ভারতকী নাৎ অমসুং স্পিরিচুএল হেরিতেজবু হেন্না খুমাং চাউশিলহন্নবা মহাক্কী অচেৎপা ফিরেপ অদুগা ইরোইননা চৎলদুনা, প্রধান মন্ত্রীনা ঙসি মধ্য প্রদেশকী অশোকনগর দিস্ত্রিক্তকী ইসাগর তেহসিলগী অনন্দপুর ধামদা চৎখ্রে। মহাক্না গুরুজী মহারাজ মন্দিরদা দর্শন অমসুং পূজা পাংথোকখি অমসুং অনন্দপুর ধামগী মন্দির কমপ্লেক্সতা চৎখি। মীয়াম তিনখিবা অদুদা ৱা ঙাংলদুনা মহাক্না দিল্লী, হরিয়ানা, পঞ্জাব অমসুং লৈবাক শিনবা থুংবদগী লাকখিবা ভক্তশিংগী মশিং য়াম্লবা কাঙবু অদু তরাম্না ওকখি। মহাক্না শ্রী আনন্দপুর ধামদা চৎপদা নুংঙাইবা ফোংদোকখি। মহাক্না গুরুজী মহারাজগী লাইশঙদা লাই খুরুমবগী মহাক্কী এক্সপরিয়েন্স অদুগা লোয়ননা মহাক্কী থম্মোয়দা নুংঙাইবা ফাওখি।

শাধু অমসুং মীওইবা খুন্নাইগী য়াইফনবগীদমক লম্বী শেম্বগী ৱারেপ লৌবগী চৎনবী অমা ওইরক্লিবা, লমদম অসিগী অশেংবা মগুন অদু পল্লদুনা শ্রী মোদীনা অশোক নগরদা অৱাবা হায়বদুনা চঙবা ঙমজদে হায়না হায়রম্বা শাধুশিংগী ৱারোলশিং পনখি। মহাক্না বৈশাখী অমসুং শ্রী গুরু মহারাজজীগী মপোক কুমওনগী থৌরমদা শরুক য়াবদা নুংঙাইবা ফোংদোক্লদুনা মহাক্না প্রথাম পদশাহী শ্রী শ্রী ১০৮ শ্রী স্বামী অদ্বৈত আনন্দজী মহারাজ অমসুং পাদশাহীগী অতৈ শাধুশিংদা ইকায় খুম্নবা উৎখি। মহাক্না নুমিৎ অসিগী পুৱারীগী ওইবা মরুওইবা অদু পনখি। কুমজা ১৯৩৬তা শ্রী দবিতীয়া পাদশাহীজীগী মহাসমাধি অমসুং কুমজা ১৯৬৪দা শ্রী ত্রিতীয়া পাদশাহীজীগা মহাক্কী অশেংবা মওংগা পুন্সিনখিবা নুমিৎ অসিনি। প্রধান মন্ত্রীনা ইকায় খুম্নরবা গুরুশিং অসিদা ইকায় খুম্নবা উৎখি অমসুং মা জগেশ্বরী দেবী, মা বিজাসন, অমসুং মা জনকী কারিলা মাতা ধামদা ইকায় খুম্নবা উৎখি। মহাক্না বৈশাখী অমসুং শ্রী গুরু মহারাজজীগী মপোক কুমওনগী থৌরমদা ময়াম পুম্নমকপু য়াইফ-পাউজেল পীখি।

প্রধান মন্ত্রীনা হায়খি, "ভারত অসি অরুবা মতমশিংদা খুন্নাইবু মতম পুম্নমক্তা লমজিংদুনা লাক্লবা অঙকপা মীওইশিং, স্কোলরশিং অমসুং সেন্তশিংগী লমদম অমনি।" মহাক্না হায়খি, পূজ্যা স্বামী অদ্বৈত অনন্দজী মহারাজকী পুন্সিনা অসি চৎনবী অসিবু উৎলি। অদ্বৈত ফিলোসোফীগী অরুবা লৌশিং অসি আদি শঙ্করচার্য়গুম্বা আচার্যশিংনা শন্দোক্না তাকখিবা মতম অদু মহাক্না নিংশিংখি। মহাক্না হায়খি মদুদি কোলোনিএল পেরিয়দকী মতমদা, খুন্নাই অসিনা মসিগী লৌশিং অসিগা মরী তৎনরকপা হৌরকখি। অদুম ওইনমক, মতম অসিদনি অদ্বৈতকী কাংলোনশিংগী খুত্থাংদা লৈবাক অসিগী থম্মোয়বু চিংশিনবা ঙম্নবা শাধুশিং থোরকখি হায়না মহাক্না ফোংদোকখি। মহাক্না হায়খি মদুদি পুজ্যা অদ্বৈত অনন্দজী মহারাজনা অদ্বৈতকী লৌশিং অসি মীচম প্রজাগীদমক য়ৌহনদুনা মীয়ামদা য়ৌহন্দুনা মসিগী লিগেসি অসিবু মখা তানা চৎথখি।

মেতরিএল প্রোগ্রেসকী মরক্তা লান, চয়েৎনবা অমসুং মীওইবগী মগুনশিং মাঙশিল্লকপগী  মালেমগী ওইবা ৱাফমশিং অদু পল্লদুনা, শ্রী মোদীনা হায়রিবা শিংনবশিং অসিগী মরুওইবা মরমশিং অদু মীওইবশিংবু অমগা অমগা খেন্নহল্লিবা "ইশা অমসুং অতৈ" হায়বা মীনুংশিগী ৱাখল্লোন অসিনি হায়না খঙদোকখি। "মসিগী ৱারোইশিন অসি অদ্বৈতকী ফিলোসোফীদা লৈ, মসিদা দুএলিতী অমত্তা লৈতে।" মহাক্না হায়খি, অদ্বৈত হায়বসিদি অহিংবা জিব খুদিংমক্তা ঈশ্বরবু উবা অমসুং, মখা তানা, শেম্বগী থৌওং পুম্নমকপু ঈশ্বরগী মমি অমা ওইনা উবা হায়বসিনি। মহাক্না পরমহংস দয়াল মহারাজনা হায়রম্মি, মহাক্না মসিগী ৱাখল্লোন অসিবু য়াম্না ফজবা মওংদা অসুম্না লায়থোকহনখি, "অদোম্না ওইরিবা অদুমক, ঐহাক্নি।" "ঐগী অমসুং নহাক্কী" হায়বগী খেন্নবা লৈতবা ৱাখল্লোন অসিগী অকুপ্পা ৱাহন্থোক অদু মহাক্না পনখি অমসুং করিগুম্বা মসি য়ুনিভর্সেল ওইনা লৌখৎলবদি, মসিনা অয়েৎপা পুম্নমক কোকহনবা ঙমগনি হায়না মহাক্না ফোংদোকখি।

প্রধান মন্ত্রীনা প্রথম পদশাহী স্বামী শ্রী ভিচার পুরনা আনন্দজী মহারাজগা মমাংদা মহাক্না ৱারী শানখিবা অদু পল্লদুনা মহাক্না প্রথম পদশাহী পরমহংস দয়াল মহারাজজীগী পাউতাক অমসুং আনন্দপুর ধামগী সর্ভিসকী থৌরাংশিংগী মতাংদা পনখি। মহাক্না আনন্দপুর ধামদা লিংখৎখিবা মেদিতেসনগী প্রিন্সিপল মঙা শন্দোক্না তাকখি। মহাক্না নারায়নবু মীওইবা খুন্নাইগী সেবা তৌবগী থৌওং অসিদা উরদুনা, লায়রবশিংবু ইশাগীদমক্তা চিংনবা লৈতনা সেবা তৌবগী ৱাখল্লোনগী মতাংদা পনখি। মসিনা ভারতকী চৎনবীগী য়ুম্ফম ওইরি। মহাক্না হরাওবা ফোংদোকখি মদুদি অনন্দপুর ত্রস্তনা থৌনা অমসুং থৌনাগা লোইননা সেবাগী চৎনবী অসিবু মাংলোমদা পুখৎলি। ত্রস্ত অসিনা অনাবা লিশিং কয়া লায়েংনবা হোস্পিতালশিং চলাইরি, লেম্না হিদাক লায়েংবগী কেম্পশিং পাংথোক্লি, শনবীশিংগী ৱেলফেয়রগীদমক অনৌবা মতমগী শঙ্গোল অমা চলাইরি অমসুং অনৌবা জেনরেসনগী চাউখৎ থৌরাংগীদমক স্কুলশিং চলাইরি হায়না মহাক্না পনখি। মহৌশাগী ফিভম ঙাক-শেন্দুনা মীওইবা জাতিদা আনন্দপুর ধামগী মরুওইবা থৌদাং অদু মহাক্না থাগৎখি। অশ্রম অসিগী মীওইশিংনা একর লিশিং কয়াগী অঙকপা লমবু মহৌশাগী লমদা ওন্থোকপদা হোৎনরিবা অদু মহাক্না পনখি। অশ্রম অসিনা পাম্বী লিশিং কয়া থাদুনা হৌজিক্তি মীয়ামগী ওইবা পান্দমদা মতেং পাংলি।

সরকারনা পায়খৎলিবা খোঙথাং খুদিংমক্কী মপুং ওইবা পান্দমদি সেবা পীবনি হায়না শ্রী মোদীনা হায়খি। প্রধান মন্ত্রী গরীব কল্যান অন্ন য়োজনাগী মখাদা, মথৌ তারিবা মীওই খুদিংমক্না চানবা চিঞ্জাক ফংনবগী চিংনবা লৈতে হায়না মহাক্না ফোংদোকখি। মতৌ অসুম্না, আয়ুশ্মান ভারত স্কিমনা লায়রবশিং অমসুং অহল ওইরবা মীওইশিংবু হকশেলগী অৱাবশিংদগী কোমহল্লে অদুগা প্রধান মন্ত্রী অৱাস য়োজনানা শোত্থরবা মীওইশিংগীদমক সেক্যুর হাউজিং ফংহল্লে। মহাক্না হায়খি মদুদি জল জীবন মিসননা খুঙ্গংশিংদা ঈশিং ফংহন্নবা হোৎনরি। অমসুং অনৌবা এ.আই.আই.এম.এস., আই.আই.তি.শিং অমসুং আই.আই.এম.শিং রেকোর্দ মশিং থম্বা অসিনা খ্বাইদগী লায়রবা অঙাংশিং ফাওবা মখোয়গী মঙলানশিং অদু মংফাওহনবদা মতেং পাংলি। মহাক্না 'এক পেদ মা কে নম' কেম্পেনগী খুত্থাংদা অকোয়বগী ফিভম ঙাক্নবা সরকারগী অচেৎপা ফিরেপ অদু অমুক হন্না ফোংদোকখি। মসিগী মখাদা লৈবাক শিনবা থুংনা উ পাম্বী করোর কয়া থাখ্রে। প্রধান মন্ত্রীনা হায়খি মদুদি মসিগী এচিবমেন্তশিং অসিগী পাক চাউবসি সেবাগী ইনোৎনা চিংশিনখি। 'সবকা সাথ, সবকা বিকাস'কী মন্ত্রনা লমজিংদুনা, লায়রবশিং অমসুং শোত্থরবা মীওইশিংবু চাউখৎহন্নবা সরকারগী ৱারেপ অদু মহাক্না অমুক হন্না ফোংদোকখি। মহাক্না হায়খি, "সর্বিসকী স্পিরিৎ অসি লৈঙাক্কী পোলিসী অমসুং কম্মিতমেন্ত অনিমকনি।"

সেবাগী ফিরেপ লৌবনা অতোপ্পদা কান্নবা পীবতা নত্তনা মী অমগী মশাগী মগুনসু হেনগৎহল্লি অমসুং মীৎয়েংসু পাকথোক চাউথোকহল্লি হায়না পল্লদুনা প্রধান মন্ত্রীনা হায়খি মদুদি সেবাগী ৱাখল্লোন অসিনা খুন্নাই, লৈবাক অমসুং মীওইবা খুন্নাইগী অচৌবা পান্দমশিংগা মীওই অমবু শম্নহল্লি। মহাক্না সেবা অসিদা শরুক য়ারিবা মীওইশিংগী থাজবা অদুগীদমক থাগৎপা ফোংদোকখি। মহাক্না হায়খি মদুদি লায়নাশিং মায়োক্নবসি করম্না মশানা মশাবু কৎথোক্তুনা সেবা তৌবদগী মহৌশাগা মান্নহল্লি। মহাক্না সর্ভিস অসি স্পিরিচুএল প্রাক্তিস অমনি হায়না শন্দোক্না তাক্লদুনা, মসি মীওই খুদিংমক্না অশেংবা গঙ্গাগাগী ঈশিংদা লুপতুনা শেংদোক্লিবা অসিগা চাংদম্নখি। মহাক্না অশোক নগর অমসুং অনন্দপুর ধামগুম্বা লৈবাক অসিদা অচৌবা থৌদাং লৌরিবা লমদমশিং অসি চাউখৎহনবগী থৌদাং অদু পনখি। মহাক্না লমদমশিং অসিদা লৈরিবা কলা, কলচর অমসুং মহৌশাগী ফজবশিংগী মগুন লৈবা হেরিতেজ অদু পনখি। প্রধান মন্ত্রীনা মধ্য প্রদেশ অমসুং অশোক নগরদা খুমাং চাউশিনহন্নবা হোৎনরিবশিং অদু মখা তানা ফোংদোকখি। মসিগী মনুংদা চান্দরী সারিদা জিওগ্রাফিক ইন্দিকেসন (জি.আই.) তেগকী খুত্থাংদা চান্দরী হেন্দলুমগী থাক ৱাংখৎহনবা অমসুং লমদম অসিগী শেন্মিৎলোন চাউখৎনবা প্রানপুরদা ক্রাফ্ত হেন্দলুম তুরিজম ভিলেজ অমা লিংখৎপা য়াওরি। মহাক্না হায়খি মদুদি মধ্য প্রদেশ সরকারনা উজ্জৈন সিমহস্থাগীদমক শেম-শাবা হৌখ্রে।

রাম নবমীগী অথোইবা কুমহৈ শেংদোকপদা থাগৎপা ফোংদোক্লদুনা শ্রী মোদীনা "রাম ভান গমন পাথ"কী চাউখৎ-থৌরাংগী মতাংদা পনখি। মসিগী লম্বী অসিগী মরুওইবা শরুক অমা মধ্য প্রদেশকী মাংওইননা চৎকনি হায়না মহাক্না হায়খি। মহাক্না মধ্য প্রদেশকী মশক থোকপা অমসুং তোপ তোপ্পা মশক অদু পনখি। মহাক্না হায়খি মদুদি থৌরাংশিং অসিনা মসিগী অখন্নবা মশক অদু হেন্না মপাঙ্গল কনখৎহল্লগনি।

প্রধান মন্ত্রীনা ২০৪৭ ফাওবদা চাউখৎলবা ভারত অমা ওইনবা লৈবাক অসিনা থম্লিবা পান্দম অদু ফোংদোকখি অমসুং মসি ফংলগনি হায়না থাজবা ফোংদোকখি। মহাক্না খোঙচৎ অসিগী মনুংদা ভারতকী অরিবা চৎনবী অসি ঙাক-শেন্দুনা থম্বগী তঙাইফদবা অদু পনখি। লৈবাক কয়া অমনা চাউখৎপগী খোঙজংদা মখোয়গী চৎনবীশিংগা মরী লৈনদবা তারবসু, ভারতনা মসিগী হেরিতেজ অসি ঙাক-শেন্দুনা থম্বা তাই হায়না মহাক্না ফোংদোকখি। প্রধান মন্ত্রীনা হায়খি, "ভারতকী চৎনবী অসি মসিগী মশক মওংগা মরী লৈনবতা নত্তনা মসিগী তৌবা ঙম্বশিংবুসু মপাঙ্গল কনখৎহল্লি।" মহাক্না আনন্দপুর ধাম ত্রস্তপু মসিগী হীরম অসিদা মরুওইবা থৌদাং লৌবগীদমক থাগৎপা ফোংদোকখি অমসুং ত্রস্ত অসিগী সর্বিস ইনিসিয়েতিবশিংনা বিক্সিত ভারতকী মিৎয়েংদা অনৌবা ইনর্জী পীগনি হায়না থাজবা ফোংদোকখি। শ্রী গুরু মহারাজজীগী বাইসাক্ষী অমসুং মপোক কুমওনগী থৌরমদা মহাক্না মহাক্কী য়াইফ পাউজেল পীদুনা ৱারোইশিন পীখি।

থৌরম অদুদা মধ্য প্রদেশকী গভর্নর, শ্রী মঙ্গুভাই পতেল, মধ্য প্রদেশকী মুখ্য মন্ত্রী, শ্রী মোহন য়াদব, কেন্দ্রগী মন্ত্রী শ্রী জ্যোতিরঅদিত্য সিন্দিয়া য়াওনা অতৈ কয়ানা শরুক য়াখি।

বেকগ্রাউন্দ

অনন্দপুর ধাম অসি স্পিরিচুএল অমসুং ফিলান্ত্রোপিক ওইবা পান্দমগীদমক লিংখৎখিবনি। হেক্তর ৩১৫ শন্দোক্না, মসিদা মতমগা চুনবা গাউশালা (শঙ্গোল) অমা লৈরি অমসুং মসিদা শনবী ৫০০ হেন্না লৈরি অমসুং শ্রী আনন্দপুর ত্রস্ত কেম্পসকী মখাদা লৌউ-শিংউগী থবকশিং পায়খৎলি। ত্রস্ত অসিনা সুখপুর খুঙ্গংদা চেরিতেবল হোস্পিতাল অমা, সুখপুর অমসুং অনন্দপুরদা স্কুলশিং অমসুং লৈবাক শিনবা থুংনা তোঙান তোঙানবা সৎসং সেন্তর কয়া অমা চলাইরি।

***