പ്രധാനമന്ത്രിയുടെ ഓഫീസ്‌
നൈജീരിയയുടെ മുൻ പ്രസിഡന്റ് മുഹമ്മദ് ബുഹാരിയുടെ നിര്യാണത്തിൽ പ്രധാനമന്ത്രി അനുശോചിച്ചു
Posted On:
14 JUL 2025 11:44AM by PIB Thiruvananthpuram
നൈജീരിയയുടെ മുൻ പ്രസിഡന്റ് മുഹമ്മദ് ബുഹാരിയുടെ നിര്യാണത്തിൽ പ്രധാനമന്ത്രി ശ്രീ നരേന്ദ്ര മോദി അഗാധമായ ദുഃഖം രേഖപ്പെടുത്തി. നൈജീരിയയുടെ മുൻ പ്രസിഡന്റ് മുഹമ്മദ് ബുഹാരിയുമായുള്ള വിവിധ അവസരങ്ങളിലെ കൂടിക്കാഴ്ചകളും സംഭാഷണങ്ങളും ശ്രീ മോദി അനുസ്മരിച്ചു. ഇന്ത്യ-നൈജീരിയ സൗഹൃദത്തെക്കുറിച്ചുള്ള മുഹമ്മദു ബുഹാരിയുടെ ജ്ഞാനവും ആ ബന്ധത്തോട് അദ്ദേഹം പുലർത്തിയ ഊഷ്മളതയും അചഞ്ചലമായ പ്രതിബദ്ധതയും വേറിട്ടുനിൽക്കുന്നുവെന്ന് ശ്രീ മോദി പറഞ്ഞു. അദ്ദേഹത്തിന്റെ കുടുംബത്തിനും, നൈജീരിയൻ ജനതയ്ക്കും,, ഗവൺമെന്റിനും ഹൃദയംഗമമായ അനുശോചനം അറിയിക്കുന്നതിൽ ഇന്ത്യയിലെ 1.4 ബില്യൺ ജനങ്ങളോടൊപ്പം ഞാനും പങ്കുചേരുന്നു, ശ്രീ മോദി കൂട്ടിച്ചേർത്തു.
പ്രധാനമന്ത്രി X-ൽ കുറിച്ചു;
"നൈജീരിയയുടെ മുൻ പ്രസിഡന്റ് മുഹമ്മദ് ബുഹാരിയുടെ വിയോഗത്തിൽ അഗാധമായ ദുഃഖമുണ്ട്. വിവിധ അവസരങ്ങളിലായി ഞങ്ങൾ നടത്തിയ കൂടിക്കാഴ്ചകളും സംഭാഷണങ്ങളും ഞാൻ ഓർക്കുന്നു. ഇന്ത്യ-നൈജീരിയ സൗഹൃദത്തെ കുറിച്ചുള്ള അദ്ദേഹത്തിന്റെ ജ്ഞാനവും ആ ബന്ധത്തോട് അദ്ദേഹം പുലർത്തിയ ഊഷ്മളതയും അചഞ്ചലമായ പ്രതിബദ്ധതയും വേറിട്ടു നിന്നു. അദ്ദേഹത്തിന്റെ കുടുംബത്തിനും, നൈജീരിയൻ ജനതയ്ക്കും, ഗവൺമെന്റിനും ഹൃദയംഗമമായ അനുശോചനം അറിയിക്കുന്നതിൽ ഇന്ത്യയിലെ 1.4 ബില്യൺ ജനങ്ങളോടൊപ്പം ഞാനും പങ്കുചേരുന്നു.
@officialABAT
@NGRSepresident”
***
NK
(Release ID: 2144469)
Read this release in:
English
,
Urdu
,
Marathi
,
Hindi
,
Bengali-TR
,
Bengali
,
Assamese
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada