য়োর এক্সিলেন্সী প্রধান মন্ত্রী ইশীবা জী,

ভারত অমসুং জপানগী বিজিনেস লীদরশিং,

নুপী অমসুং নুপাশিং,

খুরুমজরি।

কোন্নিচিৱা!

ঐহাক ঙসি অয়ুক্তা তোকিওদা থুংখি। ঐহাক্কী খোঙচৎ অসি বিজিনেসকী লমগী অচৌবা মীওইশিংগা লোয়ননা হৌবা অসিদা ঐহাক্না য়াম্না নুংঙাইবা ফাওই।

অরোমদা ঐহাক্না মশক খঙবা মীওই কয়া অমসু য়াওরি্না। ঐহাক্না গুজরাত্তা লৈরিঙৈদা অমসুং গুজরাত্তগী দিল্লীদা লাকপা মতম অদু ফাওদা। ঐহাক্না নখোয় কয়াগা লোয়ননা খঙনখি। ঙসি ঐহাক্না ময়াম পুম্নমক্কা উনবগী খুদোংচাবা ফংজবা অসিদা নুংঙাইবা ফাওই।

ফোরম অসিদা য়াওরকপগীদমক ঐহাক্না প্রধান মন্ত্রী ইশিবাবু অখন্ননা থাগৎচরি। মহাক্না থমখিবা মমল য়াম্লবা ৱারোল অদুগীদমক ঐনা মহাকপু থাগৎচরি।

মরুপশিং,

জপান অসি মতম পুম্নমক্তা ভারতকী চাউখৎ-থৌরাংগী খোঙচৎতা মরুওইবা পার্তনর অমা ওইদুনা লাক্লি। মেত্রোদগী হৌরগা মেন্যুফেকচরিং ফাওবা, সেমিকন্দক্তরদগী হৌরগা স্তার্ত-অপশিং ফাওবা, লম খুদিংমক্তা ঐখোয়গী পার্তনরশিপ অসি অমনা অমদা থাজবগী খুদম অমা ওইরি।

জপানিজ কম্পনীশিংনা ভারত্তা দোল্লর বিল্লিয়ন 40 হেন্না ইনভেস্ত তৌখ্রে। হৌখিবা চহি অনি খক্তদা প্রাইবেৎ ইনবেস্তমেন্ত দোল্লর বিল্লিয়ন 13 তৌখ্রে। JBICনা হায়রি মদুদি ভারত অসি খ্বাইদগী ‘আশা লৈবা’ মফমনি। JETROনা হায়রি মদুদি কম্পনীশিংগী 80%না ভারত্তা পাকথোক চাউথোকপা পাম্মি, অমসুং 75%না হান্ননা শেন্দোং ফংখ্রে।

হায়বদি, ভারত্তা, কেপিতেল অসি হেনগৎহনবা খক্তা নত্তে, মসি মল্তিপ্লাই তৌই!

মরুপশিং,

হৌখিবা চহি 11 অসিদা ভারতনা অমুক্তা ওইখিদ্রিবা মওংদা অহোংবা পুরকখিবগী মতাংদা ময়াম পুম্নমক্না ফজনা খঙনরবনি। ঙসিদি, ভারত্তা পোলিতিকেল স্তেবিলিতী লৈরে। ইকনোমিক স্তেবিলিতী লৈরে। পোলিসীশিংদা ত্রান্সপরেন্সী অমসুং প্রিদিক্তেবিলিতী লৈরে। ঙসিদি, ভারত অসি মালেমগী খ্বাইদগী য়াংনা চাউখৎলক্লিবা মরুওইবা ইকনোমী অমা ওইরে। অমসুং, অথুবদা মালেমগী খ্বাইদগী চাউবা ইকোনোমীগী অহুমশুবা মফমদা লৈরগনি।

ভারতনা মালেমগী গ্রোথতা চাদা 18 শরুক তম্মি। ভারতকী কেপিতেল মার্কেতশিংনা অফবা রিতর্ন পীরি। বেঙ্কিং সেক্তর মপাঙ্গল লৈ। ইনফ্লেসন হন্থৈ অমসুং শেন্দোইগী চাংসু হন্থৈ। দোল্লর বিল্লিয়ন 700 রোমগী ফরেক্স রিজর্ব লৈ।

মরুপশিং,

"রিফোর্ম, পর্ফোর্ম অমসুং ত্রান্সফোর্ম"কী ঐখোয়গী এপ্রোচ অসিনা অহোংবা অসি লাকহনখি। 2017তা ঐখোয়না ৱান নেসন-ৱান তেক্স হৌদোকখি। হৌজিক্না মসিদা অনৌবা অমসুং অচৌবা রিফোর্মশিং পুরক্নবা থবক পায়খৎলি।

চয়োল খরগী মমাংদা, ঐখোয়গী পার্লিয়ামেন্তনসু অনৌবা অমসুং লায়থোক্লবা ইনকম তেক্স কোদসু অয়াবা পীখ্রে।

ঐখোয়গী রিফোর্মশিং অসি তেক্স সিস্তেম খক্তদা অকক্নবা ওইদে। ঐখোয়না ললোন-ইতিক তৌবদা লায়থোকহনবদা মরুওইবা পীরি। ঐখোয়না বিজিনেসকীদমক সিঙ্গল দিজিতেল ৱিন্দো এপ্রুবেল এরেঞ্জমেন্ত অমা শেম্লে। ঐখোয়না কমপ্লাইন্স 45,000 রেস্নেলাইজ তৌখ্রে। প্রোসেস অসিবু খোংজেল য়াংখৎনবা দি-রেগুলেসনগী মতাংদা অৱাংবা থাক্কী কম্মিতী অমা শেমখ্রে।

দিফেন্স অমসুং স্পেসকুম্বা সেন্সিতিব সেক্তরশিং প্রাইবেৎ সেক্তরগীদমক হাংদোক্লে। হৌজিক ঐখোয়না ন্যুক্লিয়র ইনর্জী সেক্তরসু হাংদোক্লি।

মরুপশিং,

অসিগুম্বা রিফোর্মশিং অসিগী মখাদা চাউখৎলবা ভারত অমা শেমগৎনবা ঐখোয়গী ফিরেপ অদু লৈ। ঐখোয়গী থৌদাং, থাজবা অমসুং লালোং লৈ। অমসুং মালেমনা মসিবু মশক খঙবতা নত্তনা ইকাই খুম্নবা উৎখ্রে।

S&P গ্লোবেলনা চহি তরাগী মতুংদা ভারতকী ক্রেদিৎ রেতিং হেনগৎহনখ্রে।

মালেম অসিনা ভারত্তা শুপ্নগী য়েংবতা নত্তনা, ভারত্তা থাজবা থম্লি।

মরুপশিং,

হৌজিত্তি ইন্দিয়া-জপান বিজিনেস ফোরমগী রিপোর্ত অদু পুথোকখ্রে। কম্পনীশিংগী মরক্তা তৌনরিবা বিজিনেস দীলশিং অদু য়াম্না কুপ্না শন্দোক্না তাকখি। মসিগী খুমাং চাউশিল্লকপগীদমক ঐনা ময়াম পুম্নমকপু থাগৎচরি।

ঐখোয়গী পার্তনরশিপকীদমক্তা, ঐহাক্না ময়ামগী মমাংদা ৱাফম খরা থমজগে।

অহানবদা, মেন্যুফেকচরিং। ওতো সেক্তরদা ঐখোয়গী পার্তনরশিপ অসি য়াম্না মায় পাক্লি। অমসুং প্রধান মন্ত্রীনা মসি য়াম্না কুপ্না শন্দোক্না তাকখি। পুন্না, ঐখোয়না চপ মান্নবা মেজিক অসিবু বেতরী, রোবোতিক্স, সেমি-কন্দক্তর, শিপ-বিল্দিং অমসুং ন্যুক্লিয়র ইনর্জীদা অমুক হন্না তৌবা ঙমগনি। পুন্না, ঐখোয়না গ্লোবেল সাউথ, মরু ওইনা অফ্রিকাগী চাউখৎ-থৌরাংদা মরুওইবা থৌদাং লৌবা ঙমগনি।

ঐহাক্না ময়াম পুম্নমক্তা হায়জরি মদুদি – মেক ইন ইন্দিয়া, মেক ফোর দি ৱার্ল্দ। সুজুকি অমসুং দাইকিনগী মায় পাকপগী ৱারীশিং অসি মায়মগী মায় পাকপগী ৱারীশিংসু ওইবা য়াই।

অনিশুবদা, তেক্নোলোজী অমসুং ইন্নোবেসন। জাপান অসি "তেক্নোলোজীগী পাৱরহাউস" অমনি। অমসুং, ভারত অসি "তেলেন্ত পৱারহাউস" অমনি। ভারতনা AI, সেমিকন্দক্তরশিং, ক্বান্তম কম্প্যুতিং, বাইওতেক অমসুং স্পেসকী লমদা থৌনা ফরবা অমসুং অচাউবা খোঙথাং কয়া লৌখৎলি। জপানগী তেক্নোলোজী অমসুং ভারতকী তেলেন্তনা পুন্না চৎমিন্নরবদি চহিচা অসিগী তেক্নোলোজীগী রিভোলুসনবু লমজিংবা ঙমগনি।

অহুমশুবা লমদি গ্রীন ইনর্জী ত্রাঞ্জিসননি। ভারতনা 2030 ফাওবদা রিন্যুএবল ইনর্জী গিগাৱাৎ 500গী পান্দমদা খোঙজেল য়াংনা চংশিল্লি। ঐখোয়না 2047 ফাওবদা গিগাৱাৎ 100গী ন্যুক্লিয়র পাৱরগী পান্দমসু থম্লি। সোলর সেল নৎত্রগা গ্রীন হায়দ্রোজেন ওইরবসু, পার্তনরশিপকী অচৌবা ওইথোকপা লৈ।

ভারত অমসুং জপানগী মরক্তা জোইন্ত ক্রেদিৎ মেকানিজমগী মতাংদা য়ানা ৱারোল অমা তৌনখ্রে। মসিগী খুদোংচাবা লৌদুনা, ক্লিন অমসুং গ্রীন ওইবা তুংলমচৎ অমা শেমগৎপদা মতেং পাংমিন্নবা য়াই।

মরিশুবদা, নেক্স জেনরেল ইনফ্রাস্ত্রকচরনি। হৌখিবা চহি তরা অসিদা, ভারতনা নেক্স জেনেরেসনগী মোবিলিতী অমসুং লোজিস্তিক্স ইনফ্রাস্ত্রকচরদা মমাংদা অমুক্তা ওইখিদ্রিবা মওংদা খুমাং চাউশিল্লক্লি। ঐখোয়গী পোর্তশিংগী কেপাসিতী অসি শরুক অনি হেনগৎলে। এয়রপোর্ত 160 হেন্না লৈরে। কিলোমিতর 1000 শাংবা মেত্রো লাইন অমা শঙ্গাখ্রে। জপানগী মতেংগা লোয়ননা মুম্বাই অমসুং অহমেদাবাদ হাই স্পীদ রেলগী থবক পায়খৎলি।

অদুবু ঐখোয়গী খোঙচৎ অসি মসিদা লোইবা নত্তে। জপানগী এক্সিলেন্স অমসুং ভারতকী স্কেলনা মপুং ফাবা পার্তনরশিপ অমা শেম্বা ঙমগনি।

মঙাশুবদা স্কিল দিবেলপমেন্ত অমসুং পিপল-তু-পিপলগী মরীনি। ভারতকী স্কিল লৈবা নহারোলগী তেলেন্ত অসি মালেমগী মথৌ তাবশিং ফংহন্নবা মপাঙ্গল লৈ। মসিনা জপানদসু কান্নবা পীবা য়াই। অদোম্না ভারতকী স্কিল লৈবা মীওইশিংদা জপানিজ লোল অমসুং সোফত স্কিলশিংদা ত্রেনিং পীরি, অমসুং পুন্না "জপান-রেদী" ৱার্কফোর্স অমা শেম্মী। শিয়র্দ ৱার্কফোর্স অমনা শিয়র্দ প্রোস্পেরিতী পুরক্কনি।

মরুপশিং,

অরোইবদা ঐহাক্না মসি হায়জগে - ভারত অমসুং জপানগী মরী অসি স্ত্রেতেজিক অমসুং স্মার্ত ওই। শেন্মিৎলোনগী ৱাখল্লোন্না লমজিংদুনা, ঐখোয়না শিয়র্দ ইন্তরেস্তশিংবু শিয়র্দ প্রোস্পেরিতীদা ওন্থোকপা ঙমখ্রে।

ভারত অসি গ্লোবেল সাউথকীদমক জপানগী বিজিনেসকী স্প্রিংবোর্দনি। ঐখোয়না পুন্না তংদু লৈতাবা, চাউখৎপা অমসুং নুংঙাই য়াইফবা পুরক্নবা এসিয়ন সেঞ্চুরি শেমগৎলগনি।

ৱাহৈশিং অসিগা লোয়ননা ঐহাক্না প্রধান মন্ত্রী ইশিবাজী অমসুং ময়াম পুম্নমক্তা তৌবীমল ঙখবা উৎচরি।

অরিগাতৌ গোজাইমাসু!

হন্না-হন্না থাগৎচরি!

***