প্রধানমন্ত্রীগী লোইশঙ
য়ুমথোং করোর ১৫ হেনবদা অফবা থক্নবা ঈশিং ফংহল্লিবা জল জিবন মিসন চহি তরুক মপুংফারকপদা প্রধান মন্ত্রীনা থাগৎপা ফোঙদোকখ্রে
Posted On:
14 AUG 2025 1:41PM by PIB Imphal
লনাই য়ুমশিংদা তোতি শমদুনা ভারতকী য়ুমথোং মিল্লিয়ন কয়াদা অফবা থক্নবা ঈশিং ফংহন্দুনা অওনবা পুরকখিবা মাঙজিল থাবা থবক অমা ওইরিবা, জল জিবন মিসন চহি তরুক মপুংফারকপদা ঙসি প্রধান মন্ত্রী শ্রী নরেন্দ্র মোদীনা থাগৎপা ফোঙদোকখ্রে।
২০১৯ দা হৌদোকখিবা জল জিবন মিসন অসি চহি খরগী মনুংদা য়ুমথোং করোর ১৫ দা অফবা থক্নবা ঈশিং ফংহন্দুনা সরকারনা পায়খৎপা মরুওইবা থবক অমা ওইরে অমসুং থবক অসিনা হকশেলগী ফিবম ফগৎহল্লে, মীয়াম নুংঙাইহল্লে অমসুং মশিং থিঙমদ্রবা মঙলান কয়া মঙফাওনহল্লে।
প্রধান মন্ত্রীনা হায়খি স্কিম অসিনা ভারতকী খুঙ্গংশিংদা হিংবগী থাক ৱাংখৎহনবতা নত্তনা, ভারতকী নারী শক্তি-নুপীশিংদা কান্নবা পীদুনা হকশেলগী থবকশিং শিংথাবা য়ানা ফগৎলে।
MyGovIndia গী তোঙান তোঙানবা পোষ্টশিংগী পাউখুম এক্সতা পীরদুনা, প্রধান মন্ত্রীনা হায়খি;
“ইকায়খুম্নবা অমসুং পুন্সি কয়া অওনবা পুরকপদা মীৎয়েং থমখিবা স্কিম অমা ওইরিবা #6YearsOfJalJeevanMission ঐখোয়না থাগৎলি। মসিনা মরুওইনা ঐখোয়গী নারী শক্তিগী হকশেলগী ফিবম ফগৎহল্লে”।
“ভারত শীনবা থুংনা জল জিবন মিসনগী তুংকোইনা কান্নবগী শক্তম অমনি।
#6YearsOfJalJeevanMission”
***
(Release ID: 2156458)
Read this release in:
Marathi
,
Assamese
,
Odia
,
English
,
Urdu
,
Hindi
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam