প্রধান মন্ত্রী শ্রী নরেন্দ্র মোদীনা ঙসি ন্যু দিল্লীগী বিজ্ঞান ভবনদা কৌশল দিক্ষান্ত সমরোহদা লুপা করোর 62,000 হেনবগী নহারোলদা মীৎয়েং থম্বা থৌশিল কয়া হৌদোকখ্রে। লৈবাক শিনবা থুংনা ITIশিংগা মরী লৈনবা মহৈরোই লাখ কয়া অমসুং বিহারগী মহৈরোইশিং অমসুং ওজাশিংদা য়াইফ-পাউজেল পীদুনা, প্রধান মন্ত্রীনা নীংশিংখি মদুদি চহি খরগী মমাংদা, সরকারনা ITIশিংগী মহৈরোইশিংগীদমক পাক-শন্না কনভোকেসন থৌরমশিং পাংথোকপগী অনৌবা চৎনবী অমা হৌদোকখি। মহাক্না হায়খি মদুদি ঙসিগী নুমিৎ অসি চৎনবী অসিগী অতোপ্পা মাইলস্তোন অমা ওইরে।

প্রধান মন্ত্রীনা হায়খি ঙসিগী থৌরম অসিনা ভারতনা স্কিল দিবেলপমেন্তদা পীরিবা অখন্নবা মীৎয়েং অদু উৎলি। মহাক্না লৈবাক শীনবা থুংনা নহারোলশিংগীদমক এজুকেসন অমসুং স্কিল দিবেলপমেন্তকী লমদা মরুওইবা খোংথাং অনি হৌদোক্লে হায়না লাউথোকখি। শ্রী মোদীনা হায়খি মদুদি লুপা করোর 60,000গী PM-SETU স্কিমগী মখাদা ITIশিং অসি ইন্দস্ত্রীশিংগা হেন্না চাউনা পুনশিন্নগনি। মহাক্না মখা তানা হায়খি মদুদি লৈবাক শীনবা থুংনা নোভোদয়া বিদ্যালয় অমসুং এক্লভিয়া মোদেল স্কুলশিংদা ঙসি স্কিল লেব 1200 শঙ্গাখ্রে।

শ্রী মোদীনা হায়খি মদুদি থৌরম অসিগী অহানবা থৌরাং অসি ভিজ্ঞান ভবনদা কনভোকেসন থৌরম অমা পাংথোক্নবা ওইরম্মি। অদুম ওইনমক, মহাক্না ফোংদোকখিবগী মতুং ইন্না, শ্রী নিতিশ কুমারনা থৌরম অসি মেগা-ফেস্তিবেল অমা ওইহন্নবা ৱাফম থমখিবদগী, মসি য়াম্না চাউবা থৌরম অমা ওইরকখি। প্রধান মন্ত্রীনা হায়খি মদুদি স্কিম অমসুং প্রোজেক্ত কয়া অমা বিহারগী নহারোলশিংদা মসিগী প্লেৎফোর্ম অসিদগী কত্থোকখ্রে। বিহারদা অনৌবা স্কিল ত্রেনিং য়ুনিভর্সিতী অমা লিংখৎপা, অতোপ্পা য়ুনিভর্সিতীশিংদা ফেসিলিতীশিং পাকথোক চাউথোকহনবা, অনৌবা য়ুথ কম্মিসন অমা শেম্বা অমসুং নহা লিশিং কয়াদা সরকারগী লেপ্পা লৈতবা থবকশিংগীদমক এপোইন্তমেন্ত লেতরশিং পীবা অসি মসিগী মনুংদা য়াওরি। থৌরাংশিং অসি বিহারগী নহারোলশিংগী অফবা তুংলমচৎকী গেরেন্তী অমনি হায়না মহাক্না ফোংদোকখি।

হৌখিবা মতম খরদা বিহারগী নুপীশিংগীদমক থবক পীবা অমসুং মশা মথন্তা লেপচবদা মীৎয়েং থমখিবা অচৌবা থৌরম অমদা ইচে-ইচল লাখ কয়ানা শরুক য়াখিবা অদু নীংশিংলদুনা শ্রী মোদীনা হায়খি মদুদি বিহারদা নহারোলশিংবু মপাঙ্গল কনখৎহন্নবা ঙসিগী অচৌবা থৌরম অসিনা মহাক্কী সরকারনা রাজ্য অসিগী নহারোলশিং অমসুং নুপীশিংদা অখন্নবা মীৎয়েং থম্লিবা অদু উৎলি।

ভারত অসি লৌশিং অমসুং হৈ-শিংবগী লৈবাক্নি অমসুং মাগী ইন্তেলেকচুএল শক্তি অসি মাগী খ্বাইদগী চাউবা এসেৎনি হায়না মরুওইনা পল্লদুনা প্রধান মন্ত্রীনা হায়খি মদুদি হৈ-শিংবা অমসুং লৌশিং অসি লৈবাক্কী মথৌ তাবশিংগা চান্ননা অমসুং মখোয়শিং অসি মপুং ফাহন্নবদা মতেং পাংবগা লোয়ননা, মখোয়গী ইম্পেক্ত অসি শরুক কয়া হেনগৎলি। মহাক্না হায়খি মদুদি 21শুবা চহিচাগী দিমান্দ অসি লৈবাক অসিগী মথৌ তাবশিংগী মতুং ইন্না লোকেল তেলেন্ত, লোকেল রিসোর্স, লোকেল স্কিল অমসুং লোকেল নোলেজ অসি য়াম্না থুনা চাউখৎহনবনি। মিসন অসিদা ITI লিশিং কয়াগী মরুওইবা থৌদাং অদু পল্লদুনা শ্রী মোদীনা হায়খি মদুদি হৌজিক্কী ওইনা ITIশিংনা ত্রেদ 170 রোমদা ত্রেনিং পীরি অমসুং হৌখিবা চহি 11 অসিদা নহা করোর 1.5 হেন্না হায়রিবা দিসিপ্লিনশিং অসিদা ত্রেনিং পীদুনা তোঙান তোঙানবা সেক্তরশিংদা তেক্নিকেল ক্বালিফিকেসন ফংখ্রে। অসিগুম্বা স্কিলশিং অসি লোকেল লোলশিংদা পীরি, মসিনা হেন্না ফবা ৱাহন্থোক অমসুং এক্সেসিবিলিতী ফংহল্লি হায়না মহাক্না চাউথোকচবা ফোঙদোকখি। চহি অসিদা, মহৈরোই লাখ 10 হেনবনা ওল ইন্দিয়া ত্রেদ তেস্ততা শরুক য়াখি, অমসুং থৌরম অদুদা প্রধান মন্ত্রীনা মখোয়শিং অদুগী মনুংদগী 45 হেনবদা নুংঙাইবা ফোংদোকপগী খুদোংচাবা ফংখি।

অৱার্দ ফংলবশিংগী মনুংদা অয়াম্বদি ভারতকী খুঙ্গং অমসুং অরাপ্পা মফমশিংদগীনি হায়না পল্লদুনা প্রধান মন্ত্রীনা মসিগী মীকুপ অসিদা চাউথোকচবা ফোংদোকখি। মহাক্না মখোয়গী মরক্তা ইচানুপীশিং অমসুং দিব্যাং মরুপশিং য়াওখিবা অদু পনখি অমসুং মখোয়না কন্না হোৎনদুনা ফংলকপা মাইপাকপশিংবু থাগৎপা ফোংদোকখি।

“ভারতকী ITIশিং অসি ইন্দস্ত্রীএল এজুকেসনগী মরুওইবা ইন্সতিত্যুসনশিং খক্তা নত্তনা আত্মনির্ভর ভারত অমা শেমগৎনবা ৱার্কশোপশিংসু ওইরি," হায়না প্রধান মন্ত্রীনা হায়খি। ITIশিংগী মশিং হেনগৎহনবা অমসুং মখোয়বু লেপ্তনা অপগ্রেদ তৌবদা সরকারনা মীৎয়েং থম্লি হায়না মহাক্না ফোংদোকখি। মহাক্না হায়খি মদুদি 2014 ফাওবদা লৈবাক অসিদা ITI 10,000 খক্তমক লৈরম্মি, অদুবু হৌখিবা চহি তরা অসিদা অনৌবা ITI 5,000 রোম লিংখৎখ্রে। ইন্দস্ত্রীগী হৌজিক্কী স্কিল মথৌ তাবশিং ফংনবা অমসুং লাক্কদৌরিবা চহি তরাগী মনুংদা তুংগী মথৌ তাবশিং মাংজৌননা খঙদোক্নবা ITI নেৎৱার্ক শেম-শারি। অসিগুম্বা মরী অসি মপাঙ্গল কনখৎহন্নবা, ইন্দস্ত্রী অমসুং ITIশিংগী মরক্তা কোওর্দিনেসন হেনগৎহল্লি। মহাক্না PM-SETU স্কিম হৌদোক্লে হায়না লাউথোকখি। স্কিম অসিনা ভারত শিনবা থুংনা ITI ইন্সতিত্যুসন 1000 হেনবদা কান্নবা ফংহল্লগনি। থৌরাং অসিগী খুত্থাংদা, ITIশিং অসি অনৌবা মেছিনরিশিং, ইন্দস্ত্রী ত্রেনিং এক্সপর্তশিং, অমসুং হৌজিক অমসুং তুংগী স্কিল দিমান্দশিংদা চান্নবা করিক্যুলমশিংগা লোয়ননা অপগ্রেদ তৌগনি। “PM-SETU স্কিমনা ভারতকী নহারোলশিংবু মালেমগী হৈ-শিংবগী মথৌ তাবশিংগা শম্নহনগনি,” হায়না শ্রী মোদীনা ফোংদোকখি।

বিহারদগী নহা লিশিং কয়া ঙসিগী থৌরম অসিদা শরুক য়াখ্রে হায়না পল্লদুনা শ্রী মোদীনা হায়খি মদুদি চহি তরাগী খুজিং অনিদগী তরাগী খুজিং মঙাগী মমাংদা বিহারগী এজুকেসন সিস্তেম অসি করম্না মাং-তাকহনখিবগে হায়বদু ঙসিগী জেনরেসন অসিনা মপুং ফানা খঙবা ঙম্লোই। স্কুলশিং অসি থম্মোয় শেংনা হাংদোকখিদে, অমসুং রিক্রুত তৌবগী থবকসু পাংথোকখিদে। মমা মপা খুদিংমক্না মখোয়গী অঙাংশিংবু মহৈ তম্বা অমসুং মফম অদুদা খুমাং চাউশিলহনবা পাম্মি হায়না প্রধান মন্ত্রীনা অকনবা ৱাফম থমখি। অদুম ওইনমক, তঙাইফদনা, অঙাং লাখ কয়ানা বিহার থাদোক্তুনা বনারস, দিল্লী অমসুং মুম্বাইগুম্বা মফমশিংদা চৎখি। মহাক্না মসিবু মাইগ্রেসনগী অশেংবা হৌরকফমনি হায়না মশক তাকখি।

শ্রী মোদীনা হায়খি মদুদি তিন তারবা মরা অমা অমুক হন্না হিংগৎহনবা অসি য়াম্না অচৌবা মাইপাকপা অমনি। মহাক্না বিহারগী ফীভম অসি ওপোজিসনগী ফত্তবা লৈঙাক্কী মখাদা লৈবা অসিগুম্বা উ-পাম্বী অদুগা মান্নৈ হায়না ফোংদোকখি। মহাক্না হায়খি মদুদি লাইবক ফবদি বিহারগী মীয়াম্না শ্রী নিতিশ কুমারদা লৈঙাকপগী থৌদাং অদু থাজবগা লোয়ননা পীখি। অমসুং কোলিজন গবর্নমেন্তকী তীম পুম্নমক্না কাইরবা সিস্তেমশিং অদু অমুক হন্না শেমগৎনবা পুন্না থবক তৌমিন্নখি। প্রধান মন্ত্রীনা হায়খি ঙসিগী প্রোগ্রাম অসিনা অসিগুম্বা অহোংবা অদুগী মমি অমা উৎলি।

ঙসি কৌশাল কনভোকেসন থৌরমদা বিহারনা অনৌবা স্কিল য়ুনিভর্সিতী অমা ফংলকপদা নুংঙাইবা ফোংদোক্লদুনা, শ্রী নিতিশ কুমারনা লুচিংবা সরকারনা য়ুনিভর্সিতী অদু ভারত রত্ন জননায়ক কারপুরী থাকুরগী মিংদা মিংথোনখ্রে হায়না প্রধান মন্ত্রীনা ফোংদোকখি। শ্রী মোদীনা হায়খি মদুদি ভারত রত্ন কারপুরী থাকুরনা মহাক্কী পুন্সি পুম্নমক মীয়ামগী সেবা অমসুং এজুকেসন হেনগৎহনবদা কত্থোকখি। মহাক্না খুন্নাইগী খ্বাইদগী শোত্থরবা কাংলুপশিংগী থাক ৱাংখৎনবা লেপ্পা লৈতনা হোৎনখি। মহাক্না হায়খি মদুদি মহাকপু ইকায় খুম্নবা ওইনা মহাক্কী মমিং লৌদুনা থোনখিবা স্কিল য়ুনিভর্সিতী অসিনা মসিগী মীৎয়েং অসিবু মাংলোমদা পুখৎনবা শক্তি লৈবা মেদিয়ম অমা ওইনা মথৌ তৌগনি।

প্রধান মন্ত্রীনা হায়খি মদুদি কেন্দ্র অমসুং রাজ্য সরকারনা বিহারগী এজুকেস্নেল ইন্সতিত্যুসনশিং মোদর্নাইজ তৌনবা লেপ্পা লৈতনা থবক তৌরি। ITI পত্নাদা ইনফ্রাস্ত্রকচর পাকথোক চাউথোকহনবগী থবক হৌখ্রে অমসুং বিহারগী মরুওইবা এজুকেস্নেল ইন্সতিত্যুসন কয়াগী মোদর্নাইজেশনসু হৌখ্রে হায়না মহাক্না হায়খি। শ্রী মোদীনা হায়খি মদুদি NIT পত্নাগী বিহতা কেম্পস অসি তেলেন্ত লৈবা মহৈরোয়শিংগীদমক হৌজিক হাংদোক্লে। মসিগী মথক্তা, পত্না য়ুনিভর্সিতী, ভুপেন্দ্র মন্দল য়ুনিভর্সিতী, ছাপরাদা লৈবা জয় প্রকাশ য়ুনিভর্সিতী, অমসুং নালন্দা ওপন য়ুনিভর্সিতীদা অনৌবা একাদমিক ইনফ্রাস্ত্রকচরগী উরেপ-উয়ুং তমখ্রে হায়না মহাক্না ফোংদোকখি।

এজুকেস্নেল ইন্সতিত্যুসনশিং মপাঙ্গল কনখৎহনবগা লোয়ননা শ্রী নিতিশ কুমারনা লুচিংবা সরকারনা বিহারগী নহারোলশিংগী এজুকেসনগী শেল-থুমগী পোৎলুম হন্থহন্নবা থবক পায়খৎলি হায়না পল্লদুনা শ্রী মোদীনা হায়খি মদুদি মহৈরোইশিংনা অৱাংবা থাক্কী এজুকেসনগী ফিশিং পীবদা অৱাবা লৈহন্দনবা হোৎনরি। বিহার সরকারনা স্তুদেন্ত ক্রেদিৎ কার্দ স্কিমগী খুত্থাংদা মহৈরোইশিংদা মতেং পাংলি হায়না মহাক্না ফোংদোকখি। স্কিম অসিগী মখাদা এজুকেসন লোনশিং শেন্দোই য়াওদনা পীনবা অচৌবা ৱারেপ অমা লৌখ্রে। মসিগী মথক্তা, প্রধান মন্ত্রীনা মহৈরোইশিংগী স্কোলরশিপ অসি লুপা 1800দগী লুপা 3600দা হেনগৎহনখ্রে হায়না লাউথোকখি।

প্রধান মন্ত্রীনা হায়খি, "ভারত অসি মালেমগী খ্বাইদগী নহা ওইরিবা লৈবাকশিংগী মরক্তা অমা ওইরি, অমসুং বিহার অসি নহাশিংগী চাং খ্বাইদগী ৱাংবা রাজ্যশিংগী মরক্তা অমনি।" বিহারগী নহারোলশিংবু হেন্না মপাঙ্গল কনখৎহন্নবা মখোয়গী সরকারনা মপুং ফানা হোৎনরি হায়না মহাক্না ফোংদোকখি। মমাংদা ওপোজিসন সরকারগা চাংদম্নবদা বিহারগী এজুকেসন বজেৎ অসি শরুক কয়া হেনগৎহনখ্রে হায়না শ্রী মোদীনা মখা তানা ফোংদোকখি। ঙসিদি, বিহারগী খুঙ্গং অমসুং হেমলেৎ খুদিংমক্তা স্কুল অমা লৈরে, অমসুং ইঞ্জিনীয়রিং অমসুং মেদিকেল কোলেজশিংগী মশিংসু য়াম্না হেনগৎলে। মহাক্না হায়খি মদুদি কেন্দ্র সরকারনা বিহারগী জিলা 19দা কেন্দ্রিয়া বিদ্যাালয়শিং লিংখৎনবা হন্দক্তা অয়াবা পীখ্রে। বিহারদা মালেমগী থাক্কী স্পোর্তস ইনফ্রাস্ত্রকচর লৈতবা মতম অমা লৈরম্মি, অদুবু ঙসিদি রাজ্য অসিদা নেস্নেল অমসুং ইন্তর্নেস্নেল স্পোর্তসকী থৌরমশিং পাংথোক্লি হায়না প্রধান মন্ত্রীনা নীংশিংখি।

হৌখিবা চহি তরাগী মনুংদা বিহার সরকারনা রাজ্য অসিদা নহারোল লাখ 50বু থবক ফংহন্নবা হোৎনখি হায়না পল্লদুনা শ্রী মোদীনা হায়খি মদুদি হৌখিবা চহি খরা অসিদা বিহারগী নহারোল লাখ 10রোমদা সরকারগী থবক ফংহনখ্রে। মহাক্না এজুকেসন দিপার্তমেন্তবু মরুওইবা খুদম অমা ওইনা পনখি, মদুদা ওজাশিংবু পাক-শন্না থবক শুহন্নবা থবক পায়খৎলি। মহাক্না হায়খি মদুদি হৌখিবা চহি অনি অসিদা বিহারদা ওজা লাখ 2.5 হেন্না এপ্পোইন্ত তৌখ্রে। মসিনা নহারোলশিংদা থবক ফংহনবগা লোয়ননা এজুকেসন সিস্তেমগী মগুনসু য়াম্না ফগৎলে।

বিহার সরকারনা অনৌবা পান্দমগা লোয়ননা থবক তৌরি হায়না পল্লদুনা শ্রী মোদীনা হায়খি মদুদি রাজ্য অসিনা হৌখিবা চহি তরাগী মনুংদা থোরকখিবা থবক্কী খুদোংচাবশিং অদুদগী মথংগী চহি মঙাদা শরুক অনি হেন্না থবক্কী খুদোংচাবশিং থম্নবা পান্দম থম্লি। প্রধান মন্ত্রীনা হায়খি মদুদি ৱারেপ অসি ময়েক শেংই - বিহারগী নহারোলশিংনা বিহারগী মনুংদা থবক ফংহনগদবনি।

প্রধান মন্ত্রীনা হায়খি মদুদি মসি বিহারগী নহারোলশিংগীদমক দবল বোনাসকী মতমনি। মহাক্না লৈবাক শিনবা থুংনা চত্থরিবা GST সেভিং ফেস্তিবেলগী মতাংদা পনখি অমসুং বাইক অমসুং স্কুতরশিংদা GSTনা হন্থবনা মরম ওইদুনা বিহারগী নহাশিংনা নুংঙাইবা পোক্নরি হায়না ফোংদোকখি। নহা ওইরিবা মীওই কয়ানা ধনতেরাসকী মতমদা হায়রিবা পোৎলমশিং অসি লৈনবগী থৌরাং তৌরি। শ্রী মোদীনা বিহারগী নহারোলশিং অমসুং লৈবাক অসিদা মখোয়গী তঙাই ফদবা পোৎলম অয়াম্বদা GST হন্থহনখিবা অসিদা নুংঙাইবা ফোংদোকখ্রে।

প্রধান মন্ত্রীনা হায়খি মদুদি স্কিল হেনগৎলকপগা লোয়ননা লৈবাক অসি মশা-মরোমদোম লেপচবা ঙমগনি, এক্সপোর্ত হেনগৎলগনি অমসুং থবক ফংবগী খুদোংচাবসু হেনগৎলগনি। মহাক্না নীংশিংখি মদুদি 2014গী মমাংদা, ভারত অসি "ফ্রেজাইল ফাইভ" ইকোনোমীশিংগী মরক্তা লৈরম্মি, মসিদা লায়রবা গ্রোথ অমসুং থবক ফংবগী চাং নেম্বনা মশক তাক্লি। ঙসিদি, ভারতনা মেনুফেকচরিং অমসুং এমপ্লোইমেন্তদা মশক থোকপা গ্রোথ অমগা লোয়ননা মালেমগী খ্বাইদগী মকোক থোংবা ইকোনোমী অহুমগী মনুংদা অমা ওইনবগী মায়কৈদা খুমাং চাউশিল্লি। শ্রী মোদীনা মোবাইল ফোন, ইলেক্ত্রোনিক্স, ওটোমোবাইল অমসুং দিফেন্সকুম্বা সেক্তরশিংদা মেন্যুফেকচরিং অমসুং এক্সপোর্তশিংদা মমাংদা অমুক্তা ওইখিদ্রিবা মওংদা চাউখৎলকপগী মতাংদা পনখি।  অসিগুম্বা হেনগৎলকপনা অচৌবা ইন্দস্ত্রীশিং অমসুং MSMEশিংদা থোইদোক হেন্দোক্না থবক ফংহল্লে। মসিনা ITIশিংদা ত্রেনিং ফংলবশিং য়াওনা নহাশিংদা কান্নবা ফংহল্লে। মুদ্রা স্কিমনা নহা করোর কয়াদা মখোয়গী মশাগী ভেঞ্চরশিং হৌদোকপদা মতেং পাংলি হায়না মহাক্না অকনবা ৱাফম থমখি। মসিগী মথক্তা, প্রধান মন্ত্রীনা লুপা করোর লাখ 1গী প্রধান মন্ত্রী বিকসিৎ ভারত রোজগার য়োজনা পায়খৎপা হৌরে হায়না লাউথোকখি। মসিনা প্রাইবেৎ সেক্তরদা থবক ফংহনবদা চাউরাক্না নহারোল করোর 3.5দা মতেং পাংগনি।

লৈবাক অসিগী নহা খুদিংগী খুদোংচাবশিংনা থল্লবা মতমনি হায়না ফোংদোক্লদুনা প্রধান মন্ত্রীনা হায়খি মদুদি থবক কয়াগীদমক অতোপ্পা পাম্বৈশিং লৈজরবসু, হৈশিংবা, অনৌবা পুথোকপা অমসুং কন্না হোৎনবগী মহুৎ শিনবা য়াবা অমত্তা লৈতে। প্রধান মন্ত্রীনা ৱারোইশিন পীরদুনা হায়খি মদুদি হায়রিবা মগুনশিং অসি ভারতকী নহারোলশিংদা য়াওরি অমসুং মখোয়গী মপাঙ্গল অসিনা বিক্সিত ভারতকী মপাঙ্গল ওইগনি অমসুং মহাক্না মীপুম খুদিংমক্তা য়াইফ-পাউজেল পীখি।

থৌরম অদুদা কেন্দ্রগী মন্ত্রী শ্রী জয়ন্ত চৌধরী অমসুং অতোপ্পা মশক নাইরবশিংসু শরুক য়াখি। বিহারগী মুখ্য মন্ত্রী, শ্রী নিতিশ কুমার, কেন্দ্রগী মন্ত্রীশিং, শ্রী জুয়াল ওরাম, শ্রী রাজীব রঞ্জন সিংহ, শ্রী সুকান্তা মজুমদার অমসুং অতোপ্পা মকোক থোংবা মীওইশিংনা ভিদিও কনফরেন্সকী থোংদা থৌরম অসিদা শরুক য়াখি।

বেকগ্রাউন্দ

নহারোলশিংগী চাউখৎ-থৌরাংগীদমক মরুওইবা খোঙথাং অমা ওইনা, প্রধান মন্ত্রী, শ্রী নরেন্দ্র মোদীনা লৈবাক শিনবা থুংনা এজুকেসন, স্কিলিং অমসুং এন্ত্রপ্রেনরশিপদা ৱারেপ লৌবা য়াবা খোংথাং অমা পীরদুনা, ন্যু দিল্লীগী বিজ্ঞান ভাৱনদা লুপা করোর 62,000 হেনবা নহারোলশিংদা মীৎয়েং থম্লিবা তোঙান তোঙানবা খোঙথাং কয়া অমা হৌদোক্কনি। প্রধান মন্ত্রীগী মীৎয়েংগা মরী লৈননা পাংথোকপা নেস্নেল স্কিল কনভোকেসনগী মরিশুবা এদিসন কৌশল দিক্সন্ত সমারোসু থৌরম অসিদা য়াওগনি। মসিদা স্কিল দেবেলপমেন্ত অমসুং এন্ত্রপ্রেনরশিপ মিনিস্ত্রীগী মখাদা লৈবা ইন্দস্ত্রীয়েল ত্রেনিং ইনস্তিত্যুৎশিংগী ওল ইন্দিয়া তোপ্পর 46পু ফেসিলিতেদ তৌগনি।

প্রধান মন্ত্রীনা লুপা করোর 60,000 হেনবা শেন্থংগা লোইননা কেন্দ্রনা স্পোন্সর তৌরিবা স্কিম PM-SETU (অপগ্রেদ তৌরবা ITIশিংগী খুত্থাংদা প্রধান মন্ত্রী স্কিলিং অমসুং ইমপ্লোইএবিলিতী ত্রান্সফোর্মেসন) হৌদোক্কনি। স্কিম অসিনা লৈবাক শিনবা থুংনা সরকারগী ITI 1,000বু হব এন্দ স্পোক মোদেল অমদা হব ITI 200 অমসুং স্পোক ITI 800 য়াওনা অপগ্রেদ তৌনবা পান্দম থম্লি। হব খুদিংমক অসি এদভান্স ওইরবা ইনফ্রাস্ত্রকচর, মোদর্ন ত্রেদশিং, দিজিতেল লর্নিং সীস্তেমশিং অমসুং ইনক্যুবেসন ফেসিলিতীশিংগা লোয়ননা ক্লস্তরশিং শেমদুনা, চাংচত্তা স্পোক মরিগা শম্নগনি। এঙ্কর ইন্দস্ত্রী পার্তনরশিংনা হায়রিবা ক্লস্তরশিং অসি মেনেজ তৌগনি। মসিনা মার্কেতকী দিমান্দগা চুনবা ফলদা য়ুম্ফম ওইবা স্কিল্লিং ফংহল্লগনি। হবশিং অসিদা ইনোবেসন সেন্তরশিং, ত্রেনরশিংগী ত্রেনিং তৌনবা ফেসিলিতীশিং, প্রদক্সন য়ুনিৎশিং অমসুং প্লেসমেন্ত সর্ভিসশিংসু লৈগনি, অদুগা স্পোকশিংনা এক্সেস হেঙ্গৎহনবদা মীৎয়েং থমগনি। অপুনবা ওইনা, PM-SETUনা ভারতকী ITI ইকোসীস্তেমবু নৌনা মশক তাক্লগনি। মসি সরকারনা মপু ওইগনি অদুবু ইন্দস্ত্রীনা মেনেজ তৌগনি। মালেমগী বেঙ্ক অমসুং এসিয়ন দেবেলপমেন্ত বেঙ্ককী কো-ফাইনান্সিং সপোর্ত লৈগনি। স্কিম অসি ইমপ্লিমেন্ত তৌবগী অহানবা তাঙ্কক অসিদা পতনা অমসুং দরভঙ্গাদা লৈবা ITIশিংদা অখন্নবা মীৎয়েং থমগনি।

প্রধান মন্ত্রীনা রাজ্য অমসুং য়ুনিয়ন তেরিতোরী 34দা নবোদয় বিদ্যালয় 400 অমসুং একলব্য মোদেল রেসিদেন্সিএল স্কুল 200দা লিংখৎখিবা ভোকেসনেল স্কিল লেব 1,200 শঙ্গাখ্রে। হায়রিবা লেবশিং অসিনা রিমোত অমসুং ত্রাইবেলগী মফমশিংদা লৈরিবা মহৈরোয়শিং য়াওনা IT, ওতোমোতিব, এগ্রিকলচর, ইলেক্ত্রোনিক্স, লোজিতিক্স অমসুং তুরিজমগুম্বা দিমান্দ ৱাংবা সেক্তর 12দা ত্রেনিং পীরগনি। নেস্নেল এজুকেসন পোলিসী 2020 অমসুং CBSEগী করিক্যুলমগা লোয়ননা প্রোজেক্ত অসিদা ইন্দস্ত্রীগা মরী লৈনবা লর্নিং পীবা অমসুং থবক ফংহনবগী অঙনবা ফাউন্দেসন অমা শেমগৎনবা ভোকেসনেল ওজা 1,200গী ত্রেনিংসু য়াওরি।

প্রোগ্রাম অসিগী অখন্নবা মীৎয়েং অসি বিহারদা ত্রান্সফোর্মেতিব প্রোজেক্তশিংদা থমগনি, মসিনা রাজ্য অসিগী মতিক-মগুন লৈরবা ফজরবা লেগেসি অমসুং নহা ওইরিবা দেমোগ্রাফিক অদুবু উৎলি। প্রধান মন্ত্রীনা বিহারগী নৌনা শেমদোক্লবা মুখ্যমন্ত্রী নিশচাই স্বয়ম সহায়তা ভাত্তা য়োজনা হৌদোক্কনি। মসিগী মখাদা চহি খুদিংগী গ্রাজুয়েৎ তৌরবা নহারোল লাখ মঙা রোম্না থা খুদিংগী লুপা 1,000গী এলাৱেন্স অমা চহি অনিগী ওইনা ফ্রী স্কিল ত্রেনিংগা লোয়ননা ফংগনি। মহাক্না অনৌবা দিজাইন তৌরবা বিহার স্তুদেন্ত ক্রেদিৎ কার্দ স্কিমসু হৌদোক্কনি। মসিনা লুপা লাখ 4 ফাওবগী ইন্তরেস্ত ফ্রী এজুকেসন লোন ফংহল্লগনি। মসিনা হায়র এজুকেসনগী শেল-থুমগী চৈথেং য়াম্না হন্থহল্লগনি। স্কিম অসিগী মখাদা মহৈরোয় লাখ 3.92 হেন্না লুপা করোর 7,880 হেন্না লোন ফংখ্রে। রাজ্য অসিদা নহারোলশিংবু হেন্না মপাঙ্গল কনখৎহন্নবা, বিহার য়ুভা অয়োগ, চহি 18দগীনা 45 ফাওবগী মরক্তা লৈবা মীওইশিংগীদমক স্তেচ্যুতোরি কম্মিসন অমা প্রধান মন্ত্রীনা রাজ্য অসিগী নহা ওইরিবা মীশিং অসিগী ইনর্জীশিং শীজিন্ননবা হৌদোক্লগনি।

প্রধান মন্ত্রীনা বিহারদা জন নায়ক কারপুরী থাকুর স্কিল য়ুনিভর্সিতীসু শঙ্গাগনি। মালেমগী থাক্তা চাংদম্নবা ঙম্বা ৱার্কফোর্স অমা শেমগৎনবা ইন্দস্ত্রী ওরিয়েন্তেদ কোর্সশিং অমসুং ভোকেসনেল এজুকেসন পীনবগী পান্দমদা য়ুনিভর্সিতী অসি শঙ্গাখ্রে।

অৱাংবা থাক্কী মহৈ-মশিং তম্বগী মওং-মতৌ ফগৎহন্নবা পান্দম থমদুনা নেস্নেল এজুকেসন পোলিসী 2020গী মখাদা, প্রধান মন্ত্রীনা বিহারগী য়ুনিভর্সিতী মরি, হায়বদি পতনা য়ুনিভর্সিতী, মাধেপুরাদা লৈবা ভুপেন্দ্র নারায়ন মন্দল য়ুনিভর্সিতী, চাপ্রাদা লৈবা জয় প্রকাস বিশ্ব বিদ্যালয় অমসুং পতনাদা লৈবা নালন্দা ওপন য়ুনিভর্সিতীদা PM-USHA (প্রধান মন্ত্রী উচছাতর শিক্সা অভিয়ান)গী মখাদা অনৌবা একাদমিক অমসুং রিসর্চ ফেসিলিতীশিং উরেপ-উয়ুং তমখ্রে। পুন্না, লুপা করোর 160গী অপুনবা এলোকেসনগা লোইননা প্রোজেক্তশিং অসিনা অনৌবা একাদমিক ইনফ্রাস্ত্রকচর, এদভান্স লেবোরেতরীশিং, হোস্তেলশিং অমসুং মল্তিদিসিপ্লিনরী লর্নিংগী খুদোংচাবশিং ফংহন্দুনা মহৈরোয় 27,000 হেন্না কান্নবা ফংহল্লগনি।

প্রধান মন্ত্রীনা NIT পতনাগী বিহতা কেমপসপু লৈবাক মীয়ামদা খুদোল তমখ্রে। মসিদা মহৈরোই 6,500 লৈবগী কেপাসিতীগা লোইননা, কেম্পস অসিদা 5G য়ুজ কেস লেব, ISROগা খুৎশম্নদুনা লিংখৎপা রিজনেল একাদমিক সেন্তর ফোর স্পেস, অমসুং ইন্নোবেসন অমসুং ইনক্যুবেসন সেন্তর য়াওনা অৱাংবা থাক্কী খুদোংচাবশিং লৈরি।

প্রধান মন্ত্রীনা বিহার সরকারদা নৌনা খল্লবা কেন্দিদেৎ 4,000 হেনবদা এপোইন্তমেন্ত লেতরশিং য়েন্থোকখ্রে অমসুং মুখ্য মন্ত্রী বালক/ বালিকা স্কোলারশিপ স্কিমগী মখাদা ক্লাস 9 অমসুং 10গী মহৈরোয় লাখ 25দা দাইরেক্ত বেনিফিৎ ত্রান্সফরগী খুত্থাংদা লুপা করোর 450গী স্কোলারশিপ পীরগনি।

হৌদোক্কদৌরিবা অনৌবা খোংথাংশিং অসিনা ভারতকী নহারোলশিংগীদমক অচৌবা খুদোংচাবা কয়া অমা লৈহল্লগনি হায়না পানরি। এজুকেসন, স্কিল দেবেলপমেন্ত, এন্ত্রপ্রেনরশিপ অমসুং ইনফ্রাস্ত্রকচর ফগৎহনবগা লোয়ননা মখোয়না লৈবাক অসিগী প্রোগ্রেসকীদমক্তা অচেৎপা য়ুম্ফম অমা শেমগৎনবা পান্দম থম্লি। বিহারদা অখন্নবা মীৎয়েং থমদুনা, রাজ্য অসি স্কিল লৈরবা মেনপৱরগী সেন্তর অমা ওইনা চাউখৎলকপা য়াবগী ওইথোকপা লৈ, মসিনা রিজনেল অমসুং নেস্নেল অনিমক্তা চাউখৎপদা মতেং পাংগনি।

With a strong focus on skilling and innovation, our government is preparing the Yuva Shakti to lead the future. Speaking at the launch of youth-centric initiatives in Delhi. https://t.co/kiAbStpTP4

— Narendra Modi (@narendramodi) October 4, 2025

India is a country of knowledge and skill. This intellectual strength is our greatest power. pic.twitter.com/jek8W4BXnS

— PMO India (@PMOIndia) October 4, 2025

ITIs are not only premier institutions of industrial education, they are also the workshops of an Aatmanirbhar Bharat. pic.twitter.com/OKOnfSoolF

— PMO India (@PMOIndia) October 4, 2025

The PM-SETU Yojana will connect India's youth with the world's skill demands. pic.twitter.com/B0zWaPHbWU

— PMO India (@PMOIndia) October 4, 2025

Bharat Ratna Karpoori Thakur Ji devoted his entire life to social service and the advancement of education... The skill university being established in his name will serve as a powerful means to carry forward that vision. pic.twitter.com/AzMa8HRMYC

— PMO India (@PMOIndia) October 4, 2025

When the strength of the youth increases, the nation grows stronger. pic.twitter.com/lJI4vikRKf

— PMO India (@PMOIndia) October 4, 2025

***