লৈবাক অসিদা ঈশিং ইচাও থেংন্নবা থৌরাং তৌরিবা অসি হন্না য়েংশিন্নবা অৱাংবা থাক্কী মীফম অমা হোম অমসুং কোওপরেসনগী য়ুনিয়ন মিনিস্তর শ্রী অমিত সাহনা লুচিংদুনা ঙসি ন্যু দিল্লিদা পাংথোকখ্রে। লৈবাক অসিদা ঈশিং ইচাউগী অৱাবশিং কোক্নবা পায়খৎলিবা থবকশিং অমসুং হৌখিবা চহিদা লৌখিবা ৱারেপশিং থবক ওইনা পাংথোকপগী মতাংদা য়ুনিয়ন হোম মিনিস্তরনা অমুক হন্না য়েংশিনখি। 

য়ুনিয়ন হোম মিনিস্তরনা মীফম অদুদা ঈশিং ইচাউ থেংন্নবা এজেন্সিশিংনা শীজিন্নরিবা অনৌবা তেক্নোলোজিশিংশু হন্না য়েংশিনখি। ঈশিং ইচাউ লাকশিন্নবগীদমক কেন্দ্রগী এজেন্সিশিংনা য়ারিবমখৈ স্পেস তেক্নোলোজি শীজিন্নগদবনি হায়না মহাক্না তকশিনখি।

য়ুনিয়ন হোম মিনিস্তরনা হায়খি মদুদি প্রধান মন্ত্রী শ্রী নরেন্দ্র মোদীগী লমজিং মখাদা ভারতনা অমাং-অতা থেংনবা অসি ‘ অশোক-অপন অমতা য়াওহন্দবা’ হায়বা মাইকৈ অসিদা চংশিল্লি। মীয়ামদা মতম চানা চেকশিনৱা পীনবা স্তেৎ দিজাস্তার মেনেজমেন্ত ওথোরিতিশিং অমসুং দিস্ত্রিক দিজাস্তার মেনেজমেন্ত ওথোরিতিশিংগা নেসনেল দিজাস্তার মেনেজমেন্ত ওথোরিতিগা পুন্না থবক তৌমিন্নগদবনি অমসুং ইচাউ থেংন্নবগীদমক নেসনেল দিজাস্তার মেনেজমেন্ত ওথোরিতিনা পীবা পাউতাকশিং রাজ্যশিং অমসুং য়ু.তিশিংনা মতম চানা থবক ওইনা পাংথোক্কদবনি। ইচাউ থেংন্নবগীদমক নেসনেল দিজাস্তার মেনেজমেন্ত ওথোরিতি অমসুং এন.দি.আর.এফনা রাজ্যশিংগা পুন্না থবক তৌমিন্নগদবনি।

য়ুনিয়ন হোম মিনিস্তরনা হায়খি মদুদি ঈশিং ইচাউগী মতাংদা অচুম্বা চেকশিনৱাশিং পীবা হেনগৎলকপগীদমক সেন্ত্রেল ৱাতর কম্মিসন অমসুং ইন্দিয়া মেতিওরোলোজিকেল দিপার্তমেন্ত থাৎপা ফোঙদোকচরি। ঐখোয়গী দরকার ওইবশিং অমসুং মালেমগী চৎনরিবা থবকশিংগী মতুংইন্না সেন্ত্রেল ৱাতর কম্মিসনগী ঈশিং ইচাও য়েংশিন্নবা লৈরিবা সেন্তরশিংনা থবক তৌগদবনি। উন মপৈগী পাৎশিং জল শক্তি মিনিস্ত্রি, নেসনেল দিজাস্তার মেনেজমেন্ত ওথোরিতি অমসুং নেসনেল রিমোত সেন্সিং সেন্তরনা কুপ্না য়েংশিনগদবনি।

য়ুনিয়ন হোম মিনিস্তরনা হায়খি মদুদি নোং কন্না চুবা লম্বীশিং ঈশি থুমজিনবা ফনবা হায়ৱেশিংদা চপ মান্ননা দিজাইনশিং অহোংবা পুরক্নবা এন.ঐচ.এ.আইনা রাজ্যশিংগা নকশিন্না থবক তৌমিন্নগদবনি। ঈশিং ইচাউ থেংন্নবা শেম-শানবগীদমক কেন্দ্রগী এজেন্সিশিং অমসুং রাজ্যশিংগী মরক্ত পুন্না থবক তৌমিন্ননবা এন.দি.এম.এনা রাজ্যগী ওথোরিতিশিংগা থবক তৌমিন্নগদবনি।

নরমাদা তুরেলগী মফমশিংদা উমংগী শরুক হেনগৎলকপগী মতাংদা য়ুনিয়ন হোম মিনিস্তরনা হায়খি করিগুম্বা মসিগী চাংয়েং অসি মাইপাক্লবদি, মসিগা মান্নবা থবকশিং অতোপ্পা তুরেলশিংদা পায়খৎকনি। মসিনা তুরেল খোঙনুং অমুক হিঙ্গৎহনগনি, লৈবাক চেন্থরকপা হন্থহনগনি অমসুং নোং য়াম্না তাদবা মফমশিংগী অৱাবশিং কোকহনবা ঙমগনি। বিহার অমসুং উত্তর প্রদেসতা ঈশিং ইচাউ থেংন্নবা থবকশিং পায়খৎনবা তেক্নোলোজি শীজিন্নদুনা অনৌবা থবকশিং মশক খঙদোক্কদবনি।

সহরশিংদা ঈশিং ইচাউ হেনগৎলক্লিবা অসিগী মতাংদা, য়ুনিয়ন হোম মিনিস্তরনা হায়খি মদুদি সহরশিং অসিদা মতম চানা ইচাউ লাকশিন্নবা অপুনবা থৌরাং অমা লৌখৎনবা কেন্দ্রগী এজেন্সিশিংদা খঙহনখ্রে। নোংজু থা মনুংদা অতেনবা মতমগী মনুংদা অকনবা নোং চুবগী চৎনবী অমা লাক্লিবা অসি য়েংলগা পাৎশিং অমুক হন্না শেমগৎপা অমসুং উ থাবগী মরুওইবা লৈরে। ব্রাহ্মাপুত্রা বেসিন্দা পাৎশিংগী ফিবমশিং ফগৎহন্নবা জল শক্তি মিনিস্ত্রিদা পাউতাক পীখ্রে অমসুং মসি ঈশিং ইচাউ ঙাকথোকপা অমসুং শেন-থুম অমসুং তুরিজমগী মরুওইগনি।

শ্রী অমিত সাহনা হায়খি মদুদি ইচাউ, স্পেস অমসুং অতোপ্পা হিরমশিংগী মতাংদা খন্ননবা অখঙ-অহৈশিং শরুক য়ানবা নেসনেল দাম সেফতি ওথোরিতি, আই.এম.দি অমসুং অতোপ্পা দিপার্তমেন্তশিংনা অসিগুম্বা মীফম অমা পুন্না পাংথোক্কদবনি। ২০১৪ দা, ভারত মেতিওরোলোজিগী লমদা য়াম্না শোৎথখি, অদুবু ঙসিদি মোদী জিগী লমজিং মখাদা ঐখোয় চাউখৎলবা লৈবাকশিংগী থাক য়ৌরে, হৌজিক ঐখোয় মকোক্ত লৈরে।

মীফম অদুদা আই.এম.দি, সি.দব্লিউ.সিনা অকুপ্পা ৱাফমশিং পুথোকখি। হৌখিবা চহিদা পাংথোকখিবা ঈশিং ইচাউগী ফিবম হন্না য়েংশিন্নবা মীফমদা য়ুনিয়ন হোম মিনিস্তরনা পীখিবা পাউতাকশিং থবক ওইনা পায়খৎপগী মতাংদশু মরী লৈনবা মিনিস্ত্রিশিং অমসুং দিপার্তমেন্তশিংনা পাউদমখি। লাক্লিবা নোংজু থা অসিগীদমক মখোয়না থৌরাং তৌরিবা অদুগী মতাংদা মখোয়না য়ুনিয়ন হোম মিনিস্তরদা পাউদমখি। দিপার্তমেন্তশিংনা শেম-শারিবা খুদিংমক অসিদা য়ুনিয়ন হোম মিনিস্তরনশু অপেনবা ফোঙদোকখি। কা হেনবা নোংজু-নুংশাগী ফিবম থেংনবা ঙম্বা সোফৱায়ার শেমগৎনবা পুন্না থবক তৌমিন্ননবা মহাক্না দিপার্তমেন্তশিংদা খঙহনখি।

ঈশিং ইচাউ অমসুং অতোপ্পা মহৌশানা থোকহনবা অমাং-অতাশিং হন্থহন্নবা থৌরাং তৌনবা প্রধান মন্ত্রী নরেন্দ্র মোদীগী লমজিং মখাদা শ্রী অমতি সাহনা মরুওইনা লৌরি। ইচাউগী থৌরাং তৌরিবশিং য়ুনিয়ন হোম মিনিস্তরনা চহি খুদিংগী হন্না য়েংশিল্লি অমসুং মাংজৌননা ইচাউগী চেকশিনৱা লাউথোকপা য়াওনা থবক কয়া পায়খৎলি।

মীফম অদুদা জল শক্তিগী য়ুনিয়ন মিনিস্তর শ্রী সি.আর পতিল, হোমগী রাজ্য মন্ত্রী শ্রী নিত্যনন্দ রাই, য়ুনিয়ন হোম সেক্রেতরি, রিভর দিবলপমেন্ত অমসুং গঙ্গা রিজুবিনেসন, আর্থ সাইন্সেস, ইনভাইরোনমেন্ত, ফোরেস্ত অমসুং ক্লাইমেত চেঞ্জ, রোদ ত্রান্সপোর্ত অমসুং হায়ৱেজ মিনিস্ত্রিশিং অমসুং দিপার্তমেন্তশিংগী সেক্রেতরিশিং, রেলৱে বোর্দকী চিয়ারপর্সন, এন.দি.এম.এগী মেম্বরশিং, এন.দি.আর.এফ অমসুং আই.এম.দিগী দিরেক্তর জেনেরেলশিং, এন.ঐচ.এ.আই অমসুং সি.দব্লিউ.সিগী চিয়ারমেন অমসুং এন.আর.এস.সিগী সেনিয়র ওফিসিএলশিং শরুক য়াখি।

***