പ്രധാനമന്ത്രി ശ്രീ നരേന്ദ്ര മോദി ഇന്നു ഗുജറാത്തിലെ കച്ഛിലെ ക്രീക്ക്​ മേഖലയിലെ ലക്കി നാലയിൽ ബിഎസ്എഫ്-കര-നാവിക-വ്യോമ സേനകളിലെ ധീരജവാന്മാർക്കൊപ്പം ദീപാവലി ആഘോഷിച്ചു.

വാസയോഗ്യമല്ലാത്ത സ്ഥലങ്ങളിൽ അചഞ്ചലായി നിലകൊള്ളുകയും നമ്മെ സംരക്ഷിക്കുകയും ചെയ്യുന്ന നമ്മുടെ സുരക്ഷാ ഉദ്യോഗസ്ഥരെ ഓർത്തു ഞങ്ങൾ അഭിമാനിക്കുന്നുവെന്നു പ്രധാനമന്ത്രി പറഞ്ഞു. അതികഠിനമായ താപനിലയാൽ കച്ഛിലെ ക്രീക്ക് മേഖല വെല്ലുവിളി നിറഞ്ഞതും ഒറ്റപ്പെട്ടതുമാണ്. ഈ മേഖലയ്ക്കു നിരവധി പാരിസ്ഥിതിക വെല്ലുവിളികളുണ്ടെന്നും പ്രധാനമന്ത്രി കൂട്ടിച്ചേർത്തു.

പ്രധാനമന്ത്രി ശ്രീ നരേന്ദ്ര മോദി ക്രീക്ക് മേഖലയിലെ ഫ്ലോട്ടിങ് ബിഒപികളിൽ ഒന്നിലെത്തി ധീരരായ സുരക്ഷാ ഉദ്യോഗസ്ഥർക്കൊപ്പം മധുരം പങ്കിട്ടു.

എക്സിൽ പ്രധാനമന്ത്രിയുടെ പോസ്റ്റ്:

“ഗുജറാത്തിലെ കച്ഛിൽ നമ്മുടെ ധീരജവാൻമാർക്കൊപ്പം ദീപാവലി ആഘോഷിച്ചു.

നമ്മുടെ സുരക്ഷാ ഉദ്യോഗസ്ഥർ വാസയോഗ്യമല്ലാത്ത മേഖലകളിൽ അചഞ്ചലായി നിലകൊള്ളുകയും നമ്മെ സംരക്ഷിക്കുകയും ചെയ്യുന്നു. അവരെക്കുറിച്ചോർത്തു ഞങ്ങൾ ഏറെ അഭിമാനിക്കുന്നു.

കച്ഛിലെ ക്രീക്ക് മേഖലയിലെ ലക്കി നാലയിൽ ബിഎസ്എഫ്-കര-നാവിക-വ്യോമ സേനകളിലെ നമ്മുടെ ധീരരായ ഉദ്യോഗസ്ഥർക്കൊപ്പം ദീപാവലി ആഘോഷിക്കാനായതിൽ സന്തോഷമുണ്ട്. ഈ പ്രദേശം വെല്ലുവിളി നിറഞ്ഞതും ഒറ്റപ്പെട്ടതുമാണ്. ചുട്ടുപൊള്ളുന്ന ചൂടും അതുപോലെ കടുത്ത തണുപ്പും അനുഭവപ്പെടുന്ന മേഖലയാണിത്. ക്രീക്ക് പ്രദേശത്തിനു നിരവധി പാരിസ്ഥിതികവെല്ലുവിളികളുമുണ്ട്.

ക്രീക്ക് മേഖലയിലെ ഫ്ലോട്ടിങ് ബിഒപികളിലൊന്നിൽ പോയി നമ്മുടെ ധീരരായ സുരക്ഷാ ഉദ്യോഗസ്ഥർക്കൊപ്പം മധുരം പങ്കിട്ടു.”