প্রধানমন্ত্রীগী লোইশঙ
প্রধান মন্ত্রীগা ত্রিনিদেদ এন্দ তোবেগোগী প্রেসিদেন্তকা উনখ্রে
Posted On:
04 JUL 2025 11:37PM by PIB Imphal
প্রধান মন্ত্রী শ্রী নরেন্দ্র মোদীগা ঙসি রিপব্লিক ওফ ত্রিনিদেদ এন্দ তোবেগোগী প্রেসিদেন্ত ঐচ.ই. খৃস্তিন কার্লা কঙ্গালুগা পোর্ত ওফ স্পেন্দা লৈবা প্রেসিদেন্ত’স হাউসকা উনখ্রে। মীফম অসি লৈবাক অনিগী মরক্তা লৈনরিবা অচেৎপা মরীবু চেৎশিনহল্লিবা মীফম ওইখি।
প্রধান মন্ত্রীনা মহাক অমদি মহাক্কী দেলিগেসনবু তরাম তরাম্না ওকপিবগীদমক তৌবিমল খঙবা ফোঙদোকখি অমদি ‘ওর্দর ওফ দি রিপব্লিক ওফ ত্রিনিদেদ এন্দ তোবেগো’ লান্থোকপিবগীদমক তৌবিমল খঙবা উৎলদুনা মসি ভারতকী মীওই বিলিয়ন ১.৪ গী ইকায়খুম্নবনি হায়খি।
প্রধান মন্ত্রীনা প্রেসিদেন্ত কঙ্গালুগী মফমদা প্রবাসী ভারতিয় সম্মান এৱার্দ ফংবদা নুংঙাইবা ফোঙদোকখি অমদি মহাক্কী মশক নাইরবা পব্লিক সর্ভিসকীদমক থাগৎপা ফোঙদোকখি। প্রেসিদেন্ত কঙ্গালুনা প্রধান মন্ত্রীগী লুচিং অমদি ভারতকী মঙলানবু থাক ৱাংনা থাঙ্গৎখি।
লুচিংবা অনিনা মীগা মীগগী মরক্তা লৈনরিবা অচেৎপা মরীনা মরা চেৎহল্লিবা লৈবাক অনিগী মরীগী মতাঙদসু ৱাফম কয়া ফোঙদোক্নখি।
প্রধান মন্ত্রীনা গ্লোবেল সাউথ পার্ত্নরসিপ ফগৎহন্নবা ত্রিনিদেদ এন্দ তোবেগো অমদি CARICOM দা মখা তানা ভারতনা মতেঙ পাংখিগনি হায়বা ৱাফম থমখি। প্রধান মন্ত্রীনা প্রেসিদেন্ত কঙ্গালুবু ভারত্তা লাক্নবা পাউজেল পীখি।
***
(Release ID: 2183342)
Visitor Counter : 4
Read this release in:
Odia
,
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam