Ka Tnad Information and Broadcasting ka la pynlong ïa ka jingïalang bad ki Secretary Information & Public Relations (I&PR) jong ki jylla bad Union Territory ha ka 5 tarik Nailar, 2025, ha Vigyan Bhawan, New Delhi. U Myntri Khynnah ka sorkar pdeng ba dei peit ia ka Tnad Information and Broadcasting Dr. L. Murugan, Secretary, Information and Broadcasting Sanjay Jaju, bad kiwei kiwei ki heh ophisar ki la ai jingkren ha kane ka jingialang. Ka jingïalang ka thmu ban pynkhlaiñ ïa ka jingïatreilang hapdeng ka sorkar Pdeng bad ki Jylla ha ka jingai jingtip ia ki paidbah, ban pynthikna ka jingpyntreikam pura bad jingtreikam jong ka Press Sewa Portal bad ka India Cine Hub, bad wad ïa ki lad jingïatreilang na ka bynta ban kyntiew ïa ki jingdon jingem ba iadei ki kam shna phlim bad kyntiew ïa ka ïoh ka kot ba thymmai jong ka India ha kylleng ki thaiñ.

Ki jingpynkylla ia ki lad pathai khubor bad ka jingpyniar ia ka ioh ka kot jong ka ri India

Haba ai jingkren ha kane ka jingïalang, u Myntri Khynnah ka sorkar pdeng ba dei peit ia ka Tnad Information and Broadcasting, u Dr. L. Murugan u la ong ba ïa ka Indian Cinema Hub portal la pynkylla sha ka single-window system, kaba plie ka lad kaba suk ban ïoh ïa ki jingbit ban shna phlim bad ki jingshakri ha kylleng ka ri India. Lyngba ki bynta GIS bad ki dur ba iadei, ka kyrshan ia ka jingsuk ban leh ia ki kam bad ka pyni ia ki polisi jong ka India kiba iadei bad ki phlim hapoh ka jingialam jong u Myntri Rangbahduh u Narendra Modi.

U Myntri u la pynpaw ruh ïa ki sienjam jong ki cinema kiba rit ha ki jaka nongkyndong kiba pynkupbor ïa ki kynthei bad ki nongshong shnong ka thain lyngba ki jaka peit phlim kiba duna dor. U la ban jur ïa ki jingïalang ba kongsan ha kylleng ka pyrthei kum ka WAVES 2025 bad ka IFFI Goa, ka khring ïa ki sap na kylleng ka pyrthei, kyntiew ïa ka ïoh ka kot ba thymmai jong ka India, kyntiew ïa ka jingïadei ha ka kolshor ha kylleng ka pyrthei bad pynkupbor ïa ka creative minds of tomorrow.

U la pynleit jingmut kyrpang halor ka Indian Institute of Creative Technology (IICT) kaba dang shu sdang dang shen, kaba thmu ban pyntbit ïa ki samla ha ka animation, gaming, ka put ka tem bad kiwei kiwei ki kam saindur, da kaba pynpaw ïa ki sienjam jong ka Sorkar India ban kyntiew ïa ka ïoh ka kot jong ki nongsaindur ha ka ri.

Ka jingiatreilang ha ka jingsynshar na ka bynta ka jingkiew ia ki kam media

Ha kane ka jingïalang, u Secretary I&B u Sanjay Jaju u la ban jur ïa ka bynta ba kongsan jong ka jingïatreilang hapdeng ka Sorkar Pdeng bad ki Jylla ha ka jingïadei kaba paka bad ka jingkyntiew ïa ki kam media. U la pynpaw ia ka jingkiew jong ki nongsaindur ba iadei bad ki lad digital, ki lad pathai khubor ha ka ktien tynrai bad ka jingdonkam ban pynkup bor ia ki jingpynbiang I&PR ha ki distrik. U la kyntu ia baroh ki jylla ban pyniasoh bad ka Press Sewa Portal na ka bynta ki rukom pynmih kot kiba ryntih bad u la pynpaw ia ki jingsngewkhia halor ki kamram bym iadei ha ki tnad pathai khubor ha kylleng ki jylla.

U Jaju u la pynpaw ruh ïa ka lad ka ioh ka kot ha kaba iadei bad ka kam phlim bad ka jingpynmih prokram, da kaba ban jur ïa ka jingdonkam ban pynïar byn ym sahkut ha tang ki sor bah bad ban kyrshan ïa ki sap ba don ha ka thaiñ. La wanrah ia ki sienjam kum ka India Cine Hub ban kyntiew ia ka jingshna phlim bad iarap ia ki nongsaindur ban kamai pisa na ki prokram. U la khot ia ka WAVES Summit kum ka jingiakhih ha ka pyrthei bad u la pynbna ia ki jingthmu ban pynlong ia ka Radio Conclave ha ka IFFI ha Goa ban pyniar ia ka jingiakren bad jingiatreilang ha baroh ki lad pathai khubor.

Ki bynta ba kongsan:
Kawei na ki bynta ba kongsan jong ka jingialang ka long ka jingpynsngewthuh bad jingpynrung ia ki ophisar ba dei peit jong ka Jylla bad ki UT ha ka Press Sewa Portal. La shna da ka Press Registrar General of India hapoh Press and Registration of Periodicals Act (PRP Act), 2023, kane ka portal ka dei ka rynsan digital single-window kaba pynsuk ia ka jingpynrung kyrteng bad ka jingbud ryntih ia ki kyndon kiba iadei bad ki kot ba pynmih man ka por.

Kawei pat ka bynta ba kongsan ka long ka jingpynleit jingmut ha ka India Cine Hub Portal ba la pynthymmai, kaba la pyni live ha ka 28 tarik Jylliew 2024. Kane ka portal mynta ka treikam kum ka single-window system na ka bynta ban pynsuk ha kaba ïadei bad ki kam phlim ha kylleng ka India, kaba ai ka lad ban ïoh ïa ki jingbit ban ring phlim, ki jingai jingmyntoi, bad ka jingpeit ia ki jingdon jingem jong ka Sorkar Pdeng, Sorkar Jylla bad ka thain. Hynriew tylli ki Jylla bad ar tylli ki UT ki la pyndep ïa ka jingpynïasoh pura, katba arphewwei tylli ki Jylla bad hynriew tylli ki UT ki la shah pynrung lyngba ka Common Application Form.

Ka India Cine Hub portal ka la kyrshan ia ka mapping lyngba ka GIS, ki prokram ba la ioh na ki paidbah na ki riew shemphang ha ka kam, bad ki rukom treikam bapher bapher na ka bynta ka jingpynmih phlim, ki bym iadei bad ka jingring phlim, bad ki jingai jingmyntoi. Ha ka jingialang la iakren halor ka jingpynkhreh ia ki aplikeshon bad ka jingnoh synniang ia ki jingtip ba la pynshisha ban kyntiew ia ka jingitynnad jong ka India kum ka jaka ring phlim ha ka pyrthei.

Ha kane ka jingialang la ïakren ruh halor ka jingkyntiew ïa ki cinema hall kiba jem dor ha ki jaka ba dang duna ka jingshakri. Watla ka India ka dei kawei na ki ri ba pynmih phlim bun tam ha ka pyrthei, hynrei ka jingïoh ïa ki jingdon jingem ba iadei bad ki kam phlim ka dang long ka bym ryntih lang ia baroh. Ka Tnad ka la tyrwa ban pynmih ia ki rukom peit phlim ba lah aspirational distrik.

Ka jingialang ka la iakren kumno ban ithuh ia ki jaka ba duna ka jingbun ki screen da kaba pyndonkam ia ka GIS mapping, pynkylla biang ia ki jingdon jingem paidbah kiba la don lypa, pynbeit ia ka jingai laisen lyngba ka single-window system, bad ai jingmyntoi ha kaba iadei bad ka khajna bad ki polisi ba iadei bad ka khyndew ban khring ia ki nongbei tyngka shimet ha ki jingtei cinema kiba jem dor.

Ka jingïashim bynta ha ki jaka ba kongsan jong ki phlim bad ki jingpynmih prokram kum ka International Film Festival of India (IFFI) bad ka WAVES Bazaar ruh ka la paw ha ki jingïamir jingmut. La pynshlur ia ki jylla bad ki UT ban pyndonkam ia kine ki rynsan ban pyni ia ki jaka ring phlim jong ki, ban kyntiew ia ki jingmyntoi ha ki thain, bad ban kyrshan ia ki sap ba don ha ka thain. Ka IFFI kaba 55 ka la ïohi ïa ka jingïashim bynta na 114 tylli ki ri, bad ka WAVES Bazaar ka la pdiang 2,000 ngut ki nongmihkhmat jong ka kam na 30 tylli ki ri. Ki jylla ki lah ban pyndonkam ia kine ki lad da kaba plie ia ki jaka ba kyrpang, ban pynsuk ia ki jingrung sha ka Indian Panorama, bad ban jied ia ki briew ba don sap na ka bynta ban pynpaw pyrthei.

Kawei pat ka bynta kaba kongsan kaba la iakren ka long ka jingkyntiew ia ka ioh ka kot jong ka India ha ka jingpyni live ia ka jingpynbyrngia. Ka jingialang ka la iakren bad ki Jylla ha kaba iadei bad ka jingpyndonkam ia ki jingdon jingem ba iadei bad ki kam ialehkai bad kolshor kiba la don lypa na ka bynta ki jingialang, ban pyniasoh ia ki rukom treikam ai jingbit ha ka India Cine Hub, ban thung ia ki ophisar ba dei peit, bad ban buh ia ka polisi bad ka jingkyrshan pisa na ka bynta ka jingbei tyngka ha ki jingdon jingem ba iadei bad ka jingpyni live ia ki jingpynbyrngia.

Kane ka jingïakren ka thmu ban pynskhem ïa ka jingïatreilang ha ki kam media, communication bad ka jingpynroi ïa ka ïoh ka kot kaba thymmai, kaba ïarap ïa ka jingkiew shaphrang ka India kum ka imlang sahlang kaba la pynkup bor da ka kam digital bad kaba khlain bha ha kaba iadei bad ka deiriti.

****