প্রধানমন্ত্রীগী লোইশঙ
প্রধান মন্ত্রীনা ‘ওর্দর ওফ দি রিপব্লিক ওফ ত্রিনিদাদ অমসুং তোবেগো’ পীবগী থৌরমদা পীখিবা ৱারোল
प्रविष्टि तिथि:
04 JUL 2025 10:45PM by PIB Imphal
নমস্কার
ময়াম পুম্নমক্তা গুদ মোর্নিং,
রাস্ত্রপতি ক্রিস্তিন কাঙ্গালুজী,
প্রধান মন্ত্রী, কমলা পর্সাদ-বিসেসর জী,
ইকাই খুম্নরবা মীথুংলেনশিং,
ঐহাকপু জাতিগী খ্বাইদগী ৱাংবা ইকাই খুম্নবা, 'ওর্দর ওফ দি রিপব্লিক ওফ ত্রিনিদাদ এন্দ তোবেগো' পীবগীদমক্তা ঐহাক্না অদোম্বু, অদোমগী সরকার অমসুং অদোমগী মীয়ামদা থাগৎপা ফোঙদোকচরি।
মসিগী ইকাই খুম্নবা অসিনা ঐখোয়গী লৈবাক অনিগী মরক্তা লৈরিবা মতম চুপ্পগী ওইবা অমসুং অচেৎপা মরুপ-মপাং ওইবগী মরী অদুবু উৎলি। ভারত মচা কোতি ১৪০গী মায়কৈদগী ঐহাক্না ময়ামগীদমক্তা চাউথোকচবগা লোইননা লৌজরি।
মরুপশিং,
মসিগী ইকাই খুম্নবা অসি অহানবা ওইনা মপানগী লুচিংবা অমদা পীবা অসিনা ঐখোয়গী অখন্নবা মরীগী অসিবু কয়া য়াম্না চেৎপগে হায়বদু উৎলি। ঐখোয়গী মরী অসি ঐখোয়গী মরক্তা লৈনরিবা পুৱারী অমসুং চৎনবীগী ওইবা হেরিতেজ অসিগা য়াম্না হকচিন্না মরী লৈনৈ।
চহি ১৮০গী মমাংদা ভারত্তগী মফম অসিদা লাকখিবা মীওইশিংনা ঐখোয়গী মরুপ-মপাং ওইবগী য়ুম্ফম থোনখি। মখোয় অসি খুৎতা করি অমত্তা য়াওদনা লাক্লবসু, মখোয়গী ৱাখল্লোনশিং অদু ভারতকী সিভিলাইজেসন, কলচর অমসুং দাইভর্সিতীনা মরাং কায়হনখি। মখোয়না হুল্লম্বা পুকচেল-খোওইজেল তিন্ননা অমসুং ননুংশি-চান্ননা লৈমিন্ননবগী মরু অদুনা হৌজিক ত্রিনিদাদ অমসুং তোবেগোগী চাউখৎপা অমসুং নুংঙাই-য়াইফবগী মওংদা শাৎলক্লি।
ঙসি ফাওবদা ভারত মচাশিংনা ঐখোয়গী মরক্তা লৈরিবা চৎনবীশিং, কলচর অমসুং হৌন-লোনচৎশিং অদু ঙসি ফাওবা ঙাক-শেন্দুনা থম্বা অসি চাউথোকচনিংঙাইনি। রাস্ত্রপতি কাঙ্গালুজী অমসুং প্রধান মন্ত্রী কমলা জী অসি কম্যুনিতী অসিগী খ্বাইদগী চাউবা ব্রান্দ এম্বেসেদরশিংনি। লৈবাক অনিগী মরক্তা চৎনবীগী ওইবা এক্সচেঞ্জ অসি খোঙথাং খুদিংদা উবা ফংই।
মরুপশিং,
রাস্ত্রপতি কাঙ্গালুগী পারি-পুরিশিং অসি তামিল নাদু, সেন্ত তিরুৱাল্লুৱরগী লমদমদগীনি। চহি লিশিং কয়াগী মমাংদা, সেন্ত তিরুৱাল্লুৱরনা হায়রম্মি:
पडई कुडी कूळ् अमईच्चु नट्परन् आरुम्
उडैयान् अरसरुळ् एरु
মসিনা তাকপদি - মপাঙ্গল লৈবা লৈবাক অমনা পোৎলম তরুক লৈগদবনি: থৌনা ফরবা লান্মী, মরৈবাল নীংবা নাগরিকশিং, রিসোর্সশিং, অফবা মীহুৎশিং, মপাঙ্গল লৈবা ঙাকশেল... অমসুং মতম পুম্নমক্তা নহাক্কীদমক্তা লেপ্পীবা মরুপ-মপাং ওইবা লৈবাকশিং। ত্রিনিদাদ অমসুং তোবেগো অসি ভারতকীদমক্তা য়াম্না নুংশি-চান্নবা মরুপ ওইরিবা লৈবাক অমনি।
ঐখোয়গী মরী অসিদা ক্রিকেৎকী নুংঙাইবা অমসুং ত্রিনিদাদিয়ন পেপরগী স্পাইসশিং য়াওরি। কালিপসোগী তানথানা তাবলাগী তালগা চুশিন্নরকপা মতমদা, ঐখোয়গী মরী অসি হেন্না নিংথীনা অমা ওইরকই। ঐখোয়গী কলচর অনিগী মরক্তা নুংশি-চান্ননা লৈরিবা মরী অসি ঐখোয়গী মরীগী অচৌবা মপাঙ্গল অমনি।
মরুপশিং,
ঐহাক্না মসিগী ইকায় খুম্নবা অসি ঐখোয়গী মরী অসিগীদমক্তা থৌদাং অমা ওইনা লৌই। নক্নবা অমসুং থাজবা থম্লবা পার্তনর অমা ওইনা, ঐখোয়না ত্রিনিদাদ অমসুং তোবেগোগী মীয়ামগীদমক স্কিল দিবেলপমেন্ত অমসুং কেপাসিতী বিল্দিংগীদমক্তা মতম পুম্নমক্তা অখন্নবা মীৎয়েং থম্লি। ভারতকী ওইনা ত্রিনিদাদ অমসুং তোবেগো অসি CARICOMদা মরুওইবা পার্তনর অমা ওইবতা নত্তনা মালেমগী ওইনা মরুওইবা পার্তনর অমসুনি।
ঐখোয়গী মরকক্তা খূৎশম্ননা থবক তৌমিন্নবা অসি মালেমগী খা থংবা শরুক পুম্নমক্কীদমক য়াম্না মরু ওই। চং-থৌরবা দেমোক্রেশি অনি ওইবনা, এখোয়না ঐখোয়গী লৈবাক অনি অমসুং মীওইবা খুন্নাইগী য়াইফনবগীদমক্তা ঐখোয়না মখাতানা পুন্না থবক তৌমিন্নখিগনি।
এক্সেলেন্সী,
অমুক্কা হন্না, ভারত মচা কোতি ১৪০গী মায়কৈদগী, ঐহাক্না মসিগী ইকাই খুম্নবা অসিগীদমক্তা থমোই শেংনা থাগৎপা ফোংদোকচরি। মসিগী শকখঙবীবা অসিনা ঐখোয়বু হীরম খুদিংমক্তা হেন্না ৱাংবা থাক অমা ফংবা ঙম্নবা মখাতানা পুক্নিং থৌগৎখিগনি।
ময়াম্বু য়াম্না থাগৎচরি।
***
(रिलीज़ आईडी: 2188521)
आगंतुक पटल : 10
इस विज्ञप्ति को इन भाषाओं में पढ़ें:
Punjabi
,
Urdu
,
Bengali
,
Assamese
,
Telugu
,
Malayalam
,
English
,
Marathi
,
हिन्दी
,
Gujarati
,
Odia
,
Tamil
,
Kannada