জপানগী প্রধান মন্ত্রী ঐচ.ই. শ্রী ইশিবা শিগেরুনা বর্তন তৌরকপদগী ভারতকী প্রধান মন্ত্রী শ্রী নরেন্দ্র মোদীনা ২০২৫গী ওগস্ত ২৯-৩০দা ১৫শুবা ভারত-জপান এন্যুএল সম্মিৎকীদমক জপানদা ওফিসিএল ৱার্কিং ভিজিৎ অমা চৎখ্রে। ২০২৫গী ওগস্ত ২৯গী নুমিদাংৱাইরমদা প্রধান মন্ত্রী মোদীবু প্রধান মন্ত্রী ইশিবনা প্রধান মন্ত্রীগী ওফিস (কান্তৈ) দা তরাম্না ওকখি, মফম অদুদা মহাকপু গার্দ ওফ ওনরগী থৌরম অমগা লোয়ননা ওকখি। প্রধান মন্ত্রী অনিমক্না দেলিগেসনগী থাক্তা ৱারী শাবা অদুগী মনুংদা মখোয়না মান্নবা ভেল্যুশিং অমসুং কান্নবশিং, অপুনবা স্ত্রেতেজিক ওইবা মীৎয়েং অমসুং অমনা অমবু ইকায় খুম্নবদা য়ুম্ফম ওইবা ভারত অমসুং জপানগী মরক্তা মতম শাংনা লৈরক্লবা মরুপ-মপাং ওইবগী মরী অদু নীংশিংখি। প্রধান মন্ত্রী অনিমক্না হৌখিবা চহী তরা অসিদা ভারত-জাপান পার্তনরশিপনা পায়খৎলকপা মরুওইবা খোংথাংশিং অদু থাগৎপা ফোংদোকখি। লাক্কদৌরিবা চহি তরা অসিদা নাকল অনিগী ওইবা সেক্যুরিতী অমসুং চাউখৎপা পুরক্নবা স্ত্রেতেজিক অমসুং মীৎয়েং শানবা পার্তনরশিপ মপাঙ্গল কনখৎহন্নবা লম্বীশিং অদুগী মতাংদা কন্সত্রক্তিব ওইবা খন্ন-নৈনখি।

প্রধান মন্ত্রী অনিমক্না নাকল অনিগী মরক্তা ম্যুচুএল ত্রস্ত অমসুং অচেৎপা মরী অদু উৎলিবা অৱাংবা থাক্কী এক্সচেঞ্জশিং, অমসুং মিনিস্ত্রিএল অমসুং পার্লিয়ামেন্তরী এঙ্গেজমেন্তশিং তরাম্না ওকখি। পার্তনরশিপ অসি হৌখিবা দিকেদ অসিদা সেক্যুরিতী, দিফেন্স, ললোন-ইতিক, ইনভেস্তমেন্ত, কম্মর্স, সাইন্স অমসুং তেক্নোলোজী, স্কিল অমসুং মোবিলিতী, অমসুং কলচরেল অমসুং পিপল-তু-পিপলগী মরী লৈনবা লমশিংদা পাক-শন্না পাকথোক চাউথোকখি। ভারত অমসুং জপানগী মরক্তা সেক্তর কয়াদা দাইলোগ মেকানিজম অমসুং ৱার্কিং গ্রুপ ৭০ হেন্না লৈরি। মসিনা মিনিস্ত্রী, এজেন্সী অমসুং দিপার্তমেন্ত কয়াগী মরক্তা কন্না থবক তৌমিন্নবা অমসুং মতেং পীনবগী মরম ওইরি হায়না প্রধান মন্ত্রী অনিনা থাগৎখি।

ভারত-জপানগী মরী অসি মরুওইবা তাঙ্কক অমদা লৈরে হায়না প্রধান মন্ত্রী অনিমক্না য়ানখি অমসুং ঐখোয়গী মায়পাকপশিংনা য়ুম্ফম ওইদুনা অমনা অমবু মপুং ফাহল্লিবা মরী অমা শেমগৎপা অমসুং ঐখোয়গী মপাঙ্গলশিং অমসুং অফবা মরীশিং অসিনা য়ুম্ফম ওইদুনা তুংগী চারোন-শুরোনগীদমক ঙাকশেল অমসুং চাউখৎপা পুরক্নবা হোৎনবদা মতেং পাংমিন্নবা মথৌ তাই হায়না মখোয়না য়ানখি। মখোয়না মান্নবা পান্দমশিং ফংনবা অমসুং স্পেসিএল স্ত্রেতেজিক এন্দ গ্লোবেল পার্তনরশিপ মখা তানা খুমাং চাউশিলহন্নবা অমগা অমগা নকশিন্ননা থবক তৌমিন্ননবা ৱারেপ লৌখি। মসিগীদমক্তা, প্রধান মন্ত্রী অনিমক্না মরুওইবা লম অহুমদা মীৎয়েং থমদুনা এনাউন্সমেন্ত কয়া অমা তৌখি: ঐখোয়গী ঙাকশেল অমসুং সেক্যুরিতী কোওপরেসন হেনগৎহনবা, ঐখোয়গী ইকোনোমিক পার্তনরশিপ মপাঙ্গল কনখৎহনবা অমসুং ঐখোয়গী পিপল-তু-পিপল এক্সচেঞ্জ হেন্না চেৎশিলহল্লি। ক্লিন ইনর্জী, ক্রিতিকেল মিনরেলস, দিজিতেল পার্তনরশিপ, স্পেস, সাইন্স অমসুং তেক্নোলোজী, কলচরেল একচেঞ্জ অমসুং দিপ্লোমেতিক ত্রেনিং য়াওনা মরুওইবা সেক্তরশিংদা মরুওইবা দোক্যুমেন্তশিংদা খুৎয়েক পীনখিববু মখোয়না তরাম্না ওকখি। লুচিংবশিংনা মসি এদোপ্ত তৌখি:

(i) মথংগী দিকেদকীদমক জোইন্ত ভিজন অমা, মসিদা শেন্মিৎলোন, ইকনোমিক সেক্যুরিতী, মোবিলিতী, অকোয়বগী ফিভম, তেক্নোলোজী অমসুং ইন্নোবেসন, হকশেল, পিপল-তু-পিপলগী মরী অমসুং স্তেৎ-প্রিফেকচরগী থৌদাং অসিনচিংবা য়ুম্বী ৮দা পার্তনরশিপ অসি চলাইনবগীদমক্তা লৈবাক পুম্বনা হোৎনরিবা অদু থম্লি;

(ii) লমদম অসিদা হৌজিক ওইরিবা জিওপোলিতিকেল রিএলিতিশিং অমসুং সেক্যুরিতী কনফিগরেসনশিং য়েংলগা ঐখোয়গী দিফেন্স অমসুং সেক্যুরিতীগী মরীশিং মথংগী থাক্তা পুখৎপা সেক্যুরিতী কোওপরেসনগী মতাংদা জোইন্ত দিক্লারেসন অমা; অমসুং

(iii)  ভারত-জপান হ্যুমেন রিসোর্স একচেঞ্জ অমসুং কোওপরেসনগীদমক এক্সন প্লান অমা, মসিনা তেলেন্ত মোবিলিতীগী রোদমেপ অমা শেম্মি অমসুং স্কিল লৈরবা মীওই ৫০,০০০ অমসুং ওইথোকপা য়াবা তেলেন্তশিং য়াওনা চহি মঙাগী মনুংদা মীওই ৫০০,০০০ হেনবগী এক্সচেঞ্জগী খুত্থাংদা পিপল-তু-পিপলগী মরী হেন্না চেৎশিলহল্লগনি।

প্রধান মন্ত্রী অনিমক্না ইকনোমিক সেক্যুরিতীগী লমদা নাকল অনিগী ওইবা মতেং পীন্ননবগীদমক ইন্দিয়া-জপান ইকনোমিক সেক্যুরিতী ইনিসিএতিবসু লাউথোকখি। মসিগী মনুংদা মরুওইবা পোৎলমশিং অমসুং সেক্তরশিংদা সপ্লাই চেনশিং সেক্যুর তৌবা অমসুং মপাঙ্গল কনখৎহনবা অমসুং তেলিকম্ম্যুনিকেসন, ফার্মাস্যুতিকেল্স, ক্রিতিকেল মিনরেল্স, সেমিকন্দক্তরশিং অমসুং ক্লিন ইনর্জীদা অখন্নবা মীৎয়েং থমদুনা মরুওইবা অমসুং অনৌবা তেক্নোলোজীশিংদা মতেং পীনবা য়াংশিলহনবা য়াওরি। নবেম্বর, ২০২৪দা স্ত্রেতেজিক ত্রেদ অমসুং তেক্নোলোজী য়াওনা ইকনোমিক সেক্যুরিতীদা দাইলোগ হৌদোকখিবা অদু মখোয়না থাগৎখি। ইন্দস্ত্রী অমসুং একাদেমিয়াগা লোয়ননা স্ত্রেতেজিক সেক্তরশিংদা কংক্রিৎ ওইবা মহৈশিং অমসুং প্রোজেক্তশিং মশক খঙদোক্নবা পান্দমগা লোয়ননা ইকনোমিক সেক্যুরিতীগী মতাংদা পোলিসী লেবেল এক্সচেঞ্জশিং খোংজেল য়াংশিন্নবা প্রধান মন্ত্রী অনিনা মখোয়গী ফোরেন মিনিস্ত্রীশিংদা তকশিনখি। মসিগী মতাংদা, নাকল অনিমক্না এক্সপোর্ত কন্ত্রোলগী শিংনবশিংবু নাকল অনিমক্না কোমথোক্লগা হায় তেক্নোলোজীগী ললোন-ইতিকপু মখা তানা ঙাক-শেনবগী মায়কৈদা থবক তৌনবা য়ানখি। নাকল অনিমক্না স্ত্রেতেজিক ওইবা সেক্তরশিংদা হৌজিক চৎথরিবা কোলাবোরেসন খরা তাক্লিবা ইকোনোমিক সেক্যুরিতী ফেকশিৎ অমা ফোংখি। ইকনোমিক সেক্যুরিতীগী লমদা বিজিনেস-তু-বিজিনেস কোওপরেসন প্রমোৎ তৌনবা খোংথাংশিং অদু প্রধান মন্ত্রী অনিমক্না তরাম্না ওকখি। মসিনা ভারত অমসুং জপানগী কম্পনীশিংবু সপ্লাই চেন দাইভর্সিফিকেসন অমসুং রেসিলিয়েন্সকী মায়কৈদা পুক্নিং থৌগৎলগনি। মখোয়না ললোন-ইতিক্কী খুদোংচাবশিং হেনগৎহন্নবগী পান্দমদা ক্রিতিকেল মিনরেলশিংগী লমদা তেংবাং পীননবা নাকল অনিগী মরক্তা মিনরেল রিসোর্সকী লমদা তেংবাং পীননবা মেমোরেন্দম অমা খুৎয়েক পীনখিবা অদু তরাম্না ওকখি।

প্রধান মন্ত্রী অনিমক্না দিজিতেল তেলেন্ত একচেঞ্জ, রিসর্চ অমসুং দিবেলপমেন্ত, স্তার্ত-অপশিং অমসুং কোর্পোরেত পার্তনরশিপশিংগী খুত্থাংদা অনৌবা তেক্নোলোজীশিংদা পুন্না থবক তৌমিন্নবা হেনগৎহল্লিবা ইন্দিয়া-জপান দিজিতেল পার্তনরশিপকী মখাদা খুমাং চাউশিল্লকপদা নুংঙাইবা ফোংদোকখি। দিজিতেল রিভোলুসনগী মথংগী থাক্তা পুন্না থবক তৌমিন্নবা ভারত-জপান দিজিতেল পার্তনরশিপ ২.০বু মখোয়না তরাম্না ওকখি। প্রধান মন্ত্রী অনিমক্না লার্জ লেংগ্বেজ মোদেলশিং (এল.এল.এম.শিং) য়াওনা আর্তিফিসিএল ইন্তেলিজেন্সকী মতাংদা নাকল অনিগী ওইবা অমসুং মল্তিলেতরেল কোওপরেসন হেন্না চেৎশিলহন্নবা, ইন্দস্ত্রী অমসুং একাদেমিয়াগী মরক্তা এক্সচেঞ্জ তৌনবগীদমক প্লেৎফোর্মশিং লিংখৎনবা, জোইন্ত রিসর্চ প্রোজেক্তশিং শৌগৎনবা অমসুং ভারত্তা দেতা সেন্তরশিং শেমগৎপা অমসুং মথৌ পাংথোকপদা মতেং পাংনবা জপান-ইন্দিয়া এ.আই কোওপরেসন ইনিসিএতিব অমা হৌদোকপগী ৱাফমসু লাউথোকখি। ২০২৬গী ফেব্রুৱারী ১৯-২০দা ভারত্তা পাংথোক্কদৌরিবা এ.আই. ইম্পেক্ত সমিৎতা শরুক য়াননবা প্রধান মন্ত্রী মোদীনা প্রধান মন্ত্রী ইশিবাদা বর্তন তৌখি। মখা তানা, প্রধান মন্ত্রী অনিমক্না স্তার্ত-অপশিংগী তেংবাং পীনবগী মরুওইবা অদুদা অকনবা ৱাফম থমখি অমসুং জপান-ইন্দিয়া স্তার্ত-অপ সপোর্ত ইনিসিএতিব (জে.আই.এস.এস.আই.) য়াওনা লৈবাক অনিমক্কী স্তার্ত-অপশিংগী থবক থৌরমশিং ভারত্তা প্রমোৎ তৌনবা য়ানখি।

ভারত অমসুং জপানগী মরক্তা দিফেন্স অমসুং মেরিতাইম সেক্যুরিতী কোওপরেসন অসি হেনগৎলক্লিবা অসিদা প্রধান মন্ত্রী অনিমক্না অপেনবা ফোংদোকখি। মখোয়না মখোয়গী ফোরেন অমসুং দিফেন্স মিনিস্তরশিংগী অহুমশুবা ২+২ মীফম ২০২৪গী ওগস্ততা নই দিল্লীদা পাংথোকপবু তরাম্না ওকখি অমসুং মখোয়গী মিনিস্তরশিংদা মরিশুবা মীফম অদু অথুবা মতমদা তোকিওদা পাংথোক্নবা খঙহনখি। মখোয়না মার্চ ২০২২দা হৌখিবা সম্মিৎ অদুদগী হৌদুনা সর্ভিসশিংগী মরক্তা লৈনরিবা এক্সচেঞ্জশিংদা নুংঙাইবা ফোংদোকখি। মখোয়না ভারতনা য়ুম্বু ওইদুনা পাংথোকপা মল্তিলেতরেল এক্সরসাইজ, মিলান এক্সরসাইজতা জপান মেরিতাইম সেল্ফ দিফেন্স ফোর্স (জে.এম.এস.দি.এফ.) না শরুক য়াবা অমসুং ইন্দিয়ন এয়র ফোর্সনা য়ুম্বু ওইদুনা পাংথোকপা অহানবা মল্তিলেতরেল এক্সরসাইজ তরঙ্গ শক্তিদা জপানগী তীমনা শরুক য়াবা অদু তরাম্না ওকখি। মখোয়না জপান এয়র সেল্ফ দিফেন্স ফোর্স (জে.এ.এস.দি.এফ.) অমসুং ইন্দিয়ন এয়র ফোর্স (আই.এ.এফ.) গী মরক্তা বাইলেতরেল ফাইতর এক্সরসাইজ 'ভীর গার্জিয়ন ২০২৩'কী হৌদোকপগী ইদিসন পাংথোকপা অমসুং ২০২৩দা অহানবা ওইনা চহি অমগী মনুংদা সর্ভিস অহুম অসিগী বাইলেতরেল এক্সরসাইজ পাংথোকপবুসু তরাম্না ওকখি। মখোয়না দিফেন্স ইক্বিপমেন্ত অমসুং তেক্নোলোজী কোওপরেসনগী লমদা হৌজিক্কী ওইনা চৎথরিবা কোওপরেসন অদু য়াখি অমসুং নাকল অনিগী ওপরেস্নেল এপ্রোচশিংবু ইফেক্তিব ওইনা সপোর্ত তৌনবা তুংলমচৎকী অকক্নবা লমশিং মশক খঙদোকপগা লোয়ননা হৌজিক চৎথরিবা কোওপরেসন অসিগী খুত্থাংদা অঙম্বা মওংদা কংক্রিৎ ওইবা মহৈশিং ফংহন্নবা হোৎনবদা খোঙজেল য়াংশিন্নবা নাকল অনিগী মরী লৈনবা ওথোরিতীশিংদা খঙহনখি।

স্পেসিএল স্ত্রেতেজিক অমসুং গ্লোবেল পার্তনরশিপকী মরুওইবা য়ুম্বী অমা ওইনা ইকনোমিক কোওপরেসনগী মরুওইবা অদু খঙলদুনা, প্রধান মন্ত্রী অনিমক্না ২০২২দগী চহি মঙাগী মনুংদা জপানদগী ভারত্তা পব্লিক অমসুং প্রাইবেৎ ইনবেস্তমেন্ত অমসুং ফাইনান্সিংদা য়েন ত্রিলিয়ন ৫গী পান্দমদা খুমাং চাউশিল্লকপবু তরাম্না ওকখি। ভারত্তা লৈরিবা জাপানিজ ইনভেস্তরশিংগীদমক বিজিনেস এনভাইরনমেন্ত ফগৎহন্নবা ভারতনা লৌখৎলিবা খোংথাংশিং অদুগা লোয়ননা ইকোনোমিক গ্রোথ হেনগৎহন্নবা অমসুং ইজ ওফ দুইং বিজিনেস ফগৎহন্নবা অতোপ্পা খোংথাংশিং অদু পল্লদুনা প্রধান মন্ত্রী অনিমক্না ভারত্তা জপানদগী প্রাইবেৎ ইনভেস্তমেন্তগীদমক য়েন ত্রিলিয়ন ১০গী অনৌবা পান্দম থমখি। জপানগী কম্পনীশিংনা ভারত্তা মখোয়গী সপ্লাই চেনশিং হেন্না চেৎশিলহন্নবা অচৌবা পোতেন্সিএল লৈ হায়না প্রধান মন্ত্রী ইশিবানা খঙখি অমসুং মসিগী পান্দম অসি ফংনবগীদমক্তা ভারতকী নাকলদা রেগ্যুলেতরী অমসুং অতোপ্পা রিফোর্মশিং মখা চত্থনবা হায়খি। প্রধান মন্ত্রী মোদীনা ভারত্তা থবক ফংহন্নবা খুদোংচাবশিং শেমগৎপদা অমসুং চাউখৎপা অমসুং অনৌবা থৌওংশিং পুথোকপদা জপানগী কম্পনীশিং অমসুং ইন্সতিত্যুসনশিংগী থৌদাংবু শকখঙখি। মহাক্না ভারত্তা ইনভেস্তমেন্ত লায়থোকহন্নবগীদমক অহেনবা রিগুলেতরী অমসুং অতোপ্পা রিফোর্মশিং পাংথোক্নবা মহাক্কী পান্দম অদু নৌহৌনা নীংশিংখি অমসুং মসিদগী খুদোংচাবা লৌনবা জাপানিজ বিজিনেস কয়া অমবু কৌখি। মখোয়না জপান ইন্দস্ত্রীএল তাউনশিপশিং (জে.আই.তি.) সপোর্ত তৌনবা অমসুং লোজিস্তিক্স, তেক্সতাইল, ফুদ প্রোসেসিং, এগ্রিকলচর, ওতোমোতিব, ইন্দস্ত্রীএল কেপিতেল গুদস অমসুং ইন্দস্ত্রীএল কম্পিতিতিবনেস পার্তনরশিপ (আই.জে.আই.সি.পি.) গী মখাদা মাইক্রো, স্মোল অমসুং মেদিয়ম ইন্তর্প্রাইজশিং (এম.এস.এম.ই.)দা তেংবাং পীনবা মপাঙ্গল কনখৎহন্নবা বাইলেতরেলগী খোঙথাংশিং অদু ফোংদোকখি। প্রধান মন্ত্রী অনিমক্না কমপ্রিহেন্সিব ইকনোমিক পার্তনরশিপ এগ্রীমেন্ত (সি.ই.পি.এ.)গী ইমপ্লিমেন্ত তৌবগী মখা তাবা রিভিয়ু অসি হেন্না তুংলমচৎতা য়ুম্ফম ওইবা ওইহন্নবগীদমক খোঙজেল য়াংখৎহনবা য়াওনা লৈবাক অনিগী ওইবা ললোন-ইতিক হেনগৎহনবা অমসুং মখল কয়া থোকহনবা মথৌ তাবা অদু খঙখি।

প্রধান মন্ত্রী অনিমক্না হৌখিবা দিকেদশিংদা ভারতকী ইকনোমিক অমসুং সোসিএল দিবেলপমেন্তকা লোয়ননা লমদম অসিদা শান্তি অমসুং তংদু লৈতাবা পুরকপদা মরুওইবা থৌদাং লৌদুনা ভারতকীদমক জপানগী দিবেলপমেন্ত কোওপরেসন সপোর্তপু থাগৎপা ফোংদোকখি। ভারতকী অৱাং-নোংপোক লমদম চাউখৎহন্নবা মখোয়না লেপ্তনা হোৎনগনি হায়না মখোয়না অমুক হন্না ফোংদোকখি। মসিনা লমদম অসিগী শেন্মিৎলোন চাউখৎহনগনি। মখোয়না হার্দ, সোফ অমসুং পিপল-তু-পিপল কনেক্তিবিতী হেনগৎহন্নবা মখোয়গী হোৎনরিবশিং অদু মখা তানা মপাঙ্গল কনখৎহন্নবা মখোয়গী ফিরেপ অদু নৌহৌনা ফোংদোকখি। মসিনা রিজনেল পার্তনরশিংগা নক্না চৎমিন্নদুনা এক্ত ইস্ত ফোরম (এ.ই.এফ.) গী খুত্থাংদা লমদম অসিগী অচৌবা পোতেন্সিএল অদু ফংহল্লগনি।

ভারত অমসুং জপানগী মরক্তা মরুওইবা প্রোজেক্ত অমা ওইনা মুম্বাই-অহমেদাবাদ হাই স্পিদ রেলগী মরুওইবা অদু প্রধান মন্ত্রীশিংনা পনখি। মখোয়না অথুবা মতমদা ওপরেসনশিং হৌনবা থবক তৌমিন্নবা অমসুং ভারত্তা খ্বাইদগী নৌবা জপানিজ শিনকান্সেন তেক্নোলোজী হৌদোকপদা মতেং পাংনবা য়ানখি। ২০৩০গী অঙনবা শরুক্তা জপানগী সিগ্নেলিং সিস্তেমদা চৎপা শিনকান্সেনগী ই ১০ সিরিজ হৌদোক্নবা জপানগী অপাম্বা অদু ভারতনা থাগৎলি। মসিগীদমক্তা, সিগ্নেলিং, জপানিজ সিস্তেম য়াওনা, অথুবা মতমদা ইন্সতোল তৌনবা অমসুং জেনরেল ইন্সপেক্সন ত্রেন (জি.আই.তি.) অমসুং ই.৫ সিরিজ শিনকান্সেন রোলিং স্তোক সেত অমা পুথোক্নবগীদমক মথৌ তাবা থবকশিং খুদক্তা হৌনবা য়ানখি।

ইনর্জী সেক্যুরিতী, সস্তেনেবল ইকনোমিক গ্রোথ প্রমোৎ তৌবা অমসুং ক্লাইমেৎ চেঞ্জ থেংনবগী মরুওইবা অদু খঙলদুনা, প্রধান মন্ত্রী অনিমক্না ২০২২দা হৌদোকখিবা ক্লিন ইনর্জী পার্তনরশিপতা য়ুম্ফম ওইদুনা অমসুং নাকল অনিগী ইনর্জী কোওপরেসনবু হেন্না মপাঙ্গল কনখৎহন্নবা পান্দম থমদুনা, নেৎ-জিরো ইকনোমী ফংনবগীদমক লম্বী লৈতে অদুবু লৈবাক খুদিংমক্কী ফিভমশিং অদু উৎলিবা তোঙান তোঙানবা লম্বীশিং লৈ হায়না মখোয়না খঙমিন্নখি। মসিগী মতাংদা মখোয়না জোইন্ত ক্রেদিতিং মেকানিজম (জে.সি.এম.) গী মতাংদা কোওপরেসন মেমোরেন্দম অমসুং ক্লিন হাইদ্রোজেন অমসুং অমোনিয়াগী মতাংদা জোইন্ত দিক্লেরেসন ওফ ইন্তেন্ততা খুৎয়েক পীনখিবা অদু তরাম্না ওকখি।

পিপল-তু-পিপল কন্নেক্সনগী লমদা, প্রধান মন্ত্রী অনিমক্না পিপল-তু-পিপল একচেঞ্জকী অনৌবা খোংজেল অমগী মাইকৈদা চংশিন্নবা মখোয়গী হ্যুমেন রিসোর্সশিংগী লমদা শেন্মিৎলোনগী ওইনা কান্নরবা কম্প্লিমেন্তরিতিশিং শীজিন্ননবা মখোয়গী ৱারেপ অদু অমুক হন্না ফোংদোকখি। মখোয়না ফুকুওকাদা ভারতকী কন্সুলেত হাংদোকপবু তরাম্না ওকখি। মসিনা জপানগী ক্যুশু লমদমগা ভারতকা লৈনরিবা মরী হেন্না চেৎশিলহল্লগনি। মখোয়না নিহোংগো পার্তনরশিপ প্রোগ্রাম অমসুং পুং ৩৬০গী ওজাশিংগী ত্রেনিং কোর্সকী খুত্থাংদা ভারত্তা জপানিজ লোলগী এজুকেসনদা খুমাং চাউশিল্লকপগী থাগৎপা ফোংদোকখি। প্রধান মন্ত্রী অনিমক্না জপান-ইন্দিয়া ইন্সতিত্যুৎ ফোর মেনুফেকচরিং অমসুং জপান এন্দো কোর্সশিংগী মায়পাকপশিং অদুদা য়ুম্ফম ওইদুনা থবক পায়খৎনবা মখোয়গী অপুনবা ৱারেপ অদু অমুক হন্না ফোংদোক্নখি। মখোয়না ২০১৬তা হৌখিবা অদুদগী হৌদুনা জপানগী মেনুফেকচরিং অমসুং মেনেজমেন্ত স্কিলশিংদা হৈথোই-শিংথোইবা মীওই ৩০,০০০গী তেলেন্ত পাইপলাইন অমা শেমখ্রে। লৈবাক অনিগী মরক্তা হেনগৎলক্লিবা তুরিস্ত ফ্লোগী মতুং ইন্না ভারত অমসুং জপানগী মীয়ামগী মরক্তা অমনা অমগী লৈবাক অমসুং চৎনবী থিদোকপদা থৱায় য়াওবা হেনগৎলক্লিবা অদু প্রধান মন্ত্রী অনিমক্না হরাওবা ফোংদোকখি। মখোয়না "কনেক্তিং হিমালয়স ৱিথ মাউন্ত ফুজি " হায়বা থিমগী মখাদা ইন্দিয়া-জাপান তুরিজম এক্সচেঞ্জ চহি (এপ্রিল ২০২৩-মার্চ ২০২৫) মায় পাক্না পাংথোকপগীদমক থাগৎপা ফোংদোকখি। লৈবাক অনিগী মরক্তা চহি চা কয়াদগী লৈরক্লবা সিভিলাইজেস্নেল লিঙ্কশিংদা য়ুম্ফম ওইদুনা লুচিংবশিংনা হীরম অসিদা তুরিজম এক্সচেঞ্জশিং প্রমোৎ তৌনবা য়ানখি।

লৈবাক অনিগী মরক্তা সাইন্স অমসুং তেক্নোলোজীগী মতাংদা খুৎয়েক পীনখিবা অহানবা এম.ও.য়ু.গী চহি ৪০শুবা মপোক কুমওন লাকপদা ২০২৫ অসি ইন্দিয়া-জাপান ইয়ার ওফ সাইন্স, তেক্নোলোজী অমসুং ইন্নোবেসন এক্সচেঞ্জ ওইনা পাংথোক্লিবা অসিদা প্রধান মন্ত্রী অনিনা হরাওবা ফোংদোকখি। মখোয়না একাদেমিক ইন্সতিত্যুসনশিংগী মরক্তা পুন্না থিজিন হুমজিনবগী থবকশিং, লৈবাক অনিগী সাইন্তিস্তশিং অমসুং রিসর্চরশিংগী এক্সচেঞ্জ ভিজিৎশিং, অমসুং লোতস প্রোগ্রাম অমসুং সাকুরা সাইন্স এক্সচেঞ্জ প্রোগ্রামগা খুৎশম্নদুনা জপানগী কম্পনীশিংদা ইন্তর্নশিপগী খুদোংচাবশিং পীদুনা ইন্দস্ত্রী অমসুং একাদেমিয়াগী মরক্তা নৌনা হৌদোকখিবা কোলাবোরেসনশিংবু তরাম্না ওকখি। প্রধান মন্ত্রী অনিমক্না ইন্দিয়ন স্পেস রিসর্চ ওর্গনাইজেসন অমসুং জপান এরোস্পেস এক্সপ্লোরেসন এজেন্সীগী মরক্তা লুনর পোলর এক্সপ্লোরেসন (এল.য়ু.পি.ই.এক্স.) মিসনদা খুমাং চাউশিল্লিবা অসিদা অপেনবা ফোংদোকখি। কে.ই.কে., সুকুবাদা ইন্দিয়ন বিমলাইনগী মতাংদা মেমোরেন্দম ওফ অন্দর্স্তেন্দিং চহি তরুক্কী ওইনা নৌনা শাংদোকখিবা অদু মখোয়না তরাম্না ওকখি। প্রধান মন্ত্রী অনিমক্না ২০২৫গী জুন ৫দা পাংথোকখিবা সাইন্স অমসুং তেক্নোলোজী কোওপরেসনগী ১১শুবা জোইন্ত কম্মিতী মীফমদা মরুওইনা ক্বান্তম তেক্নোলোজী, ক্লিন তেক্নোলোজী, দিজাস্তর মেনেজমেন্ত, বাইওতেক্নোলোজী অমসুং জিওস্পেসিএল তেক্নোলোজীগুম্বা অনৌবা অমসুং থোরক্লিবা লমশিংদা খুমাং চাউশিল্লকপগীদমক থাগৎপা ফোংদোকখি।
লৈবাক অনিগী মরক্তা শেন্মিৎলোন অমসুং পিপল-তু-পিপলগী মরী হেন্না চেৎশিলহনবদা রিজনেল লিঙ্কেজনা মরুওইবা থৌদাং অমা লৌরি হায়বা খঙলদুনা, প্রধান মন্ত্রীশিংনা হন্দক্তা অন্ধ্র প্রদেশ অমসুং তোইমা, তামিল নাদু অমসুং ইহাইম, উত্তর প্রদেশ অমসুং য়ামানাশি, গুজরাত অমসুং শিজৌকাগী মরক্তা স্তেত-প্রিফেকচর পার্তনরশিপশিং, অমসুং ভারতকা লোয়ননা বিজিনেস একচেঞ্জ প্রমোৎ তৌনবগীদমক কানসাই কোওর্দিনেসন মীফম, কানসাইগী লমদা রিজনেল পার্তনরশিপ অমা লিংখৎপদা নুংঙাইবা ফোংদোকখি। প্রধান মন্ত্রী মোদীনা প্রধান মন্ত্রী ইশিবাবু জপানগী ওসাকা, কানসাইদা চত্থরিবা এক্সপো ২০২৫গীদমক থাগৎপা ফোংদোকখি। এক্সপো অসিদা ভারতনা শরুক য়াবদা জপানগী মতেং ফংখিবা অদুসু থাগৎপা ফোংদোকখি। মসিনা হৌখিবা থাশিংদা স্তেত-প্রিফেকচর পার্তনরশিপশিংদা চাউনা ইনোৎ পীরি। প্রধান মন্ত্রী ইশিবানা য়োকোহামাদা পাংথোক্কদৌরিবা গ্রীন এক্স এক্সপো ২০২৭দা ভারতনা শরুক য়াগদৌরিবা অসিদা নুংঙাইবা ফোংদোকখি।

মালেমগী ওইরিবা ফীভম অসি য়েংলগা প্রধান মন্ত্রী অনিমক্না আইনগী কাংলোনদা য়ুম্ফম ওইবা মালেমগী ওইবা কাংলোন ঙাক্না চৎনবা ৱারেপ লৌখি অমসুং শান্তি লৈবা, চাউখৎপা অমসুং রেসিলিয়েন্ত ওইবা ফ্রী অমসুং ওপন ইন্দো-পেসিফিক অমগীদমক মখোয়গী অচেৎপা ফিরেপ অদু অমুক হন্না ফোংদোকখি। মখোয়না রিজন অসিগী ইকনোমিক দিবেলপমেন্ত অমসুং চাউখৎপদা মখোয়না চাউনা মতেং পাংনবা অমুক হন্না ফোংদোকখি। ওস্ত্রেলিয়া, ভারত, জপান অমসুং য়ুনাইতেদ স্তেৎসকী মরক্তা ক্বাদগুম্বা মল্তিলেতরেল ফ্রেমৱার্কশিংগী খুত্থাংদা লমদম অসিদা শান্তি, তংদু লৈতাবা অমসুং চাউখৎপা পুরক্নবা ৱাখল মান্নবা লৈবাকশিংগী মরক্তা তেংবাং পীনবা হেনগৎহন্নবা মখোয়না মখোয়গী ফিরেপ অমুক হন্না ফোংদোকখি। হীরম অসিগী মতাংদা, মখোয়না ক্বাদ অসি মরুওইবা অমসুং তুং কোইনা চৎকদবা রিজনেল গ্রুপিং অমদা ওন্থোকপবু তরাম্না ওকখি অমসুং চহি অসিগী অরোইবা শরুক্তা ভারতনা য়ুম্বু ওইদুনা পাংথোক্কদৌরিবা মথংগী ক্বাদ লিদর্স সম্মিৎকীদমক অপেনবা ফোংদোকখি।

ইস্ত চাইনা সী অমসুং সাউথ চাইনা সীদা ওইরিবা ফীভম অসিদা প্রধান মন্ত্রী অনিমক্না নুংনাংবা ফোংদোক্নখি। মখোয়না সেক্যুরিতী অমসুং নেভিগেসন অমসুং ওভরফ্লাইৎকী সেফতী অমসুং ফ্রীদমদা খুদোংথিবা ওইহল্লিবা থৌওং অমসুং ফোর্স নত্ত্রগা নমফুদা স্তেতস ক্বো হোংদোক্নবা হোৎনবা অমহেক্তবু মখোয়না অকনবা মওংদা য়ানীংদবা ফোঙদোকখি। মখোয়না ৱারোইশিন পুরক্নবা ৱাফমশিংগী মিলিতরাইজেসন তৌরকপদা মখোয়গী অকিবা ফোংদোক্নখি। মেরিতাইমগী ৱাথোকশিং অসি শান্তি ওইনা অমসুং ইন্তরনেস্নেল লো, মরু ওইনা য়ু.এন. কনভেন্সন ওন দি লো ওফ সী (য়ু.এন.সি.এল.ও.এস.) গী মতুং ইন্না লোইশিন্নবা মখোয়না অমুক হন্না ফোংদোকখি।

প্রধান মন্ত্রী অনিমক্না নোর্থ কোরিয়াগী বেলিস্তিক মিসাইল তেক্নোলোজী শীজিন্নদুনা লোঞ্চশিং দিস্তেবিলাইজ তৌবা অমসুং য়ু.এন.সেক্যুরিতী কাউন্সিলগী রিজোলুসন কয়া থুগাইদুনা ন্যুক্লিয়র খুৎলায় পায়খৎনবা মখা তানা হোৎনরিবা অদু য়ানিংদবা ফোংদোকখি। মখোয়না মরী লৈনবা য়ু.এন.এস.সি.আর.শিং অদুগী মতুং ইন্না নোর্থ কোরিয়াবু মপুং ফানা ন্যুক্লিয়রাইজ তৌনবা মখোয়গী ফিরেপ অদু অমুক হন্না ফোংদোকখি অমসুং য়ু.এন.এস.সি.আর.শিং অমসুং য়ুনাইতেদ নেসন্স চার্তরগী মখাদা লৈবা মখোয়গী থৌদাং পুম্নমক ঙাক্না চৎনবা নোর্থ কোরিয়াদা তকশিনখি। মখোয়না কোরিয়ন পেনিন্সুলাদা শান্তি অমসুং তংদু লৈতাবা হেনগৎহন্নবগীদমক্তা নোর্থ কোরিয়াবু দাইলোগ তৌনবা হায়খি। মখোয়না রিজন অসিদা অমসুং মসিগী ৱাংমদা ন্যুক্লিয়র অমসুং মিসাইল তেক্নোলোজীশিং নোর্থ কোরিয়াদা অমসুং মদুদগী শন্দোরকপগী মতাংদা লেপ্তনা লৈরক্লিবা অৱাবা অদু কোকহন্নবগী মরুওইবা অদুদা অকনবা ৱাফম থমখি। মখোয়না য়ু.এন.এস.সি.আর.শিংগী মখাদা নোর্দ কোরিয়াদা খুৎলায় অমসুং মরী লৈনবা পোৎলমশিং ত্রান্সফর তৌবা নত্ত্রগা নোর্দ কোরিয়াদগী প্রোক্যুর তৌবদা অথিংবা য়াওনা অসি ইন্তর্নেস্নেল ওবলিগেসনশিং ইমপ্লিমেন্ত তৌনবা য়ু.এন.এম.গী মেম্বর স্তেত পুম্নমকপু তকশিনখি। মখোয়না পন্দুনা লৈখিবশিংগী ইসু অসি অথুবা মতমদা লোইশিন্নবা তঙাইফদবা অদু অমুক্কা হন্না ফোংদোকখি।

মন্ত্রী অনিমক্না তেরোরিজম অমসুং ক্রোস-বোর্দর তেরোরিজম য়াওনা মওং পুম্নমক্তা হিংসাগী ওইবা এক্সত্রিমিজমবু অকনবা মওংদা নিন্দা তৌখি। মখোয়না এপ্রিল ২২, ২০২৫দা জম্মু অমসুং কাশ্মীরগী পহলগামদা চৎথখিবা তেরোরিস্ত এতেক অদু অকনবা মওংদা য়ানিংদবা ফোংদোকখি অমসুং জুলাই ২৯দা রিজস্তেন্স ফ্রন্ত (তি.আর.এফ.) গী মতাংদা পনখিবা য়ুনাইতেদ নেসন্স সেক্যুরিতী কাউন্সিল মোনিতরিং তীমগী রিপোর্ত অদু খঙখি। প্রধান মন্ত্রী মোদীনা মখা তানা হায়খি মদুদি এতেক অদুগী থৌদাংদি তি.আর.এফ.না লৌখি। প্রধান মন্ত্রী ইশিবানা মসি খঙজিনখি। মখোয়না হায়খি মদুদি থৌওং অসিবু পাংথোক্লিবশিং, থৌরাং তৌরিবশিং, অমসুং শেল থাদরিবশিং অসি অথুবা মতমদা ৱায়েল-পথাপকী মমাংদা পুখৎকদবনি। অল কাইদা, আই.এস.আই.এস./দাইশ, লশকর-ই-তাইবা (এল.ই.তি.), জাইশ-ই-মোহমদ (জে.ই.এম.) অমসুং মখোয়গী প্রোক্সিশিং য়াওনা য়ু.এন. লিস্ততা য়াওরিবা তেরোরিস্ত গ্রুপশিং অমসুং এন্তিতীশিংগী মায়োক্তা পুন্না থবক পায়খৎনবা অমসুং তেরোরিস্তশিংগী সেফ হেভনশিং মুত্থৎনবা, তেরোরিস্ত ফাইনান্সিং চেনেলশিং অমসুং ত্রান্সনেস্নেল ক্রাইমগা মরী লৈনবশিং মুত্থৎনবা অমসুং তেরোরিস্তশিংগী ঙমখৈ লান্না চত্থোক চৎশিন তৌবা থিংনবা ৱারেপ লৌনবা মখোয়না হায়খি।

প্রধান মন্ত্রী অনিমক্না ফ্রী এন্দ ওপন ইন্দো-পেসিফিক (এফ.ও.আই.পি.) অমসুং ইন্দো-পেসিফিক ওসিনস (আই.পি.ও.আই.) মখোয়না আসিয়ানগী অপুনবা অমসুং সেন্ত্রেলিতী মপাঙ্গল কনবা অমসুং "ইন্দো-পেসিফিক (এ.ও.আই.পি.) গী মতাংদা আসিয়ানগী মীৎয়েং"দা অচেৎপা মতেং পাংনবা অমুক হন্না ফোংদোকখি।

প্রধান মন্ত্রী অনিমক্না ম্যান্মারদা অৱাবা হেনগৎলকপা অমসুং মসিনা লমদম অসিগী সেক্যুরিতীদা, মীওই কয়া মফম হোংদোক হোংজিন তৌরকপা অমসুং ত্রান্সনেস্নেল ক্রাইম হেনগৎলকপদা অৱাবা ফোংদোক্নখি। মখোয়না শরুক য়ারিবা পুম্নমকপু হিংসাগী থৌওং খুদিংমক অথুবা মতমদা থিংনবা হায়খি। প্রধান মন্ত্রী অনিমক্না অথুবা মতমদা পাংথোক্কদৌরিবা মীখলগী থৌরাং অমসুং ইমর্জেন্সী স্তেৎ লোইশিনবগী হন্দক্তা লাউথোকখিবা অদু পনখি। প্রধান মন্ত্রী অনিমক্না স্তেকহোল্দর পুম্নমক্কী মরক্তা ইনক্লুসিব দাইলোগ অমসুং ফ্রী অমসুং ফেয়র ইলেক্সন পাংথোকপা য়াহন্নবা দেমোক্রেসীগী লম্বীদা হল্লক্নবা অকনবা ৱাফম থমখি। মখোয়না আসিয়নগী হোৎনরিবশিংদা মখোয়গী অকনবা মতেং পাংনবা অমুক হন্না ফোংদোকখি। মখোয়না ক্রাইসিস অসিগী ইন্তিগ্রেতিব, তুংকোইনা চৎনবা য়াবা অমসুং শান্তি ওইনা ৱারোইশিন পুরক্নবা পোইন্ত মঙাগী কন্সসেন্স অসি মপুং ফানা অমসুং ইফেক্তিব ওইনা থবক ওইনা পাংথোক্নবা হায়খি।

প্রধান মন্ত্রী অনিমক্না ভারত অমসুং জপানগী মরক্তা অফ্রিকা য়াওনা ইন্দো-পেসিফিক লমদমদা পুন্না চৎমিন্নরিবা প্রোজেক্তশিংগী মরুওইবা অদু অমুক হন্না ফোংদোকখি। মখোয়না অফ্রিকাদা ত্রেদ অমসুং ইনভেস্তমেন্তকীদমক ইন্দস্ত্রীএল হব অমা লিংখৎনবা ভারত্তা ইন্দস্ত্রীএল কন্সেন্ত্রেসন প্রমোৎ তৌনবা পান্দম থম্লিবা আফ্রিকাদা সস্তেনেবল ইকনোমিক দিবেলপমেন্তকীদমক জপান-ইন্দিয়া কোওপরেসন ইনিসিএতিব হৌদোকপবু তরাম্না ওকখি। মখোয়না ৯শুবা তোকিও ইন্তর্নেস্নেল কনফরেন্স ওন আফ্রিকান দিবেলপমেন্ত (তি.আই.সি.এ.দি.৯) মায়পাক্না পাংথোকখিববু তরাম্না ওকখি অমসুং ভারত মহাসাগর লমদম অমসুং আফ্রিকাদ কনেক্তিবিতী অমসুং ভেল্যু চেনশিং মপাঙ্গল কনখৎহন্নবা মরুওইবা পোতেন্সিএলগী মতাংদা মখোয়গী ৱাখল্লোনশিং ফোংদোক্নখি।  মসিগী মতাংদা, প্রধান মন্ত্রী মোদীনা তি.আই.সি.এ.দি.৯দা প্রধান মন্ত্রী ইশিবানা লাউথোকখিবা ইন্দিয়ন ওসিন-অফ্রিকাগী ইকনোমিক রিজন ইনিসিএতিবপু থাগৎপা ফোংদোকখি। মখোয়না য়ানখি মদুদি জপান, ভারত অমসুং লমদম অসিদা লৈরিবা অতোপ্পা লৈবাকশিংগী মরক্তা তেংবাং পীনবনা স্তেকহোল্দর পুম্নমক্তা চাউখৎপা পুরকপা ঙমগনি।

প্রধান মন্ত্রী অনিনা য়ুনাইতেদ নেসন্সকী চার্তর য়াওনা অন্তর্জাতিগী আইনগী মতুং ইন্না য়ুক্রেনদা অচুম্বা অমসুং মতম শাংনা লৈগদবা শান্তি অমা পুরকপদা মতেং পাংগনি হায়না ফোংদোকখি। মখোয়না অচুম্বা অমসুং তুং কোইনা চৎকদবা শান্তি অমা ফংনবগীদমক তোঙান তোঙানবা লৈবাকশিংনা চত্থরিবা দিপ্লোমেতিক ইসুশিংবু তরাম্না ওকখি।

প্রধান মন্ত্রী অনিমক্না মিদল ইস্ততা শান্তি অমসুং তংদু লৈতাবা ঙম্নবগীদমক মখোয়গী ফিরেপ অমুক হন্না ফোংদোকখি। মখোয়না মরী লৈনবা নাকল পুম্নমকপু মপাঙ্গল কনবা, সিভিলিয়ানশিং ঙাক-শেনবা, ইন্তর্নেস্নেল লো ঙাকপা অমসুং ফিভম অসি হেন্না শোকহনবা অমসুং রিজনেল তংদু লৈতাবা লৈতনা থবক তৌদনবা হায়খি। মখোয়না ইজরেল অমসুং ইরানগী মরক্তা থিংজিনবা থম্বা অদু তরাম্না ওকখি অমসুং থিংজিনবা থম্বা অদু ঙাক্না চৎপা অমসুং ইরানগী ন্যুক্লিয়র ইসু অদু দাইলোগকী থোংদা লোইশিন্নবগী মরুওইবা অদু ফোংদোকখি। প্রধান মন্ত্রী অনিমক্না গাজাদা লৈরিবা হ্যুমেনিতরিয়ন ফিভমদা অৱাবা ফোংদোক্নখি। মখোয়না ফাজিন্দুনা থম্মিবা হোস্তেজ পুম্নমক থাদোক্নবা অমসুং অথুবা মতমদা অমসুং তুং কোইনা সিসফায়র তৌনবা, অমসুং হ্যুমেনিতরিগী ফৎচিল্লক্ত্রিবা ফিভম অসিগী ৱারোইশিন পুরক্নবা মরি লৈনবা নাকলশিংগী মরক্তা য়ানবা পুরকপগী মরুওইবা অদু অকনবা মওংদা ফোংদোকখি। হীরম অসিগী মতাংদা, মখোয়না লমদম অসিদা শান্তি পুরক্নবা হোৎনরিবা তোঙান তোঙানবা লৈবাকশিংনা পায়খৎলিবা থবকশিং তরাম্না ওকখি।

প্রধান মন্ত্রী অনিমক্না হৌজিক লৈরিবা জিওপোলিতিকেল রিয়েলিতিশিং অসি হেন্না ফবা মওংদা উৎনবগীদমক পর্মিনেন্ত অমসুং নন-পর্মিনেন্ত কেতগোরী অনিমক পাকথোক চাউথোকহনবগা লোয়ননা য়ু.এন.সেক্যুরিতী কাউন্সিল (য়ু.এন.এস.সি.) গী অথুবা মতমদা রিফোর্ম তৌনবগীদমক পুন্না থবক তৌমিন্ননবা ৱারেপ লৌখি। মখোয়না য়ু.এন.এস.সি.গী রিফোর্মশিং, মরুওইনা লেপ্পা মতমগী মনুংদা কংক্রিৎ ওইবা মহৈ অমা ফংনবগী অপুনবা পান্দমগা লোয়ননা ইন্তর-গবর্নমেন্তেল নেগোসিএসন ফ্রেমৱার্ককী মখাদা তেক্সত-বেজ নেগোসিয়েসনশিং হৌদোক্তুনা খোংজেল য়াংশিনবা মখোয়গী ফিরেপ অদু ফোংদোকখি। মখোয়না রিফোর্ম তৌরবা য়ু.এন.এস.সি.দা পর্মেনেন্ত সিৎ অমগীদমক অমনা অমগী কেন্দিদেচরদা অমনা অমগী মতেং পাংনবা ফোংদোকখি। মখোয়না হোংলক্লিবা মালেম অসিদা গ্লোবেল গবর্নান্সতা মতেং পাংলিবা য়ু.এন.গী ইফিসিএন্সী অমসুং ইফেক্তিবিতী হেনগৎহন্নবা য়ু.এন.গী রিফোর্মগী তঙাইফদবা অদুসু পনখি।

সেক্তর কয়াদা ভারত-জপানগী মতেং পীনবা হেনগৎহন্নবা চহিগী ওইবা সম্মিৎ মেকানিজমগী মরুওইবা অদু প্রধান মন্ত্রী অনিমক্না অমুক হন্না ফোংদোকখি। ১৫শুবা চহিগী মীফম অসিনা ২০১৪দগী হৌদুনা ভারত-জাপান স্পেসিএল স্ত্রেতেজিক এন্দ গ্লোবেল পার্তনরশিপতা খুমাং চাউশিল্লকপগী খন্ন-নৈনবদা মতেং পাংখি অমসুং ঐখোয়গী মথংগী চারোন-শুরোন অমসুং মসিগী মথক্তা কান্নবা ফংহন্নবা মখা তানা তেংবাং পীনবগী ফ্রেমৱার্ক অমা শেমখি। ২০২৭তা ভারত-জপান দিপ্লোমেতিক রিলেসনশিপকী ৭৫শুবা চহিগী থৌরম পাংথোক্নবা লৈবাক অনিমক্না পুন্না হোৎনরি। থৌরম অসি মতিক চাবা মওংদা পাংথোক্কনি। মসিগী মতাংদা লুচিংবা অনিমক্না ৱাখল্লোনশিং, আইদিয়া অমসুং পোলিসীগী রিকমেন্দেসনশিংগী মচং ওইবা ইনপুৎশিং, অমসুং লৈবাক অনিগী স্তেকহোল্দরশিংগী মরক্তা বিজিনেস, ইন্তলেকচুএল, সাইন্স অমসুং কলচরগী তোঙান তোঙানবা লমশিংদা ম্যুচেল কোলাবোরেসনশিং থাগৎপা ফোংদোকখি। প্রধান মন্ত্রী মোদীনা প্রধান মন্ত্রী ইশিবাবু মহাক্কী জপান খোংচৎ মনুংদা মহাক অমসুং মহাক্কী মীহুৎ কাংবুগী মেম্বরশিংদা উৎখিবা মীনুংশি অমসুং মীয়োক মীচান ফবা মতৌবু থাগৎপা ফোংদোকখি। মহাক্না প্রধান মন্ত্রী ইশিবাবু চহি অসিগী অরোইবা শরুক্তা পাংথোক্কদৌরিবা ক্বাদ লিদরশিংগী সম্মিৎকী থৌরমদা ভারত লাক্নবা কৌখি। প্রধান মন্ত্রী ইশিবানা চেবাও অদু হরাও তয়াম্বগা লোয়ননা লৌশিনখি। খোঙচৎ অসিনা ভারত অমসুং জপানগী মরক্তা মতম শাংনা লৈরক্লবা মরুপ মপাং ওইবগী য়ুম্ফম ওইরিবা, মরী লৈনরিবা সিভিলাইজেস্নেল লিঙ্কশিং, মীয়ামগী মরক্তা লৈনরিবা মরী অমসুং মান্নবা দেমোক্রেতিক ভেল্যুশিং অদু অমুক হন্না পনখি।

***