কেন্দ্রগী শেল-থুম অমসুং কোর্পোরেত এফিয়র্সকী মন্ত্রী শ্রীমতি শ্রীমতী নির্মলা সিতারমননা হায়খি প্রধান মন্ত্রী শ্রী নরেন্দ্র মোদীনা লুচিংবা সরকারনা লেপ্পা লৈতনা এম্বিভেলেন্সকী মহুত্তা থবক ওইনা পাঙথোকপা, ৱা ঙাংবগী মথক্তা রিফোর্ম অমসুং পোপুলিজমগী মথক্তা মীয়াম্বু থম্মি।

ঙসি পার্লিয়ামেন্ততা ২০২৬-২৭গী য়ুনিয়ন বজেত পুথোক্লদুনা মহাক্না হায়খি মদুদি সরকার অসিনা কার্তব্য ৩দগী ইথিল ফংলি। মসিগী মনুংদা অহানবা কার্তব্যদি পোত্থোক পুথোকপা অমসুং চাংদম্নবা হেনগৎহন্দুনা অমসুং মালেমগী হোংবা নাইবা ফিবমদা রেজিলিয়েন্স শেমগৎতুনা শেন্মিৎলোনগী গ্রোথ ফগৎহনবা অমসুং লেংদনা থম্বনি।

এম.এস.এম.ই.শিং অসি গ্রোথকী মরুওইবা ইঞ্জিন অমা ওইনা শকখঙলদুনা শেল-থুম মন্ত্রীনা অহানবা কার্তব্যগী মখাদা মখোয়বু চেম্পিয়নশিং ওইনা চাউখৎহনবদা মতেং পাংনবা মখল অহুমগী খোংথাং অমা পুথোকখি।

অহানবদা, ইক্বিতী সপোর্তনি মদুদা মহাক্না তুংলমচৎকী চেম্পিয়নশিং শেমগৎনবা, খনগৎলবা ক্রাইতেরিয়াশিংদা য়ুম্ফম ওইদুনা ইন্তর্প্রাইজেসশিংবু ইন্সেন্তিব পীনবা অখন্নবা এস.এম.ই. গ্রোথ ফন্দ লুপা করোর ১০,০০০ হৌদোকখি। মাইক্রো এন্তরপ্রাইজশিংদা মখা তানা মতেং পাংনবা অমসুং রিস্ক কেপিতেল ফংহন্নবা ২০২১দা লিংখৎখিবা সেল্ফ রিলাইএন্ত ইন্দিয়া ফন্দদা লুপা করোর ২,০০০গী শেনফম হাপ্নবা মহাক্না হায়খি।

লিক্বিদিতী সপোর্তকী অনিশুবা এপ্রোচকী মতাংদা, শেলথুম মন্ত্রীনা হায়খি মদুদি ত্রেদসকী খুত্থাংদা এম.এস.এম.ই.শিংদা লুপা করোর লাখ ৭ হেন্না ফংহনখ্রে। মসিগী মপুংফাবা পোতেন্সিএল অসি শিজিন্ননবা, মহাক্না থৌরাং ৪ পুথোকখি: (i) TReDS অসি সি.পি.এস.ই.শিংনা এম.এস.এম.ই.শিংদগী লৌবা পুম্নমক্কী ত্রাঞ্জেক্সন সেতলমেন্ত প্লেৎফোর্ম অমা ওইনা অতোপ্পা কোর্পোরেতশিংগীদমক বেঞ্চমার্ক অমা ওইনা মথৌ তৌনবা মেনদেৎ তৌগনি; (ii) TReDS প্লেৎফোর্মদা ইনভোইস দিসকাউন্ত তৌনবগীদমক সি.জি.তি.এম.এস.ই.গী খুত্থাংদা ক্রেদিৎ গেরেন্তী সপোর্ত মেকানিজম অমা হৌদোক্কনি; (iii) জি.ই.এম.বু এম.এস.ই.শিংদগী সরকারনা লৌবা পোৎলমশিংগী মতাংদা ফাইনান্সরশিংগা ইনফোর্মেসন শেয়র তৌনবগীদমক্তা TReDSগা লিঙ্ক তৌদুনা হেন্না মমল হোংবা অমসুং থুনা ফাইনান্সিং পীনবা পুক্নিং থৌগৎকনি; (iv) ত্রেদস রিসিবেবলশিং অসি এসেত বেক সেক্যুরিতী ওইনা হৌদোকতুনা সেকেন্দরী মার্কেত শেমগৎপা লিক্বিদিতী অমসুং ত্রাঞ্জেক্সন সেতলমেন্ততা মতেং পাংগনি।

প্রোফেস্নেল সপোর্তকী অরোইবা থৌরাংগী মতাংদা শ্রীমতী নির্মলা সীতারমননা হায়খি মদুদি সরকারনা আই.সি.এ.আই., আই.সি.এস.আই., আই.সি.এম.এ.আই.গুম্বা প্রোফেস্নেল ইন্সতিত্যুসনশিংদা অতেনবা মতমগী, মোদ্যুলর ওইবা কোর্সশিং অমসুং মরুওইনা তায়র-II অমসুং তায়র-III শহরশিংদা "কর্পোরেত মিত্র"শিংগী কাদর অমা শেমগৎনবা প্রেক্তিকেল তুলশিং দিজাইন তৌবদা মতেং পাংগনি। হায়রিবা এক্রিদিতেদ পেরা-প্রোফেসনেলশিংনা এম.এস.এম.ই.শিংবু কান্নবা মমলদা কমপ্লাইএন্সকী মথৌ তাবশিং মপুং ফাহনবদা মতেং পাংগনি।

***