মন্ত্রালয়না লৈবাক শিনবা থুংনা মশক থোকপা মফম ১০০দা থৌরম অসি নিংশিংনবা ৱাফম থম্লি। নুমীৎ ১০০নিগী কাওন্তদাওন প্রোগ্রাম অসি হান্ননা চত্থরকপগা লোয়ননা আই.দি.ৱাই.-২০২৬কি শেম শাবা অসি খোঙজেল য়াংখৎলক্লি, মসিনা লৈবাক শিনবা থুংনা লৈরিবা মীওইশিংদা য়োগা অসি হোলিস্তিক নুংঙাইবা পুন্সি মহিংগী লম্বি অমা ওইনা নিংশিংনবা অমসুং লৌশিন্নবা পুক্নিং থৌগৎলি।

***