ইন্দিয়ন রেলৱেজনা মশাগী ওইবা রেলৱে সেফতী সিস্তেম কবচ ৪.০ অসি হায়-দেন্সিতী দিল্লি-মুম্বাইগী লম্বীগী মথুরা-কোতা সেক্সনদা শীজিন্নবা হৌখ্রে। মসি লৈবাক অসিদা রেলৱে সেফতী সিস্তেম মোদর্নেজ তৌবগী মায়কৈদা অচৌবা খোংথাং অমনি।

রেলৱেজগী কেন্দ্রগী মন্ত্রী শ্রী অশ্বিনী বৈষ্ণবনা হায়খি, “রেলৱেজনা কবচ ওতোমেতিক ত্রেন প্রোতেক্সন সিস্তেম অসি লমদম অসিদা দিজাইন তৌখ্রে, দিবেলপ তৌখ্রে অমসুং পুথোকখ্রে। মসিনা ইকাই খুম্নরবা প্রধান মন্ত্রী শ্রী নরেন্দ্র মোদীজীগী 'আত্মানির্ভর ভারত' ভিজনদগী ইথিল ফংলি। কবচ ৪.০ অসি তেক্নোলোজী-ইন্তেন্সিভ ওইবা সিস্তেম অমনি। মসি রিসর্চ দিজাইন এন্দ স্তেন্দর্দ ওর্গনাইজেসন (RDSO) না জুলাই ২০২৪দা অয়াবা পীখি। চাউখৎলবা লৈবাক কয়ানা ত্রেন প্রোতেক্সন সিস্তেমশিং শেমগৎনবা অমসুং ইন্সতোল তৌবদা চহি ২০-৩০ চংখি। কোতা-মথুরা সেক্সন্দা কবচ ৪.০ অসি য়াম্না অতেনবা মতমগী মনুংদা কম্মিস্ন তৌখি মসি য়াম্না চাউবা মাইপাকপা অমনি”।

নীংতম্বা ফংলবা মতুং হৌখিবা চহি ৬০ অসিদা লৈবাক অসিদা ইন্তর্নেস্নেল স্তেন্দর্দকী এদভান্স ত্রেন প্রোতেক্সন সিস্তেমশিং ইন্সতোল তৌখিদে। ত্রেন অমসুং পেসেঞ্জরগী সেফতী লৈহন্নবা, কবচ সিস্তেম অসি হন্দক্তা ওপরেস্নেলাইজ তৌখ্রে।

চহি ৬গী অতেনবা মতমগী মনুংদা লৈবাক শিনবা থুংনা তোঙান তোঙানবা লম্বীশিংদা কবচ ৪.০ কম্মিসন তৌনবা ইন্দিয়ন রেলৱেজনা শেম-শারি। কবচ সিস্তেমশিংদা মীওই ৩০,০০০ হেনবনা ত্রেনিং ফংখ্রে। IRISETE (ইন্দিয়ন রেলৱে ইন্সতিত্যুৎ ওফ সিগ্নেল ইঞ্জিনীয়রিং এন্দ তেলিকম্ম্যুনিকেসন) না AICTEনা অয়াবা পীবা ইঞ্জিনীয়রিং কোলেজ, ইন্সতিত্যুসন, য়ুনিভর্সিতী ১৭গা মখোয়গী বি.তেক কোর্স করিকুলমগী শরুক অমা ওইনা কবচ য়াওহন্নবগীদমক MoU খুৎয়েক পীনখ্রে।

কবচনা লোকো পাইলোৎশিংদা ত্রেনগী স্পীদ কন্ত্রোল তৌবা ঙম্নবা ইফেক্তিব ব্রেক এপ্লিকেসন্না মতেং পাংগনি। লৈচিল থাবা অসিগুম্বা ভিজিবিলিতী হন্থবা ফিভমদা ফাওবা লোকো পাইলোৎশিংনা সিগ্নেল অমগীদমক কেবিনদগী মপান থোক্না য়েংবগী মথৌ তাদে। পাইলোৎশিংনা কেবিনগী মনুংদা ইন্সতোল তৌরবা দেশবোর্দতা ইনফোর্মেসন অদু উবা ফংগনি।

কবচ অসি করিনো?

● কবচ অসি লৈবাক অসিদা শেমগৎপা ত্রেন সেফতী সিস্তেম অমনি। মসি ত্রেনগী স্পীদশিং য়েংশিনবা অমসুং কন্ত্রোল তৌবা ঙম্নবা দিজাইন তৌবনি।

● মসি সেফতী ইন্তিগ্রিতি লেভেল ৪ (SIL ৪) দা দিজাইন তৌই। মসি সেক্যুরিতী দিজাইনগী খ্বাইদগী ৱাংবা থাক্নি।

● কবচকী দিবেলপমেন্ত অসি ২০১৫দা হৌখি। সিস্তেম অসি চহি ৩ হেন্না পাক-চাউনা চাংয়েং তৌখি।

● তেক্নিকেলগী ওইবা ফগৎলকপা মতুংদা, সিস্তেম অসি সাউথ সেন্ত্রেল রেলৱে (SCR) দা ইন্সতোল তৌখি। অহানবা ওপরেস্নেল সর্তিফিকেৎ অসি ২০১৮দা পীখি।

● SCRদা ফংখিবা এক্সপরিয়েন্সশিংদা য়ুম্ফম ওইদুনা, এদভান্স ভর্সন ‘কবচ ৪.০’ অমা শেমগৎখি। মসি কিলোমীতর ১৬০ ফাওবগী স্পীদকীদমক মে ২০২৫দা অয়াবা পীখি।

 ● কবচ কম্পোনেন্তশিং অসি লমদমসিদা শেমগৎলি।

কবচকী কমপ্লেক্সিতী

কবচ অসি য়াম্না কমপ্লেক্স ওইবা সিস্তেম অমনি। কবচ পুথোকপা হায়বসি তেলিকোম কম্পনী অমা লিংখৎপগা মান্নৈ। মসিগী মনুংদা মখাদা পীরিবা সবসিস্তেমশিং অসি য়াওই:

১. RFID তেগশিং: ত্রেক অদুগী অশাংবা শরুক পুম্নমক্তা কি.মি. অমমমদা ইন্সতোল তৌই। সিগ্নেল খুদিংমক্তা তেগশিংসু ইন্সতোল তৌই। RFID তেগশিং অসিনা ত্রেনশিং অদুনা লৈরিবা চপ চাবা মফমদু খঙহল্লি।

(ত্রেকশিংদা RFID তেগশিং ইন্সতোল তৌবা)

২. তেলিকোম তাৱরশিং: ওপতিকেল ফাইবর কনেক্তিবিতী অমসুং পাৱর সপ্লাই য়াওনা মপুং ফাবা তেলিকোম তাৱরশিং কিলোমীতর খরা খুদিংগী ত্রেক অদুগী অশাংবদা ইন্সতোল তৌই। লোকোশিংদা ইন্সতোল তৌরবা কবচ সিস্তেমশিং অমসুং স্তেসনশিংদা লৈরিবা কবচ কন্ত্রোলরশিংনা হায়রিবা তাৱরশিং অসি শীজিন্নদুনা লেপ্তনা পাউ ফাওনরি। মসিনা তেলিকোম ওপরেতর অমগুম্না মপুং ফাবা নেতৱার্ক অমা ইন্সতোল তৌবদা মান্নৈ।

(তেলিকোম তাৱরশিং ইন্সতোল তৌবা)

৩. লোকো কবচ: মসিনা রেলদা ইন্সতোল তৌরবা RFID তেগশিংগা ইন্তরেক্ত তৌই অমসুং ইনফোর্মেসন অদু তেলিকোম তাৱরশিংদা রিলে তৌই অমসুং স্তেসন কবচতগী রেদিও ইনফোর্মেসন ফংই। লোকো কবচ অসি লোকোমোতিবশিংগী ব্রেকিং সিস্তেমগা লোয়ননা পুনশিল্লি। সিস্তেম অসিনা ইমর্জেন্সীগী ফিভমদা ব্রেকশিং শীজিন্নবা য়াহনগনি।

(লোকো কবচ ইন্সতোল তৌবা)

৪. স্তেসন কবচ: স্তেসন অমসুং ব্লোক সেক্সন খুদিংদা ইন্সতোল তৌই। মসিনা লোকো কবচ অমসুং সিগ্নেলিং সিস্তেমদগী ইনফোর্মেসন ফংই অমসুং লোকো কবচ অদুবু সেফ ওইবা স্পীদশিং ফংহন্নবা লমজিংই।

(স্তেসন কবচ ইন্সতোল তৌবা)

(স্তেসন কবচ)

৫. ওপ্তিকেল ফাইবর কেবল (OFC): হায়-স্পিদ দেতা কম্ম্যুনিকেসনগীদমক্তা সিস্তেম পুম্নমকপু শম্নহল্লিবা রেলৱেজ অদুদা ওপ্তিকেল ফাইবর তিংই।

৬. সিগ্নেলিং সিস্তেম: সিগ্নেলিং সিস্তেম অসি লোকো কবচ, স্তেসন কবচ, তেলিকোম তাৱরশিং, অসিনচিংবগা লোয়ননা পুনশিল্লি।

(স্তেসন মেনেজরগী ওপরেসন পেনেল)

সিস্তেমশিং অসি পেসেঞ্জর অমসুং পোৎচৈ পুবা ত্রেনগী হেভী মুফমেন্ত য়াওনা রেলৱেগী ওপরেসনশিংদা অপনবা পীবা তৌদনা ইন্সতোল তৌগদবনি, চেক তৌগদবনি অমসুং সর্তিফাই তৌগদবনি।

কবচকী খুমাং চাউশিনবা

ইন্দিয়ন রেলৱেজনা সেফতীগা মরী লৈনবা থবক থৌরমশিংদা চহি খুদিংগী লুপা করোর লাখ ১ হেন্না ইনভেস্ত তৌরি। কবচ অসি পেসেঞ্জরশিং অমসুং ত্রেনশিংগী সেফতী হেনগৎহন্নবা লৌখৎলিবা খোংথাং কয়াগী মনুংদা অমনি। কবচকী খুমাং চাউশিনবা অমসুং অমসুং দিপ্লোই তৌবগী খোঙজেল অসিনা রেলৱেজ সেফতী লৈহন্নবা ইন্দিয়ন রেলৱেজগী অচেৎপা থৌদাং অদু উৎলি।

*****