শান্নবনা অওনবা পুরকপা ঙম্বগী শক্তি অমসুং লৈবাক অসিগী শান্নবগী পুৱারিদা কমদৌনা খেলো ইন্দিয়া বিচ গেমস মরুওইবা তাঞ্জা অমা ওইবগে হায়বগী মতাংদা নিংথৌকাবা নুমিত্ত প্রধান মন্ত্রী শ্রী নরেন্দ্র মোদীনা ফোঙদোকখ্রে। গেমস অসি শীল্লিবা দাদ্রা অমসুং নাগর হাভেলি অমসুং দমন অমসুং দিয়ু অমসুং স্পোর্তস ওথোরিতি ওফ ইন্দিয়াদা পীবা মহাক্কী পাউজেলদা, প্রধান মন্ত্রী শ্রী নরেন্দ্র মোদীনা থাগৎপা ফোঙদোকখি অমসুং মহাক্কী য়াইফ পাউজেল পীরদুনা হায়খি মদুদি বিচ গেমসনা ভারতকী শান্নবগী কেলেন্দরদা ইথক হৌহল্লে।

প্রধান মন্ত্রী শ্রী নরেন্দ্র মোদীনা হায়খি মদুদি দিয়ু আসি খেলো ইন্দিয়া বিচ গেমসকী মফম ওইনা খনবা অসি মতিক চাই। নুমিৎ, লৈঙোই অমসুং ঈশিংগী অপুনবা মফম অমনি, মখোয়না হকচাংদা শিংনবা হেনগৎহল্লে অমসুং মসিগা ইরোইননা ঐখোয়গী সমুদ্র মপানগী চৎনবীশিং মশক তাক্লে। ঈথকশিংনা লৈরাইবদা য়ৈবগুম্না শান্নরোয়শিং চাংদম্নরি। ভারতনা শান্নবগী অনৌবা পন্দুব অমা ইরগনি।

খেলো ইন্দিয়াগী মখাদা অহানবা ওইনা পাংথোকপা বিচ গেমস হৌদোক্লে হায়না নিংথৌকাবা নুমিত্ত দিয়ুগী ঘোঘলাদা পাংথোকপা ফজরবা থৌরম অমদা য়ুথ এফেয়ার্স অমসুং স্পোর্তসকী য়ুনিয়ন মিনিস্তর দোক্তর মনসুখ মন্দাবিয়ানা গেমস হৌদোক্লে হায়না লাউথোকখ্রে।

খেলো ইন্দিয়া বিচ গেমস অসিদা রাজ্য অমসুং য়ু.তি ৩০ দগী শান্নরোয় ১৩৫০ হেনবনা শরুক য়ারি। মে ২৪ দা লোইশিনগদবা গেমস অসিদা মশান্না তরুক- সোক্কর, ভোল্লিবোল, সেপাকতাক্রো, কাবাদ্দি, পেনকাকসিলাত অমসুং ওপন ৱাতর সুইমিংদা শান্নরোয়শিং লাম্বা তৌনগনি। মাল্লাখাম্বা অমসুং থৌরি চিংনবী চাংদম্নবা নত্তবা উৎনবা ওইনা শরুক য়ারি। নিংথৌকাবগী অয়ুক্তগী বিচ সোক্কর গেমস শান্নবা হৌখ্রে।

প্রধান মন্ত্রী শ্রী নরেন্দ্র মোদীনা হায়খি ঐখোয়গী লৈবাক অসি খেন্নবা কয়াগী লৈবাক অমা ওইবগুম্না, চৎনবীশিং, লমদমশিং অমসুং লোলশিং পুনশিনবদা মতম পুম্নমক্ত শান্নবনা তোপ-তোপ্পা শক্তি অমা ওইরি। শান্নবগী মগুন অসি হরাও-কুহ্মৈ খক নত্তে অমসুং মসি অহোংবা পুরকপা শক্তি অমনি, লৈবাক অসিগী চাউথোকচনবা অমসুং ঐখোয়গী নহারোলশিংগী অনিংবগী খুদম ওইরি। হিরম অসিদা খেলো ইন্দিয়া বিচ গেমসনা মরুওইবা মফম অমা কল্লি।

ভারতকী ফজরবা নাৎকী জগোয় মখল কয়া উৎখিবা ফজরবা হৌদোকপগী থৌরম অদুদা শরুক য়াখিবা শক্নাইরবা মীওইশিংগী মনুংদা দাদ্রা অমসুং নাগর হাভেলি অমসুং দমন অমসুং দিয়ু অমসুং লাক্ষদ্বিপকী এদমিনিস্ত্রেতর শ্রী প্রফুল পতেল, পুদুচেরিগী লেপ্তনেন্ত গভর্নর শ্রী কে কাইলাসনাথন অমসুং অন্দমান অমসুং নিকোবর ইথৎশিংগী লেপ্তনেন্ত গভর্নর এদমিরেল দি.কে জোসি য়াওখি।

য়ুনিয়ন মিনিস্তর দোক্তর মনসুক মন্দাবিয়ানা হায়খি ঙসি ঐখোয়না শান্নবগী থৌরম অমা হৌদোকপা খক নত্তনা, ঐখোয়না ভারতকী অহানবা বিচ স্পোর্তসকী অওনবা অমা হৌদোক্লে। ইথক লাকপা মতমদা, পামজবা লৈগদবনি; লৈঙোই লৈবা মফমদা, নুংঙাইবগী মৈ অমা চাক্কদবনি অমসুং খেলো ইন্দিয়া বিচ গেমসনা ঙসি ঐখোয় খুদিংমক্কী থম্মোয়শিংদা মৈ অদু চুরে। মোদী সরকারগী মখাদা ঐখোয়না থৌরমশিং ইচম চম্না পাংথোকপা নত্তে- ঐখোয় পান্দম অমগী মখাদা লৈরিবনি। মিসন অসিদা শান্নবগা থবক ফংবগা মরী লৈনহল্লে। বিকসিত ভারত অমগীদমক মখোয়গী মঙলানশিং মঙফাওনবা ঙম্নবা খেলো ইন্দিয়া অসি নহারোলশিংগী চপ চারবা লম্বী অমনি।

য়ুনিয়ন মিনিস্তর দোক্তর মনসুক মন্দাবিয়ানা হায়খি লৈবাক অসিগী শান্নবগী থৌরমশিংদা খেলো ইন্দিয়ানা অহেনবা গেমশিং হাপচিল্লে। ইনফ্রাস্ত্রকচরদা শেন থাদদুনা, শান্নরোয়শিংদা হেন্না ফবা ত্রেনিংগী খুদোংচাবশিং অমসুং মতেং পীদুনা হৌখিবা চহি খর অসিদা সরকারনা শান্নবগী থবক চাউখৎনবা থবকশিং লেপ্তনা পায়খৎলি। নৌবা গেমশিং অসি লৈবাক অসিদা শান্নবগী মচাক-মথুমশিং শেমগৎনবা লম্বী অমনি অমসুং ভারতনা মালেমগী শান্নবগী থৌরমশিং য়ুম্বু ওইবা ঙম্লে হায়বগী ভারতনা মালেমদা অকনবা পাউজেল অমা পীরে।

য়ুনিয়ন মিনিস্তর দোক্তর মনসুক মন্দাবিয়ানা মখা তানা হায়খি খেলো ইন্দিয়া বিচ গেমস অসি মতম খর খক্তগী ওইনা পাংথোকপা থৌরম অমা ওইনা উরোইদবনি। বিচ ভোল্লিবোলগুম্বা মশান্না অসিনা হৈনবী অমা ওইনা নহারোলশিংগী পুক্নিং চিংশিনাবা খক নত্তনা শীনফম অমা ওইবা য়াবগী খুদোংচাবা কয়া মখোয়দা পীরি। ভারতকী সমুদ্র মপানশিংদা অসিগুম্না পাক-চাউনা শান্নবগী থৌরমশিং পাংথোকপা অসি হন্দক্কী অসিনা অহানবনি।

য়ুনিয়ন মিনিস্তর দোক্তর মনসুক মন্দাবিয়ানা মখা তানা হায়খি ভারত অসি হকচাং ফনা লৈনবা চেকশিনবা লৈবাক অমা ওইরক্লি অমসুং শান্নবগী চৎনবী অসি অনৌবা চৎনবী অমা ওইরক্লে। য়ুনিয়ন তেরিতোরি অসিগীদমক সরকারনা পায়খৎপা য়াবা থবকশিং পায়খৎকনি।

খেলো ইন্দিয়া বিচ গেমস ২০২৫ গী অহেনবা পাউগীদমক : https://beach.kheloindia.gov.in/

খেলো ইন্দিয়া বিচ গেমস ২০২৫ গী মেদল তেল্লিগীদমক : https://beach.kheloindia.gov.in/medal-tally

খেলো ইন্দিয়া বিচ গেমস

মসি খেলো ইন্দিয়াগী মখাদা পাংথোকপা অহানবা বিচ গেমসনি। গেমস অসি মে ১৯ দগী মে ২৪, ২০২৫ ফাওবা দাদ্রা অমসুং নাগর হাভেলি অমসুং দমন অমসুং দিয়ুদা পাংথোক্লি। থৌরম অসিনা সমুদ্র মপানগী শান্নবশিং য়োকখৎনবাঅমসুং বিচ গেমশিং মীয়াম্না পাম্নবা হেনগৎহন্নবা পান্দম থম্লি। ইদিসন অসিদা মশান্না তরুক- সোক্কর, ভোল্লিবোল, সেপাকতাক্রো, কাবাদ্দি, পেনকাকসিলাত অমসুং ওপন ৱাতর সুইমিংদা শান্নরোয়শিং লাম্বা তৌনগনি। মাল্লাখাম্বা অমসুং থৌরি চিংনবী চাংদম্নবা নত্তবা উৎনবা ওইনা শরুক য়ারি।

****