প্রধান মন্ত্রী, শ্রী নরেন্দ্র মোদীনা ঙসি লৈবাক অসিনা #10YearsOfMU গী থৌরম পাংথোকপদা প্রধান মন্ত্রী মুদ্রা য়োজনা (PMMY)গী বেনিফিসরীশিংদা থমোই শেংনা নুংঙাইবা ফোংদোকখি।

দেকেদ অমা মঙলান কয়াবু মঙফাওনহনখিবা অমসুং মপুং ফাবা শেনমিৎলোন অমা শাহৌ পুরকপগী নুংঙাইবা ফোংদোক্লদুনা, প্রধান মন্ত্রীনা ভারত শিনথুংননা শোত্থরবা কম্যুনিতীশিংবু পুখৎলকপদা অমসুং এন্ত্রপ্রেনরশিপপু য়োকখৎপদা মুদ্রা স্কীমনা লৌরিবা মরুওইবা থৌদাং অদুগী মতাংদা য়াম্না মরুওইনা পনখি।  

প্রধান মন্ত্রীনা Xকী থ্রেদশিংদা অসুম্না হায়খি;

“ঙসি ঐখোয়না #10YearsOfMUDRA গী নুংঙাইবা ফোংদোকপা অসিদা, মসিগী স্কীম অসিনা মরম ওইরগা মখোয়গী পুনশিদা অহোংবা পুরকখিবা পুম্নমকপু ঐহাক্না নুংঙাইবা ফোংদোক্লি। দেকেদ অসিদা, মুদ্রা য়োজনা অসিনা মঙলান কয়া মঙফাওনহনখ্রে, মমাংদা নাথৈদুনা থম্বীরম্লবশিংবু শেলগী তেংবাং পীদুনা চাউখৎনবগীদমক্তা মতেং পাংবীরি। মসিনা ময়েক শেংনা তাক্লি মদুদি ভারতকী মীয়ামগীদমক্তদি, ওইথোক্তবা হায়বা ৱাফম অসি কৈদৌনুংদা লৈতে!”

“য়াম্না থমোই শেংনা নুংঙাইবা ৱাফম অমনা মুদ্রাগী বেনিফিসরীশিংগী মনুংদা তঙখাই অমদি SC, ST অমসুং OBC কম্যুনিতীশিংদগীনি, অমসুং বেনিফিসরীশিংগী ৭০%গী মথক্তি নুপী ওই। মুদ্রা লোন খুদিংমক্না মসিগা লোইননা ইকাইখুম্নবা, মশানা মশাবু ওকাইখুম্নজবা অমসুং খুদোংচাবা কয়া পুদুনা লাক্লি। শেলগী মতেং ফংহনবদা নত্তনা, স্কীম অসিনা খুনাই অসিদা শরুক য়াহনবা ঙমহল্লে অমসুং শেল-থুমগী অৱাবা কোকহল্লে। ”

“লাক্কদবা মতমশিংদা, ঐখোয়গী সরকার অসিনা থৱাই য়াওজবা এন্ত্রপ্রেনর খুদিংমক্না ক্রেদিৎকী এক্সেস ফংবা অদুগুম্বা য়াম্না চাউরবা ইকোসীস্তেম অমা লৈহন্নবা মখাতানা মীৎয়েং চংখিগনি, মসিনা কনাগুম্বা নুপী নত্রগা নুপা অমবু মশানা মশাবু থাজহল্লগনি অমসুং চাউখৎনবগী তাঞ্জা অদু পীরগনি।”

Today, as we mark, #10YearsOfMUDRA, I would like to congratulate all those whose lives have been transformed thanks to this scheme. Over this decade, Mudra Yojana has turned several dreams into reality, empowering people who were previously overlooked with the financial support… pic.twitter.com/GIwtjLhoxe

— Narendra Modi (@narendramodi) April 8, 2025

*****