প্ৰধানমন্ত্ৰী শ্ৰী নৰেন্দ্ৰ মোদীয়ে সোমবাৰে ক্ৰীড়াৰ 'পৰিবৰ্তনশীল শক্তি' আৰু কেনেদৰে খেলো ইণ্ডিয়া বীচ্চ গেমছ দেশৰ ক্ৰীড়া ইতিহাসত এক যুগান্তকাৰী মুহূৰ্ত আছিল তাৰ ওপৰত আলোকপাত কৰে। কেন্দ্ৰীয় শাসিত অঞ্চল দাদৰা আৰু নগৰ হাভেলী তথা দমন আৰু দিউৰ ক্ৰীড়া আয়োজক আৰু ভাৰতীয় ক্ৰীড়া প্ৰাধিকৰণক প্ৰধানমন্ত্ৰী শ্ৰী নৰেন্দ্ৰ মোদীয়ে শুভেচ্ছা জ্ঞাপন কৰি কয় যে বীচ্চ গেমছে ভাৰতৰ ক্ৰীড়াসূচীত তৰংগ সৃষ্টি কৰাৰ প্ৰতিশ্ৰুতি দিয়ে।

প্ৰধানমন্ত্ৰী শ্ৰী নৰেন্দ্ৰ মোদীয়ে কয় যে খেলো ইণ্ডিয়া বীচ্চ গেমছৰ স্থান হিচাপে দিউৰ বাছনি ‘উপযুক্ত’ আছিল। ‘সূৰ্য, বালি আৰু পানীৰ সংমিশ্ৰণে শাৰীৰিক প্ৰত্যাহ্বান বৃদ্ধি কৰে আৰু একে সময়তে আমাৰ উপকূলীয় ঐতিহ্য উদযাপন কৰে’, প্ৰধানমন্ত্ৰী শ্ৰী নৰেন্দ্ৰ মোদীয়ে লগতে কয়ঃ ‘ঢৌবোৰে উপকূলত জোকাৰি যোৱাৰ লগে লগে আৰু খেলুৱৈসকলে প্ৰতিযোগিতাত অংশগ্ৰহণ কৰাৰ লগে লগে ভাৰতে এক নতুন ক্ৰীড়া অধ্যায়ৰ ৰচনা কৰিব।‘

ক্ৰমাগতভাৱে সম্প্ৰসাৰিত হৈ থকা খেলো ইণ্ডিয়াৰ অন্তৰ্গত প্ৰথমবাৰৰ বাবে অনুষ্ঠিত হোৱা বীচ্চ গেমছ সোমবাৰে দিউৰ ঘোঘলা বীচ্চত এক আকৰ্ষণীয় অনুষ্ঠানত কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী ড⁰ মনসুখ মাণ্ডাৱিয়াই উদ্বোধন কৰে।

খেলো ইণ্ডিয়া বীচ্চ গেমছে ৩০ খনৰো অধিক ৰাজ্য আৰু কেন্দ্ৰীয়শাসিত অঞ্চলৰ ১,৩৫০ জনৰো অধিক খেলুৱৈক একত্ৰিত কৰিছে। ২৪ মে'ত সমাপ্ত হবলগীয়া এই খেলো ইণ্ডিয়া বীচ্চ গেমছত খেলুৱৈসকলে পদকযুক্ত ছটা ক্ৰীড়াত অংশগ্ৰহণ কৰিব। এই প্ৰতিযোগিতাসমূহ হৈছে- বীচ্চ ফুটবল, বীচ্চ ভলীবল, বীচ্চ ছেপাকটাক্ৰ’, বীচ্চ কাবাদী, পেনচাক চিলাট আৰু অ’পেন ৱাটাৰ ছুইমিং। আনহাতে মাল্লখাম্ব আৰু টাগ-অৱ-ৱাৰ, এই দুটা হৈছে পদকবিহীন (প্ৰদৰ্শন) শাখা। সোমবাৰে পুৱা বীচ্চ ফুটবল খেলেৰে প্ৰতিযোগিতা আৰম্ভ হৈছিল।

‘আমাৰ দৰে বৈচিত্ৰ্যময় এখন দেশত, ক্ৰীড়াই সদায় এক অনন্য শক্তি ধৰি ৰাখিছে যিয়ে সংস্কৃতি, অঞ্চল আৰু ভাষাবোৰক একত্ৰিত কৰে। ক্ৰীড়াৰ স্পন্দনশীল শক্তি, মনোৰঞ্জনৰ বাহিৰেও এক পৰিবৰ্তনশীল শক্তিত পৰিণত হৈছে, যি ৰাষ্ট্ৰীয় গৌৰৱ আৰু আমাৰ যুৱক-যুৱতীসকলৰ আকাংক্ষাৰ প্ৰতীক। এই সন্দৰ্ভত খেলো ইণ্ডিয়া বীচ্চ গেমছৰ অধিক গুৰুত্ব আছে’, প্ৰধানমন্ত্ৰী শ্ৰী নৰেন্দ্ৰ মোদীয়ে কয়।

পৰম্পৰাগত নৃত্যৰে ভাৰতৰ বিস্ময়কৰ বৈচিত্ৰ্যক গৌৰৱান্বিত কৰি সুন্দৰভাৱে ৰচনা কৰা উদ্বোধনী অনুষ্ঠানত দাদৰা আৰু নগৰ হাভেলী, দমন আৰু দিউ আৰু লক্ষদ্বীপৰ প্ৰশাসক শ্ৰী প্ৰফুল পেটেল, পুডুচেৰীৰ উপ-ৰাজ্যপাল শ্ৰী কে কৈলাশনাথন আৰু আন্দামান আৰু নিকোবৰ দ্বীপপুঞ্জৰ উপ-ৰাজ্যপাল এডমিৰেল ডি কে যোশীকে ধৰি কেইবাগৰাকীও বিশিষ্ট ব্যক্তি উপস্থিত আছিল।

 ‘আজি, আমি কেৱল এটা ক্ৰীড়া অনুষ্ঠান উদ্বোধন কৰাই নহয়, আমি ভাৰতৰ প্ৰথম বীচ্চ ক্ৰীড়া বিপ্লৱৰ সূচনা কৰিছো! মই বিশ্বাস কৰো যে য'ত ঢৌ আছে, তাত আবেগ থাকিব লাগে; য'ত বালি আছে, তাত উৎসাহৰ জুই থাকিব লাগে-আৰু খেলো ইণ্ডিয়া বীচ্চ গেমছে আজি আমাৰ সকলোৰে হৃদয়ত সেই জুই জ্বলাইছে’, ড⁰ মনসুখ মাণ্ডাৱিয়াই কয়। তেওঁ লগতে কয়- ‘মোদী চৰকাৰৰ অধীনত আমি কেৱল আনুষ্ঠানিকতা হিচাপে অনুষ্ঠান আয়োজন নকৰো, আমি এটা অভিযান চলাওঁ। এই অভিযানে ক্ৰীড়াক নিযুক্তিৰ সৈতে সংযোগ কৰিছে। বিকশিত ভাৰতৰ বাবে যুৱক-যুৱতীসকলৰ বাবে তেওঁলোকৰ সপোন পূৰণ কৰাৰ বাবে খেলো ইণ্ডিয়া এক নিশ্চিত পথ।‘

খেলো ইণ্ডিয়াই ঘৰুৱা সূচীত অধিক খেল সংযোজন কৰিছে বুলি উল্লেখ কৰি ড⁰ মনসুখ মাণ্ডাৱিয়াই প্ৰধানমন্ত্ৰী মোদীৰ দৰে উল্লেখ কৰে যে কেনেদৰে যোৱা কেইবছৰমানৰ ভিতৰত চৰকাৰে আন্তঃগাঁথনি, উন্নত প্ৰশিক্ষণ সুবিধা আৰু খেলুৱৈসকলৰ বাবে উন্নত ব্যৱস্থাৰ জৰিয়তে ক্ৰীড়া পৰিবেশতন্ত্ৰ বৃদ্ধিৰ বাবে কোনো প্ৰচেষ্টা এৰি দিয়া নাই। ড⁰ মনসুখ মাণ্ডাৱিয়াই ঘৰুৱা ক্ৰীড়া আন্তঃগাঁথনি শক্তিশালী কৰা আৰু বিশ্বলৈ এক শক্তিশালী বাৰ্তা প্ৰেৰণ কৰাৰ ওপৰত গুৰুত্ব আৰোপ কৰি কয় যে নতুন খেলসমূহে ভাৰত যিকোনো পৰিসৰৰ আন্তঃৰাষ্ট্ৰীয় ক্ৰীড়া প্ৰতিযোগিতা আয়োজন কৰিবলৈ সক্ষম বুলি প্ৰমাণিত কৰে।

ড⁰ মনসুখ মাণ্ডাৱিয়াই কয় যে খেলো ইণ্ডিয়া বীচ্চ গেমছক ‘নৈমিত্তিক’ বিষয় হিচাপে চোৱা উচিত নহয়। ‘বীচ্চ ভলীবলৰ দৰে ক্ৰীড়া যুৱক-যুৱতীসকলৰ বাবে কেৱল আকৰ্ষণেই নহয়, বৰঞ্চ তেওঁলোকক কেৰিয়াৰৰ সুযোগো প্ৰদান কৰে। প্ৰথমবাৰৰ বাবে ভাৰতৰ সমুদ্ৰতীৰত ইমান বৃহৎ পৰিসৰত প্ৰতিযোগিতামূলক ক্ৰীড়া অনুষ্ঠিত কৰা হৈছে’, তেওঁ লগতে কয়।

ড⁰ মনসুখ মাণ্ডাৱিয়াই কয় যে ভাৰত এখন স্বাস্থ্য সচেতন ৰাষ্ট্ৰ হৈ পৰিছে আৰু ক্ৰীড়াৰ সংস্কৃতি বৰ্তমান স্বাভাৱিক হৈ পৰিছে। তেওঁ লগতে কেন্দ্ৰীয়শাসিত অঞ্চলৰ প্ৰতি চৰকাৰৰ দৃঢ় দায়বদ্ধতাৰ ওপৰতো আলোকপাত কৰে।

খেলো ইণ্ডিয়া বীচ্চ গেমছ ২০২৫ সম্পৰ্কে অধিক জানিবলৈঃ  https://beach.kheloindia.gov.in/

খেলো ইণ্ডিয়া বীচ্চ গেমছ ২০২৫ৰ পদক তালিকাঃ https://beach.kheloindia.gov.in/medal-tally

খেলো ইণ্ডিয়া বীচ্চ গেমছ

খেলো ইণ্ডিয়া বেনাৰৰ অধীনত অনুষ্ঠিত হোৱা এইখন প্ৰথম বীচ্চ গেমছ। ক্ৰীড়া প্ৰতিযোগিতা আৰু খেলো ইণ্ডিয়া আঁচনিৰ প্ৰতিভা বিকাশৰ অধীনত ২০২৫ চনৰ ১৯ মে’ৰ পৰা  ২৪ মে’লৈকে দাদৰা আৰু নগৰ হাভেলীৰ কেন্দ্ৰীয়শাসিত অঞ্চল দিউ তথা দমন আৰু দিউত এই খেলসমূহ অনুষ্ঠিত কৰা হৈছে। এই পদক্ষেপৰ লক্ষ্য হৈছে বীচ্চ ক্ৰীড়াৰ প্ৰচাৰ কৰা আৰু বীচ্চ গেমছৰ জনপ্ৰিয়তা বৃদ্ধি কৰা। এই সংস্কৰণত ছটা পদকযুক্ত ক্ৰীড়া আছে- বীচ্চ ফুটবল, বীচ্চ ভলীবল, বীচ্চ ছেপাকটাক্ৰ’, বীচ্চ কাবাদী, পেনচাক চিলাট আৰু অ’পেন ৱাটাৰ ছুইমিং। দুটা (পদকবিহীন) প্ৰদৰ্শন ক্ৰীড়া মাল্লখাম্ব আৰু টাগ-অৱ-ৱাৰো অন্তৰ্ভুক্ত কৰা হৈছে।

*****

Manish Gautam/Divyanshu Kumar/MK