প্রধানমন্ত্রীগী লোইশঙ
প্রধান মন্ত্রীনা লাওগী রাস্ত্রপতি উনখ্রে
प्रविष्टि तिथि:
11 OCT 2024 1:43PM by PIB Imphal
ঙসি ভিয়েন্তিয়ানদা প্রধান মন্ত্রী শ্রী নরেন্দ্র মোদীনা লাও পিপলস রিভোলুসন্নরি পার্তি (এল পি আর পি) গী সেন্ত্রেল কম্মিতিগী জেনেরেল সেক্রেতরি অমসুং লাওগী রাস্ত্রপতি থোংলুন সিসৌলিথ উনখ্রে। মাইপাক্না অসিয়ান সম্মিৎ অমসুং ইস্ত এসিয়া সম্মিৎ পাংথোকপগীদমক প্রধান মন্ত্রীনা রাস্ত্রপতি সিসৌলিথ থাগৎপা ফোঙদোকখ্রে।
লুচিংবা অনিনা লৈবাক অনিগী মরীশিং খন্নখি অমসুং মখা তানা অচেৎপা মরীশিং মপাঙ্গল কনখৎহন্নবা মখোয়না থাজবা অমুক হন্না পীনখি। চহি চা কয়া শুরবা সভেত্যাগী মরীশিং অসিদা ভারত-লাওগী হৌজিক্কী মরীশিং চেৎনা মরা তারে হায়না মখোয়না ফোঙদোকখি। চাউখৎ-থৌরাং, হেরিতেচ অমুক শেমজিনবা অমসুং নাতকী থৌরমশিংগী মতাংদা লৈবাক অনিগী মরক্তা হৌজিক মতেং পাংনরিবা অসিদা মখোয়না অপেনবা ফোঙদোকখি।
ভারতকী এক্ত ইস্ত পোলিসি চহি ১০ মপুংফারকপা অসি পনখিবগা লোয়ননা প্রধান মন্ত্রীনা হায়খি মসিনা ভারতনা লাওগী লৈনবা মরীশিংগী খোঙজেল মখা তানা য়াংখৎহল্লে। লৈবাক অনিগী মরক্তা সভেত্যাগী ওইবা মরীশিং লৈনরক্লি অমসুং নৌনা হাংদোক্লিবা নালান্দা য়ুনিভর্সিতি অসিনা খুদোংচাবা কয়া পীদুনা মীগা মীগা লৈনবা মরীশিং হেন্না ফগৎহল্লে। তাইফুন য়াগীনা ঈশিং ইচাও থোকহনখিবা অদুদা ভারতনা লাওদা মতেং পাংলকপগীদমক রাস্ত্রপতি সিসৌলিথনা প্রধান মন্ত্রী থাগৎপা ফোঙদোকখ্রে।
ইন্দিয়া-অসিয়ানগী মরীশিং হেন্না ফগৎনবা লাওসনা শৌগৎপগীদমক প্রধান মন্ত্রীনা রাস্ত্রপতি সিসৌলিথ থাগৎপা ফোঙদোকখি। লৈবাক অনিনা দরকার ওইবা লমদম অসিগী অমসুং মালেমগী ওইবা ৱাফমশিংশু লুচিংবা অনিনা খন্নখি।
***
(रिलीज़ आईडी: 2064167)
आगंतुक पटल : 116
इस विज्ञप्ति को इन भाषाओं में पढ़ें:
Odia
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam