কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি হিন্দী দিৱসকী থৌরমনা লাকপদা লৈবাক মীয়ামদা য়াইফ পাউজেল পীখ্রে। হিন্দী দিৱসকী মহাক্কী পাউজেলদা, গৃহ মন্ত্রীনা হায়খি মদুদি ঙসিগী নুমিৎ অসি ঐখোয় পুম্নমক্কীদমক য়াম্না মরু ওই, মরমদি সেপ্তেম্বর 14, 2949দা ভারতকী কন্সতিত্যুএন্ত এসেমব্লীনা হিন্দীবু য়ুনিয়নগী ওফিসিএল লোল ওইনা অয়াবা পীখি। শ্রী অমিৎ শাহনা হায়খি মদুদি মসিগী চহি 75 মপুং ফারক্লে অমসুং ঐখোয়না চহি অসিদা ওফিসিএল লেংগ্বেজকী দাইমন্দ জুবিলী পাংথোক্কনি। চহি 75গী খোঙচৎ অসি হিন্দী, ঐখোয়গী রাজ্য খুদিংমক্কী ওফিসিএল লোল অমসুং মরী লৈনবা লোলশিংগী ওইনা য়াম্না মরু ওই। মহাক্না হায়খি মদুদি হিন্দীদা অৱাবা কয়া থেংনখ্রে, অদুবু ঙসিদি মফম অসিদা লেপতুনা, হিন্দীনা লমদমসিগী লোন অমত্তগা চাংদম্নবা ঙমলোই হায়না মহাক্না ফোংদোকপা ঙম্লে।

শ্রী অমিৎ শাহনা হায়খি মদুদি হিন্দী অসি ভারতকী লোন খুদিংমক্কী মরুপনি অমসুং মখোয় অনিমক্না অমনা অমদা মতেং পাংনরি। মহাক্না হায়খি মদুদি গুজরাতি, মরাথি, তেলুগু, মালায়ালম, তামিল নৎত্রগা বঙ্গলা ওইরো, লোন খুদিংমক্না হিন্দীবু মপাঙ্গল কনখৎহল্লি অমসুং হিন্দীনা লোন খুদিংমকপু মপাঙ্গল কনখৎহল্লি। কেন্দ্রগী গৃহ মন্ত্রীনা হায়খি মদুদি ঐখোয়না হিন্দীগী খোঙজং অসি কুপ্না য়েংবীরবদি, রাজগোপালচারী জী, মহাত্মা গান্ধী, সরদার বল্লভভাই পতেল, লালা লাজপত রাই, নেতাজী সুভাশ চন্দ্র বোস নৎত্রগা আচার্য ক্রিপলানি ওইরবসু, মখোয় পুম্নমক হিন্দী ঙাংদবা মফমশিংদগীনি। মহাক্না হায়খি মদুদি শ্রী আইয়ঙ্গর অমসুং শ্রী কে.এম. মুন্সিগী লুচিং মখাদা শেমখিবা কম্মিতীনা হিন্দীবু ওফিসিএল লোল ওইনা শকখঙনবা অমসুং হিন্দী অমসুং ঐখোয়গী অতোপ্পা লোল পুম্নমকপু মপাঙ্গল কনখৎহন্নবা কন্সতিত্যুএন্ত এসেমব্লীদা রিপোর্ত অমা পীখি। লুচিংবা অনীমক অসি হিন্দী ঙাংদবা মফমশিংদগীনি।

কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা হৌখিবা চহি 10দা হিন্দী অমসুং লমদমসিগী লোলশিং মপাঙ্গল কনখৎহন্নবা থবক কয়া পায়খৎলে। মোদী জীনা ইন্তর্নেস্নেল ফোরম কয়াদা হিন্দীদা চাউথোকচনীংঙাই ওইনা ৱা ঙাংখি অমসুং লৈবাক অসিদা খক্তা নত্তনা মালেম পুম্বদা হিন্দীগী মরুওইবা ফোংদোকখি। মসিগা লোয়ননা, প্রধান মন্ত্রী মোদীনা লৈবাক অসিগী মনুংদা ঐখোয়গী লোলশিংগীদমক চাউথোকচবগী ইহুলসু হেনগৎহনখ্রে। চহি 10 অসিদা ঐখোয়না ভারতকী লোন কয়া অমা মপাঙ্গল কনখৎহন্নবা হোৎনখি। প্রধান মন্ত্রী শ্রী নরেন্দ্র মোদীনা অনৌবা এজুকেসন পোলিসীদা মমা লোলদা প্রাইমরী এজুকেসন পীবদা মরুওইবা মফম অমা পীদুনা ঐখোয়গী লোল খুদিংমক্তা অমসুং হিন্দীদা অনৌবা পুন্সি অমা পীখ্রে।

শ্রী অমিৎ শাহনা হায়খি মদুদি ঐখোয়না চহি 10 অসিদা ‘কান্থাথ’কী খুৎলাই অমা শেমগৎলে। ঐখোয়না হৌখিবা চহি 10দা পার্লিয়ামেন্তরী ওফিসিএল লেংগ্বেজ কম্মিতীগী রিপোর্ত মরি পীশিনখ্রে অমসুং সরকারগী থবকশিংদা হিন্দীবু মরুওইবা মফম অমা কন্নবা থবক পায়খৎলে। লাক্কদৌরিবা নুমিৎ খরনি অসিদা, দিপার্তমেন্ত ওফ ওফিসিএল লেংগ্বেজনা হিন্দীদগী 8শুবা সেদ্যুলদা য়াওরিবা লোন খুদিংমক্তা হন্দোক্নবগী পোর্তেল অমা পুরক্লগনি। মসিগী খুত্থাংদা ঐখোয়না আর্তিফিসিএল ইন্তেলিজেন্স শীজিন্নদুনা অতেনবা মতমগী মনুংদা লোন খুদিংমক্তা অইবা নত্রগা ৱা ঙাংবা অমা হেক্তা হন্দোকপা ঙমগনি। গৃহ মন্ত্রীনা হায়খি মদুদি মসিনা হিন্দী অমসুং লোকেল লোলশিংবু মপাঙ্গল কনখৎহনগনি হায়না মহাক্না থাজৈ।

গৃহ মন্ত্রীনা হায়খি মদুদি ঙসি ঐহাক্না অমুক্কা হন্না মীপুম খুদিংমক্তা হায়নিংলি মদুদি ঐখোয়গী লোলশিং অসি মালেমগী খ্বাইদগী ইনাক খুনবা লোলশিংগী মরক্তা অমনি। হিন্দীনা ঐখোয়বু অমসুং ঐখোয়গী লোল পুম্নমকপু শম্নহল্লি। মহাক্না হায়খি মদুদি লৈবাক অসিগী নাগরিক খুদিংমক্না হিন্দী, তামিল, তেলুগু, মলয়ালম নৎত্রগা গুজরাতি ওইরবসু ভারতকী লোন অমদা অমগা অমগা পাউ ফাওনগদবনি হায়বসি সংবিধানগী এসেমব্লীগী ৱাখল্লোননি। হিন্দীবু মপাঙ্গল কনখৎহন্দুনা, হায়রিবা লোল পুম্নমক অসিসু ফ্লেক্সিবল ওইগনি অমসুং চাউখৎলগনি অমসুং ইন্তিগ্রেসনগী চৎনবীগা লোয়ননা, লোল পুম্নমক অসিনা ঐখোয়গী কলচর, পুৱারী, সাহিত্য, গ্রামার অমসুং ঐখোয়গী অঙাংশিংগী সংস্কারবু মাংলোমদা পুখৎকনি।

কেন্দ্রগী গৃহ মন্ত্রীনা হায়খি মদুদি, মরম অসিনা, মহাক্না লৈবাক মীয়াম পুম্নমক্তা হায়জবা পাম্মি মদুদি হিন্দী দিৱসকী থৌরম অসিদা, ঐখোয় হিন্দী অমসুং ঐখোয়গী লমদমসিগী লোনশিং মপাঙ্গল কনখৎহন্নবা অমসুং ওফিসিএল লেংগ্বেজ দিপার্তমেন্তকী থবক অসিদা মতেং পাংনবা অচেৎপা ৱাফম অমা লৌসি। হিন্দী দিৱস অসিদা লৈবাক মীয়াম পুম্নমকপু হন্না-হন্না য়াইফ-পাউজেল পীজরি। ঐখোয়না ওফিসিএল লোলবু মপাঙ্গল কনখৎহল্লসি। ভন্দে মাতরাম।

*****