প্রধান মন্ত্রী শ্রী নরেন্দ্র মোদীনা ঙসি উত্তর প্রদেশকী বারানসীদা লুপা করোর ২,২০০ রোম ওইবা চাউখৎ-থৌরাংগী প্রোজেক্তশিংগী উরেপ উয়ুং তমখ্রে অমসুং শঙ্গাখ্রে। মীয়াম তিনখিবা অদুদা ৱা ঙাংলদুনা, প্রধান মন্ত্রী শ্রী নরেন্দ্র মোদীনা শেংলবা সাৱান থা অসিদা বারানসীগী ইমুংশিংগা উনবগী মতাংদা থমোয়দগী নুংঙাইবা ফোংদোকখি। বারানসীগী মীয়ামগা লোয়ননা মহাক্কী ইমোস্নেল কনেক্তিবিতী পল্লদুনা শ্রী মোদীনা শহর অসিগী ইমুং মনুংগী মীওই খুদিংদা মহাক্কী ইকায়খুম্নবা উৎখি। শ্রী মোদীনা সাৱানগী অফবা থা অসিদা ভিদিও কনফরেন্সকী থোংদা লৈবাক শিনবা থুংবদগী লৌমীশিংগা ৱারী শানবা ফংজবদা অপেনবা ফোংদোকখি।

প্রধান মন্ত্রীনা হায়খি মদুদি ওপরেসন সিন্দুরগী মতুংদা মহাক্না বারানসীদা অহানবা ওইনা লাকখিবনি। এপ্রিল ২২দা পহলগামদা চত্থখিবা তেরোরিস্ত এতেক অদু মহাক্না নীংশিংখি অমসুং মীচম মীওই ২৬বু তমথিনা হাৎখি হায়না পনখি। শ্রী মোদীনা ভিক্তিমশিংগী ইমুং-মনুংশিংনা ফাওরিবা অৱাবা, মরু ওইনা নুংঙাইতবা থৌদোক অসিনা শোকহল্লবা অঙাংশিং অমসুং ইচানুপীশিংগী অৱাবা অদু মখা তানা ফোংদোকখি। মহাক্না হায়খি মদুদি মহাক্কী থম্মোয় অসি অৱাবা পোৎলুম পুরি অমসুং মতম অদুদা মহাক্না বাবা বিশ্বনাথদা অৱাবা তারবা ইমুং মনুং খুদিংমক্তা মখোয়গী অৱা-অনা অসিবু মায়োক্ননবা ঙম্নবা শক্তি পীবীনবগীদমক থৌনিজখি। প্রধান মন্ত্রীনা হায়খি মদুদি মহাক্না 'নুপীশিংগী সিন্দুরগীদমক লমন খুমগনি' হায়না থাজবা পীখিবা অদু মপুং ফানা পাংথোক্লে। মহাক্না হায়খি মদুদি মসি ভগৱান মহাদেবকী য়াইফ-মঙ্গোলদগী ওইথোকপা ঙমখি। মহাক্না ওপরেসন সিন্দুরগী মাইপাকপা অসি ভগৱান মহাদেবকী মফমদা কত্থোকখি।

মহাক্না হায়খি মদুদি হৌখিবা নুমিৎ খরনি অসিদা মহাক্না বারানসীদা শিবা ভক্তশিংনা গঙ্গাজল পুদুনা চৎপগী মমিশিং উবা ফংখি, মরুওইনা সাৱানগী অহানবা থাগী নোংমাইজিং নুমিত্তা, মখোয়না বাবা বিশ্বনাথকী শেংলবা জালাবিশেক পাংথোক্নবা চৎখি। গৌরি কেদর্নাথতগী গঙ্গাজলবু মখোয়গী লেংবানদা পুদুনা চৎলিবা য়াদব মচিল মনাওগী পুক্নিং চিংশিন্নিংঙাই ওইবা মওং অদু মহাক্না পল্লদুনা মসি তশেংনা শুমহৎনীংঙাই ওইবা শক্তম অমনি হায়খি। দমরুগী মখোল, লম্বীদা উবা ফংলিবা ইনর্জী, মহাক্না ওইরিবা ফিভম অসি অখন্নবা অমনি হায়খি। শ্রী মোদীনা শেংলবা সাৱান থাগী মনুংদা বাবা বিশ্বনাথ অমসুং মার্কন্দেয়া মহাদেব খুরুম্নবা মহাক্কী অপাম্বা ফোংদোকখি। অদুম ওইনমক, মহাক্না লাকপনা মহাদেবকী ভক্তশিংদা খুদোংচাদবা পীবা য়াই নৎত্রগা মখোয়গী দর্শন তৌবদা অপনবা ওইবা য়াই হায়না পনখি, মরম অদুনা মহাক্না মফম অসিদগী ভগৱান ভোলেনাথ অমসুং মা গঙ্গাদা লাপনা খুরুমখি।

চহি লিশিং অমা হেল্লবা মোন্যুমেন্ত অমসুং ভারত্তা লৈরিবা শাইভা চৎনবীগী অরিবা সেন্তর অমা ওইরিবা, তামিল নাদুদা লৈবা পুৱারী ওইরবা গঙ্গাইকোন্দা চোলাপুরম লাইশঙদা চৎখিবা অদু নীংশিংলদুনা শ্রী মোদীনা হায়খি মদুদি লাইশঙ অসি অৱাং অমসুং খাবু অমত্তা ওইনা পুনশিল্লিবা অৱাং ভারতদগী গঙ্গাজল পুরকখিবা মমিং লৈরবা নিংথৌ রাজেন্দ্র চোলানা শাখি। চহি লিশিং অমগী মমাংদা, ভগৱান শিবাগী মফমদা মহাক্কী ভক্তি অমসুং শাইভিৎকী চৎনবীদা মহাক্কী অচেৎপা ফিরেপকী মতুং ইন্না, রাজেন্দ্র চোলানা "এক ভারত, শ্রেস্থ ভারত"কী মঙলান ফোংদোকখি হায়না মহাক্না পনখি। প্রধান মন্ত্রীনা হায়খি মদুদি ঙসিদি কাশী-তামিল সঙ্গমমগুম্বা খোঙথাংশিংগী খুত্থাংদা, লেগেসী অসি মখা তানা চৎথরি। মহাক্না হায়খি মদুদি হৌখিবা মতমদা মহাক্না গঙ্গাইকোন্দা চোলাপুরমদা চৎখিবা মতমদা গঙ্গাজলগা লোয়ননা চৎখি অমসুং মা গঙ্গাগী য়াইফ-মঙ্গোলগা লোয়ননা পুজা অসি য়াম্না অফবা মওংদা পাংথোকখি। মহাক্না হায়খি মদুদি অসিগুম্বা থৌরম্না লৈবাক অসিদা ওপরেসন সিন্দুররগুম্বা মিসনশিং মায় পাকহনবদা লমজিংদুনা অমত্তা ওইবগী ইথিল অদু পোকহল্লি। ভারত মচা করোর ১৪০গী অপুনবা অসিনা ওপরেসন সিসন্দুরগী শক্তি ওইখি হায়না মহাক্না মখা তাখি।

বারানসীদা পাংথোক্লিবা লৌমীশিংগী কুমহৈগী চাউরবা থৌরম অদু পল্লদুনা, প্রধান মন্ত্রীনা পি.এম.-কিসান সম্মান নিধি স্কিমগী মখাদা লৈবাক অসিগী লৌমী করোর ১০গী বেঙ্ক একাউন্তশিংদা লুপা করোর ২১,০০০ ত্রান্সফর তৌখ্রে হায়না লাউথোকখি। থৌরম অদুদা লুপা করোর ২০০০গী দিবেলপমেন্ত প্রোজেক্তশিং শঙ্গাখ্রে অমসুং উরেপ উয়ুংসু তমখ্রে হায়না মহাক্না মখা তাখি। শ্রী মোদীনা ফোংদোকখি মদুদি বাবাগী থৌজালগা লোয়ননা বারানসীদা চাউখৎ-থৌরাংগী ইচেল অসি অপনবা লৈতনা চেন্থরি। মহাক্না মফম অসিদা লৈরিবা মীপুম খুদিংমক অমসুং লৈবাক অসিগী লৌমীশিংবু থাগৎপা ফোংদোকখি। নুমিৎ খরনিগী মমাংদা বারানসীদা মেম্বর ওফ পার্লিয়ামেন্ত তুরিস্ত গাইদ কম্পিতিসন পাংথোকখিবা অদু প্রধান মন্ত্রীনা পনখি। লাক্কদৌরিবা নুমিৎ খরনি অসিদা কাশীগী পার্লিয়ামেন্ত মেম্বর ফোতোগ্রাফী কম্পিতিসন অমসুং পার্লিয়ামেন্ত মেম্বর এমপ্লোইমেন্ত ফেয়রগুম্বা থৌরমশিংসু পাংথোক্কদৌরি। থৌরমশিং অসি মায় পাকপা ওইরসনু হায়না মহাক্না য়াইফ-মঙ্গোল পীখি। মহাক্না এদমিনিস্ত্রেসনবু অসিগুম্বা থৌরাংশিং অসিগীদমক থাগৎপা ফোংদোকখি।

সরকারনা লৌমীশিংগী য়াইফনবা লেপ্পা লৈতনা থবক তৌরি হায়না ফোংদোক্লদুনা শ্রী মোদীনা হায়খি মদুদি মমাংগী সরকারশিংগা মসিগী খেন্নবা লৈবা অদু পল্লদুনা মহাক্না হায়খি মদুদি লৌমীশিংগী মিংদা লাউথোকখিবা এনাউন্সমেন্ত অমত্তা মপুং ফাহনখিদে। পি.এম.-কিসান সম্মান নিধি অসি সরকারগী অচেৎপা থৌদাং অদুগী খুদম অমনি হায়না পল্লদুনা মহাক্না মখোয়গী সরকারনা অচেৎপা থৌদাংশিং অদু পাংথোক্লি হায়না অকনবা ৱাফম থমখি।

২০১৯দা পি.এম.-কিসান সম্মান নিধি হৌদোকখিবা অদু নীংশিংলদুনা শ্রী মোদীনা হায়খি মদুদি মরুওইবা ওপোজিসন পার্তী খরনা তোঙান তোঙানবা তোকঙাশিং শন্দোকখি। খরনা ইলেক্সন মতুংদা পেমেন্ত থিংগনি অমসুং খরনা ত্রান্সফর তৌরিবা শেনফম অদু লৌথোক্কনি হায়না ক্লেম তৌখি। মহাক্না হায়খি মদুদি মসিনা ওপোজিসনগী অশেংবা মশক অদু উৎলি, মসিনা লৌমীশিং অমসুং লৈবাক অসিগী মীয়াম্বু লান্না লমজিংলি। ইন্সতোলমেন্তকী ইন্সতোলমেন্ত অমত্তা লেপখিবা লৈব্রা হায়না মতাংদা, প্রধান মন্ত্রীনা পি.এম.-কিসান সম্মান নিধি অসি লেপহন্দনা চৎথরি হায়না ফোংদোকখি। ঙসি ফাওবদা লৌমীশিংগী একাউন্তশিংদা লুপা করোর লাখ ৩.৭৫ হকথেংননা ত্রান্সফর তৌখ্রে হায়না মহাক্না হায়খি। উত্তর প্রদেশ খক্তদা, লৌমী করোর ২.৫ রোমনা স্কিম অসিগী মখাদা লুপা করোর ৯০,০০০ হেন্না ফংদুনা কান্নবা ফংখ্রে। শ্রী মোদীনা হায়খি মদুদি বারানসীদা লৌমীশিংনা চাউরাক্না লুপা করোর ৯০০ ফংখ্রে। স্কিম অসিগী খ্বাইদগী মরুওইবা ৱাফমদি লৌমীশিংদা শেনফম অসি দিদক্সন নৎত্রগা কম্মিসন অমত্তা লৌদনা ফংহনবনি হায়না মহাক্না ফোংদোকখি। মহাক্না হায়খি মদুদি মসি মহাক্কী সরকারনা পর্মিনেন্ত এরেঞ্জমেন্ত অমনি। মসিদগী লিক লৈরোই অমসুং লাইরবশিংগী হকশিং ফংহনদবা তৌরোই।

চাউখৎ-থৌরাংগী মন্ত্র, "খ্বাইদগী শোত্থবা লমফমশিং মদুদা অহেনবা মীৎয়েং থমগনি" অসিবু নৌহৌনা পল্লদুনা শ্রী মোদীনা হায়খি মদুদি থা অসিগী অঙনবা শরুক্তা কেন্দ্র সরকারনা অচৌবা অনৌবা খোঙথাং অমা প্রধান মন্ত্রী ধন-ধন্যা কৃশি য়োজনাগী অয়াবা পীখি। মহাক্না হায়খি মদুদি স্কিম অসিগীদমক লুপা করোর ২৪,০০০গী এলোকেসন তৌগনি। প্রধান মন্ত্রীনা অকনবা ৱাফম থমখি মদুদি খোঙথাং অসিনা মমাংগী সরকারশিংগী ফত্তবা পোলিসীশিংনা মরম ওইদুনা মাংখিবা জিলাশিংদা মীৎয়েং থমগনি। লৌউ-শিংউগী পোত্থোক ৱাৎলিবা অমসুং লৌমীশিংগী শেন্দোং হন্থরিবা মফমশিং অসিদসু মীৎয়েং থমগনি। মহাক্না হায়খি মদুদি প্রধান মন্ত্রী ধন-ধন্যা কৃশি য়োজনা অসিনা উত্তর প্রদেশকী লৌমী মিলিয়ন কয়াদা হকথেংননা কান্নবা ফংহল্লগনি।

“ঐখোয়গী সরকারনা লৌমীশিংগী পুন্সিদা অহোংবা পুরক্নবা, মখোয়গী শেন্থোক হেনগৎহন্নবা অমসুং লৌউ-শিংউদা চংবা শেনফম হন্থহন্নবা মপুং ফানা হোৎনরি। ঐখোয়না লৌমীশিংগা লোয়ননা মরুদগী হৌরগা কৈথেল ফাওবা পুন্না লেপ্লি," হায়না প্রধান মন্ত্রীনা অকনবা ৱাফম থমখি। লৌমীশিংদা ঈশিং য়ৌহন্নবা লৈবাক শিনবা থুংনা লুপা করোর লাখ কয়াগী ইরিগেসন স্কিমশিং পায়খৎলি হায়না মহাক্না ফোংদোকখি।

শ্রী মোদীনা হায়খি মদুদি ৱেদর অসি- কা হেন্না নোং চুবা, নোংলৈ নুংশিৎ নত্ত্রগা উন তাবা ওইরবসু মতম পুম্নমক্তা লৌমীশিংগীদমক অচৌবা শিংনবা অমা ওইদুনা লাক্লি। অসিগুম্বা তম্বা ঙমদবশিং অসিদগী লৌমীশিংবু ঙাকথোক্নবা সরকারনা পি.এম. ফাসল বিমা য়োজনা হৌদোকখি। মহাক্না হায়খি মদুদি স্কিম অসিগী মখাদা লৌমীশিংনা হৌজিক ফাওবদা লুপা করোর লাখ ১.৭৫গী ক্লেম সেতলমেন্ত ফংখ্রে।

লৌমীশিংনা মখোয়গী পোৎথোকশিংগী অচুম্বা মমল ফংহন্নবা সরকারনা হোৎনরি হায়না ফোংদোক্লদুনা প্রধান মন্ত্রীনা হায়খি মদুদি মরুওইবা পোৎলমশিং হায়বদি চেং অমসুং গেহু য়াওনা মহৈ-মরোংশিংগী মিনিমম সপোর্ত প্রাইস (এম.এস.পি.) অসি রেকোর্দ ওইনা হেনগৎলক্লি। লৌমীশিংগী মহৈ-মরোংশিং ঙাক-শেন্নবা, সরকারনা লৈবাক শিনবা থুংনা অনৌবা ৱেরহাউস লিশিং কয়া শারি হায়না মহাক্না মখা তাখি।

লৌউ-শিংউগী শেন্মিৎলোনদা নুপীশিংগী শরুক য়াবা হেনগৎহন্নবা সরকারনা মীৎয়েং চংলিবা অদু পল্লদুনা শ্রী মোদীনা ভারত শিনবা থুংনা লাখপতি দিদি করোর অহুম শেমগৎনবা পান্দম থম্লিবা লাখপতি দিদি কেম্পেনগী মতাংদা পনখি। নুপী করোর ১.৫ হেনবনা মসিগী মাইলস্তোন অসি ফংখ্রে হায়না মহাক্না পনখি। মহাক্না হায়খি মদুদি সরকারগী 'দ্রোন দিদি' থৌরাং অসিনা নুপী লাখ কয়াগী শেন্থোক হেনগৎহনখ্রে।

প্রধান মন্ত্রীনা হায়খি মদুদি সরকারনা মোদর্ন এগ্রিকলচরেল রিসর্চ অসি লমদম অসিদা হকথেংননা পুরক্নবা থবক পায়খৎলি। মহাক্না পনখি মদুদি 'লেব তু লেন্দ'গী গাইদিং প্রিন্সিপলগী মখাদা ২০২৫গী মে অমসুং জুন থাদা অখন্নবা মওংদা দিজাইন তৌরবা বিক্সিত কৃশি সঙ্কলপ অভিয়ান অমা পাংথোকখি। মসিগী খুত্থাংদা লৌমী করোর ১.২৫ হেনবগা হকথেংননা মরী লৈনখি। কেন্দ্র সরকারগী স্কিমশিংগী কান্নবা অসি নাগরিক খুদিংমক্তা লেপ্পা লৈতনা য়ৌহনগদবনি হায়না মহাক্না অকনবা ৱাফম থমখি।

মীয়ামদা মরুওইবা পাউজেল অমা পীরদুনা শ্রী মোদীনা হায়খি, "জন ধন য়োজনাগী মখাদা লৈবাক শিনবা থুংনা লায়রবশিংগীদমক বেঙ্ক একাউন্ত করোর ৫৫ হাংদোক্লে।" মহাক্না হায়খি মদুদি স্কিম অসিনা চহি ১০ মপুং ফারকখ্রে অমসুং চৎন-কাংলোনশিংগী মতুং ইন্না বেঙ্ক একাউন্তশিংদা চহি ১০গী মতুংদা অনৌবা কে.ৱাই.সি. ভেরিফিকেসন মথৌ তাই। মসিগী মথৌ তাবা অসি মপুং ফাহন্নবগীদমক, ২০২৫গী জুলাই ১দগী লৈবাক শীনবা থুংনা কেম্পেন অমা হৌদোক্লে হায়না মহাক্না মখা তাখি।  প্রধান মন্ত্রীনা হায়খি মদুদি বেঙ্কশিং অসি গ্রাম পঞ্চায়ত খুদিংদা য়ৌরে অমসুং গ্রাম পঞ্চায়ৎ লাখ অমদা কেম্পশিং হাংদোকখ্রে। মীওই লাখ কয়ানা মখোয়গী কে.ৱাই.সি. রিন্যুএল তৌখ্রে। প্রধান মন্ত্রীনা জন ধন একাউন্ত লৈবা মীওই খুদিংমক্তা মখোয়গী কে.ৱাই.সি.গী প্রোসেস অদু অথুবা মতমদা লোইশিনবগীদমক খঙহনখি।

গ্রাম পঞ্চায়ৎশিংদা পাংথোক্লিবা অখন্নবা বেঙ্ক কেম্পশিংগী অহেনবা কান্নবা অমা পল্লদুনা শ্রী মোদীনা হায়খি মদুদি কেম্পশিং অসিনা প্রধান মন্ত্রী সুরক্ষ বিমা য়োজনা, প্রধান মন্ত্রী জীবন জ্যোতি বিমা য়োজনা অমসুং অতল পেন্সন য়োজনা য়াওনা মরুওইবা স্কিম কয়াগী রেজিস্ত্রেসন তৌবদা মতেং পাংলি। স্কিমশিং অসিনা নাগরিকশিংদা চাউনা মতেং পাংলি হায়না মহাক্না অকনবা ৱাফম থমখি অমসুং মীপুম খুদিংমকপু কেম্পশিং অসিদা চৎনবা তকশিনখি। মহাক্না হৌজিক ফাওবদা স্কিমশিং অসিদা এনরোল তৌদ্রিবা মীওইশিংদা রেজিস্তর তৌনবা অমসুং মখোয়গী জন ধন একাউন্তশিংগীদমক কে.ৱাই.সি. প্রোসেস মপুং ফাহনবা পুক্নিং থৌগৎখি। প্রধান মন্ত্রীনা মখোয়গী পার্তীগী মীয়ামগী মীহুৎ পুম্নমক্তা কেম্পেন অসিগী মতাংদা মপুং ফানা খঙহন্নবা, বেঙ্কশিংদা মখোয়গী আউতরিচকী খোঙথাংশিংদা মতেং পাংনবা অমসুং মীয়ামগী শরুক য়াবা হেনগৎহন্নবা হায়খি।

প্রধান মন্ত্রীনা হায়খি মদুদি ঙসিদি মহাদেবকী শহর অসিদা চাউখৎ-থৌরাং অমসুং মীয়ামগী য়াইফনবা থৌরাং কয়া পায়খৎলি। মহাক্না শিবগী ৱাহন্থোক্কী মতাংদা খন্নখি। মহাক্না হায়খি মদুদি শিবনা "অচুম্বা" তাকই, অদুবু তেরর অমসুং অরোন-অথুপকী মায়োক্তা থেংনবদা শাথীবা রুদ্রাগী মওংসু উৎলি। শ্রী মোদীনা হায়খি মদুদি ওপরেসন সিন্দুরগী মতমদা, মালেম অসিনা ভারতকী রুদ্রাগী মওং অসি উখি। মহাক্না হায়খি, "ভারত্তা লান্দারকপা মীওই অমত্তবু নোরোক্তসু শাফনা লৈবা ঙমলোই"। ওপরেসন সিন্দুর মায় পাক্লবসু লৈবাক অসিগী মীওই খরদি অৱাবা কয়া মায়োক্নরি হায়না প্রধান মন্ত্রীনা নুংঙাইতবা ফোংদোকখি। মহাক্না ওপোজিসন অমসুং মসিগী মরী লৈনবশিং অখন্ননা পল্লদুনা হায়খি মদুদি মখোয়না ভারতনা পাকিস্তানদা তেরোরিস্ত বেজশিং থুগাইখিবগী দাইজেস্ত তৌবা ঙমদে। ভারতকী দ্রোনশিংনা মতৌ করম্না তেরোরিস্তশিংগী হেদক্বার্তরশিংবু অকনবা মওংদা মীৎয়েং থম্বা অমসুং মাঙ-তাকহনখিবা অদু উৎলিবা ভিজুএলশিংগী মতাংদা শ্রী মোদীনা পনখি। মহাক্না হায়খি মদুদি পাকিস্তানগী এয়র বেজ কয়া অমা শাথীবা ফীভমদা লৈরি। প্রধান মন্ত্রীনা ওপোজিসন পার্তীগী লুচিংবশিংবু চৈরদুনা হায়খি মদুদি তেরোরিস্তশিংগী মাস্তরমাইন্দশিংনা নাকল অমদনা অৱাবা ফোংদোকপা মতমদা, নাকল অমদনা পার্তীশিং অসিনা তেরোরিস্তশিংগী অৱাবদা শরুক য়াখি।

ভারতকী লান্মীশিংগী থৌনাবু কয়ারক হন্না ইকায় খুম্নদবগীদমক ওপোজিসনবু চৈরদুনা শ্রী মোদীনা হায়খি মদুদি ওপোজিসননা ওপরেসন সিন্দুরবু "তমাশা" হায়না কৌখি অমসুং সিন্দুরবু – ইকাই খুম্নবা অমসুং কত্থোকপগী খুদম অমা ওইনা লৌবা য়াব্রা হায়না ৱাহং হংখি। মহাক্না আর্মদ ফোর্সশিংগী থৌনা অমসুং ইচে-ইচলশিংগী সিন্দুরগীদমক লমন খুমবগী অচেৎপা থৌনা অসি অসিগুম্বা মওংদা মরু ওইনা লৌদবা হৌনব্রা হংখি।

প্রধান মন্ত্রীনা ওপোজিসনবু ভোৎ বেঙ্ক অমসুং এপিজমেন্ত পোলিতিক্স তৌবগীদমক কন্দেম তৌখি। মহাক্না পার্লিয়ামেন্ততা ওপোজিসনগী লুচিংবশিংনা ফোংদোকখিবা ৱারোলশিং পল্লদুনা পহলগামদা তেরোরিস্তশিং অদু করিগীদমক থুনা লোইশিনখিবনো হায়না হংখি। শ্রী মোদীনা হায়খি মদুদি তেরোরিস্তশিংগী মায়োক্তা থবক পায়খৎপদা ভারতনা ঙাইগদব্রা। মখোয় অসি উত্তর প্রদেশতা লৈরিঙৈ মতমদা তেরোরিস্তশিংদা ক্লীন চিৎ পীখিবা অমসুং বোম্ব ব্লাস্ত তৌবদা শরুক য়াখিবা মীওইশিংগী কেসশিং লৌথোকখিবা মীওইশিংনি হায়না মহাক্না মীয়ামদা নিংশিংখি। মহাক্না হায়খি মদুদি হৌজিক্তি হায়রিবা পার্তীশিং অসি তেরোরিস্তশিং মুত্থৎলকপদগী অমসুং ওপরেসন সিন্দুরগী মিং অসিনা অৱাবা পীরি। বারানসীগী শেংলবা লমদম অসিদগী, প্রধান মন্ত্রীনা হায়খি মদুদি মসি অনৌবা ভারত অমনি। মসিনা ভগৱান ভোলানাথপু ইকায় খুম্নবা উৎলি অমসুং লৈবাক অসিগী য়েক্নবশিংগী মায়োক্তা করম্না কাল ভৈরব ওইগদগে হায়বা অদুসু খঙই।

প্রধান মন্ত্রীনা হায়খি, "ওপরেসন সিন্দুরগী মতমদা, মালেম অসিনা ভারতকী লমদমসিগী ওইবা খুৎলাইশিংগী শক্তি অমসুং ভারতকী এয়র দিফেন্স সিস্তেমশিং, লমদমসিগী ওইবা মিসাইলশিং অমসুং দ্রোনশিংগী ইফেক্তিবনেস অদু উখি, মসিনা আত্মনির্ভর ভারতকী শক্তি অদু উৎখি।" মহাক্না ভারতকী ব্রহ্মোস মিসাইলশিংগী ইম্পেক্তকী মতাংদা অখন্ননা ফোংদোকখি। মখোয়শিং অসি লৈবাক্কী য়েক্নবশিংগী মরক্তা অকিবা পোকহল্লি হায়না মহাক্না ফোংদোকখি।

উত্তর প্রদেশকী পার্লিয়ামেন্ত মেম্বর অমা ওইনা শ্রী মোদীনা ব্রহ্মোস মিসাইলশিং অথুবা মতমদা রাজ্য অসিদা পুথোক্কনি হায়না চাউথোকচবা ফোংদোকখি। মহাক্না লখনৌদা ব্রহ্মোস মিসাইল পুথোকপা হৌরে হায়না লাউথোকখি। অমসুং মরুওইবা দিফেন্স কম্পনী কয়ানা উত্তর প্রদেশ দিফেন্স কোরিদোরদা প্লান্তশিং লিংখৎলি। লাক্কদৌরিবা চহিশিংদা উত্তর প্রদেশতা শাবা খুৎলাইশিং অসি ভারতকী লান্মীগী মপাঙ্গলগী মরুওইবা শরুক অমা ওইরগনি হায়না মহাক্না ফোংদোকখি। প্রধান মন্ত্রীনা মীয়াম্বু মসিগী এচিবমেন্ত অসিদা মখোয়না চাউথোকচবা পোক্নবরা হায়না হংখি। মহাক্না হায়খি মদুদি করিগুম্বা পাকিস্তান্না অতোপ্পা অশোয়বা অমা পাংথোক্লবদি, উত্তর প্রদেশতা শাবা মিসাইলশিংনা তেরোরিস্তশিংবু মুত্থৎলগনি।

উত্তর প্রদেশতা য়াম্না থুনা ইন্দস্ত্রীএল দিবেলপমেন্ত পাংথোক্লি হায়না পল্লদুনা, রাজ্য অসিদা ইনভেস্ত তৌনবা নেস্নেল অমসুং ইন্তর্নেস্নেল কম্পনীশিং লাকহল্লি হায়না শ্রী মোদীনা ফোংদোকখি। মহাক্না হৌজিক ওইরিবা ফীভম অসি মমাংগী লৈঙাক্কী ফীভমগা খেন্নবা অদু পল্লদুনা হায়, মদুদি ক্রিমিনেলশিংনা অকিবা লৈতনা থবক তৌরম্মি অমসুং ইনভেস্তরশিংনা রাজ্য অসিদা চংবা তন্নরম্মি। মুখ্য মন্ত্রী য়োগী আদিত্যনাথকী লুচিং মখাদা, ক্রিমিনেলশিংনা হৌজিক থাজবা লৈরে অমসুং ইনভেস্তরশিংনা উত্তর প্রদেশকী তুংলমচৎকীদমক থাজবা ফোঙদোক্লি হায়না মহাক্না অকনবা ৱাফম থমখি। চাউখৎপগী খোঙজেল অসিগীদমক প্রধান মন্ত্রীনা উত্তর প্রদেশ সরকারবু থাগৎপা ফোংদোকখি। বরানসীদা চাউখৎ-থৌরাংগী অচৌবা কেম্পেন অসি লেপ্পা লৈতনা চত্থরকপদা মহাক্না নুংঙাইবা ফোংদোকখি।

অনৌবা রেল ওভর ব্রিজ অমা, জল জীবন মিসনগী মখাদা পায়খৎলিবা থবকশিং, বরানসীদা স্কুলশিং অমুক হন্না শেমগৎপা, হোমিওপেথিক কোলেজ অমা শাগৎপা অমসুং মুনশি প্রেমচান্দগী লিগেসি ঙাক্নবা হোৎনরিবা অসিনচিংবা ঙসি হৌদোকখিবা প্রোজেক্ত কয়াগী মতাংদা পল্লদুনা শ্রী মোদীনা হায়খি মদুদি প্রোজেক্তশিং অসিনা গ্রান্দ, দিভাইন অমসুং প্রোসপেরেস বারানসী অমা শেমগৎপদা খোংজেল য়াংশিনগনি। সেৱাপুরীদা চৎপা অসি মা কালকা দেবীগী থোরকফমনি হায়না শন্দোক্না তাক্লদুনা মহাক্না হায়খি মদুদি সেৱাপুরীদা চৎপা হায়বসি শেংলবা থৌওং অমনি। মহাক্না মহাক্কী খোঙজংদা ইকায় খুম্নবা উৎখি অমসুং সরকারনা মা কালকা ধামবু হেন্না ফজহন্দুনা অমসুং লাইশঙ অদুদা চঙবগী খুদোংচাবা ফগৎহন্দুনা মসিবু ফজহনবদা নুংঙাইবা ফোংদোকখি। প্রধান মন্ত্রীনা সেৱাপুরীগী রিভোলুস্নরী হিস্তরী নীংশিংখি অমসুং মসিগী নীংতম লান্থেংদা অচৌবা থৌদাং লৌখিবা অদু পনখি। মহাক্না হায়খি মদুদি মসি সেবাপুরি অসিনি মদুদা মহাত্মা গান্ধীগী ৱাখল্লোন অসি ইমুং খুদিংগী নুপা অমসুং নুপী খুদিংমক্কী খুৎতা তরেং পায়বগা লোয়ননা মঙফাওনহনখি। শ্রী মোদীনা ৱাহন্থোক লৈবা থৌওং অমদা পনখি: চান্দপুর-ভাদোহি লম্বীগুম্বা প্রোজেক্তশিংগী খুত্থাংদা, বারানসীগী ৱিভরশিং অসি হৌজিক্তি ভাদোহিগী ৱিভরশিংগা শম্নহল্লে। মহাক্না হায়খি মদুদি মসিনা বানারসী সিল্কগী আর্তিসানশিং অমসুং ভাদোহীগী আর্তিসানশিং অনিমক কান্নবা ফংগনি।

শ্রী মোদীনা হায়খি, "বারানসী অসি ইন্তেলিক্চুএল সিতি অমনি।" মহাক্না শেন্মিৎলোনগী খুমাং চাউশিল্লকপগী মতাংদা খন্ন-নৈনখি অমসুং মালেমগী ওইরিবা ফীভমগী মতাংদা পনখি। মহাক্না হায়খি মদুদি হৌজিক মালেমগী শেন্মিৎলোন অসি মখল কয়াগী তম্বা ঙমদবা অমসুং তংদু লৈতাদবা ফিভম থেংনরি। অসিগুম্বা ফিভম অমদা, মালেমগী লৈবাকশিংনা মখোয়গী ইশাগী কান্নবশিংদা মীৎয়েং থম্লি। প্রধান মন্ত্রীনা হায়খি মদুদি ভারত অসি মালেমগী খ্বাইদগী চাউবা ইকোনোমীগী অহুমশুবা মফমদা ওইবগী লম্বীদা চংশিল্লি। মরম অদুনা, ভারতনা মসিগী শেন্মিৎলোনগী স্বার্থগী মতাংদা ময়েক শেংনা লৈগদবনি হায়না মহাক্না মখা তাখি। মহাক্না অকনবা ৱাফম থমখি মদুদি লৌমীশিং অমসুং অপীকপা ইন্দস্ত্রীশিংগী য়াইফ-থৌরাং অসি খ্বাইদগী মরু ওই অমসুং সরকার অসিনা মসিগী মায়কৈ অসিদা তৌবা য়াবা পুম্নমক হোৎনরি।

নাগরিকশিংগীসু থৌদাং খরা লৈ হায়না পল্লদুনা প্রধান মন্ত্রীনা মীপুম খুদিংমক্তা স্বদেশীগীদমক অচেৎপা ৱাফম থম্নবা হায়খি। মহাক্না স্বদেশীবু ভারত মচা অমগী উমাং মমল অমসুং হোৎনদুনা শাবা পোৎশক অমা ওইনা শন্দোক্না তাকখি। মহাক্না লৈবাক অসিদা 'ভোকেল ফোর লোকেল'গী মন্ত্র অসি শিজিন্ননবা হায়খি। প্রধান মন্ত্রীনা নাগরিকশিংদা 'মেক ইন ইন্দিয়া'গী পোত্থোকশিং প্রমোৎ তৌনবা অচেৎপা ৱাফম থমখি। মহাক্না হায়খি মদুদি ঐখোয়গী য়ুমশিংদা হাপ্লিবা অনৌবা পোৎলম খুদিংমক স্বদেশী ওইগদবনি, অমসুং মসিগী থৌদাং অসি ভারত মচা খুদিংমক্না লৌগদবনি। শ্রী মোদীনা ত্রেদর অমসুং দুকান মপু খুদিংমক্তা স্বদেশী পোত্থোক খক্তমক য়োন্নবা ৱারেপ লৌনবা আপিল তৌখি। মসিনা লৈবাক অসিগী অশেংবা সেবা ওইগনি হায়না মহাক্না ফোংদোকখি। লাক্কদৌরিবা ফেস্তিবেল সিজন অসিদা স্বদেশীগী পোত্থোকশিং শিজিন্ননবা মহাক্না মীয়ামদা তকশিনখি অমসুং মসি মহাত্মা গান্ধীদা অশেংবা ইকাই খুম্নবা অমা ওইরগনি হায়না মহাক্না মখা তাখি।

চাউখৎলবা ভারত অমগী মঙলান অসি পুন্না হোৎনমিন্নরবদি মপুং ফাহনগনি হায়না প্রধান মন্ত্রীনা অকনবা ৱাফম থম্লদুনা লোইশিনখি। ঙসি হৌদোকখিবা চাউখৎ-থৌরাংগী থবকশিংগীদমক মহাক্না অমুক্কা হন্না থাগৎপা ফোংদোকখি।

থৌরম অদুদা উত্তর প্রদেশকী মুখ্য মন্ত্রী, শ্রী য়োগী অদিত্যনাথ অমসুং অতৈ মকোক থোংবশিংসু শরুক য়াখি। কেন্দ্রগী মন্ত্রী শ্রী শিবরাজ সিংহ চৌহানগা লোয়ননা রাজ্যপালশিং, মুখ্য মন্ত্রীশিং, কেন্দ্র অমসুং রাজ্যগী মন্ত্রীশিং অমসুং অতোপ্পা শক্নাইরবশিং ভিদিও কনফরেন্সকী থোংদা থৌরম অসিদা শরুক য়াখি।

বেকগ্রাউন্দ

শহরগী অওনবা পুরক্নবা, নাৎ অমুক হন্না হিঙ্গৎহন্নবা, লম্বী-থোং ফগৎহন্নবা অমসুং বারানসীদা পুন্সি মহিং ফগৎহন্নবা পান্দমদা প্রোজেকশিং অদুদা য়াওরিবা হিরমশিংগী মনুংদা ইনফ্রাষ্ট্রকচর, লাইরিক-লাইশু, অনা-লায়য়েং, তুরিজম, সহর শেমগৎপা, নাৎ অমসুং চৎনবীশিংনি য়াওরি।

বারানসীগী লম্বী-থোং ফগৎহন্নবা মহাক্না থাজবা পীখিবগী মতুংইন্না, প্রধান মন্ত্রীনা মরুওইবা ইনফ্রাষ্ট্রকচর প্রোজেকশিং শঙ্গাগনি অমসুং উরেপ-উয়ুং তমখ্রে। মহাক্না বারানসী-ভাদোহি লম্বী অমসুং ছিতৌনি-সুল তঙ্কেস্বর লম্বী পাকথোকপা অমসুং ফগৎহনবা অমসুং হারদাতপুরদা রেলৱে ওভরব্রিজ, লম্বী চিনবা ফনবা মোহান সারাই-অদালপুর লম্বী শঙ্গাখ্রে। মহাক্না দালমান্দি, লাহারতানা-কোতৱা, গঙ্গাপুর, বাবাতপুর য়াওনা লেভেল ক্রোসিং ২২সি অমসুং খাসিপুর য়ার্দতা রেলৱে ওভরব্রিজ য়াওনা তোঙান তোঙানবা খুঙ্গং অমসুং সহরগী লম্বী পাকথোকপা অমসুং ফগৎনবা উরেপ-উয়ুং তমখ্রে।

লমদম অসিগী পৱার ইনফ্রাষ্ট্রকচর ফগৎহন্নবা, লুপা করোর ৮৮০ হেনবগী স্মার্দ দিষ্ট্রিব্যুসন প্রোজেক অমসুং হৌজিক পায়খৎলিবা ইলেক্ত্রিক্কী ইনফ্রাষ্ট্রকচরগী মখাদা প্রধান মন্ত্রীনা তোঙান তোঙানবা থবকশিংগী উরেপ-উয়ুং তমখ্রে।

তুরিজম চাউখৎহন্নবা, প্রধান মন্ত্রীনা রিভরফ্রন্ত কচ্ছা ঘাত ৮ অমুক হন্না শেমগৎপা, কলিকা থাম শেমগৎপা,, রঙ্গিলদাস কুতিয়া, সিবপুরদা পুখ্রি অমসুং ঘাত ফজহনবা অমসুং দুর্গাকুন্দগী ঈশিং শেংদোকপগী থবকশিং শঙ্গাখ্রে। প্রধান মন্ত্রীনা কারদামেশ্বর মহাদেব লাইশঙ অমুক শেমজিনবা; নিংতম লান্মী কয়াগী পোক্নফম কারখিয়াওন শেমগৎপা; সরনাথ, রিসি মন্দবী অমসুং রামনাগর জোনশিং সিতি ফেসিলিতি সেন্তরশিং; লামহিদা মুন্সি প্রেমচান্দগী মপা-মপুগী য়ুম অমুক হন্না শেমগৎপা অমসুং মসি ম্যুজিয়ম অমা ওইনা শেমগৎনবা থবকশিং উরেপ-উয়ুং তমখ্রে। কাঞ্জনপুরদা অর্বান মিয়াৱাকি ফোরেষ্ট অমা শেমগৎনবা অমসুং সহিৎ উরান অমসুং অতোপ্পা পার্ক ২১ অমুক হন্না শেমগৎনবা প্রধান মন্ত্রীনা উরেপ-উয়ুং তমখ্রে।

মসিগী মথক্ত, নাৎকী ওইনা মরুওইবা ঈশিং লৈবা মফমশিং য়োকখৎনবা পান্দমদা, রামকুন্দ, মন্দাকিনি সনকুলধারা অমসুং অতোপ্পশিং য়াওনা ঈশিং শেংদোক্নবা অমসুং শেমজিন শাজিন্নবা অমসুং অতাওবা পুজন প্লেতফোর্ম ৪ থম্নবা প্রধান মন্ত্রীনা উরেপ-উয়ুং তমখ্রে। খুঙ্গংগী মফমশিংদা অফবা থক্নবা ঈশিং ফংহন্নবা, জল জিবন মিসনগী মখাদা প্রধান মন্ত্রীনা খুঙ্গংগী থক্নবা ঈশিং পীনবা স্কিম ৪৭ শঙ্গাখ্রে।

মীওই খুদিংমক্ত অফবা গুন লৈনবা লাইরিক-লাইশু তম্বা ফংহন্নবা মহাক্কী পান্দমগী শরুক অমা ওইনা, প্রধান মন্ত্রীনা ম্যুনিসিপাল ঙমখৈগী মনুংদা স্কুল বিল্দিং ৫৩ ফগৎহন্নবা থবক শঙ্গাখ্রে। মহাক্না অনৌবা দিস্ত্রিক লাইব্রেরি অমা শাবা য়াওনা অমসুং জাখিনি, লালপুরদা সরকারগী হায় স্কুলশিং অমুক হন্না শেমজিন্নবা থবকশিং উরেপ-উয়ুং তমখ্রে।

হকশেলগী ইনফ্রাষ্ট্রকচর ফগৎহন্নবা খোঙথাং অমা ওইনা, রোবোতিক সর্জরি অমসুং সি.তি স্কেনগী খুদোংচাবশিং য়াওনা অফবা মখলগী মেদিকেলগী খুৎলায়শিং মহামানা পন্দিৎ মদন মোহন মালবিয়া কেন্সর সেন্তর অমসুং হোম ভাভা কেন্সর হোস্পিতালদা শঙ্গাগনি। মহাক্না হোমিওপেথি কলেজ অমসুং হোস্পিতাল অমগী উরেপ-উয়ুং তমখ্রে। মখা তানা মহাক্না এনিমেল বার্থ কন্ত্রোল সেন্তর অমসুং দোগ কিয়ার সেন্তর অমা শঙ্গাখ্রে।

বারানসীদা মালেম থাক্কী শানবগী ইনফ্রাষ্ট্রকচর লৈহন্নবা মহাক্কী পান্দম ফগৎহল্লদুনা, প্রধান মন্ত্রীনা দোক্তর ভিমরাও অম্বেদকার স্পোর্তস ষ্টদিয়মদা সিন্থেতিক হোক্কি তর্ফ অমা শঙ্গাখ্রে। লো ঙাক্না চৎনবা থৌদাং লৌরিবা মীওইশিংদা খুদোংচাবশিং হেন্না ফংহন্নবা, প্রধান মন্ত্রীনা প্রাদেসিক আর্মদ কন্সতাবুলারি(পি এ সি) রামনাগরদা মীওই ৩০০ চনবা মলতিপর্পজ হোল অমা শঙ্গাখ্রে অমসুং কুইক রেসপোন্স তিম (ক্বিউ আর তি) বেরেকশিংগী উরেপ-উয়ুং তমখ্রে।

লৌমীশিংগী য়াইফনবা মাইকৈদা থাংজিনবা মরুওইবা খোঙথাং অমা ওইনা, প্রধান মন্ত্রীনা পি.এম-কিষানগী ২০শুবা ইন্সতোলমেন্ত থাদোকখ্রে। লৈবাক শীনবা থুংবগী লৌমী করোর ৯.৭ হেনবগী বেঙ্ক একাউন্তশিংদা লুপা করোর ২০,৫০০ হেন্না হকথেংননা হাপচিনখ্রে। মসিগী শেনফম অসি থাদোকপগা লোয়ননা, স্কিম অসি চৎনবা হৌবদগী হৌজিক ফাওবদা পি.এম কিষানগী মখাদা থাদোকখিবা শেনফম পুন্না লুপা করোর লাখ ৩.৯০ হেল্লে।

স্কেতচিং কম্পিতিসন, লাইয়েকপা চাংদম্নবা, ফোতোগ্রাফি চাংদম্নবা, খেল-খুদ প্রাতিয়োগিতা, গ্যান প্রোতিয়োগিতা অমসুং রোজগার মেলা য়াওনা কসি সংসদ প্রাতিয়োগিতাগী মখাদা তোঙান তোঙানবা থৌরমশিং অমসুং চাংদম্নবশিংগী রেজিস্ত্রেসন পোর্তেল প্রধান মন্ত্রীনা শঙ্গাখ্রে। প্রধান মন্ত্রীনা তোঙান তোঙানবা দিবয়াংজিন অমসুং অহল ওইরবা বেনিফিসরিশিংদা এসিস্তিভ এদস ৭,৪০০ হেন্না য়েন্থোকখ্রে।

आज अपने संसदीय क्षेत्र वाराणसी से पीएम-किसान सम्मान निधि की राशि जारी कर और काशीवासियों के लिए विभिन्न विकास कार्यों का उद्घाटन व शिलान्यास कर अत्यंत प्रसन्नता हो रही है। https://t.co/ezUNEParvT

— Narendra Modi (@narendramodi) August 2, 2025

हम बीज से बाजार तक किसानों के साथ खड़े हैं: PM @narendramodi pic.twitter.com/O6WQGvRnLL

— PMO India (@PMOIndia) August 2, 2025

भारत पर जो वार करेगा...वो पाताल में भी नहीं बचेगा: PM @narendramodi pic.twitter.com/n99HNR9lmy

— PMO India (@PMOIndia) August 2, 2025

ऑपरेशन सिंदूर के दौरान भारत के स्वदेशी हथियारों की ताकत पूरी दुनिया ने देखी है: PM @narendramodi pic.twitter.com/NMeblkz1Ew

— PMO India (@PMOIndia) August 2, 2025

हमारे किसान...हमारे लघु उद्योग...इनका हित हमारे लिए सर्वोपरि है: PM @narendramodi pic.twitter.com/z6FoGy3FWR

— PMO India (@PMOIndia) August 2, 2025

***