লম অমসুং শেন-থুমগী লৈঙাক, কৈথেলগী অওনবশিং, ঈশিং ফংহনবা অমসুং লৌউ-শিংদা তেক্নোলোজি অমসুং দিজিতেল শীজিন্নবা অমসুং মখল কয়াগী মহৈ-মরোং থাবা য়াওনা চহি খর অসিদা ভারতকী তোঙান তোঙানবা রাজ্যশিংনা লৌউ-শিংউগী লমদা নৌবা থবক কয়া পায়খৎলে। হায়রিবা থবকশিং অসিনা লৌউবুক্কী পোৎথোকশিং হেনগৎহল্লে হাবনা ঙসি সংসদতা ফাইনান্স অমসুং কোর্পোরেত এফেয়ার্সকী য়ুনিয়ন মিনিষ্টর শ্রীমতি সিতারমন্না পুথোকখিবা ইকোনোমিক সর্ভে ২০২৫-২৬ না ফোঙদোকখ্রে।

রাজ্যশিংনা পায়খৎখিবা মরুওইবা থবক খর অমসুং লৈঙাক্কী থবক অমসুং স্কিমশিংদা য়ুম্ফম ওইবা থবকশিংগী ফলশিং মখাদা পীরি:

লম অমসুং রিছোর্সকী থবক: অন্ধ্র প্রদেস সরকারনা দ্রোনশিং শীজিন্নদুনা অন্ধ্র প্রদেস রিসর্ভে প্রোজেক্ত(২০২১) পায়খৎলে, শেমদোক-শাদোকপা ঙমদবা দিজিতেল লেন্দ তাইতলশিং পীনবা কন্তিন্যুসলি ওপরেতিং রিফেন্স ষ্টেসন(সি ও আর এস) অমসুং জি.আই.এস শীজিন্নরে। ২০২৫ ফাওবদা, লমগী শরুক লাখ ৮১ রিসর্ভে পাংথোক্তুনা খুঙ্গং ৬,৯০১ কোনশিনখ্রে অমসুং চাউরাক্না ঙমখৈগী য়ানদবা ৮৬,০০০০ রোম য়ানবা পুরকখ্রে।

এক্বাকলচরগীদমক চৌর লমশিং শেমগৎনবা বিহারদা মুখ্যমন্ত্রী সমেকিত চৌর বিকাস য়োজনা(২০২৫) হৌদোকখ্রে, জিলা ২২ শীনবা থুংনা লম হেক্তর ১,৯৩৩ হেনবদা ঙা পুথোকপগী থবক পায়খৎলে।

কৈথেলগী অওনবশিং: মধ্য প্রদেস সৌদা পত্রক (২০২১) না দিজিতেল প্লেতোফোর্মশিংগী খুৎথাংদা লৌমীশিংদগী হকথেংননা এম.এস.পিদা পোৎথোকশিং লৈরে, মন্দিদা চিনবা হন্থহল্লে অমসুং শেন পীবদা অরোন-অথুপ লৈহন্দ্রে। দিশেম্বর ২০২৫ ফাওবদা, ত্রান্সসেক্সন লাখ ১.০৩ হেন্না পাংথোকখ্রে।

অন্ধ্র প্রদেসকী ই-ফারমার্কেত প্লেতফোর্মনা রাইতু ভারোসা কেন্দ্রশিংগী খুৎথাংদা লৌমীশিং অমসুং ললোনবা মীওইশিংগা শম্নহল্লে।

ঈশিং ফংহনবা: অনৌবা স্কিমশিং অমসুং সোলার পম্পশিংগী খুৎথাংদা ঈশিং ফংহনবা হেনগৎহন্নবা অসাম ষ্টেৎ ইরিগেসন প্লান(২০২২) না পান্দম থম্লি, ২০২৪-২৫ ফাওবদা ইথৈ ফংলবা লৌবুক চাদা ২৪.২৮ হেনগৎলে।

উত্তর প্রদেরস গ্রাউন্দ ৱাতর রুলস(২০২০) না লৈনুঙদগী ঈশিং চিংথোকপী নিয়মশিং মপাঙ্গল কনখৎহল্লে, লোয়ননা ঈশিং চিংথোকপা হেনগৎলবসু, ২০২৫ ফাওবদা লৈনুঙগী ঈশিং তপ্ন তপ্না হেনগৎলক্লে।

লৌউ-শিংউদা তেক্নোলোজি অমসুং দিজিতেল: কর্নাতকাগী ফ্রতস প্লেতফোম(২০২০) না লৌমীশিংগী অপুনবা দেতাবেজ অমা শেমদুনা দি.বি.তি, এম.এস.পিদা লৈবা অমসুং মহৈ-মরোং সর্ভে পাংথোকপা ঙমহল্লে, মসিনা লৌমী লাখ ৫৫ হেন্না অমসুং স্কিম কয়া কোনশিল্লে।

লৌবুকশিং খোঙ্গুল লিনবা অমসুং নোংজু-নুংশাদা য়ুম্ফম ওইদুনা থৌরাং শেম-শানবা ঝারখন্দনা জি.আই.এস-বেজ ক্লাইমেত স্মার্দ এগ্রিকলচর এন্দ এগ্রি ষ্টেক স্কিম (২০২৪) হৌদোক্লে, মসিগী অফবা ফলশিং উবা ফংলে। মমাঙগী রোদমেপশিংদা য়ুম্ফম ওইরগা শেমখিবা মরিশুবা বিহারগী এগ্রিকচরল রোদমেপ(২০২৩-২৮) না ঙা অমসুং শঙ্গোম পুথোকপা শিংথাবা য়ানা হেনগৎহল্লে।

লৌউ-শিংউগী লমদা রাজ্যগী থাক্ত অনৌবা থবকশিং পায়খৎপদগী কমদৌনা ভারতকী লৌউ-শিংউগী থবকশিং চাউখৎলকপগে হায়বা মথক্কী খুদমশিং অসিনা উৎলে।

***