महामहिम प्रधानमन्त्री इशिबाजी,

भारत तथा जापानका कारोबारी दिग्गज,

देवी अनि सज्जनवृन्द,

नमस्कार!

कोनीचिवा!

म आज बिहान मात्र टोक्यो पुगेको हुँ। मलाई धेरै खुशी लागे छ, मेरो यात्राको शुरुवात कारोबार जगतका दिग्गजहरूका साथ भइरहेको छ।

र यस प्रकारले धेरै मानिस छन्, जोसँग मेरो व्यक्तिगत परिचय छ। जब म गुजरातमा थिए, तब पनि अनि गुजरातबाट दिल्ली आएपछि पनि। तपाईंहरूमध्ये धेरैसँग निकट परिचय रहेको छ मेरो। मलाई खुशी लागे छ, आज तपाईंहरू सबैसँग भेट गर्ने अवसर पाए।

म प्रधानमन्त्री इशिबालाई विशेष रूपमा आभार व्यक्त गर्न चाहन्छु, उनी यस पोरमसँग जोडिएका छन्। उनको बहुमूल्य वर्तव्यका लागि म उनलाई अभिनन्दन गर्न चाहन्छु।

साथीहरू,

भारतको विकास यात्रामा, जापान सधैं महत्त्वपूर्ण साझेदार रहेको छ। मेट्रोदेखि लिएर विनिर्माणसम्म, सेमी-कण्डक्टरदेखि लिएर स्टार्टअप्ससम्, हरेक क्षेत्रमा हाम्रो साझेदारी, आपसी विश्वासको प्रतीक बनेको छ।

जापानी कम्पनीहरूले भारतमा 40 बिलियन डलरभन्दा धेरैको निवेश गरेको छ। मात्र बितेको दुई वर्षमा 13 बिलियन डलरको प्राइभेट इन्भेस्टमेन्ट भएको छ। जीबीआइसीले भन्छ, भारत सबैभन्दा “प्रमिसिङ डेस्टिनेशन” हो। जेईटीआरओले भन्छ, 80 प्रतिशत कम्पनीहरू भारतमा विस्तार गर्न चाहन्छ र 75 प्रतिशतले पहिलेबाटै नाफा कमाइरहेका छन्।

अर्थात्, भारतमा, पूँजी मात्र नबढेर अनेकौं गुणा वृद्धि हुँदछ!

साथीहरू,

विगत एघाह्र वर्षमा भारतको अभूतपूर्व परिवर्तनबाट तपाईंहरू सबै परिचित हुनुहुन्छ। आज भारतमा राजनीतिक स्थिरता छ। आर्थिक स्थिरता छ। नीतिमा पारदर्शिता छ, पूर्वानुमेयता छ।

आज भारत विश्वको सबैभन्दा तेज गतिले विकास गर्ने प्रमुख अर्थनीति बनेको छ। र चाँढै विश्वको तेस्रो सबैभन्दा बृहत् अर्थनीति बन्नेछ।

वैश्विक वृद्धिमा भारतले 18% योगदान दिइरहेको छ। भारतको पूँजी बजारमा राम्रो प्राप्ति भइरहेको छ। एउटा सुदृढ ब्याङ्किङ क्षेत्र पनि छ। कम मुद्रास्फीति र कम ब्याज दर छ। करिब 700 बिलियन डलरको विदेशी मुद्रा भण्डार छ।

साथीहरू,

यस परिवर्तानका पछि हाम्रो “रिफर्म, परफर्म र ट्रान्सफर्म”को अप्रोच छ। 2017 मा हामीले “एक राष्ट्र, एक कर”को शुरुवात गरेका थियौं। अब यसमा नयाँ अनि ठूलो सुधार ल्याउन काम चलिरहेको छ।

केही हप्ताअघि, हाम्रो संसदले नयाँ अनि सरल आयकर संहितालाई पनि स्वीकृति दिएको छ।

हाम्रो रिफर्म्स केवल कर प्रणालीसम्म सीमित छैन। हामीले कारोबारी सहजतामाथि बल दिएका छौं। कारोबारका लागि सिङ्गल डिजिटल विण्डो अप्रूभलको व्यवस्था गरेका छौं। हामीले 45,000 अनुपालनलाई विवेकीकरण गरेका छौं। यस प्रक्रियालाई गति दिनका लागि अविनियमनमाथि एउटा उच्च स्तरीय समिति बनाएका छौं।

रक्षा अनि अन्तरिक्ष जस्ता संवेदनशील क्षेत्रलाई निजी क्षेत्रको निम्ति खोलिदिएका छौं। अब हामी परमाणु ऊर्जा क्षेत्रलाई पनि खोल्न गइरहेका छौं।

साथीहरू,

यी सुधारहरूका पछि हाम्रो विकसित भारत बन्ने सङ्कल्प छ। हाम्रो प्रतिबद्धता छ, दृढ विश्वास छ र रणनीति छ।  र विश्वले यसलाई मान्यता मात्र नभएर सराहना पनि गरेको छ।

एस एवं पी ग्लोबलले दुई दसकपछि, भारतको क्रेडिट रेडिङ अपग्रेड गरेको छ। विश्वले भारतलाई हेरी मात्र रहेको छैन, तर भारतमाथि विश्वास पनि गरिरहेको छ।

साथीहरू,

भर्खरै भारत-जापान बिजनेस फोरमको रिपोर्ट प्रस्तुत गरियो। कम्पनीहरूबीच भएको बिजनेस डील, यसको अति नै विस्तारका साथ वर्णन गरिएको छ। यस प्रगतिका लागि म तपाईंहरू सबैलाई धेरै धेरै अभिनन्दन गर्न चाहन्छु।

हाम्रो साझेदारीका लागि, म पनि केही सुझाउ अति नम्रतापूर्वक तपाईंहरू समक्ष प्रस्तुत गर्न चाहन्छु।

पहिलो छ, म्यानुफेक्चरिङ। अटोको क्षेत्रमा हाम्रो भागीदारी अति नै सफल रहेको छ। र प्रधानमन्त्रीले यसको अति नै विस्तारका साथ वर्णन गरे। हामी साथमा मिलेर, त्यही जादू ब्याट्री, रोबोटिक्स, सेमी-कण्डक्टर, शिप बिल्डिङ र न्युक्लियर ईनर्जीमा पनि दोहोऱ्याउन सक्छौं। साथमा मिलेर, हामी ग्लोबल साउथ, विशेष गरी अफ्रिकाको विकासमा महत्त्वपूर्ण योगदान दिनसक्छौं।

म तपाईंहरू सबैलाई आग्र गर्न चाहन्छु, आउनुहोस्, “मेक इन इण्डिया, मेक फर दी वर्ल्ड।” सुजुकी र डाइकिनको सफल गाथा, तपाईंहरूको पनि सफल गाथा बन्नसक्दछ।

दोस्रो छ, प्रविधि र नवाचार। जापान “टेक पावरहाउस हो।” र भारत एउटा ट्यालेन्ट पावर हाउस। भारतले एआइ, सेमी-कण्डक्टर, क्वान्टम कम्प्युटिङ, बायोटेक र स्पेसमा साहसी अनि महत्त्वकाङ्क्षी पहल गरेको छ। जापानको प्रविधि र भारतको प्रतिभा मिलेर यस युगको प्रविधि क्रान्तिको नेतृत्त्व गर्नसक्दछ।

तेस्रो क्षेत्र हो, ग्रीन ईनर्जी ट्रान्जिसन। भारत तेजीका साथ 2030 सम्म 500 गिगावाट नविकरणीय ऊर्जाको लक्ष्यतर्फ अग्रसर छ। हामीले 2047 सम्म 100 गिगावाट न्युक्लियर पावरको पनि लक्ष्य राखेका छौं। सोलर सेल होस् वा फेरि ग्रीन हाइड्रोजन, साझेदारीको अपार सम्भावना छ।

भारत अनि जापानबीच जोइन्ट क्रेडिट मेकानिजममाथि सम्झौता भएको छ। यसको लाभ उठाएर स्वच्छ अनि ग्रीन फ्युचरको निर्माणमा सहयोग गर्नसकिन्छ।

चौथो छ, नेक्स्ट-जेन इन्फ्रास्ट्रक्चर। पछिल्लो दसकमा भारतले नेक्स्ट जेनरेशन मोबिलिटी र लजिस्टिक इन्फ्रास्ट्रक्चरमा अभूतपूर्व प्रगति गरेको छ। हाम्रो पोतहरूको क्षमता दुई गुणा भएको छ। 160 भन्दा धेरै हवाई अड्डा छन्। 1,000 किलोमिटर लामो मेट्रो लाइन बनेको छ। जापानको सहयोगमा मुम्बई अनि अहमदाबादबीच हाई-स्पीड रेलमाथि काम चलिरहेको छ।

तर हाम्रो यहाँ यहीं रोकिँदैन। जापानको उत्कृष्टता अनि भारतको परिमाणले उत्तम साझेदारी सिर्जना गर्नसक्दछ।

पाँचौं छ, कौशल विकास अनि जन-जनबीच सम्बन्ध। भारतको दक्ष युवा प्रतिभाहरूले, वैश्विक आवश्यकता पूरा गर्ने क्षमता राख्दछ। यसको लाभ जापानले पनि उठाउन सक्नेछ। तपाईंहरू भारतीय प्रतिभालाई जापानी भाषा अनि सफ्ट स्कीलमा ट्रेनिङ दिनुहोस् र मिलेर “जापान-रेडी कार्यबल” तयार गर्नुहोस्। साझा कार्यबलले साझा समृद्धितर्फ अग्रसर गराउनेछ। 

साथीहरू,

अन्त्यमा म यही भन्न चाहन्छु, - भारत अनि जापानको साझेदारी सामरिक अनि तीक्ष्ण छ। आर्थिक विवेकको शक्तिका साथ, हामीले साझा हितलाई साझा समृद्धिमा परिणत गरेका छौं।

भारत, ग्लोबल साउथका लागि जापानी कारोबारहरूको निम्ति स्प्रीङबोर्ड हो। मिलेर हामीले स्थिरता, वृद्धि अनि समृद्धिको निम्ति एशियाली शताब्दीलाई आकार दिनसक्छौं।

यिनै शब्दहरूका साथ, म प्रधानमन्त्री इशिबाजी अनि तपाईंहरू सबैप्रति आभार प्रकट गर्न चाहन्छु।

आरिगातौ गोजाइमासु!

धेरै धेरै धन्यवाद।

अस्वीकृति : यो प्रधानमन्त्रीको भाषणको लगभग अनुवाद मात्र हो। मूल भाषण हिन्दीमा दिइएको थियो।

*******