ঐখোয়, এসোসিএসন ওফ সাউথ এসিয়ান নেসন্স (অসিয়ান) গী মেম্বর লৈবাকশিং অমসুং ভারত, ওক্তোবর ১০,২০২৪ দা লাওগী ভিয়েন্তিয়ানদা ২১শুবা অসিয়ান-ইন্দিয়ান সম্মিৎতা পুল্লে;

মসি ১৯৯২ দা লিংখৎপদগী অসিয়ান-ইন্দিয়া দাইলোগ মরীশিংনা মমাই চুমদুনা মরুওইবা ফিদমশিং, শরুক য়ামিন্নরিবা গুনশিং অমসুং চৎন-কাংলোনশিংনা লমজিংদুনা, অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ মপাঙ্গল কনখৎহন্নবা ঐখোয়না থাজবা অমুক হন্না পীনরে, অমসুং অসিয়ান-ইন্দিয়া কম্মেমোরেতিপ সম্মিৎ(২০১২), ২৫শুবা অসিয়ান-ইন্দিয়া দাইলোগ রিলেসন্স (২০১৮) গী অসিয়ান-ইন্দিয়া কম্মেমোরেতিপ সম্মিৎকী দিল্লি দিক্লারেসন. অসিয়ান আউতলুক ওন ইন্দো-পেসিফিক (এ ও আই পি) না কোনবা মফমদা শান্তি, তংদু-লৈতাবা অমসুং নুংঙাই-য়াইফবা পুরক্নবা অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপকী অপুনবা ৱারোল (২০২১).অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপকী অপুনবা ৱারোল (২০২২). মেরিতাইম কোওপরেসনগী অসিয়ান-ইন্দিয়ান জোইন্ত স্তেৎমেন্ত (২০২৩) অমসুং অৱাবা তারকপা মতমদা চীঞ্জাক অমসুং মচিওই ওইবা চীঞ্জাক ফংহন্নবা অসিয়ান-ইন্দিয়া জোইন্ত লিদরস স্তেৎমেন্ত কোনশিল্লে;

রাজনিতি-সেকুরিতি, শেন-থুম, নাত অমসুং মীগা মীগা লৈনবা মরীশিংদা মতেং পাংনদুনা অসিয়ান-ইন্দিয়াগী মরীশিং চাউখৎনবা মতেং পাংলিবা, অসিয়ান্না ময়াইদা থম্লিবা চহি ১০ মপুংফারক্লবা ভারতকী এক্ত ইস্ত পোলিসি তরাম্না ওক্লি;

তোঙান-তোঙানা সমুদ্রশিং অমসুং ইন্দো-পেসিফিক্কী সমুদ্রশিং কোনশিন্দুনা, খা-নোংপোক এসিয়া অমসুং ভারতকী মরক্তা কংফাল অমসুং ঈশিংগী লম্বীশিং ফাওদুনা লৈনরিবা অচেৎপা সভেত্যাগী মরীশিং অমসুং নাতকী মরীশিং অসিনা অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপকী অকনবা য়ুম্ফম অমা ওইরে;

অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ মখা তানা মপাঙ্গল কনখৎহন্নবা এক্ত ইস্ত পোলিসি চহি ১০ মপুংফারকপগী ২০২৪ দা পাংথোকপা থবক-থৌরমশিং তরাম্না ওক্লি;

অসিয়ান-ইন্দিয়া সম্মিৎ, ইস্ত এসিয়া সম্মিৎ (ই এ এস), পোস্ত মিনিস্তরিয়েল কনফরেন্স ৱিত ইন্দিয়া (পি এম সি প্লস ১),  অসিয়ান রিজনেল ফোরম (এ আর এফ), অসিয়ান দিফেন্স মিনিস্তরস মীতিং প্লস ( এ দি এম এম-প্লস) অমসুং এক্সপান্দেদ অসিয়ান মেরিতাইম ফোরম (ই এ এম এফ), মাস্তর প্লান ফোর অসিয়ান কন্নেক্তিবিতি (এম পি এস সি) ২০২৫, ইনিসিয়েতিপ ফোর অসিয়ান ইন্তেগ্রেসন ( আই এ আই) অমসুং অসিয়ান  আউতলুক ওন ইন্দো-পেসিফিক ( এ ও আই পি) য়াওনা অসিয়ান্না ময়াইদা লৈবদা অমসুং অসিয়ান্না লমজিংবা থবকশিংদা ভারতনা শৌগৎপা অদু খঙলে;

১৯৮২ গী য়ুনাইতেদ নেসন্স কনভেন্সন ওন লো ওফ সি (য়ু এন সি এল ও এস)গী প্রিয়েম্বল, অপুনবা অমসুং লৈবাক খুদিংমক কোনশিনবদা মীৎয়েং থম্লিবা য়ুনাইতেদ নেসন্স জেনেরেল এশেমব্লি (য়ু এন জি এ) রিজোলুসন এ/আর ই এস/ ৭৮/৬৯ খঙজিনবগা লোয়ননা, সমুদ্রদা পাংথোক্কদবা থবক খুদিংমক্কী আইনগী ওইবা ঙাক্লৌ কনভেন্সন্না শেম্বা অদুদা অমুক হন্না থাজবা থম্লে অমসুং মেরিতাইম সেক্তরদা লৈবাক অমগী, লমদম অমগী অমসুং মালেমগী থবকশিং অমসুং মতেং পাংনবগী য়ুম্ফম ওইনা মরুওইবা লাল্লোংনি অমসুং মসিগী ইন্তিগ্রেতি ঙাক্না চৎপা দরকার ওইরে;

গনতন্ত্রগী গুনশিংদা থাজবা থম্নদুনা, মনিংতম্বা অমসুং ঙমখৈগী অপুবা শক্তমদা অকনবা থাজবা থমদুনা অমসুং আইন্দা য়ুম্ফম ওইবা লৈঙাক অমসুং য়ু.এন চার্তরগী অচুম্বা ফিদমশিংদা থাজবা থম্বগা লোয়ননা অসিয়ান আউতলুক ওন ইন্দো-পেসিফিক (এ ও আই পি) না কোনবা মফমদা শান্তি, তংদু-লৈতাবা অমসুং নুংঙাই-য়াইফবা পুরক্নবা অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপকী অপুনবা ৱারোল থবক ওইনা পায়খৎনবা হোৎনরিবশিংদা থাগৎপা ফোঙদোক্লি;

মালেমগী ওইনা অসিয়ানগী শক্তি হেনগৎলক্লিবা অমসুং অখন্নবা শক্তি পায়রিবা অমসুং মালেমগী মরুওইবা শেন-থুম অমসুং রাজনিতিগী থবকশিংদা ভারতনা মরুওইবা থৌদাং অমা লৌরিবা অসি খঙজিনবগা লোয়ননা, য়ু.এন চার্তর অমসুং মালেমগী আইন ইকায়খুম্নবগা লোয়ননা, মালেমগী লুপশিংগী থবক-থৌরমশিংদা ফগৎহন্নবা ঐখোয়গী থাজবা অমুক হন্ন থম্লি।

ৱারোল অসি লাউথোক্লি

1. ১৯৮২ য়ু.এন.সি.এল.ও.এস অমসুং ইন্তরনেসনেল সিবিল এভিএসন ওর্গনাইজেসন (আই সি এ ও) অমসুং ইন্তরনেসনেল মেরিতাইম ওর্গনাইজেসন ( আই এম ও)না পীবা য়ানবশিং অমসুং থবকশিংগী য়াওনা মালেমগী আইন্না মশক খঙলবা অচুম্বশিংগী মতুংইন্না শান্তি অমসুং তংদু-লৈতাবা পুরকপা, মেরিতাইম সেকুরিতি, মনিংতম্না জহাজ হোনবা অমসুং লমদম অমা লান্না ফ্লাইত পাইবা, আইন্না য়াবা মওংদা সমুদ্র শীজিন্নবা অমসুং য়ানদবা খুদিংমক শান্তি ওইনা ৱারোইশিন পুরকপগী মরুওইবা অদু অমুক হন্না ফোঙদোক্লি।  হিরম অসিগী মতাংদা, দিক্লারেসন ওন কন্দক ওফ পার্তিস ইন সাউথ চাইনা সি (দি ও সি) থবক ওইনা মপুংফানা পাংথোকপদা ঐখোয়না শৌগৎলি অমসুং ১৯৮২ য়ু.এন.সি.এল.ও.এস য়াওনা মালেমগী আইনগী মতুংইন্না কোদ ওন কন্দক ইন সাউথ চাইনা সি (সি ও সি) অথুবাম তমদা য়ানবা পুরকপদা ঐখোয়না থাজবা থম্লি;

2. অহানবা অসিয়ান-ইন্দিয়া মেরিতাইম এক্সরসাইজ ( এ আই এম ই) ২০২৩ অমসুং  কাউন্তর তেরোরিজমগী এ.দি.এম.এম-প্লস এক্সপার্তস ৱার্কিং গ্রুপকী কো-চিয়ারমেন্সিপ য়াওনা অমসুং অসিয়ান-ইন্দিয়া দিফেন্স মিনিস্তরস মীতিং(২২২) য়াওনা অসিয়ান দিফেন্স মিনিস্তর মিতিং (এ দি এম এম) প্লসকী ঙাক্লৌ মনুংদা দিফেন্স অমসুং ঙাক-শেনগী মতেং পীনবা হৌজিক চৎথরি;

3. মেরিতাইম সেকুরিতি, কাউন্তর-তেরোরিজম, সাইবরসেকুরিতি, মিলিতরি মেদিসিন, লৈবাক লান্না ক্রাইম চৎথবা, দিফেন্স ইন্দস্ত্রি, অৱা-অনাগী মতেং পাংনবা, শান্তি থম্নবা থবক অমসুং মাইন লৌথোক্নবা থবক অমসুং থাজবা হনগৎহন্নবা থবকশিংদা মতেং পাংনবা হেনগৎলে। মসি চৎথোক-চৎশিন তৌনদুনা, অপুনবা মিলিতরি এক্সরসাইজ পাংথোক্তুনা মেরিতাইম এক্সরসাইজ পাংথোক্তুনা অমসুং লালগী জহাজশিং পোর্ত কোল তৌদুনা অমসুং দিফেন্স স্কোলারশিপকী খুৎথাংদা ঙমগনি;

4. মেরিতাইম কোওপরেসনগী অসিয়ান-ইন্দিয়া জোইন্ত স্তেৎমেন্ত থবক ওইনা পাংথোকপা অমসুং মেরিতাইম সেকুরিতি, ব্লু ইকোনোমি, তুংকোইনা চৎনবা য়াবা মওংদা ঙা ফাবা, সমুদ্রগী মহৌশাগী অকোয়বা ফিবম ঙাক-শেনবা, মেরিতাইম বাইওদাইভর্সিতি, অমসুং ক্লাইমেত চেঞ্জগী হিরমশিংদা মখা তানা মতেং পাংনবা;

5. য়ু.এনগী খুৎথাংদা মালেমগী লুপশিংগী মপাঙ্গল কনখৎহন্নবা থবক তৌবা অমসুং মালেমগী খুদোংচাদবশিং কোকহন্নবা, পান্দমশিং ফংনবা অমসুং ঐখোয়গী মীয়াম কান্নবা ফংনবা তুংকোইনা চৎনবা য়াবা চাউখৎ-থৌরাং পুক্নিং থৌগৎনবা মালেমগী ওইবা থবকশিং য়োকখৎপা;

6. এ.ও.আই.পি অমসুং ইন্দো-পেসিফিক ওসিন্স ইনিসিয়েতিপ(আই পি ও আই)গী মরক্তা মতেং পাংনবা হেনগৎহন্দুনা লমদম অসিদা তংদু-লৈতাবা অমসুং শান্তি পুরক্নবা অসিয়ান-ইন্দিয়া জোইন্ত স্তেৎমেন্তগী মতেং পাংনবদা শেমগৎপা;

7. অসিয়ান অমসুং ভারতকী মরক্তা শেন-থুমগী মতেং পাংনবা হেনগৎহন্নবা অমসুং নাকল অনিম কান্নবা ফংবা থবকশিং পুক্নিং থৌগৎনবা অমসুং মালেমগী হৌজিক চৎনরিবা ললোন-ইতিক্কী থবকশিংগা চুনবা ললোন-ইতিক পাংথোক্নবা অমসুং হেন্না মতিক চাবা অমসুং নুঙাইবা অমসুং অচম্বা ওইহন্নবা অসিয়ান-ইন্দিয়া ত্রেদ ইন গুদস এগ্রিমেন্ত (এ আই তি আই জি এ) হন্না য়েংশিনবগী থবক য়াংশিনহনবা;

8. নাকল অনিমক্না দরকার ওইবা হিরমশিংদা লৈরিবা সপ্লাই চেনশিংগী খুদোংথিবশিং মশক খঙদোক্নবা  ই-পাউ পীথোক-পীশিন তৌনবগা লোয়ননা মখল কয়াগী, অশোই-অঙাম লৈতবা, অরোন-অথুপ লৈতবা অমসুং অৱাবা খাংবা ঙম্বা সপ্লাই চেনশিং শেমগৎপা; 

9. অনৌবা তেক্নোলোজিশিং হায়বদি আর্তিফিসিএল ইন্তিলিজেন্স ( এ আই), ব্লোকচেন তেক্নোলোজি, ইন্তরনেত ওফ থিংস (আই ও তি), রোবোতিক্স, ক্বান্তম কম্পুতিং, ৬-জি তেক্নোলোজিদা মতেং পীনবা অমসুং দিজিতেল কন্নেক্তিবিতি অমসুং ফাইনান্সিএল তেক্নোলোজিদা স্তার্দ-অপ ইকোসিস্তেমশিং শেমগৎপা অমসুং ফগৎহনবা;
 

10. অপুনবা থবকশিং মতেং পাংনবা অসিয়ান-ইন্দিয়া ফন্দ ফোর দিজিতেল ফ্যুচর হৌদোকপা তরাম্না ওক্লি;

11. মালেমগী ওইনা মতেং পাংনদুনা অমসুং এ.আইগী মালেমগী চৎন-কাংলোন মখা তানা খন্ন-নৈনদুনা অশোই-অঙাম লৈতবা, দাইত্ব খঙবা অমসুং থাজবা য়াবা এ.আই শীজিন্নবা ঙম্নবা মতেং পাংনবা অমসুং মালেমগী দিজিতেল ইকোনোমি চাউখৎনবা অমসুং নুংঙাই-য়াইফনাব এ.আই শীজিন্নবগী মতাং খন্নখি। মীয়ামগী হকশিং ঙাক্তুনা অমসুং অশোই-অঙাম থোকহন্দনা মীওইবা খুন্নাইগী য়াইফনবা মওংদা খুদোংচাবশিং কোকহন্দুনা মীয়ামগী য়াইফনবা ঐখোয়না এ.আই শীজিন্নগনি;

12. শেন-থুম চাউখৎহনবদা অমসুং এস.দি.জিশিং ফংনবা পাম্বৈ অমা ওইনা তুরিজম্না লৌরবা মরুওইবা থৌদাং শকখঙবগা লোয়ননা মীগা মীগা লৈনবা মরীশিং মখা তানা ফগৎহন্নবা চহি ২০২৫ অসি অসিয়ান-ইন্দিয়া তুরিজম ইয়র ওইনা লাউথোক্না পুখৎলকপা ৱাফম খঙজিল্লে। থবক অসিদা, অসিয়ান-ইন্দিয়া তুরিজম কোওপরেসন ৱার্ক প্লান ২০২৩-২০২৭ থবক ওইনা পাংথোকপা অমসুং তুরিজম ইজুকেসন ত্রেনিং অমসুং রিছার্সগী অপুনবা থৌরমশিং শৌগৎনবা অমসুং অৱাংবা থাক্কী তুরিজম ইন্দস্ত্রি শেমগৎনবা মতেং পীন্নবা খুদোংচাবশিং থিদোকপদা ঐখোয়না শৌগৎকনি। লমকোয়বগী থবক তৌরিবশিংগী ললোন-ইতিক্কী থবক পাংথোক-চাউথোকহনবা, স্তেনেবল তুরিজম পাংথোকপা, তুরিজমগী চৎনবীশিং অমসুং ই-পাউশিং পীথোক-পীশিন তৌনবদা ঐখোয়না পুক্নিং থৌগৎলি। মসিগী মথক্তা, অৱাবা তারকপা মতমদা ই-পাউ পীনবা, তুরিজমদা শেন থাদবা হেনগৎহনবা অমসুং ক্রুইস তুরিজম চাউখৎনবা ঐখোয়না শৌগৎলি;

13. রিছার্স অমসুং দিবলপমেন্ত, মীয়ামগী হকশেলগী অথু-অকায়গী থৌরাং তৌনবা, হকশেলগী মীওইশিং ত্রেনিং পীনবা, মেদিকেল তেক্নোলোজি, ফার্মস্যুতিকেলশিং, ভেক্সিন সেকুরিতি অমসুং মশাগী ওক্নবা পুথোকচবা, জেনেরেল অমসুং মমাংঙৈগী মেদিসিনগী য়াওনা মীয়ামগী হকশেলগী লমদা মতেং পাংনবা হেনগৎহন্দুনা হকশেলগী থবকশিং ফগৎহনবা;

14. ইনর্জি কোওপরেসন ২০২১-২০২৫গী অসিয়ানগী প্লানগী মতুংইন্না মহৌশাগী অকোয়বা, বাইওদাইভর্সিতি, ক্লাইমেত চেঞ্জ, ইনর্জি সেকুরিতি, ক্লিন ইনর্জি, রিন্যুএবল অমসুং লো-কার্বোন ইনর্জিগী লমদা মতেং পীনবা হেনগৎহনবা অমসুং বাইও-সর্কুলার-গ্রিন দিবলপমেন্তগু্বা মরুওইবশিং অমসুং ভারতকী রিন্যুএবল ইনর্জিগী মরুওইবশিং অমসুং অতোপ্পা লৈবাকশিংগী মোদেলশিংদা মতেং পাংনবা;

15. কোলিএসন ওফ দিজাস্তর রিসিলিয়েন্ত ইনফ্রাস্ত্রকচর ( সি দি আর আই) অসিয়ান কোওর্দিনেতিং সেন্তর ফোর হুমেনিতরিয়ান এসিস্তেন্স ওন দিজাস্তর মেনেজমেন্ত (অসা সেন্তর) অমসুং নেসনেল দিজাস্তর মেনেজমেন্ত এজেন্সি ( এন দি এম এ) ইন্দিয়াগী মরক্তা লৈনগদবা মেমোরেন্দম ওফ ইন্তেন্ত ( এম ও আই)গী ঙাক্লৌগী খুৎথাংদা লৌশিং, খ্বাইদগী ফবা থবকশিং, কেপাসিতি বিল্দিং অমসুং তেক্নিকেলগী মতেংগী খুৎথাংদা দিজাস্তর অমসুং ক্লাইমেত রিসিলিয়েন্স ইনফ্রাস্ত্রকচর ফগৎহনবা;

16. লাও, কম্বোদিয়া অমসুং ভিয়েতনাম ফাওবা য়ৌহন্নবা পান্দমগা লোয়ননা ইন্দিয়া-ম্যান্মার-থাইলেন্দ( আই এম তি) ত্রাইলেতরেল হায়ৱে অথুবা মতমদা লোইশিন্দুনা অমসুং থবক হৌদুনা কংফাল, নোংথক অমসুং ঈশিংগী শরুকশিংদা চৎথোক-চৎশিন হেনগৎহন্নবা মতেং পাংনবা হেনগৎহন্নবা ইন্দো-পেসিফিক নিংথিনা শম্নবা ঙম্নবা মাস্তর প্লান ওন অসিয়ান কন্নেক্তিবিতি ( এম পি এ সি) ২০২৫ অমসুং মসিগী মখা তারকপা দোকুমেন্ত অসিয়ান কন্নেক্তিবিতি স্ত্রাতেজিক প্লান ( এ সি এস পি) অমসুং ভারতকী এক্ত ইস্ত পোলিসি অমসুং সাগর ভিজনগী খুদোংচাবশিং মশক খঙদোক্তুনা অসিয়ান অমসুং ভারতকী মরক্তা চৎথোক-চৎশিন হেনগৎহনবা;

17. মালেমগী হৌজিক ওইরিবা ফিবমশিং অমসুং দরকার ওইবশিং ফংবা ঙম্নবা অমসুং গ্লাবেল সাউথকী অনিংবশিং ফংহন্নবা, য়ুনাইতেদ নেসন্স, অমসুং মালেমগী শেন-থুমগী থবকশিং, মালেমগী শেন-থুমগী লুপশিং, মালেমগী চাউখৎ-থৌরাংগী বেঙ্কশিং য়াওনা মালেমগী লুপশিংগী থবকশিং মপাঙ্গল কনখৎহন্নবা তকশিল্লি;

18. য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেঞ্জ ( য়ু এন এফ সি সি সি) গী মনুংদা কম্মন বদ দিফেরেন্সিয়েতেদ রেন্সপোন্সিবিলিতিস এন্দ রেস্পেক্তিব কেপাবিলিতিস ( সি বি দি আর-আর সি) গী ফিদমশিং খঙবগা লোয়ননা গ্লোবেল সাউথকী মরুওইবশিং অমসুং অৱাবশিং কোকহন্বা মালেমগী অপুনবা অমসুং থোং মান্নবা পান্দম অমা লৈহনবা;

19. সব-রিজনেল ফ্রেমৱার্কশিং হায়বদি ইন্দিয়ান ওসিন রিম এসোসিএসন ( আই ও আর এ) , বে ওফ বেঙ্গল ইনিসিয়েতিপ ফোর মল্তি-সেক্তোরেল তেক্নিকেল এন্দ ইকোনোমিক কোওপরেসন (বিমসতেক), ইন্দোনেসিয়া-মালেএসিয়া-থাইলেন্ত গ্রোথ ত্রাইএঙ্গল ( আই এম তি-জি তি), শিঙ্গাপুর-জোহোর-রিআউ(সিজোরি) গ্রোথ ত্রাইএঙ্গল, ব্রুনৈ দারুসালাম-ইন্দোনেসিয়া-মালেএসিয়া-ফিলিপিন্স ইস্ত অসিয়ান গ্রোথ এরিয়া ( বিম্প-ইগা) , মেকোং-গঙ্গা কোওপরেসন( এম জি সি) অয়েয়াৱাদে চাউ ফ্রায়া মেকোং ইকোনোমিক কোওপরেসন স্ত্রাতেজি ( এ সি এম ই সি এস) গী  মনুংদা মতেং পাংন্নবা খুদোংচাবশিং খঙদোকপা অমসুং অসিয়ান অমসুং ভারত চাউখৎনবা অসিয়ান অমসুং ভারতকী থবকশিং পুক্নিং থৌগৎপা;

20. অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপকী খুৎথাংদা ঐখোয়গী মতেং পাংনবা হেন্না মপাঙ্গল কনখৎহন্নবা লমদম অসিগী অমসুং মালেমগী ৱাফমশিংদা মখা তানা পুন্না থবক তৌমিন্নবা।

****