প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা ছত্তিসগরগী নবা রাইপুরদা ছত্তিসগর বিধানসভাগী অনৌবা বিল্দিং শঙ্গাখ্রে
ঙসি ছত্তিসগরনা মাগী অপাম্বশিংগী অনৌবা পনখৈ অমদা লেপ্পী; মসিগী চাউথোকচরবা থৌরম অসিদা ঐহাক্না রাজ্য অসি শেম্নবা লমজিংখিবা মীৎয়েং শানবা অমসুং মীনুশিং লৈবা লুচিংবা – ভারত রত্ন, ইকাই খুম্নরবা শ্রী অতল বিহারি বাজপায়ীজীদা ইকাই খুম্নবা উৎচরি: পি.এম.
ঙসি লৈবাক পুম্বনা হেরিতেজ অমসুং দিবেলপমেন্ত অনিমক পুন্না শাগোন্নদুনা মাংদা চংশিল্লি: পি.এম.
ভারত অসি দেমোক্রেসীগী মমানি: পি.এম.
ভারতনা নক্সালিজম অমসুং মাওইস্ত তেরোরিজমগী মুথৎনবা মাইকৈদা হৌজিক চংশিল্লি: পি.এম.
বিধানসভা অসি শুপ্নগী লো শেম্নবা মফম অমা খক্তা নত্তে অদুবু ছত্তিসগরগী লাইবক লেপ্নবগীদমক অচৌবা মফম অমনি: পি.এম.
Posted On:
01 NOV 2025 2:59PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ছত্তিসগরগী নবা রাইপুরদা ছত্তিসগর বিধানসভাগী অনৌবা বিলদিং শঙ্গাখ্রে। থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসি অসি ছত্তিসগরগী চাউখৎ থৌরাংগী খোঙচৎকী সনাগী তাঙ্কক অমনি। মহাক্না হায়খি মদুদি মহাক মশামক্কী ওইনা, ঙসি অসি য়াম্না নুংঙাইবা অমসুং মরু ওইবা নুমিৎ অমনি। মহাক্না লমদম অসিগা লোয়ননা চহি তরাগী খুজিং কয়াদগী লৈরক্লবা মহাক্কী থম্মোয়গী ওইবা মরী অদু ফোংদোকখি। মহাক্না পার্তীগী থবক তৌরিঙৈ মতমশিং অদু নীংশিংলদুনা শ্রী মোদীনা হায়খি মদুদি মহাক্না ছত্তিসগরদা মতম কুইনা লৈখি অমসুং কয়া অমা তমখি। মহাক্না ছত্তিসগরগী ভিজন, মসি শেমগৎপগী ৱারেপ অমসুং ৱারেপ অদু মপুং ফাহনবগী মতাংদা নৌহৌননা নীংশিংখি। মহাক্না হায়খি মদুদি মহাক্না ছত্তিসগরগী অহোংবা লাকপগী তাঙ্কক খুদিং উবা ফংলি। রাজ্য অসিনা চহি 25গী খোঙচৎ অসিদা মরুওইবা মাইলস্তোন অমা য়ৌরকপদা, মহাক্না মসিগী তাঞ্জা অসিগী শরুক ওইবগী খুদোংচাবা ফংলকপদা থাগৎপা ফোংদোকখি। সিলভর জুবিলীগী থৌরমদা, প্রধান মন্ত্রীনা হায়খি মদুদি রাজ্য অসিগী মীয়ামগীদমক অনৌবা এসেমব্লী বিল্দিং শঙ্গাবদা মহাক্না নুংঙাইবা ফাওই। মহাক্না ছত্তিসগরগী মীয়াম অমসুং রাজ্য সরকারবু থৌরম অসিদা য়াইফ-পাউজেল পীখি অমসুং নুংঙাইবা ফোংদোকখি।
শ্রী মোদীনা হায়খি মদুদি “চহি অসি, 2025অসি ভারতকী সংবিধানবু নাগরিকশিংদা কত্থোকখিবা চহি 75 মপুং ফারকপগা লোয়ননা ইন্দিয়া রিপব্লিক্কী অমৃতকী চহি ওইগনি”। পুৱারী ওইরবা থৌরম অসিদা মহাক্না লমদম অসিগী কন্সতিত্যুএন্ত এসেমব্লীগী মশক নইরবা মেম্বরশিং শ্রী রবিশঙ্কর শুক্লা, বেরিস্তর থাকুর চেদিলাল, শ্রী ঘনশ্যাম সিংহ গুপ্তা, শ্রী কিশোরী মোহন ত্রিপাথি, শ্রী রামপ্রসাদ পোতাই অমসুং শ্রী রাঘুরজ সিংহবু ইকায় খুম্নবা উৎখি – মখোয়না মতম অদুদা লমদম অসি শোত্থজরবসু দিল্লীদা য়ৌখি অমসুং বাবাসাহেব অম্বেদকরগী লুচিং মখাদা সংবিধান শেমগৎপদা মরুওইবা থৌদাং লৌখি।
প্রধান মন্ত্রীনা হায়খি মদুদি ঙসি অসি ছত্তিসগরগী পুৱারীদা সনাগী তাঙ্কক অমনি। অচৌবা অমসুং মোদর্ন এসেমব্লী বিল্দিং অসি শঙ্গাবগা লোয়ননা মহাক্না হায়খি মদুদি মসি বিল্দিং অমগী থৌরম খক্তা নত্তে, মসি মীয়ামগী অপাম্বা, ৱাখিবা অমসুং চাউথোকচবগী চহি 25গী কুমহৈ অমনি। “ঙসি, ছত্তিসগরনা মাগী অপাম্বশিংগী অনৌবা অৱাংবা থাক্তা লৈরে; মসিগী চাউথোকচনীংঙাই ওইরবা থৌরম অসিদা, ঐহাক্না মীৎয়েং শানবা অমসুং মীনুংশি লৈবা লুচিংবা, মহাক্কী ৱাখল্লোননা রাজ্য অসিবু শেমগৎপা ঙমহনখি – ভারত রত্ন, ইকাই খুম্নরবা শ্রী অতল বিহারি বাজপায়ীজীদা অদুবু ইকায় খুম্নবা উৎচরি," হায়না শ্রী মোদীনা ফোংদোকখি। মহাক্না নীংশিংখি মদুদি 2000দা অতলজীনা ছত্তিসগর রাজ্য শেমখিবা অসি এদমিনিস্ত্রেতিবকী ৱারেপ খক্তমক নত্তে, মসি চাউখৎপগী অনৌবা লম্বীশিং হাংদোক্নবা অমসুং ছত্তিসগরগী থম্মোয়বু মশক খঙদোক্নবা খোঙথাং অমনি। প্রধান মন্ত্রীনা হায়খি মদুদি ঙসি এসেমব্লী বিল্দিং শঙ্গাবগা লোয়ননা অতল জীগী মীতম অমা মাইখুম হাংখ্রে, অমসুং থম্মোয়না হায়রি, "অতল জী, য়েংবীয়ু, অদোমগী মঙলান অসি মংফাওনরে। অদোম্না পামখিবা ছত্তিসগর অসি হৌজিক্তি মশানা মশাদা থাজবা লৈরে অমসুং চাউখৎপগী অনৌবা অৱাংবা থাক্তা য়ৌরে।"
ছত্তিসগর লেজিসলেতিব এসেমব্লীগী পুৱারী অসি ইথিলগী হৌরকফম অমনি হায়না পল্লদুনা শ্রী মোদীনা নীংশিংখি মদুদি 200দা মসিগী ফজরবা রাজ্য অসি লিংখৎপা মতমদা, এসেমব্লীগী অহানবা সেসন অসি রাজকুমার কোলেজ, রাইপুরগী জাশপুর হোলদা পাংথোকখি। মতম অদুগী মীওইশিং অসি অকক্নবা রিসোর্সশিং লৈরবসু অৱাংবা থাক্কী মংলানশিং লৈরম্মি। মহাক্না হায়খি মদুদি মতম অদুদা ৱাখল্লোন অমখক্তমক লৈরম্মি: "ঐখোয়না ঐখোয়গী লাইবক অসি খোঙজেল হেন্না য়াংহন্দুনা মঙাল ফহল্লগনি।" প্রধান মন্ত্রীনা হায়খি মদুদি মতুং তারকপদা শেমখিবা এসেমব্লী বিল্দিং অসি হান্ননা অতোপ্পা দিপার্তমেন্ত অমগী য়ুম্ফম ওইরম্মি। মদুদগী, ছত্তিসগরদা গনতন্ত্রগী খোঙচৎ অসি অনৌবা ইনর্জীগা লোয়ননা হৌখি। মহাক্না হায়খি মদুদি ঙসিদি, চহি 25গী মতুংদা, মান্নবা দিমোক্রেসী অমসুং মান্নবা মীওইশিংনা মোদর্ন, দিজিতেল অমসুং মশা-মরোমদোম লেপচবা ঙম্বা এসেমব্লী বিল্দিং অমা শঙ্গাখ্রে।
এসেমব্লী বিল্দিং অসি দেমোক্রেসীগী পিলগ্রিম সাইৎ অমনি হায়না পল্লদুনা প্রধান মন্ত্রীনা হায়খি মদুদি এসেমব্লীগী য়ুমথক খুদিংমক্না ত্রান্সপরেন্সীগী খুদম্নি, কোরিদোর খুদিংমক্না ঐখোয়দা একাউন্তেবিলিতী নীংশিংহল্লি অমসুং চেম্বর খুদিংমক্না মীয়ামগী খোঞ্জেল অদু তাহল্লি। মহাক্না হায়খি মদুদি মফম অসিদা লৌবা ৱারেপশিং অসিনা চহি কয়াগী মতুং ইন্না ছত্তিসগরগী তুংগী পুন্সি শেমগনি। মসিগী ফক্লাংশিং অসিগী মনুংদা ঙাংলিবা ৱাহৈ খুদিংমক রাজ্য অসিগী মমাং, হৌজিক অমসুং তুংগী পুন্সিগী মপুং ওইবা শরুক অমা ওইগনি। শ্রী মোদীনা থাজবা ফোংদোকখি মদুদি বিল্দিং অসিনা চহি তরাগী খুজিং কয়াগী মনুংদা ছত্তিসগরগী পোলিসী, মরাইবক অমসুং পোলিসী মেকরশিংগী সেন্তর অমা ওইনা মথৌ তৌগনি।
প্রধান মন্ত্রীনা হায়খি মদুদি “ঙসিদি লৈবাক পুম্বনা হেরিতেজ অমসুং দিবেলপমেন্ত অনিমক পুন্না শাগোন্নদুনা মাংলোমদা চংশিল্লি”। মহাক্না হায়খি মদুদি মসিগী ৱাখল্লোন অসি সরকারগী পোলিসী অমসুং ৱারেপ খুদিংদা উবা ফংলি। মহাক্না হায়খি মদুদি সেঙ্গোল অসি হৌজিক্তি ভারতকী পার্লিয়ামেন্তপু ইথিল পীরি অমসুং পার্লিয়ামেন্তকী অনৌবা গেল্লরীশিংনা মালেম অসিগা ভারতকী দেমোক্রেসীগী অরিবা হৌরকফমগা শম্নহল্লি। পার্লিয়ামেন্ত কমপ্লেক্সতা হাপখিবা মীতমশিং অসিনা মালেমদা ভারতকী দেমোক্রেসীগী চৎনবীশিংগী অচেৎপা মগুন অদু তাক্লি। শ্রী মোদীনা হায়খি মদুদি হায়রিবা ইথোস অমসুং ৱাখল্লোন অসি ছত্তিসগরগী অনৌবা এসেমব্লীদসু ময়েক শেংনা উবা ফংবদা মহাক্না নুংঙাইবা ফোংদোকখি। অনৌবা এসেমব্লী কমপ্লেক্স অসি রাজ্য অসিগী কলচরেল হেরিতেজগী মগুন অদু উৎলি হায়না মহাক্না ফোংদোকখি। এসেমব্লী অসিগী ইলিমেন্ত খুদিংমক্না ছত্তিসগরগী লমদম অসিদা পোকখিবা শক্নাইরবা মীওইশিংগী ইথিল পীরি। মহাক্না ফোংদোকখি মদুদি লায়রবশিংবু মরুওইনা লৌবা অমসুং 'সবকা সাথ, সবকা বিকাস'কী ৱাখল্লোন অসি মখোয়গী সরকারগী অফবা লৈঙাকপগী মওংনি। মসি ভারতকী সংবিধানগী ৱাখল্লোন অমসুং ঐখোয়গী অথোইবা লুচিংবশিং, অখঙ-অহৈশিং, অমসুং ৱাখল লৈবা মীওইশিংনা পীবা মগুনশিংনি হায়না মহাক্না হায়খি।
প্রধান মন্ত্রী শ্রী মোদীনা হায়খি মদুদি অনৌবা এসেমব্লী বিল্দিং য়েংশিনবা মতমদা, মহাক্না বাস্তর আর্তকী ফজরবা মশক অমা উখি। থা খরগী মমাংদা থাইলেন্দগী প্রধান মন্ত্রীদা বাস্তরগী চপ মান্নবা আর্তৱার্ক অদু পীখিবা অদু মহাক্না নীংশিংখি। মহাক্না মসিবু ভারতকী ক্রিএতিভিতি অমসুং কলচরেল শক্তিগী খুদম অমনি হায়না ফোংদোকখি।
মোদীনা মখা তারদুনা হায়খি মদুদি বিল্দিং অসিগী ফক্লাংশিং অসিদা বাবা গুরু ঘসিদাসজীগী পাউজেল য়াওরি। মসিনা ইনক্লুসিবিতী, পুম্নমক চাউখৎপা অমসুং পুম্নমক ইকায় খুম্নবাগী মগুনশিং তাক্লি। মহাক্না পনখি মদুদি থোঙ চংফম খুদিংমক্না মাতা শাবরীনা তাকপীবা নুংশিবা অদু উৎলি। মসিনা ঐখোয়দা মীথুংলেন অমসুং নাগরিক খুদিংমকপু নুংশি-চান্ননা তরাম্না ওক্নবা নীংশিংহল্লি। প্রধান মন্ত্রীনা হায়খি মদুদি এসেমব্লীগী চৌক্রি খুদিংমক্না সন্ত কবিরনা তাকপীখিবা অচুম্বা অমসুং অকিবা লৈতবগী ৱাখল্লোন অদু উৎলি। মহাক্না মখা তাখি মদুদি বিল্দিং অসিগী ফাউন্দেসন অসি মহাপ্রভু ভল্লবাচার্য়জীগী 'নারা সেবা, নারায়ন সেবা' হায়বা ৱাখল্লোনগী ৱারেপ অদু য়াওরি।
"ভারত অসি দেমোক্রেসীগী মমানি" হায়না হায়রদুনা শ্রী মোদীনা হায়খি মদুদি ভারতকী ত্রাইবেল কম্ম্যুনিতীশিংনা চারোন-শুরোন কয়াদগী দেমোক্রেসীগী চৎনবীশিং ঙাক্তুনা হিংলি। মহাক্না বাস্তরগী মুরিয়া দরবারবু গ্রাসরুৎ দেমোক্রেতিক প্রেক্তিসশিং উৎলিবা "অরিবা পার্লিয়ামেন্ত" অমগী হিংলিবা খুদম অমা ওইনা পনখি। মহাক্না হায়খি মদুদি চহি কয়াদগী, ভারতকী খুন্নাই অমসুং লৈঙাক্না শীংনবশিং কোকহন্নবা পুন্না থবক তৌমিন্নরি। অনৌবা এসেমব্লী বিল্দিং অসিদা মুরিয়া দরবারগী চৎনবী অসিসু মফম অমা পীরকপদা প্রধান মন্ত্রীনা নুংঙাইবা ফোংদোকখি।
শ্রী মোদীনা হায়খি মদুদি এসেমব্লীগী কাচিন খুদিংমক্না ঐখোয়গী অথোইবা লুচিংবশিংগী ৱাখল্লোনশিং অদু উৎলি, মসিগী স্পিকরগী চেয়রদা দোক্তর রমন সিংহগী এক্সপিরিয়েন্ত লিদরশিপ লৈরি। মহাক্না হায়খি মদুদি দোক্তর. রমন সিংহনা মতৌ করম্না অচেৎপা পার্তী ৱার্কর অমনা, কন্না হোৎনদুনা অমসুং থাজবা থমদুনা, দেমোক্রেতিক ইন্সতিত্যুসনশিংবু মপাঙ্গল কনখৎহনবা ঙম্বগী মপাঙ্গল লৈরবা খুদম অমনি।
মা সরস্বতীদা রাস্ত্রকবি নীরালানা লাই খুরুম্বা অদু প্রধান মন্ত্রীনা পনখি, মসি শৈরেং খক্তা নত্তে, মসি নীংতম্লবা ভারতকী নৌনা পোক্নবগী মন্ত্র অমনি হায়না মহাক্না ফোংদোকখি। মহাক্না নীরালানা 'নব গতী, নব লেই, নব স্বর'গীদমক হায়জখিবা অদু পনখি। মসিনা ভারত অসি ত্রেদিসনদা য়ুম্ফম ওইদুনা অদুমকপু তুংলমচৎকী মায়কৈদা থাজবা থম্বা ওইনা চংশিল্লি। ছত্তিসগরগী অনৌবা এসেমব্লীদা লেপ্লদুনা, শ্রী মোদীনা হায়খি মদুদি মসিগী ৱাখল্লোন অসি মফম অসিদা চপ মান্ননা মরী লৈনৈ। মহাক্না বিল্দিং অসিবু 'নব স্বর'গী খুদম অমা ওইনা শন্দোক্না তাকখি। মসিদা মমাংগী এক্সপরিয়েন্সশিংগী ইকোশিংনা অনৌবা মঙলানশিংগী ইনর্জীগা থেংনরি। মসিগী ইনর্জী অসিগা লোয়ননা ঐখোয়না ভারত অমা শেমগদবনি অমসুং চাউখৎপগী লম্বীদা চংশিল্লগা ছত্তিসগরগী হেরিতেজগা শম্নদুনা লৈগদবা ছত্তিসগর অমগী য়ুম্ফম শেমগদবনি হায়না মহাক্না হায়খি।
'নাগরিক দেবো ভাবা' অসি অফবা লৈঙাক্কী লমজিং-লমতাকপা মন্ত্রনি হায়না পল্লদুনা শ্রী মোদীনা মীয়ামগী য়াইফনবা এসেমব্লীদা লৌরিবা ৱারেপ খুদিংমক মরুওইনা লৌগদবনি হায়না অকনবা ৱাফম থমখি। মফম অসিদা চৎনহল্লকপা আইনশিংনা রিফোর্মশিং য়াঙখৎহনগদবনি, নাগরিকশিংগী পুন্সিশিং লাইথোকহনগদবনি, অমসুং দরকার লৈতবা সরকারগী ইথিল হন্থহনগদবনি। মহাক্না হায়খি মদুদি গবর্নান্স অসি লৈতবা ওইরোইদবনি নত্রগা কা হেন্না ওইরোইদবনি। মসিগী বেলেন্স অসি খোংজেল য়াংনা খুমাং চাউশিলহন্নবগী অমত্তা ঙাইরবা অচুম্বা ফোর্মুলানি।
প্রধান মন্ত্রীনা হায়খি মদুদি ছত্তিসগর অসি ভগবান শ্রী রামগী মমাগী ময়ুম্নি। মহাক্না মহাকপু লমদম অসিগী নেফ্যুনি হায়খি। অনৌবা এসেমব্লী কমপ্লেক্স অসিদা শ্রী রামগী ৱাখল্লোনশিং নীংশিংনবগীদমক ঙসিদগী হেন্না ফবা তাঞ্জা অমা লৈরোই হায়না মহাক্না হায়খি। মহাক্না হায়খি মদুদি ভগবান রামগী ভেল্যুশিংনা অফবা লৈঙাক পায়বদা মমল নাইদ্রবা পাউতাক পীরি।
অয়োধ্যাদা রাম মন্দির শঙ্গাবগী থৌরমদা, শ্রী মোদীনা হায়খি মদুদি লৈবাক অসিনা পুন্না ৱারেপ লৌদুনা 'দেবদগী দেশ' অমসুং 'রামদগী রাস্ত্র' ফাওবা ভক্তিদগী নেসন বিল্ দিংদা চংশিনখি। মহাক্না অকনবা ৱাফম থমখি মদুদি 'রাম তু রাস্ত্রা'গী মগুন অসি অফবা লৈঙাক অমসুং মীয়ামগী য়াইফ-থৌরাংদা য়ুম্ফম ওইবা লৈঙাক্কী খুদম ওইবগী ভিজনদা য়ুম্ফম ওইরি। মসিনা ইনক্লুসিব দিবেলপমেন্তকী ৱাখল্লোন 'সবকা সাথ, সবকা বিকাস'বু উৎলি। প্রধান মন্ত্রীনা হায়খি মদুদি “রাম তু রাস্ত্রা”না খুন্নাই অসি লায়রবা অমসুং অৱা-অনাদগী মনিংতম্বা, ভারতনা অৱা-অনা মুত্থৎতুনা মাংলোমদা চংশিল্লিবা লৈবাক অমা ওইহন্নবা পান্দম থম্লি। মহাক্না মখা তাখি মদুদি কনাগুম্বা অমত্তনা অনাবনা মনুং মতম চাদবা শিবা লৈতবা অমসুং হকচাং ফনা অমসুং নুংঙাইনা লৈবা ভারত অমা শেমগৎলিবা লৈবাক অমসুনি। অরোইবদা, মহাক্না হায়খি মদুদি রাম তু রাস্ত্রা হায়বসিনা খেন্নবা লৈতবা খুন্নাই অমা, খুন্নাই খুদিংমক্তা সোসিএল জস্তিস লৈবগী খুদম অমনি।
প্রধান মন্ত্রীনা মখা তানা হায়খি মদুদি রাম তু রাস্ত্রা হায়বসি মীওইবা জাতিগী মায়োক্তা লৈবা ফোর্সশিং মুত্থৎনবা ৱারেপ লৌবগী মশক অমসু ওইরি। মসিনা তেরোরিজম মুত্থৎনবা অচেৎপা ৱাফম অমনি। মহাক্না হায়খি মদুদি মসিগী ৱারেপ অসি ওপরেসন সিন্দুরদা ময়েক শেংনা উৎখি, মদুদা ভারতনা তেরোরিজমগী মপাঙ্গল কায়হনখি। প্রধান মন্ত্রীনা হায়খি মদুদি ভারতনা হৌজিক্না নক্সালিজম অমসুং মাওইস্ত তেরোরিজম মুথৎপগী মায়কৈদা চংশিল্লি, অমসুং মসিগী মমাংদা অমুক্তা ওইখিদ্রিবা মাইপাকপশিং অসিদা চাউথোকচবা ফাওই। চাউথোকচবগী ৱাখল্লোন অসি ছত্তিসগর এসেমব্লীগী অনৌবা মফমদা উবা ফংই।
হৌখিবা চহি 25দা ছত্তিসগরদা ওইরকখিবা অহোংবা অসি মশক থোকপা অমসুং পুক্নিং থৌগৎনিংঙাইনি হায়না পল্লদুনা শ্রী মোদীনা হায়খি, "করিগুম্বা মতমদা নক্সালিজম অমসুং শোত্থনা লৈবগী খঙনরম্বা রাজ্য অসি হৌজিক চাউখৎপা, ঙাকশেল অমসুং তংদু লৈতাবগী খুদম অমা ওইরক্লি।" বাস্তর ওলিম্পিক্সকী মতাংদা হৌজিক লৈবাক শীনবা থুংনা খন্ন-নৈনরি অমসুং নক্সালনা শোকহল্লবা মফমশিংদা চাউখৎ-থৌরাং অমসুং শান্তি অমুক হন্না লাক্লে হায়না মহাক্না ফোংদোকখি। প্রধান মন্ত্রীনা হায়খি মদুদি অহোংবা অসি ছত্তিসগরগী মীয়ামগী কন্না হোৎনখিবগী অমসুং মখোয়গী সরকারগী মিৎয়েং লৈবা লুচিংবগী মহৈনি।
ছত্তিসগরগী সিলভর জুবিলী সেলেব্রেসন অসি হৌজিক্তি হেন্না চাউবা নেস্নেল গোল অমগী হৌরকফম ওইরক্লি হায়না পল্লদুনা প্রধান মন্ত্রীনা হায়খি মদুদি 2047 ফাওবদা চাউখৎলবা ভারত অমগী মংলান ফংবদা ছত্তিসগরনা মরুওইবা থৌদাং অমা লৌগনি। শ্রী মোদীনা মফম অসিদা লৈরিবা মীপুম খুদিংমক্তা এসেমব্লী অসিগী খুত্থাংদা সিস্তেম অমা শেমগৎনবা অমসুং খুদম অমা থম্নবা হায়খি। মসিনা লৈবাক অসিগী রাজ্য খুদিংমকপু অনৌবা পুথোক্নবা অমসুং মিসন অসিদা শরুক য়ানবা পুক্নিং থৌগৎকনি। মহাক্না মফম অসিদা পাংথোকপা দাইলোগশিং, হংলকপা ৱাহংশিং অমসুং মীফম অসিগী থবক থৌরমশিংদা মগুন লৈনবা হায়খি। মহাক্না অকনবা ৱাফম থমখি মদুদি থবক খুদিংমক, মওং খুদিংমক্তা, চাউখৎলবা ছত্তিসগর অমসুং চাউখৎলবা ভারত অমা শেমগৎনবা হোৎনগদবনি।
প্রধান মন্ত্রীনা মখা তারদুনা হায়খি মদুদি ছত্তিসগরগী অনৌবা এসেমব্লীগী অশেংবা চাউথোকচবা অসি মাগী মগুন অদুদা নত্তে, অদুবু মাগী মনুংদা লৌখৎলিবা য়াইফ-থৌরাংগী ওইবা ৱারেপশিং অদুদনি। মহাক্না হায়খি মদুদি হাউস অসিনা ছত্তিসগরগী মঙলান অমসুং আশাশিং অদু কয়া য়াম্না খঙবগে অমসুং মখোয়শিং অদু মপুং ফাহন্নবগীদমক কয়া য়াম্না হোৎনবগে হায়বগী মখা পোল্লি। মহাক্না হায়খি মদুদি ৱারেপ খুদিংমক্না লৌমীশিংগী হোৎনবা কনবা, নহারোলশিংগী মঙলানবু লমজিংবা, নুপীশিংদা অনৌবা আশা পুরকপা অমসুং খ্বাইদগী শোত্থরবা মীওইশিংবু চাউখৎহন্নবা মিদিয়ম অমা ওইনা মথৌ তৌগদবনি। শ্রী মোদীনা হায়খি মদুদি “বিধানসভা অসি আইন শেম্নবা মফম অমা খক্তা নত্তে, অদুবু মসি ছত্তিসগরগী তুংলমচৎ শেম্বগী অচৌবা মফম অমনি”। মহাক্না হায়খি মদুদি হাউস অসিদগী থোরকপা ৱাখল্লোন খুদিংমক্না পব্লিক সর্বিসকী স্পিরিৎ, চাউখৎপগী ৱারেপ অমসুং ভারতপু অনৌবা থাক্তা পুখৎনবগী থাজবা লৈহনগদবনি। মসি ঐখোয়গী অপুনবা পান্দমনি হায়না মহাক্না ফোংদোকখি।
অনৌবা এসেমব্লী বিল্দিং শঙ্গাবগী তশেংবা মরুওইবা অদুদি দিমোক্রেসীদা মথৌবু মরুওইনা লৌবা অমসুং মীয়ামগী পুন্সিদা ঐখোয়গী থৌদাংশিং অদু অচেৎপা মওংদা পাংথোক্নবা অচেৎপা ফিরেপ লৌবনি হায়না পল্লদুনা প্রধান মন্ত্রীনা মীপুম খুদিংমকপু কমপ্লেক্স অসিদগী, মরুওইনা ভারতকী অমৃত চহি অসিদা, মীয়ামগী সেবাদা মখোয়গী পুন্সি কৎথোক্নবা ৱারেপ লৌদুনা থাদোক্নবা হায়খি। মহাক্না মসিগী ফজরবা অনৌবা দেমোক্রেসীগী লাইশং অসি শঙ্গাবগী থৌরম অসিদা ময়াম পুম্নমকপু থম্মোয় শেংনা নুংঙাইবা ফোংদোকখি অমসুং য়াইফ-পাউজেল পীখি।
থৌরম অদুদা ছত্তিসগরগী রাজ্যপাল শ্রী রামেন দেকা, লোক সভাগী স্পিকর শ্রী ওম বির্লা, ছত্তিসগর বিধান সভাগী স্পিকর, দা. রমন সিংহ, ছত্তিসগরগী মুখ্য মন্ত্রী শ্রী বিষ্ণু দেও সাই, কেন্দ্রগী মন্ত্রী শ্রী তোকান সাহু অমসুং অতোপ্পা শক্নাইরবা মীথুংলেনশিংসু শরুক য়াখি।
বেকগ্রাউন্দ
ছত্তিসগর বিধানসভাগী অনৌবা বিল্দিং অসি গ্রীন বিল্দিংগী ৱাখল্লোনদা শেমগৎপনি, মসি মপুং ফানা সোলর ইনর্জীনা চলাইগনি অমসুং মসিদা নোংগী ঈশিং য়োকশিন্নবা সিস্তেম অমা য়াওগনি।
***
(Release ID: 2185329)
Visitor Counter : 10
Read this release in:
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Odia
,
Tamil
,
Telugu
,
Kannada
,
Malayalam