কেন্দ্রগী য়ুম্লৈ-কৈরৈ অমসুং কোওপরেশন মন্ত্রী, শ্রী অমিত শাহনা মানিপুরদা প্রেসিদেন্ত রুল থম্নবগী অয়াবা পীবীনবা লোক সভাদা স্তেতুতরী রিজোল্যুশন থাংগৎখ্রে। মসিগী মখা তারকপদা রিজুল্যুশন অসিবু লোৱর হাউসতা অয়াবা পীখি। হাউসনা মনিপুরগী হিংশাদা পুনশি মাংখ্রবশিংগীদমক্তা ইকাইখুম্নবা, মীনুংশি অমসুং থমোই শোক্না নুংঙাইতবশু ফোংদোকখি।

রিজোল্যুশন অদুগী মতাংদা পল্লদুনা, কেন্দ্রগী য়ুম্লৈ-কৈরৈ  অমসুং কোওপরেশন মন্ত্রী, শ্রী অমিত শাহনা হায়খি মদুদি মনিপুরদা কাংলুপকী মরক্তা থোক্লিবা হিংশা অসি রিজর্বেশনগা মরি লৈনবা য়ানদবা অমগী মতাংদা মনিপুর হাই কোর্তনা থোকখিবা ৱারেপ অমনা মরম ওইরগা হৌরকখিবনি। মসি রায়োতশু নত্তে অদুগা তেরোরিজমগী থবকশু নত্তে, মসি হাই কোর্তকী ৱারেপ অমগী ৱাহন্থোক্না মরম ওইরগা ফুরেপ অনিগী মরক্তা থোকখিবা কাংলুপকী ইরাংনি।  শ্রী শাহনা মখাতানা হায়রকখি মদুদি মনিপুরদা দিসেম্বরদগী মার্চ ফাওবা, চাউরাক্না থা মরিরোম ইরাং থোকপা লৈখিদে অমসুং কেমপশিংদা চাননবা অচা-অথকশিং, হিদাক-লাংথকশিং অমসুং মেদিকেল ফেসিলিতীশিংগী খুদোচাবশিং ফংহল্লি।  মহাক্না হায়খি মদুদি তেক্নিকেল অমসুং মেদিকেল এজুকেশনগীদমক্তা ওনলাইনগী খুত্থাংদা পাংথোক্লি অমসুং প্রাইমরী এজুকেশনগীদমক্তা কেমপশিং মনুংদা ক্লাসশিং পাংথোক্লি, মসিদা মখোয়দা তাকপী-তমবীনবগী মথৌ তাবা পুম্নমক শিনলাংদুনা থম্লি।

অমিত শাহনা হায়খি মদুদি হিংশা অমত্তা থোকহল্লোইদবনি অমসুং কাংলুপকী ইরাংবু রাজনিতিগী দল অমত্তগা মরি লৈনহল্লোইদবনি। ওপোজিশন পার্তীনা কাংলুপকী ইরাং অসি ঐখোয়গী লৈঙাক্কী মতমদা থোকপনি হায়না শন্দোক্নবা কন্না হোৎনরি হায়না পনখি। মহাক্কী হাউসতা খঙহনখি মদুদি ১৯৯৩ অমসুং ১৯৯৮কী মনুংদা নাগা অমসুং কুকিগী মরক্তা চহি মঙা চুপ্না মনিপুরদা ইরাং থোকখি, মসিনা মরম ওইরগা মী ৭৫০ শিখি, অমসুং অতোপ্পা থৌদোক মচিৎ-মচিৎ দেকেদ অমা হেন্না থোকখি। শ্রী শাহনা হায়খি য়াম্না মরু ওইনা পনখি মদুদি ঐখোয়না ঐখোয়গী লৈঙাক্কী মতমদা অসিগুম্বা থৌদোক অসি অমত্তা থোক্লোইদবনি হায়না থাজৈ অদুবু লাইবক থিবা ৱারেপ অমনা মরম ওইরগা হিংশা অসি থোরকখি, অদুবু খুদক্তা লাকশিনখি। হিংশাগী থৌদোক অসিদা মী ২৬০ লৈখিদে, মদুগী মনুংদা চাদা ৮০দি অহানবা থাদা থোকখিবনি, অদুগা অতোপ্পা লেমহৌরিবা লৈখিদবা মশিং অদুনা মথং তারকপা থাশিংদা থোকখিবনি। ১৯৯৭-৯৮তা কুকি-পাইতেগী ইরাংদা, খুঙ্গং ৫০ হেন্না অমাং-অতা থোকহনখি, মী লিশিং ৪০,০০০ হেন্না ময়ুম থাদোকখি, মী ৩৫২ শিখি, মী চা কয়া অমনা অশোক-অপন নংখি অমসুং য়ুম লিশীং ৫,০০০ হেন্না মৈনা চাকখি হায়নশু পনখি। মহাক্না মখা তারদুনা হায়খি মদুদি ১৯৯৩দা থোকখিবা থা তরুক্কী মৈতৈ-পাঙ্গলগী ইরাংদা মী ১০০ হেন্না শিখি।

কেন্দ্রগী য়ুম্লৈ-কৈরৈ মন্ত্রীনা হায়খি মদুদি ওপোজিশন্না মসিবু মনিপুরদা থোকপা খ্বাইদগী ইহান-হানবা হিংশা অমা ওইনা অমসুং ঐখোয়গী লৈঙাক অসি ফেল ওইরে হায়না উৎনবা কন্না হোৎনরি। মহাক্না হিংশাগী থৌদোক অহুম পনখি- চহি ১০ শাংবা, অহুম শাংবা অমদি থা তরুক শাংবা- অসি হান্নগী সরকারনা পাল্লিঙৈ মতমদা থোকখিবনি হায়না হায়খি। মহাক্না মখা তারদুনা হায়খি মদুদি হায়রিবা ইরাংশিং অসিগী মতুংদা য়ুম্লৈ-কৈরৈ মন্ত্রী য়াওনা মতম অদুগী সরকারগী মাইকৈদগী কনা অমত্তনা লমদম অসিদা লাকখিদে।

শ্রী অমিত শাহনা পনখি মদুদি BJPনা ২০১৭দা সরকার পাইরকখি, অদুগা অদুগী হৌখিবা চহি মঙা অদুদা মনিপুরদা মতম অদুদা কাংলুপকী ইরাং লৈজদ্রবশু চহি খুদিংগী চাংচত্তা নুমিৎ ২১২ শত দাউন তৌখি। মহাক্না পনখি মদুদি এনকাউন্তর ১০০০ হেন্না থোকখি অমসুং হায়রিবশিং অদু সুপ্রীম কোর্ততা ফাওবা য়ৌখি। শ্রী শাহনা হায়খি মদুদি, হাই কোর্তকী ওর্দরগী মমাংদা, মনিপুরদা ২০১৭দগী BJPনা হেক সরকার পাইরকপদগী চহি তরুক অসিদা নুমিৎ অমফাওবা শত দাউন অমসুং ব্লোকেদ তৌখিবা লৈতে অমসুং হিংশা অমত্তা লৈখিদে। মহাক্না হায়খি মদুদি অখন্নবা ফিভম অমদা, ফুরুপ অনিমক্না হাই কোর্তকী ৱারেপ অদুবু মখোয়গী মায়োক্তা লৈরে হায়না হন্দোকপদগী নুমিৎ নিনি খক্কী মনুংদা হিংশা অসি হৌরকখি।

কেন্দ্রগী য়ুম্লৈ-কৈরৈ অমসুং কোওপরেশন মন্ত্রীনা পনখি মদুদি ওপোজিশন্না মানিপুরগী হিংশা অসিবু থৌওইদে হায়নশু সরকারদা মরাল শিরি। মহাক্না হাউসতা খঙহনখি মদুদি হাই কোর্তনা ওর্দর থোকপা নুমিৎ অদুমক্তদা, এয়র ফোর্স প্লেনশিংগী খুত্থাংদা লমদম অসিদা সেক্যুরিতী ফোর্সশিংগী কমপনীশিং থাদোকখি। মহাক্না হায়খি মদুদি মীপুম খুদিংমক্না মসিগী ৱাফম অসিগীদমক্তা চপ মান্ননা ৱামিন্নরি। য়ুম্লৈ-কৈরৈ মন্ত্রীনা মেম্বর পুম্নমক্তা সরকার অসিনা মনিপুরদা শান্তি অমুক হন্না হঞ্জিনহন্নবা কন্না হোৎনরিঙৈ শরক অসিদা ইশু অসিদা রাজনিতিগী ওইবা ৱাফম শাগৎপীদনবা আপীল তৌখি। মহাক্না মখা তারকখি মদুদি হিংশা অসিদা থৱাই মাংখিবা খুদিংমক্কীদমক্তা হাউস অসিনা মখোয়গী থমোইদা ইকাইখুম্নবা, মখোয়গী ইহুল খঙবীনবা অমসুং অৱাবা ফাওগদবনি।

শ্রী অমিত শাহনা হায়খি মদুদি মনিপুরদা প্রেসিদেন্ত রুল থম্লবা মতুংদা, কাংলুপ অনিমক্কা খন্ন-নৈনবা কয়া অমা পাংথোকখ্রে, অমসুং কাংলুপ অনিমক্তগী ওর্গনাইজেশন খুদিংমক্কা তোঙান-তোঙানবা মীফম কয়াশু পাংথোকখ্রে। মহাক্না পনখি মদুদি য়ুম্লৈ-কৈরৈ মন্ত্রালয়না অথুবদা অপুনবা মীফম অমা পাংথোক্লগনি। মহাক্না য়াম্না মরুওইনা ফোংদোকখি মদুদি সরকার অসিনা হিংশা অসিবু লোইশিন্নবগী পাম্বৈ অমা থিরি অদুবু খ্বাইদগী মরুওইবদি শান্তি পুরকপা হায়বসিননি। শ্রী শাহনা পনখি মদুদি হৌখিবা থা মরি অসিদা মীওই অনিখক শোকপা নত্তনা অতোপ্পা অশি-অনা থোকপগী থৌদোক অমত্তা লৈখিদে, অমসুং ফিভম অসি অয়াম্বদি লাকশিল্লে। তৌগুম্বশুং, মহক্না হায়খি মদুদি ময়ুম-মকৈ থাদোক্তুনা কেম্পতা লৈরিবা মীপুম খুদিংমক্না কেম্পতা হেক লৈরিবা ফাওবদি অপেনবা ফিভম হায়বদুমক্তি ওইখিরোই। মহাক্না মখা তারদুনা হায়খি মদুদি ময়ুম-মকৈ থাদোক্তুনা চেল্লক্লিবা মীওইশিং অসিগীদমক্তা রিএবিলিতেশন পেকেজ অমগী মতাংদা খন্নরি হায়না হায়রকখি। 

কেন্দ্রগী য়ুম্লৈ-কৈরৈ মন্ত্রীনা হায়খি মদুদি ঐখোয়গী মুখ্য মন্ত্রী ফম থাদোকখ্রে, অমসুং পাইরিবা গোবর্নর অদুনা BJP মেম্বর ৩৭কা খন্নখি, NPPদগী ৬, NPFতগী ৫, JD(U)দগী ১ অমসুং কোংগ্রেসতগী ৫গা খন্ন-নৈনবা কয়া পাংথোকখি। মহাক্না পনখি মদুদি মেম্বর অয়াম্বনা সরকার শেম্বগী ফিভমদা লৈতে হায়না ফোংদোক্নরকপদগী কেবিনেতনা প্রেসিদেন্ত রুল থম্নবা ৱাফম হৌদোকখিবনি অমসুং মসিবু প্রেসিদেন্ত অয়াবা পীরকখি। শ্রী শাহনা মখাতানা হায়রকখি মদুদি সরকার অসিনা য়ারিবমখৈ থুনা মনিপুরদা শান্তি অমুক হন্না হঞ্জিল্লক্নবা, মসিনা শোকহল্লবশিং অদুবু রিহেবিলিতেত তৌনবা, নুংঙাইনদবা য়ানদবা কয়া অদুবু অমুক হন্না শন্দাইননবা কন্না হোৎনরি

*****