প্রধান মন্ত্রী শ্রী নরেন্দ্র মোদীনা পরিক্ষা পে চর্চা 2025গী হৌদোকপগী এপিসোদতা হৌদোকখিবা কান্নরবা খন্ন-নৈনবশিং মখা চত্থরকপা ওইনা ঙসি শন্দোকখিবা তরেৎশুবা এপিসোদ অদুদা শক্নাইরবা শান্নরোই এম সি মেরী কোম, অভনি লেখরা অমসুং সুহাস য়থিরাজনা শরুক য়াখি। মখোয়না পান্দম থম্বগী মতাংদা ঙাংখি, রেসিলিয়েন্স অমসুং দিসিপ্লিনগী খুত্থাংদা স্ত্রেস মেনেজমেন্তগী মতাংদা ঙাংখি। মখোয়না মশাগী পুন্সিশিংদগী পর্সনেল এনেকদোৎশিংসু অমসুং মখোয়গী পুন্সিদা মখোয়না স্পোর্তসতগী তমশিনখিবা অদু শেয়র তৌখি।

বোক্সিং অসি নুপীশিংগী মশান্ননা নত্তে হায়বা মীয়াম্না থাজবা লৈবদু মহাক্না মতৌ করম্না থুগাইখি হায়বদু মেরী কোমনা ফোংদোকখি, মহাক্না মশামক খক্তগী নত্তনা লৈবাক অসিগী নুপীশিংগীদমক্তা খুন্নাইগী ৱাখল্লোন অদুবু শীংনখি। প্রধান মন্ত্রী শ্রী নরেন্দ্র মোদীনা ইশাগী ওইবা এঙ্কর অমা ওইনবা হায়খিবা অদু পল্লদুনা মহাক্না মচানুপী, লোয়নবী অমসুং মমা অমা ওইনা মহাক্কী চহি 20গী খোঙচৎ অদুগী মতাংদা খন্নখি। মহাক্না কন্না হোৎনবগী মরুওইবা অদুসু ফোংদোকখি। থৌনা অমসুং অখাং কনবনা মাই পাকপগী অশেংবা মচাক্নি হায়না মহাক্না ফোংদোকখি।

সুহাস য়থিরাজনা মহৈরোইশিংদা মাই পাকপগী লম্বেলদা অচৌবা অপনবা অমা ওইনা মশক খঙদোকখিবা, অকিবগুম্বা নেগেতিব ইমোসনশিংবু মায়থিবা পীনবা ৱাখলগী পাঙ্গল অদু শীজিন্ননবা পুক্নিং থৌগৎখি। মহাক্না অকনবা ৱাফম থমখি মদুদি অকিববু মাথিবা পীবা অসি মহৌশানা থবক পাংথোকপা অমসুং মগুন হেনগৎহন্নবগী অমত্তা ঙাইরবা পাম্বৈনি। মহাক্না হায়খি, "নুমিৎকুম্বা মঙাল থোক্নবগীদমক, কনাগুম্বনা নুমিৎকুম্বা চাকথেকপা ঙম্নবা শেম-শাদুনা লৈগদবনি।" মহাক্না মহৈরোয়শিংদা রেজিলিয়েন্স অমসুং দিতর্মিনেসন য়াওনা শীংনবশিং অসি থেংননবা হায়খি। মহাক্না মখোয়দা পোজিতিব ইনর্জী চেনেল তৌনবা ম্যুজিক থেরাপীসু খঙহনখি অমসুং ৱাখলনা মী অমগী তুংগী পুন্সি শেম্বা ঙম্বগী মরুওইবা অদু পনখি।

অভনি লেখরানা স্কিল দিবেলপমেন্তকী মরুওইবা অদু পল্লদুনা মতৌ করম্না অচুম্বা স্কিলশিং লৌশিনবনা থাজবা হেনগৎহল্লি অমসুং শীংনবশিং হন্থহল্লি হায়বদু মহাক্না শন্দোক্না তাকখি। স্পোর্তসকা মান্ননা মহাক্না মহৈ তম্বদা অৱাংবা থাক্কী পরফোর্মেন্স পাংথোকপা ঙম্নবা পরিক্ষাশিংগী মমমাংদা মরাং কায়না তুম্নবা হায়রদুনা পোথাবা অমসুং রিকভরীগী মরুওইবা অদু ফোংদোকখি। মহাক্না মহৈরোইয়শিংদা থাজবা হেনগৎহন্নবা এক্তিবিতী অমা তৌদুনা মখোয়বুসু লমজিংখি।

সেসন অসিগী মনুংদা, মহৈরোয়শিংনা কেরিয়রগী অপাম্বগী মতাংদা মমা-মপাশিংবু কনভিন্স তৌবা, অৱাবা মায়োক্নবগী থৌনা লৈহনবা, অমসুং মীৎয়েং চংবা অসিনচিংবা হিরমশিংদা ৱাহংশিং হংখি। দুবাই অমসুং কাতরদগী লাকপা মহৈরোয়শিংসু শরুক য়াখি অমসুং মখোয়গী ৱাহংশিং অদু গেস্তশিংদা শেয়র তৌখি।

মীথুংলেন পুম্নমক্না অমত্তা ওইনা ফোংদোকখি মদুদি কন্না হোৎনবনা মায় পাকপগী মরুওইবা লম্বীনি অমসুং অরাইবা লম্বীদা চংশিল্লগা করিগুম্বা অমত্তা ফংবা ঙম্লোই।

মপুং ফানা চাউখৎহন্নবা, তোঙান তোঙানবা লমশিংগী শক্নাইরবা মীওইশিং - স্পোর্তস আইকোনশিং, তেক্নিকেল এক্সপর্তশিং, কম্পিতিতিব একজামিনেসনগী তোপ্পরশিং, এন্তরতেনমেন্ত ইন্দস্ত্রীগী প্রোফেস্নেলশিং, অমসুং স্পিরিচুএল লিদরশিং য়াওনা - মহৈরোয়শিংদা লাইরিক্কী ৱাংমদা লৈবা কান্নরবা ৱাখল্লোনশিং পীরি। হান্ননা শন্দোকখ্রবা এপিসোদ অহুমগা লোইননা, সেসন খুদিংমক্না মহৈরোয়শিংদা একাদমিক অমসুং পর্সনেল ওইনা এক্সেল তৌনবগী তঙাইফদবা খুৎলাইশিং অমসুং থৌরাংশিং পীরি। শো অদুগী মতুংদা মহৈরোয়শিংনা সেসন অদুদগী তম্লকপা অদু রিফ্লেক তৌখি অমসুং শেয়র তৌখি।

অনৌবা অমসুং ইন্তরেক্তিব ওইবা মওংদা পাংথোকপা পরিক্ষা পে চর্চা (PPC) 2025গী 8শুবা ইদিসন অসি লৈবাক শীনবা থুংনা মহৈরোয়শিং, ওজাশিং অমসুং মমা মপাশিংনা থাগৎপা ফোঙদোরক্লি। ত্রেদিস্নেল তাউন হোল ফোর্মেত্তগী লাপথোক্তুনা, চহি অসিগী ইদিসন অসি 2025গী ফেব্রুৱারী 10দা ন্যু দিল্লীগী ফজরবা সুন্দর নর্সরীদা প্রধান মন্ত্রী শ্রী নরেন্দ্র মোদীনা শরুক য়াখিবা নুংঙাইরবা সেসন অমগা লোয়ননা হৌদোকখি।

হৌদোকপগী থৌরম অদুদা প্রধান মন্ত্রীনা লৈবাক শীনবা থুংবদগী লাকপা মহৈরোয় 36গা ৱারী শানখি। ন্যুত্রিসন অমসুং ৱেলনেস, মাস্তরিং প্রেসর, চেলেঞ্জিং ৱানসেল্ফ, দি আর্ত ওফ লিদরশিপ, বিয়োন্দ বুক্স - 360º গ্রোথ, ফাইন্দিং পোজিতিবস, অসিনচিংবা হিরমশিংদা ৱারী শানখি। মহাক্কী মমল য়াম্লবা লমজিং-লমতাক অসিনা মহৈরোয়শিংদা চাউখৎপগী ৱাখল্লোন অমসুং হোলিস্তিক লর্নিংগী ৱাখল্লোন অমা পুক্নিং থৌগৎপগা লোয়ননা একাদমিক ওইবা শীংনবশিংবু থাজবগা লোয়ননা থেংননবা থবক ওইনা পাংথোকপা য়াবা লালোংশিং পীখি।

পরিক্ষা পে চর্চা 2025 অসি মখা তানা পাংথোক্লিবমখৈ, মসিনা মহৈরোয়শিংদা পুক্নিং থৌগৎপগী মঙাল অমা ওইরি, মসিনা মখোয়দা অফবা ৱাখল্লোন অমগা লোয়ননা একাদমিক অমসুং পুন্সিগী শীংনবশিং থেংননবা থাজবা অমসুং রেসিলিয়েন্স পীরি।

অহানবা এপিসোদ য়েংনবা লিঙ্ক অসিদা নম্বীয়ু: https://www.youtube.com/watch?v=G5UhdwmEEls

অনিশুবা এপিসোদ য়েংনবা লিঙ্ক অসিদা নম্বীয়ু: https://www.youtube.com/watch?v=DrW4c_ttmew

অহুমশুবা এপিসোদ য়েংনবা লিঙ্ক অসিদা নম্বীয়ু: https://www.youtube.com/watch?v=wgMzmDYShXw

মরিশুবা এপিসোদ য়েংনবা লিঙ্ক অসিদা নম্বীয়ু: https://www.youtube.com/watch?v=3CfR4-5v5mk

মঙাশুবা এপিসোদ য়েংনবা লিঙ্ক অসিদা নম্বীয়ু: https://www.youtube.com/watch?v=3GD_SrxsAx8

তরুকশুবা এপিসোদ য়েংনবা লিঙ্ক অসিদা নম্বীয়ু: https://www.youtube.com/watch?v=uhI6UbZJgEQ

তরেৎশুবা এপিসোদ য়েংনবা লিঙ্ক অসিদা নম্বীয়ু: https://www.youtube.com/watch?v=y9Zg7B_o8So

*****