قومی یوم نوجوان کے موقع پر، سوامی وویکانند کے یوم پیدائش کی یاد میں، وزیر اعظم جناب نریندر مودی 12 جنوری کو، نئی دہلی کے بھارت منڈپم میں، صبح تقریباً 10 بجے وکست  بھارت ینگ لیڈرس ڈائیلاگ 2025 میں شرکت کریں گے۔ وہ ہندوستان بھر کے 3000 متحرک نوجوان لیڈروں کے ساتھ بات چیت کریں  گے۔ اس موقع پر وہ اجتماع سے خطاب بھی کریں گے۔

وکست بھارت ینگ لیڈرس ڈائیلاگ کا مقصد روایتی انداز میں نیشنل یوتھ فیسٹیول کے انعقاد کی 25 سال پرانی روایت کو ختم کرنا ہے۔ یہ وزیر اعظم کے یوم آزادی کے موقع پرکی گئی اپیل کے عین مطابق ہے، جس میں انہوں نے بغیر کسی سیاسی پس منظر والے 1 لاکھ نوجوانوں کو سیاست میں شامل کرنے اور انہیں وکست بھارت کے لئے اپنے خیالات کو حقیقت میں بدلنے کے لئے  ایک قومی پلیٹ فارم فراہم کرنا ہے۔ اس کی مناسبت سے، نوجوانوں کے اس دن پر وزیر اعظم ملک کے مستقبل کے لیڈروں کی حوصلہ افزائی کرنے اورانہیں بااختیار بنانے کے لیے منعقد کی جانے والی متعدد سرگرمیوں میں حصہ لیں گے۔ اختراعی ذہن کے حامل  نوجوان رہنما وزیر اعظم کے سامنے ہندوستان کی ترقی کے لئے  اہم دس موضوعاتی شعبوں کی نمائندگی کرتے ہوئے دس پاور پوائنٹ پریزنٹیشنز پیش کریں گے۔ یہ پیشکشیں ہندوستان کے چند اہم ترین چیلنجوں سے نمٹنے کے لیے نوجوان رہنماؤں کے تجویز کردہ اختراعی خیالات اور حل کی عکاسی کرتی ہیں۔

وزیر اعظم دس موضوعات پر شرکاء کے لکھے گئے بہترین مضامین کا ایک مجموعہ بھی جاری کریں گے۔ ان موضوعات میں ٹیکنالوجی، پائیداری، خواتین کو بااختیار بنانے، مینوفیکچرنگ اور زراعت جیسے متنوع شعبوں کا احاطہ کیا گیا ہے۔

ایک منفرد ماحول میں، وزیراعظم نوجوان لیڈروں کے ساتھ دوپہر کے کھانے میں شامل ہوں گے، انہیں اپنے خیالات، تجربات اور خواہشات براہ راست ان سے شیئر کرنے کا موقع فراہم کریں گے۔ یہ ذاتی بات چیت گورننس اور نوجوانوں کی امنگوں کے درمیان فرق کو ختم کرے گا، جس سے شرکاء میں ملکیت اور ذمہ داری کے گہرے احساس کو فروغ ملے گا۔

مذاکرے کے دوران، جو 11 جنوری سے شروع ہو رہا ہے، نوجوان رہنما مقابلوں، سرگرمیوں اور ثقافتی اور موضوعاتی پیشکش میں حصہ لیں گے۔ اس میں اساتذہ اور ڈومین کے ماہرین کی قیادت میں موضوعات پر بات چیت  بھی شامل ہوگی۔ اس میں ثقافتی پرفارمنس بھی پیش کی جائے گی جو ہندوستان کے فنکارانہ ورثے کو ظاہر کرتی ہے اور اس کی جدید ترقی کی علامت ہے۔

وکست بھارت چیلنج کے ذریعے وکست بھارت ینگ لیڈرز ڈائیلاگ میں حصہ لینے کے لئے 3,000 متحرک اور حوصلہ افزا نوجوانوں کا انتخاب کیا گیا ہے ، جو ملک بھر سے سب سے زیادہ حوصلہ افزا اور متحرک نوجوان آوازوں کی شناخت کے لیے میرٹ پر مبنی کثیر سطحی انتخاب کا عمل ہے ۔ اس میں 15 سے 29 سال کے شرکاء کے ساتھ تین مراحل شامل تھے ۔ پہلا مرحلہ ، وکست بھارت کوئز ، تمام ریاستوں کے نوجوانوں کے حصہ لینے کے لیے 12 زبانوں میں منعقد کیا گیا  اور اس میں تقریبا 30 لاکھ نوجوان ذہنوں نے شرکت کی ۔ کوئز میں حصہ لینے والے اہل شرکاء دوسرے مرحلے  میں پہنچے، جہاں انہوں نے ‘‘وکست بھارت’’ کے وژن کو عملی جامہ پہنانے کے لیے دس کلیدی موضوعات پر اپنے خیالات کا اظہار کیا ، جس میں 2 لاکھ سے زیادہ مضامین پیش کیے گئے ۔ تیسرے مرحلے ، ریاستی راؤنڈز میں ، ہر تھیم کے 25 امیدوار سخت ذاتی مقابلوں میں حصہ لینے کے لیے آگے بڑھے ۔ ہر ریاست نے دہلی میں ہونے والے قومی ایونٹ کے لیے متحرک ٹیمیں تشکیل دیتے ہوئے ہر ٹریک سے اپنے سرفہرست تین شرکاء کی نشاندہی کی ۔

وکست  بھارت چیلنج ٹریک کے 1,500 شرکاء جو ریاستی چیمپئن شپ کی ٹاپ 500 ٹیموں کی نمائندگی کرتے ہیں۔ ریاستی سطح کے یوتھ فیسٹیولز، ثقافتی پروگراموں اور سائنس اور ٹیکنالوجی میں اختراعات پر نمائشوں کے ذریعے روایتی ٹریکس سے 1,000 شرکاء کا انتخاب کیا گیا اور مختلف شعبوں میں نمایاں خدمات کے لیے مدعو کئے گئے 500 علمبردار اس مکالمے میں شرکت کریں گے۔

***

ش ح۔ ک ا۔ ع د