ବିଆଇଏଫଏଫକୁ ଭାରତର ପ୍ରଥମ ମନ୍ତ୍ରୀସ୍ତରୀୟ ପ୍ରତିନିଧିମଣ୍ଡଳର ନେତୃତ୍ୱ ନେବେ ରାଷ୍ଟ୍ରମନ୍ତ୍ରୀ ଡକ୍ଟର ଏଲ୍. ମୁରୁଗାନ

ବିଆଇଏଫଏଫ-୨୦୨୫ରେ ୧୦ଟି ପ୍ରଭାବଶାଳୀ ଭାରତୀୟ ଚଳଚ୍ଚିତ୍ର ପ୍ରଦର୍ଶନ ହେବ; ଏସିଏଫଏମ, ଏସୀୟ କଣ୍ଟେଣ୍ଟ ଏବଂ ଚଳଚ୍ଚିତ୍ର ବଜାରରେ ସହ-ପ୍ରଯୋଜନା ବଜାର ପାଇଁ ୫ଟି ଭାରତୀୟ ପ୍ରକଳ୍ପକୁ ଚୟନ କରାଯାଇଛି

ବିଆଇଏଫଏଫ-୨୦୨୫ରେ ଅଂଶଗ୍ରହଣ ସହ-ପ୍ରଯୋଜନା ବିସ୍ତାର କରିବା, ଏଭିଜିସି ସୁଯୋଗକୁ ପ୍ରୋତ୍ସାହିତ କରିବା ଏବଂ ଦକ୍ଷିଣ କୋରିଆ ସହିତ ସାଂସ୍କୃତିକ ସମ୍ପର୍କକୁ ମଜବୁତ କରିବା ପାଇଁ ଭାରତର ପ୍ରତିବଦ୍ଧତାକୁ ପ୍ରତିଫଳିତ କରେ

ଇଣ୍ଡିଆ ପାଭିଲିୟନରେ ୱେଭ୍ସ ବଜାର ଭାରତୀୟ କ୍ରିଏଟରମାନଙ୍କୁ ବିଶ୍ୱ ବଜାର ସହିତ ସଂଯୋଗ କରିବ ଏବଂ ସହ-ପ୍ରଯୋଜନା ଏବଂ ଏଭିଜିସି ପାଇଁ ପ୍ରୋତ୍ସାହନକୁ ଉଜ୍ଜ୍ୱଳ କରିବ

ବୁସାନରେ ଭାରତର ସଂସ୍କୃତି ଏବଂ ସୃଜନଶୀଳତାକୁ ପାଳନ କରିବ ଭାରତ ପର୍ବ ଏବଂ ଭାରତୀୟ ଚଳଚ୍ଚିତ୍ର ; ନୀତିଗତ ଆଲୋଚନା ଏବଂ ବୁଝାମଣାପତ୍ର ଭାରତ-କୋରିଆ ଏଭିଜିସି ଏବଂ ଚଳଚ୍ଚିତ୍ର ସହ-ପ୍ରଯୋଜନା ଢାଞ୍ଚାକୁ ମଜବୁତ କରିବ

ସୂଚନା ଏବଂ ପ୍ରସାରଣ ରାଷ୍ଟ୍ରମନ୍ତ୍ରୀ ଡକ୍ଟର ଏଲ୍. ମୁରୁଗାନଙ୍କ ନେତୃତ୍ୱରେ ଭାରତର ଏକ ଉଚ୍ଚସ୍ତରୀୟ ପ୍ରତିନିଧିମଣ୍ଡଳ ଦକ୍ଷିଣ କୋରିଆରେ ବୁସାନ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ବିଆଇଏଫଏଫ) ୨୦୨୫ ଏବଂ ଏସୀୟ କଣ୍ଟେଣ୍ଟ ଏବଂ ଚଳଚ୍ଚିତ୍ର ବଜାର (ଏସିଏଫଏମ)ରେ ଯୋଗଦେଇ ଏକ ଗୁରୁତ୍ବପୂର୍ଣ୍ଣ ସଫଳତା ହାସଲ କରିବାକୁ ଯାଉଛି । ଏହା ବିଆଇଏଫଏଫକୁ ଭାରତର ପ୍ରଥମ ମନ୍ତ୍ରୀସ୍ତରୀୟ ପ୍ରତିନିଧିମଣ୍ଡଳ ହେବ, ଯାହା ସାଂସ୍କୃତିକ କୂଟନୀତିକୁ ସୁଦୃଢ଼ କରିବ, ଆନ୍ତର୍ଜାତୀୟ ସ୍ତରରେ ସୃଜନଶୀଳ ସହଯୋଗକୁ ବିସ୍ତାର କରିବ ଏବଂ ଭାରତକୁ ସୃଜନଶୀଳ ଅର୍ଥନୀତିର ଏକ ବିଶ୍ୱ କେନ୍ଦ୍ର ଭାବରେ ପ୍ରତିଷ୍ଠା କରିବା ପାଇଁ ଦେଶର ପ୍ରତିବଦ୍ଧତାକୁ ପ୍ରତିଫଳିତ କରିବ।

ପ୍ରତିନିଧିମଣ୍ଡଳୀରେ ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ବରିଷ୍ଠ ଅଧିକାରୀ, ଏନ୍ଏଫଡିସି, ଏଫ୍ଆଇସିସିଆଇ, ଏଫଟିଆଇଆଇ, ଏସଆରଏଫଟିଆଇଆଇ ଏବଂ ଆଇଆଇଏମସିର ପ୍ରତିନିଧିମାନେ, ଏବଂ ଓ୍ବେଭ୍ସ ବଜାର ପଦକ୍ଷେପର ଚୟନିତ କ୍ରିଏଟରମାନେ ସାମିଲ ହେବେ।

କେନ୍ଦ୍ର ସୂଚନା ଏବଂ ପ୍ରସାରଣ ରାଷ୍ଟ୍ରମନ୍ତ୍ରୀ ଡକ୍ଟର ଏଲ୍. ମୁରୁଗାନ୍ ମୁରୁଗାନ୍ ଗସ୍ତ କହିଛନ୍ତି, “ଭାରତ ବିଆଇଏଫଏଫ ୨୦୨୫ ରେ ଅଂଶଗ୍ରହଣ କରି ଗର୍ବିତ, ଏହା ଏକ ମହୋତ୍ସବ ଯାହା ଏସୀୟ ଏବଂ ବିଶ୍ୱସ୍ତରୀୟ ସିନେମାର ଶ୍ରେଷ୍ଠ ପ୍ରଦର୍ଶନ କରେ। ଏଠାରେ ଆମର ଉପସ୍ଥିତି ଭାରତର ସହ-ପ୍ରଯୋଜନା ବିସ୍ତାର କରିବ, ଏଭିଜିସିରେ ନୂତନ ସୁଯୋଗ ସୃଷ୍ଟି କରିବ ଏବଂ ଦକ୍ଷିଣ କୋରିଆ ସହିତ ସାଂସ୍କୃତିକ ସମ୍ପର୍କକୁ ମଜବୁତ କରିବା ପାଇଁ ସଂକଳ୍ପକୁ ପ୍ରତିଫଳିତ କରେ। ୱେଭ୍ସ ବଜାର ଏବଂ ଭାରତ ପର୍ବ ମାଧ୍ୟମରେ, ଆମେ କେବଳ ଆମର ସୃଜନଶୀଳ ଅର୍ଥନୀତି ନୁହେଁ, ବରଂ ଭାରତର କାଳଜୟୀ ଐତିହ୍ୟ ଏବଂ ପ୍ରତିଭାକୁ ମଧ୍ୟ ପ୍ରଦର୍ଶନ କରୁ।”

ଭାରତର ଅଂଶଗ୍ରହଣର ମୁଖ୍ୟାଂଶ

ବିଆଇଏଫଏଫ ଏବଂ ଏସିଏଫଏମରେ ଭାରତ ପାଭିଲିୟନ୍ - ‘ୱେଭ୍ସ ବଜାର’ ପଦକ୍ଷେପ ଉପରେ ଫୋକସ୍

“ଭାରତ – ବିଶ୍ୱ ପାଇଁ ସୃଜନଶୀଳ ଅର୍ଥନୀତି” ଥିମ୍ ଅଧୀନରେ ବିଆଇଏଫଏଫ ଏବଂ ଏସିଏଫଏମ ଉଭୟରେ ଭାରତ ପାଭିଲିୟନ୍ ସ୍ଥାପନ କରାଯିବ। ଏହି ପାଭିଲିୟନ୍ ବିଟିବି ବୈଠକ ମାଧ୍ୟମରେ ଭାରତୀୟ ବିଷୟବସ୍ତୁ ସୃଷ୍ଟିକାରୀ, ପ୍ରଯୋଜକ ଏବଂ ବିତରକମାନଙ୍କୁ ବିଶ୍ୱ ବଜାର ସହିତ ସଂଯୋଗ କରିବା ପାଇଁ ଡିଜାଇନ୍ କରାଯାଇଥିବା ୱେଭ୍ସ ବଜାର ପଦକ୍ଷେପକୁ ଉଜ୍ଜ୍ୱଳ କରିବ। ଏସିଏଫଏମର ଅଫିସିଆଲ କାର୍ଯ୍ୟକ୍ରମର ଅଂଶ ଭାବରେ, "ଭାରତ-କୋରିଆ ସିନର୍ଜି: ସହ-ପ୍ରଯୋଜନରେ ନୂତନ ଦିଗନ୍ତ" ଉପରେ ଏକ ପ୍ୟାନେଲ୍ ଆଲୋଚନା ଉଭୟ ଦେଶର ପ୍ରମୁଖ ଶିଳ୍ପ ପ୍ରତିନିଧି ଏବଂ ସରକାରୀ ଅଧିକାରୀଙ୍କ ସହିତ ଅନୁଷ୍ଠିତ ହେବ।

ବୁସାନରେ ଭାରତୀୟ ସିନେମା ପ୍ରଦର୍ଶନ

ଏହି ବର୍ଷ ଭାରତର ପ୍ରଦର୍ଶନ ସବୁଠାରୁ ପ୍ରଭାବଶାଳୀ ରହିବ, ଯାହାକି ଦଶରୁ ଅଧିକ ଚଳଚ୍ଚିତ୍ର ଭାରତୀୟ କାହାଣୀର ବିବିଧତା ପ୍ରଦର୍ଶନ କରିବ:

ସ୍ପାଇଂ ଷ୍ଟାର୍ସ (ପଦ୍ମଶ୍ରୀ ନୀଳା ମାଧବ ପଣ୍ଡା) - ଉଦଘାଟନୀ ପ୍ରତିଯୋଗିତା ବିଭାଗରେ ପ୍ରତିଯୋଗିତା କରୁଛନ୍ତି।

ଇଫ୍ ଅନ୍ ଏ ୱିଣ୍ଟର ନାଇଟ୍ (ସଞ୍ଜୁ ସୁରେନ୍ଦ୍ରନ୍); କକ୍ କକ୍ କୋକୁକ୍ (ମହର୍ଷି ତୁହିନ୍ କଶ୍ୟପ); ସେପ୍ ଅଫ୍ ମୋମୋ (ତ୍ରିବେଣୀ ରୟ) - ଭିଜନ୍ ଏସିଆ ବିଭାଗ ଅଧୀନରେ।

ଅନ୍ୟାନ୍ୟ ପ୍ରକଳ୍ପଗୁଡ଼ିକ ମଧ୍ୟରେ ବାୟାନ୍ (ବିକାଶ ରଞ୍ଜନ ମିଶ୍ର); ଡୋଣ୍ଟ ଟେଲ୍ ମଦର (ଅନୁପ ଲୋକୁର); ଫୁଲ୍ ପ୍ଲେଟ୍ (ତନିଷ୍ଠା ଚାଟାର୍ଜୀ); କରିଞ୍ଜି (ଶୀତଲ୍ ଏନ.ଏସ.); ଆଇ, ପପି (ବିବେକ ଚୌଧୁରୀ) ଅନ୍ତର୍ଭୁକ୍ତ।

ଏସୀୟ ପ୍ରୋଜେକ୍ଟ ମାର୍କେଟ୍ (ଏସିଏଫଏମ)ରେ ସହ-ଉତ୍ପାଦନ ବଜାର ପାଇଁ ପାଞ୍ଚଟି ଭାରତୀୟ ପ୍ରକଳ୍ପ ଚୟନ କରାଯାଇଛି:

ଡିଫିକଲ୍ଟ ଡଟର୍ସ - ସୋନି ରାଜଦାନଙ୍କ ଦ୍ୱାରା ନିର୍ଦ୍ଦେଶିତ; ଆଲିଆ ଭଟ୍ଟ, ଶାହିନ ଭଟ୍ଟ, ଆଲାନ୍ ମ୍ୟାକଆଲେକ୍ସ ଏବଂ ଗ୍ରୀଷ୍ମା ଶାହଙ୍କ ଦ୍ୱାରା ପ୍ରଯୋଜିତ।

ଦି ଲାଷ୍ଟ ଅଫ୍ ଦେମ୍ ପ୍ଲେଗ୍ସ - କୁଞ୍ଜିଲା ମସ୍କିଲାମଣିଙ୍କ ଦ୍ୱାରା ନିର୍ଦ୍ଦେଶିତ; ପାୟଲ୍ କପାଡିଆ, ଜିଓ ବେବି ଏବଂ କାନି କୁସୃତିଙ୍କ ଦ୍ୱାରା ପ୍ରଯୋଜିତ।

ଲଙ୍କା (ଦି ଫାୟାର) - ସୌରଭ ରାୟଙ୍କ ଦ୍ୱାରା ନିର୍ଦ୍ଦେଶିତ; ସୁଦୀପ୍ତ ସାଧୁଖାନ୍, ବିରାଜ ସେଲୋଟ୍ ଏବଂ ଅଙ୍କିତା ପୁରକାୟସ୍ଥଙ୍କ ଦ୍ୱାରା ପ୍ରଯୋଜିତ।

ମୁନ୍ - ପ୍ରଦୀପ କୁର୍ବାଙ୍କ ଦ୍ୱାରା ନିର୍ଦ୍ଦେଶିତ ଏବଂ ପ୍ରଯୋଜିତ।

ଦି ମ୍ୟାଜିକାଲ୍ ମେନ୍ - ବିପ୍ଳବ ସରକାରଙ୍କ ଦ୍ୱାରା ନିର୍ଦ୍ଦେଶିତ; ଭାରତ ଏବଂ ଅନ୍ତର୍ଜାତୀୟ ଅଂଶୀଦାରମାନଙ୍କ ଦ୍ୱାରା ସହ-ପ୍ରଯୋଜନ।

ଭାରତ ପର୍ବ - ଭାରତୀୟ ସଂସ୍କୃତିର ଏକ ଉତ୍ସବ

ସୂଚନା ଏବଂ ପ୍ରସାରଣ ମନ୍ତ୍ରଣାଳୟ "ଭାରତ ପର୍ବ" ଆୟୋଜନ କରିବ, ଯାହାକି ଭାରତୀୟ କଳା, ସଙ୍ଗୀତ ଏବଂ ଖାଦ୍ୟର ଏକ ସାଂସ୍କୃତିକ ସନ୍ଧ୍ୟା ହେବ। ଏହି କାର୍ଯ୍ୟକ୍ରମ ଭାରତ ଏବଂ କୋରିଆ ମଧ୍ୟରେ ଗଭୀର ଲୋକ-ଲୋକ ସାଂସ୍କୃତିକ ସମ୍ପର୍କ ପାଇଁ ଏକ ପ୍ଲାଟଫର୍ମ ଭାବରେ କାର୍ଯ୍ୟ କରିବ, ଯେଉଁଥିରେ ଭାରତୀୟ ଏବଂ କୋରିଆନ ଗଣମାଧ୍ୟମ ଏବଂ ମନୋରଞ୍ଜନ ଶିଳ୍ପର ପ୍ରମୁଖ ବ୍ୟକ୍ତିମାନେ ଅଂଶଗ୍ରହଣ କରିବେ।

ନୀତି ଆଲୋଚନା ଏବଂ ସହଯୋଗ

କୋରିଆ ଗଣରାଜ୍ୟର ସଂସ୍କୃତି, କ୍ରୀଡା ଏବଂ ପର୍ଯ୍ୟଟନ ମନ୍ତ୍ରୀଙ୍କ ସହିତ ସୂଚନା ଏବଂ ପ୍ରସାରଣ ରାଷ୍ଟ୍ରମନ୍ତ୍ରୀଙ୍କ ଏକ ଜିଟୁଜି ବୈଠକ ଭାରତ-କୋରିଆ ଏଭିଜିସି ଏବଂ ଚଳଚ୍ଚିତ୍ର ସହ-ପ୍ରଯୋଜନା ଢାଞ୍ଚା ପାଇଁ ଏକ ସଂରଚିତ ଆଲୋଚନା ଆରମ୍ଭ କରିବାର କାର୍ଯ୍ୟକ୍ରମ ରହିଛି।

ଏନ୍ଏଫଡିସି, ଏଫଟିଆଇଆଇ, ଆଇଆଇସିଟି ଭଳି ଭାରତୀୟ ପ୍ରତିଷ୍ଠାନ ଏବଂ କେଏଏଫ୍ଏ, କେଓଏଫ୍ଆଇସି, କେଓସିସିଏ ଭଳି କୋରିଆନ୍ ପ୍ରତିଷ୍ଠାନ ଓ ଓଟିଟି ପ୍ଲାଟଫର୍ମ ମଧ୍ୟରେ ତାଲିମ, ବିନିମୟ କାର୍ଯ୍ୟକ୍ରମ ଏବଂ ଭାରତୀୟ ବିଷୟବସ୍ତୁ ବଣ୍ଟନ ପାଇଁ ଆଗ୍ରହ ପତ୍ର ସ୍ୱାକ୍ଷରିତ ହେବାର ଯୋଜନା ରହିଛି।

ବିଆଇଏଫଏଫ ଏବଂ ସିଏଫଏମ ବିଷୟରେ

ବୁସାନ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ବିଆଇଏଫଏଫ) ହେଉଛି ଏସିଆର ସବୁଠାରୁ ପ୍ରତିଷ୍ଠିତ ଚଳଚ୍ଚିତ୍ର ମହୋତ୍ସବ ମଧ୍ୟରୁ ଗୋଟିଏ, ଯାହାକୁ ଏଫଆଇଏପିଏଫ ଦ୍ୱାରା ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫଏଫଆଇ) ଏବଂ କାନ୍ସ ଚଳଚ୍ଚିତ୍ର ମହୋତ୍ସବ ସହିତ ସ୍ୱୀକୃତି ଦିଆଯାଇଛି। ଏସୀୟ ବିଷୟବସ୍ତୁ ଏବଂ ଚଳଚ୍ଚିତ୍ର ବଜାର (ଏସିଏଫଏମ) ଏକ ଅଗ୍ରଣୀ ସହ-ପ୍ରଯୋଜନା ଏବଂ ଆର୍ଥିକ ପ୍ଲାଟଫର୍ମ ଭାବରେ କାର୍ଯ୍ୟ କରେ, ଯାହା ଚଳଚ୍ଚିତ୍ର ନିର୍ମାତାମାନଙ୍କୁ ବିଶ୍ୱ ନିବେଶକ ଏବଂ ଅଂଶୀଦାରମାନଙ୍କ ସହିତ ସଂଯୋଗ କରିଥାଏ।

TKM