প্রধানমন্ত্রী শ্রী নরেন্দ্র মোদীনা ঙসি নবেম্বর 26 অসি সংবিধান নুমীৎ পাংথোপকগী থৌরমদা  ভারতকী সিতিজেনশিংদা চেপাও ইদুনা 1949 দা সংবিধান অসি পুৱারী ওইবা মওংদা ওইহনখিবা অসিবু নিংশিংলদুনা লৈবাক অসিবু চাওখৎহনবদা মসিনা লৌখিবা লেংদবা থৌদাং অদুবু শিংথাখিরম্মী। মহাক্না হায়খি মদুদি 2015 দা সরকারনা মসিগী শেংলবা দোকুমেন্ত অসি ইকাইখুম্নবা ওইনা নবেম্বর 26  অসি সংবিধান নুমীৎ ওইনা লাওথোকখি।

শ্রী মোদীনা ৱাফম অসিবু পল্লদুনা মতৌ করম্না সংবিধান্না চম্লবা য়ুম্ফম অসিদগী মীশিংনা অৱাংবা থাক্তা লৈবাক্কী সেবা তৌনবগীদমক্তা হেন্না পাঙ্গল হেনগৎহল্লি অমসুং সাংসদ অমদি সংবিধানকী মফমদা ইকাইৎুম্নবা উৎখিবগী মওং অদুগী মতাংদা হায়খি।  মহাক্না 2014 দা সংসদকী থাকশিংদা নোল্লুকপা অমসুং 2019 দা ইকাইখুম্নবগী খুদম ওইনা সংবিধানগী মফমদা লাইবক কত্তুনা নিংশিংখি।  সংবিধান্না মশিং থিঙমদবা সিতিজেনশিংদা মংলান শাগৎনবা অমদি মপুং ফাহন্নবগী থৌনা লৈহল্লি হায়না মহাক্না লুম্না লৌদুনা হায়খি। প্রধানমন্ত্রীনা সংবিধান সভাগী মীহুৎশিংগী মফমদা ইকাইখুম্নবা উৎলদুনা দা. রাজেন্দ্র প্রসাদ, দা. বাবাসাহেব ভীমরাও অম্বেদকর অমসুং অশানবা মীৎয়েংনা সংবিধানবু হেন্না মপুং ফাহনখিবা অতৈ মশক নাইরবা নুপী মীহুৎ কয়াবু নিংশিংখি। মহাক্না সংবিধানগী 60 শুবা কুমওন পাংথোকপা মতমদা গুজরাত্তা পাংথোকখিবা সংবিধান গৌরবকী খোংচৎ অমদি মসিগী 75 শুবা কুমওন কুমওন পাংথোকপা মতমদা সংসদকী মরুওইবা সেসন্দা অমসুং লৈবাকপুম্বগী ওইবা থৌরমগুম্বা রেকোর্দ ওইনখ্রবা মীয়াম তিনখিবা মরুওইবা থৌরমশিংগী মতাংদা হায়খি। প্রধানমন্ত্রীনা হন্দক্কী চহীগী সংবিধান নুমীৎ অসি থোইদোক্না মরুওই মরমদি মসি সরদার বল্লভবাই পতেল অমসুং ভগৱান বিরসা মুন্দাগী 150শুবা মপোক কুমওম, বন্দে মাতরমগী 150শুবা কুমওন অমসুং শ্রী গুরু তেজ বহাদুরজীগী শহীদ ওইখিবগী 350শুবা কুমওনগা লোয়ননা চান্নবা অসিগী মতাংদা মহাক্না লুম্না লৌদুনা হায়খি। শ্রী মোদীনা হায়খি মদুদি মীতিক মীরৌ ফবা অমসুং মায় পাকপগী মিংচৎ উরোং খিনবা ঙম্বদা ঐখোয়গী ইথৌদাং অসিনা খ্বাইদগী হেন্না লৌবগী মতাংদা নিংশিংহল্লি, খুদম ওইনা সংবিধানগী আর্তিকল 51এ. দা চলহনখিবা। মহাক্না হক ইথৌদাংশিং অসি ঙাকপদগী থোরকপনি হায়বগী মহাত্মা গান্ধীগী থাজবা অসিবু নিংশিংখি।শ্রী মোদীনা ৱাফম অসিদা লুম্না লৌদুনা হায়খি মদুদি ইথৌদাং অসি মপুং ফাহনবা অসি খুন্নাইগী ওইবা অমসুং শেলগী ফীভম ফগৎলকপগী য়ুম্ফম্নি। শ্রী মোদীনা তুংদা লাক্কদৌরিবা মতমগী মায়কৈরোমদা য়েংলদুনা হায়খি মদুদি মসিগী হন্দক্কী চহী চা অসি হৌখিবা চহী  25 শুখ্রে, অমসুং শুপ্নতগী চহী কুনখক্তদা ভারতনা মীনাই নাইথাংগী লৈঙাক্তগী নিং তম্বা ফংখিবা অসি চহী 100 মপুং ফারগনি। 2049 দা, সংবিধান অসিবু চৎনখিবা চহী চামা শুরগনি। মহাক্না ৱাফম অসিদা লুম্না লৌরদুনা ঙসি লৌখিবা ৱারেপ অমসুং চৎন-কাংলোনশিং অসি লাক্কদৌরিবা মীরোলশিংগী পুন্সিদা য়াইফবা ওইহল্লগনি।

প্রধানমন্ত্রীনা সিতিজেনশিংদা ভারত অসি বিকশিত ভারত অমা ওইহন্নবগী ৱাশক অদু হেন্না খুমাং চাওশিলহন্নবগীদমক্তা মশাগী মথৌদাংনা খ্বাইদগী মরুওইনা থমগদবনি হায়না হায়খি।

প্রধানমন্ত্রীনা সিতিজেনশিংদা মশাগী হক শিজিন্নদুনা গনতন্ত্র অসিবু হেন্না ফগৎহন্নবগী থৌদাংদা কন্না হায়খি অমসুং স্কুল অমসুং কোলেজশিংদা চহী 18 মপুং ফাবগা ইহান হানবা ওইনা ভোত্তর ওইরবশিংবু ইকাই খুম্নরদুনা সংবিধান নুমীৎ পাংথোকসি হায়খি। মহাক্না থাজবা উৎলদুনা নহাশিংদা মথৌদাং অমসুং চাওথোকচবগী ৱাখল্লোন অসি লৈহনবদা গনতন্ত্রিক ভেল্যু অমসুং লৈবাক অসিগী তুংলমচৎ অসি হেন্না ফগৎহনগনি হায়না ফোংদোকখি। প্রধানমন্ত্রীনা মহাক্কী চেপাও অসিগী লোইশিল্লকপদা  সিতিজেনশিংদা মসিগী অথোইবা লৈবাক অসিগী সিতিজেন ওইনা চাউখৎপা অমসুং পাঙ্গল লৈরবা  ভারত ওইহনবদা মপুং ওইবা থৌদাং ফংনবা মশাগী মথৌদাংশিং মপুং ফাহন্নবগী ৱাশক অদু মপুং ফাহন্নবা হায়খি।

“সংবিধান নুমীৎসিদা ঐহাক্না লৈবাক অসিগী ঐহাক্কী ইমুং-মনুংগী মীশিংগী মিংদা চেপাও অমা ইজরি। মসিদা ঐখোয়গী সংবিধানগী অথোইবা, পুন্সিদা মরুওইবা থৌদাংশিং অমসুং অহানবা ভোত্তর ওইবগী নুংঙাইবগী থৌরম অসি করিগীদমক্তা পাংথোক্কদৌরিবনো হায়বা হীরমশিংগী মতাংদা হায়খি… “

“PM @narendramodi না সংবিধানগী নুমিত্তা ভারতকী সিতিজেনশিংদা চেপাও অমা ইখি। মসিদা পাবিয়ু!

nm-4.com/MSNypJ”

“ভারতকী সংবিধান অসি লৈবাক অসিবু মখা তানা লৈবাক অসি ময়েক শেংনা অমদি অচেৎপা ৱাশক্কা লোয়ননা খুমাং চাওশিলহল্লিবা শেংলবা দোকুমেন্ত অমনিঃPM @narendramodi”

“ঐহাক্কুম্বা ইচম চম্বা অমসুং শেলগী ফীভম ফত্রবা চহী 24 দগী হেন্না লেপ্তনা সরকারগী লুচিংবা অমা ওইনা সেবা তৌবা ঙমহল্লিবা অসি ঐখোয়গী সংবিধানগী মপাঙ্গলননি।: PM @narendramodi”

“বিকশিত ভারত অমা ওইহন্নবগী ঐখোয়গী মংলান অসি মপুং ফাহন্নবগীদমক্তা মতম পুম্নমক্তা ঐখোয়গী ৱাখলদা ঐখোয়গী ইথৌদাংশিংনা খ্বাইদগী মরুওইনা লৌগদবনি।”

“ঙসি ঐখোয়না শেম্লিবা থৌশিলশিং, লৌরিবা ৱারেপ অসিনা লাক্কদৌরিবা মীরোলশিংগী পুন্সিদা য়াইফবা ওইহল্লগনি।.”

“ঐখোয়না তৌরিবা থবক খুদিংনা ঐখোয়গী গনতন্ত্র অমসুং লৈবাক অসিগী পান্দমশিং অমসুং শাফগদবশিং অসি মখা তানা ফগৎহনগনি।”

“ঐখোয়গী সংবিধান শেম্বিরম্লিবশিংগী মংলানশিং মপুং ফাহনবা অসি ঐখোয়গী ইথৌদাংনি। থৌদাং অসিগী ৱাখল্লোনগা লোয়ননা থবক তৌবা তারবদি ঐখোয়গী খুন্নাইগী অমদি শেলগী ফীভম অসি শরুক অনি হেন্না ফগৎলক্কনি।.”

“ঐখোয়গী গনতনত্রনা ঐখোয়দা ভোৎকী হক পীবিরি। সিতিজেন অমা ওইনা কৈদৌনুংদা ঐখোয়না রেজিস্তর তৌরিবা মফমদা লৈবাক্কী, রাজ্যগী অমসুং লোকেলগী ভোৎশিং থাদবগী থৌদাংগী খুদোংচাবা অদু মাংহল্লোইদবনি তৌরোইদবনি।”

“সংবিধানগী নুমীৎ অসিদা ঐখোয়গী অথোইবা লৈবাক অসিগী সিতিজেন অমা ওইনা ঐখোয়গী ইথৌদাং অসি মপুং ফানা পাংথোক্নবগীদমক্তা ঐখোয়গী ৱাশক অসি হেন্না চেৎশিলহনগদবনি।”

Let us, on this Constitution Day, reaffirm our pledge to fulfil our duties as citizens of this great nation. pic.twitter.com/wCWaXW2pEJ

— PMO India (@PMOIndia) November 26, 2025

***