য়োর এক্সেলেন্সী পর্ধান মন্ত্রী ইশিবা,

লৈবাক অনিমক্কী দেলিগেতশিং,

মীদিয়াদগী মরুপ-মপাংশিং

নমস্তে!

কোনবানৱা!

ঙসি ঐখোয়না খন্নখিবা অদু য়াম্না প্রোদক্তিব অমসুং পর্পোসফুল ওইবা অমা ওইখি। য়াম্না চাউবা ইকোনোমী অমসুং ভাইব্রেন্ত ওইবা দেমোক্রেসী অনি ওইবনা , ঐখোয়গী পার্তনরশিপ অসি লৈবাক অনিমক্কীদমক্তা য়াম্না মরু ওইবদা নত্তনা মালেমগীদমক্তা শান্তি পুরকপদা অমসুং তংদু লৈতবা অমা ওইহনবদা য়াম্না মরু হায়বসি নাকল অনিমক্না য়ানিংবা ফোংদোকখি।

অরিংবা দেমোক্রেসীশিং অসি অফবা মালেম অমা শেমগৎপদা মহৌশাগী পার্তনরশিংনি।

মরুপশিং,

ঙসি, ঐখোয়না ঐখোয়গী অখন্নবা স্ত্রেতেজিক অমসুং গ্লোবল পার্তনরশিপতা অনৌবা অমসুং থোইদোক-হেন্দোকপা পান্দুপ অমগীদমক্তা য়াম্না লিংলবা য়ুমফম অমা উরেপ-উয়ুং তমখ্রে।

ভারত-জপান বিজনেস ফোরমদশু ঐহাক্না জপানগী কমপনীশিংদা “ভারত্তা শেম্মু, মালেমগীদমক্তা শেম্মু” হাবণা তকশিনখ্রে।

মরুপশিং,

ঐখোয়গী জোইন্ত ক্রেদিৎ মেকানিজম অসি ইনর্জিগীদমক্তা য়াম্না চাউবা মাইপাকপা অমনি। মসিনা ঐখোয়গী গ্রীন পার্তনরশীপ অসি ঐকোয়গী ইকোনোমিক পার্তনরশিপগুম্না য়াম্না লিংবা পার্তনরশিপনি হায়বদু মবেক শেংনা উৎলি। মসিগী মাইকৈদা, ঐখোয়না সস্তেনেবল ফ্যুএল ইনিসিয়েতিব অমসুং বেতরী সপ্লাই চেন পার্তনরশিপশু হৌদোক্লগনি।

ঐখোয়না ইকোনোমিক সেক্যুরিতী কোওপরেতিব ইনিসিয়েতিব হৌদোক্লগনি। মসিগী মখাদা, ঐখোয়না বাম্না মরু ওইবা অমসুং বাম্না স্ত্রেতেজিক ওইবা হিরমশিংদা কমপ্রেহেন্সিব ওইবা কোংথাং অমগা লোইননা খোং থাংজিল্লগনি।

হাই তেক্নোলোজীগী লমদা তেংবাং পীনবা হায়বসি ঐখোয়া অনিমক্কী ওইনা খ্বাইদগী হেন্না মরু ওইবা অমনি। মসিগী হীরম অসিদা দিজিতেল পার্তনরশিপ 2.0 অমসুং AI কোওপরেশন ইনিসিয়েতিবশিংগী থবক পাইখৎখ্রে।

সেমিকন্দক্তর অমসুং রেবর অর্থ মিনরেলশিংনা ঐখোয়গী এজেন্দাশিংগী খ্বাইদগী হেন্নামরু ওইবা ওইগনি।

মরুপশিং,

জপানগী তেক্নোলোজীশিং অমসুং ভারতকী হৈথোই-শিংথোইবা হায়বসি পুনশিন্নবদা মাইপাকপা পুরক্কনি হায়না ঐখোয়নাথাজৈ। নাকল অমরোমদনা ঐখোয়না আই-স্পীদ রেলগীদমক্তা কন্না হোৎনবগা লোইন-লোইননা নেক্স জেনেরেশন মোবিলিতী পার্তনরশিপকী মখাদা পোর্তশিং, এভিয়াশন অমসুং শিপবিল্দিংগী হিরমদশু য়াম্না খোংজেল য়াংনা খুমাং চাউশিল্লি।

চন্দ্রয়ান-5 মিসনগী মতাংদা তেংবাং পীননবা ISRO অমসুং JAXAগী মরক্তা য়ানবা অমা পুরকখিবা অদুবু ঐখোয়না তরাম্না ওক্লি।

মরুপশিং,

হভুমেন রিসোর্স এক্সচেঞ্জকী এক্সন প্লান মখাদা, লাক্কদবা চই মঙা অসিদা নাকল অনিমক্না তোঙান-তোঙানবা হীরমশিংদা মী লাখ 5 হেন্না এক্সচেঞ্জ তৌননবা হোৎনরগনি। হৈ-শিংলবা ভারতমচা 50,000না জপানগী ইকোনোমীদা শরুক বারগনি, মসিগী মখাদা।

ভারত অমসুং জপানগী মরক্তা লৈরিবা পার্তনরশিপ অসি দিল্লী আমসুং তোক্যোগী মরক্তা খক্তমক লোইবা নত্তে. ঐখোয়গী মরক্তা তেংবাং পীনবা অসি ভারতকী রাজ্যশিং অমসুং জপানগী প্রিফেকচরশিংগী মরক্তা ইনস্তিত্যশনশিংগী মরক্তা খুৎশম্নদুনা থবক তৌমিন্নদুনা হেন্না চেৎশিনহল্লগনি। মসিনা ত্রেদ, তুরিজম, এজুকেশন অমসুং কলচরেল এক্সচেঞ্জকীদমক্তা অনৌবা লম্বি অমা হাংদোক্লগনি।

মরুপশিং,

ভারত অমসুং জপান্না ফ্রী, ওপন, পীসফুল, প্রোসপরস অমসুং রুলশিংদা য়ুমফম ওইবা ইন্দো-পেসিফিক অমা শেম্নবগী মাইকৈদা খোংফম চেৎনা অচেৎপা ফিরেপ অমগা লোইনা লেপ্লি।

ঐখোবনা তেরোরিজম অমসুং সাইবর সেক্যুরিতীগী মাইকৈদা ফাওরিবা অৰাবা অদুগী মতাংদশু খন্নখি। ঐখোয়না দিফেন্স অমসুং মেরিতাইম সেক্যুরিতীগী লমদশু অপাম্বা ফোংদোক্লদুনা খন্নখি। ঐখোয়না পুন্না দিফেন্স ইন্দস্ত্রী অমসুং ইন্নোভেশনগী লমদশু খুৎশম্নদুনা থবক তৌমিন্নবা হেগৎহন্নবগী মতাংদশু ফিরেপ লৌখ্রে।

মরুপশিং,

ভারত অমসুং জপানগী পার্তনরশিপ অসি নাকল অনিমক্কী অমনা অমবু থাজনবগী মখা পোন্না শেম্বনি, মসিনা লৈবাক্কী ওইনা খ্বাইদগী হেন্না মরুওইবা থম্লিবা অদুবু ময়েক শেংনা উৎলি অমসুং মসি ঐখোয়গী শেয়র্দ ভেল্যুশিং অমসুং বিলীফশিং অদুনা শেম্বনি।

এক্সেলেন্সী,

অমুক্কশু হন্না, ঐহাক্না নখোয়গী মরুপ অমা ওইবগী মরি অসিবু থমোই শেংনা থাগৎপা ফোংদক্লি। অমসুং মথংগী অন্যুৱেল সম্মিতকীদমক্তা ভারত্তা লাক্ননবা তরাম্না চেবাউ পীজরি।

আরিগাতো গোজাইমাসু।

থাগৎচরি।

***