ভারতনা বুসান ইন্তর্নেস্নেল ফিল্ম ফেস্তিবেল (BIFF) 2025 অমসুং খা কোরিয়াদা পাংথোক্কদৌরিবা এসিয়ন কন্তেন্তস এন্দ ফিল্ম মার্কেৎ (ACFM)দা ইনফোর্মেসন অমসুং ব্রোদকাস্তিংগী ইকাই খুম্নরবা রাজ্য মন্ত্রী দা. শ্রী মুরুগননা লুচিংবা হায়-লেবেল দেলিগেসন অমগা লোয়ননা শরুক য়ানবা শেম শাবা লোইরে। মসিনা BIFFতা ভারতকী অহানবা মিনিস্ত্রিএল দেলিগেসন ওইগনি, মসিনা কলচরেল দিপ্লোমেসী মপাঙ্গল কনখৎহন্নবা, ইন্তর্নেস্নেলগী থাক্তা ক্রিএতিব কোলাবোরেসনশিং হেনগৎহন্নবা অমসুং ভারতপু ক্রিয়েতিব ইকনোমীগী গ্লোবেল হব অমা ওইনা লেপহন্নবা লৈবাক অসিগী অচেৎপা ফিরেপ অদু ময়েক শেংনা উৎলি।

দেলিগেসন অসিদা I&B মন্ত্রালয়গী মকোক থোংবা ওফিসিএলশিং, NFDC, FICCI, FTII, SRFTII, অমসুং IIMCগী মীহুৎশিং, লোয়ননা WAVES বজার ইনিসিয়েতিবকী খনগৎলবা ক্রিএতরশিং য়াওগনি।

খোঙচৎ অসিগী মাংওইননা, কেন্দ্রগী ইনফোর্মেসন অমসুং ব্রোদকাস্তিংগী রাজ্য মন্ত্রী দা. এল. মুরুগননা হায়খি, "এসিয়ন অমসুং মালেমগী খ্বাইদগী ফবা সিনেমা পুনশিল্লিবা BIFF 2025দা শরুক য়াবদা ভারতনা চাউথোকচবা পোকই। ঐখোয়না মফম অসিদা য়াওবা অসিনা কো-প্রদক্সন পাকথোক চাউথোকহন্নবা, AVGCদা অনৌবা খুদোংচাবশিং শেম্নবা অমসুং খা কোরিয়াগা লোয়ননা নাৎকী ওইবা মরীশিং মপাঙ্গল কনখৎহন্নবা ভারতকী ফিরেপ অদু উৎলি। WAVES বজার অমসুং ভারত পর্ভগী খুত্থাংদা, ঐখোয়না ঐখোয়গী ক্রিএতিব ইকনোমী অদুখক্তা নত্তনা মমল নাইদ্রবা ভারতকী হেরিতেজ অমসুং তেলেন্তসু উৎলি”।

ভারতকী শরুক য়াবা অসিগী মতাংদা মরু ওইবা পাউদমশিং

BIFF & ACFMতা উৎলিবা ভারত পেভিলিয়ন – ‘WAVES বজার’ ইনিসিয়েতিবতা মীৎয়েং থম্মি

ভারত পেভিলিয়ন অসি 'ইন্দিয়া - মালেমগীদমক ক্রিয়েতিব ইকনোমী' হায়বা থিমগী মখাদা BIFF & ACFM অনিমক্তা হাংগনি। পেভিলিয়ন অসিনা ভারতকী কন্তেন্ত ক্রিএতরশিং, প্রদ্যুসরশিং অমসুং দিস্ত্রিব্যুতরশিংগা B2B মীফমশিংগী খুত্থাংদা মালেমগী কৈথেলশিংগা শম্নহন্নবা শেমখিবা WAVES বজার ইনিসিয়েতিববু ময়েক শেংনা উৎলগনি। ACFMগী ওফিসিএল প্রোগ্রামগী শরুক অমা ওইনা, লৈবাক অনিমক্কী মকোক থোংবা ইন্দস্ত্রীগী মীহুৎশিং অমসুং সরকারগী ওফিসিএলশিংগা লোয়ননা "ইন্দিয়া-কোরিয়া সিনর্জীজ: কো-প্রদক্সনশিংদা লৈরিবা অনৌবা হোরাইজনশিং" হায়না মিংথোনবা পেনেল দিস্কসন অমা শীনগনি।

বুসানদা ভারতকী সিনেমা উৎপা

চহি অসিদা ভারতনা ফিল্ম তরা হেনবগা লোয়ননা মাগী মশিং খ্বাইদগী য়াম্বা ওইদুনা মসিনা ভারতকী স্তোরীতেলিংফী দাইভর্সিতী অদু উৎলি।

• স্পাইয়িং স্তার্স (পদ্ম শ্রী নিলা মাধব পন্দা) –হৌদোকপগী কম্পিতিসন সেক্সনদা কম্পিৎ তৌরি।
• ইফ ওন আ ৱিন্তর নাইৎ (সঞ্জু সুরেন্দ্রন); কোক কোক কোকোক (মহার্শি তুহিন কেশ্যপ); শেপ ওফ মোমো (তৃবেনি রাই) –ভিজন এসিয়া সেক্সনগী মখাদা।
• অতোপ্পা প্রোজেক্তশিংদা বয়ান (বিকাস রনজন মিশ্রা); দোন তেল মাদর (অনোপ লোককুর); ফুল প্লেৎ (তান্নিস্থা চেত্তর্জী); করিঞ্জি (শীতল এন.এস.); আই, পোপী (ভিবেক চৌধরী) য়াওরি।

এসিয়ন প্রোজেক্ত মার্কেৎ (ACFM)তা কো-প্রদক্সন মার্কেৎকীদমক ভারতকী প্রোজেক্ত মঙা খল্লে:  

দিফিকল্ত দোতর্স – সোনি রাজদাননা দিরেক্সন পীবা; এলিয়া ভত্ত, শাহিন ভত্ত, এলন মেকএলেক্স অমসুং গৃশমা শাহনা পুথোকপা।

• দি লাস্ত ওফ দেম প্লেগস – কুঞ্জিলা মাস্সিল্লামনিনা দিরেক্সন পীবা; পায়ল কপাদিয়া, জিও বেবী অমসুং কানি কুসরুতিনা পুথোকপা।
• লঙ্কা (দি ফায়র) – সৌরব রাইনা দিরেক্সন পীবা; পাসুদীপতা সধুখান, ভিরাজ সেলোৎ অমসুং অঙ্কিতা পুরকয়াস্থানা পুথোকপা।
• মুন –প্রদিপ কুরবাহনা দিরেক্সন পীবা অমসুং পুথোকপা।
• দি মেগিকেল মেন – বিপ্লোব সরকারনা দিরেক্সন পীবা; ইন্দিয়া অমসুং ইন্তর্নেস্নেল পার্তনরশিংনা পুন্না পুথোকপা।

ভারত পর্ভ – ভারতকী নাৎ পালন তৌবা

I&B মন্ত্রালয়না “ভারত পর্ভ”, ভারতকী কলা, ঈশৈ অমসুং চিঞ্জাক য়াওবা কলচরেল নুমিৎ অমা পাংথোক্কনি। থৌরম অসিনা ভারত অমসুং কোরিয়া অনিগী মরক্তা মীয়ামগী মরক্তা অমসুং কলচরেল কনেক্তকীদমক প্লেৎফোর্ম অমা ওইগনি। মসিদা ভারত অমসুং কোরিয়াগী মীদিয়া অমসুং এন্তর্তেনমেন্ত ইন্দস্ত্রীগী লুচিংবশিংনা শরুক য়াগনি।

পোলিসী দাইলোগশিং অমসুং কোলাবোরেসনশিং

• ভারত-কোরিয়া AVGC অমসুং ফিল্ম কো-প্রদক্সন ফ্রেমৱার্ক অমগীদমক স্ত্রকচর তৌরবা দাইলোগ অমা হৌদোক্নবগীদমক কোরিয়াগী কলচর, স্পোর্তস অমসুং তুরিজম মন্ত্রীগা লোয়ননা MoS I&Bনা G2G মীফম অমা পাংথোক্নবা থৌরাং তৌরি।
• NFDC, FTII, IICT (ভারত) অমসুং KAFA, KOFIC, KOCCA য়াওনা কোরিয়ন ইন্সতিত্যুসনশিংগী মরক্তা লোয়ননা ত্রেনিং, একচেঞ্চ প্রোগ্রামশিং, অমসুং ইন্দিয়ন কন্তেন্ত দিস্ত্রিব্যুসনগীদমক কোরিয়ন OTT প্লেৎফোর্মশিংগী মতাংদা লেত্তর্স ওফ ইন্তেন্ত (LoIs)গী খুৎয়েক পীগনি।

BIFF অমসুং ACFMগী মরমদা

বুসান ইন্তর্নেস্নেল ফিল্ম ফেস্তিবেল (BIFF) অসি ইন্তর্নেস্নেল ফিল্ম ফেস্তিবেল ওফ ইন্দিয়া (IFFI) অমসুং কেন্স ফিল্ম ফেস্তিবেলগা লোয়ননা এসিয়াগী খ্বাইদগী মমিং লৈরবা ফিল্ম ফেস্তিবেলশিংগী মনুংদা অমনি। এসিয়ন কন্তেন্ত এন্দ ফিল্ম মার্কেৎ (ACFM) না প্রিমিয়র কো-প্রদক্সন অমসুং ফাইনান্সিং প্লেৎফোর্ম অমা ওইনা থবক তৌরি। মসিনা ফিল্ম মেকরশিংবু মালেমগী ইনভেস্তরশিং অমসুং পার্তনরশিংগা শম্নহল্লি।

***