তথ্য আৰু সম্প্ৰচাৰ মন্ত্ৰালয়
এআই যুগত বৃদ্ধি পোৱা ভুল তথ্যৰ মাজত প্ৰেছৰ বিশ্বাসযোগ্যতা ৰক্ষা কৰাটো আমাৰ সামূহিক দায়িত্ব
এআইয়ে কেতিয়াও মানৱ মন- বিচাৰ, বিবেক আৰু দায়িত্ববোধৰ ঠাই ল’ব নোৱাৰে যিয়ে এজন সাংবাদিকক পথ প্ৰদৰ্শন কৰে: পিচিআই
ক্ৰমে পৰম্পৰাগত আৰু ছ’চিয়েল মিডিয়াত গতি আৰু এংগেজমেণ্ট দুয়োটাৰে স্থান সঠিকতাক ল’বলৈ দিয়ক: প্ৰেছ ট্ৰাষ্ট অৱ ইণ্ডিয়াৰ চিইঅ’
নতুন দিল্লীত অনুষ্ঠিত ৰাষ্ট্ৰীয় প্ৰেছ দিৱসৰ অনুষ্ঠানত শ্ৰী অশ্বিনী বৈষ্ণৱে অংশগ্ৰহণ কৰে
Posted On:
16 NOV 2025 4:44PM by PIB Guwahati
গণতান্ত্ৰিক দেশৰ নাগৰিকৰ বাবে প্ৰেছ চকু আৰু কাণ। আমি ৰাষ্ট্ৰীয় প্ৰেছ দিৱস উদযাপন কৰাৰ সময়ত এআই যুগত বৃদ্ধি পোৱা ভুল তথ্যৰ মাজতে নাগৰিকক সবলীকৰণৰ বাবে প্ৰেছৰ বিশ্বাসযোগ্যতা ৰক্ষা কৰাটো অতি গুৰুত্বপূৰ্ণ। আজি নতুন দিল্লীৰ নেশ্যনেল মিডিয়া চেণ্টাৰত অনুষ্ঠিত এক অনুষ্ঠানত অংশগ্ৰহণকাৰীসকলে উদ্বেগজনক ৰূপত এই আৱেগ প্ৰকাশ কৰে। অনুষ্ঠানটোৰ সুৰ নিৰ্ধাৰণ কৰি, এইবাৰৰ বিষয়বস্তু- “উত্থানশীল ভুল তথ্যৰ মাজত প্ৰেছৰ বিশ্বাসযোগ্যতা ৰক্ষা কৰা”, পিচিআইৰ অধ্যক্ষ ন্যায়াধীশ (অৱসৰপ্ৰাপ্ত) ৰঞ্জনা প্ৰকাশ দেশাইয়ে কয়, “এআইয়ে কেতিয়াও মানৱ মনৰ ঠাই ল’ব নোৱাৰে”। প্ৰতিজন সাংবাদিকক পথ প্ৰদৰ্শন কৰা বিচাৰ, বিবেক আৰু দায়িত্ববোধে ভুল তথ্যৰ প্ৰসাৰ ৰোধ কৰিব লাগিব।
তেওঁৰ মূল ভাষণত পিটিআইৰ চিইঅ’ বিজয় যোশীয়ে ইনফ’ডেমিকৰ বিৰুদ্ধে যুঁজিবলৈ তেওঁৰ সমাধানৰ প্ৰস্তাৱ আগবঢ়ায়, যিটো আমি সকলোৱে আজি সমাজ হিচাপে সন্মুখীন হৈছো। তেওঁ কয়, “পৰম্পৰাগত সংবাদ মাধ্যমত গতি আৰু ডিজিটেল মাধ্যমত এআই এলগৰিদমৰ দ্বাৰা চালিত এংগেজমেণ্টৰ স্থান সঠিকতাক ল’বলৈ দিয়ক”। এই অনুষ্ঠানত কেন্দ্ৰীয় তথ্য আৰু সম্প্ৰচাৰ, ৰে'লৱে, আৰু ইলেক্ট্ৰনিকছ আৰু তথ্য প্ৰযুক্তি মন্ত্ৰী শ্ৰী অশ্বিনী বৈষ্ণৱ উপস্থিত থাকে। কেন্দ্ৰীয় তথ্য আৰু সম্প্ৰচাৰ আৰু সংসদীয় পৰিক্ৰমা ৰাজ্যিক মন্ত্ৰী ড° এল মুৰুগান, তথ্য আৰু সম্প্ৰচাৰ মন্ত্ৰালয়ৰ সচিব শ্ৰী সঞ্জয় জাজু আৰু পিচিআইৰ সম্পাদিকা শ্ৰীমতী শুভা গুপ্তাও উপস্থিত থাকে।
দায়িত্বশীল সাংবাদিকতাৰ আহ্বান পিচিআইৰ
ন্যায়াধীশ ৰঞ্জনা প্ৰকাশ দেশাইয়ে সংবাদ মাধ্যমৰ স্বাধীনতা ৰক্ষা আৰু উচ্চ সাংবাদিকতাৰ মানদণ্ড বজাই ৰখাৰ পিচিআইৰ দ্বৈত দায়িত্বৰ ওপৰত আলোকপাত কৰে। বিশেষকৈ এতিয়া যেতিয়া ভুল তথ্য আৰু প্ৰযুক্তিৰ অপব্যৱহাৰ বৃদ্ধি পাইছে, তেতিয়া সাংবাদিকতাৰ বাবে সততা, সঠিকতা আৰু সঠিক তথ্য ভাগ-বতৰা কৰাৰ প্ৰতিশ্ৰুতিৰ প্ৰয়োজন বুলিও কয় তেওঁ।
পিচিআইয়ে কমিটী আৰু তথ্য সন্ধানকাৰী দল গঠন কৰা বুলি উল্লেখ কৰি তেওঁ সাংবাদিকসকলক দায়িত্বশীলভাৱে কাম কৰিবলৈ আৰু প্ৰতিটো তথ্য পৰীক্ষা কৰিবলৈ সোঁৱৰাই দিয়ে। কল্যাণমূলক আঁচনি আৰু বীমাৰ জৰিয়তে সাংবাদিকসকলৰ বাবে আৰ্থিক সুৰক্ষাৰ ওপৰতো গুৰুত্ব আৰোপ কৰে আৰু কয় যে পিচিআইৰ ইন্টাৰশ্বিপ কাৰ্যসূচীয়ে যুৱ সাংবাদিকসকলক নৈতিক পদ্ধতি শিকিবলৈ সহায় কৰে।
তেওঁ লগতে কয় যে এআই উপযোগী হ’ব পাৰে যদিও ইয়াৰ অপব্যৱহাৰ ৰোধ কৰিবলৈ পিচিআই সজাগ হৈ থাকে। তেওঁ জোৰ দি কয় যে এই সঁজুলিবোৰ যিমানেই উন্নত নহওক কিয়, মানুহৰ মন– বিচাৰ আৰু বিবেকৰ ঠাই কেতিয়াও ল’ব নোৱাৰে।
এআই যুগত বিশ্বাসযোগ্যতা বজাই ৰখা
পিটিআইৰ চিইঅ’ শ্ৰী বিজয় যোশীয়ে কয় যে গণতন্ত্ৰৰ নৈতিক চকীদাৰ হিচাপে সংবাদ মাধ্যমে শক্তিশালী নৈতিকতা বজাই ৰাখিব লাগিব। পেইড নিউজ, এডভাৰটৰিয়েল আৰু হালধীয়া সাংবাদিকতাই জনসাধাৰণৰ আস্থা ক্ষতিগ্ৰস্ত কৰা বুলি তেওঁ সকীয়াই দিয়ে। ডিজিটেল বিঘিনিয়ে এতিয়া সঠিকতাৰ সলনি এংগেজমেণ্টক অগ্ৰাধিকাৰ দিয়ে, পক্ষপাতমূলক তথ্যৰ সৃষ্টি কৰে। সত্য আৰু ভুল তথ্য কিমান ক্ষীপ্ৰতাৰে মিহলি হ’ব পাৰে কৰ’না মহামাৰীয়ে দেখুৱাই দিলে, যিটো বিপদ আজি এআইয়ে আৰু অধিক ভয়াৱহ কৰি তুলিছে।
তেওঁ লগতে আলোকপাত কৰে যে সাংবাদিকসকলে পৰীক্ষাযোগ্য সত্য নিশ্চিত কৰাৰ বাবে ভাগ-বতৰা দায়িত্ব ল’ব লাগিব। তেওঁ ৯৯খন বাতৰি কাকতে প্ৰতিষ্ঠা কৰাৰ পিছৰে পৰা পিটিআইৰ সত্য, সঠিকতা, ন্যায় আৰু স্বাধীনতাৰ উত্তৰাধিকাৰৰ ওপৰত আলোকপাত কৰে। তেওঁ জোৰ দি কয় যে গতিৰ আগত সদায় সঠিকতা আহিব লাগিব আৰু বাতৰিবোৰ যিকোনো এজেণ্ডাৰ পৰা মুক্ত হ’ব লাগিব।
তথ্য পৰীক্ষাৰ দৰে পদক্ষেপে বহুস্তৰীয় পৰীক্ষণৰ দ্বাৰা ভুল তথ্যৰ বানপানী প্ৰতিহত কৰাত সহায় কৰে। তেওঁ কয় যে বিশ্বাসযোগ্যতা ৰক্ষাৰ বাবে ভৱিষ্যতৰ সাংবাদিকসকলক নৈতিকতা আৰু সমালোচনাত্মক চিন্তাধাৰাৰ প্ৰশিক্ষণ দিয়াৰ প্ৰয়োজন। যোশীয়ে সোঁৱৰাই দিয়ে যে সংবাদ মাধ্যমৰ স্বাধীনতা তথ্য পৰিৱেশ তন্ত্ৰ প্ৰদূষণ কৰাৰ অনুজ্ঞাপত্ৰ নহয় আৰু সাংবাদিকতা হৈছে বিশ্বাসৰ ওপৰত নিৰ্মিত এক জনসেৱা।
ভাৰতীয় প্ৰেছ কাউন্সিলৰ বিষয়ে
১৯৬৬ চনত (১৯৭৯ চনত পুনৰ প্ৰতিষ্ঠা) অৰ্ধ-ন্যায়িক কৰ্তৃপক্ষ হিচাপে সংসদৰ এখন আইনৰ দ্বাৰা ভাৰতীয় প্ৰেছ কাউন্সিল গঠন কৰা হৈছিল, যাৰ উদ্দেশ্য আছিল ছপা মাধ্যমৰ বাবে আভ্যন্তৰীণ স্ব-নিয়ন্ত্ৰণ ব্যৱস্থা থকা যাতে মুক্ত আৰু দায়িত্বশীল প্ৰতিবেদন নিশ্চিত কৰিব পৰা যায়। তেতিয়াৰ পৰাই প্ৰেছ কাউন্সিলে সংবাদ মাধ্যমৰ স্বাধীনতা সুৰক্ষিত আৰু সংৰক্ষণৰ বাবে আৰু দেশৰ বাতৰি কাকত আৰু সংবাদ সংস্থাৰ মানদণ্ড উন্নত কৰাৰ বাবে অহৰহ চেষ্টা চলাই আহিছে, লগতে বিধায়িনী দল আৰু অন্যান্য কৰ্তৃপক্ষৰ পৰামৰ্শদাতা সংস্থা হিচাপেও উল্লেখযোগ্য ভূমিকা পালন কৰি আহিছে।
******
Dharmendra Tewari/ Mahesh Kumar/AA
(Release ID: 2190639)
Visitor Counter : 5
Read this release in:
Gujarati
,
Khasi
,
English
,
Urdu
,
हिन्दी
,
Marathi
,
Odia
,
Tamil
,
Telugu
,
Kannada
,
Malayalam