পেতেন্ত অমসুং স্তার্ত অপ খংহেন হেনগৎলকপনা লৈবাক অসিগী নোলেজ অমসুং ইন্নোভেসন্না শৌগৎপা শেম্নিৎলোন অমা উৎলি। কেন্দ্রগী শেলথুম অমসুং কোর্পোরেত এফিয়র্স মন্ত্রী শ্রীমতি নির্মলা সিতারমন্না পার্লিয়ামেন্ততা ঙসি পুথোকখিবা একনোমিক সর্ভে ২০২৩-২৪না মপুং ওইনা ইন্নোভেসন্না পুবা ইন্দস্ত্রিএল ইকোসিস্তেম অমগী অচৌবা কেস অমা লান্থোকখি।

হৌখিবা চহি খরসিদা ভারতকী চাং নাইবা গ্লোবেল ইন্নোভেসন ইন্দেক্সতা ফগৎলকপনা তাক্লদুনা ইন্দস্ত্রিএল রিসর্চ অমসুং দিবেলপমেন্ত ফগৎপা উরে হায়না সর্ভে অসিনা হায়রি। ভারতনা মালেমদা ইন্দেক্সকী দোমেস্তিক মার্কেত স্কেল ইন্দিকেতরগী মকোক্তা লৈরি। সর্ভে অসিনা হায়রি মদুদি অয়াবা পীখ্রবা পেতেন্ত মশীং অসি শরুক তরেত থোকনা হেনগৎলদুনা ২০১৪-১৫দা ৫৯৭৮ ওইরম্বদগী ২০২৩-২৪দা ১,০৩,০৫৭ দা লৈরে। সর্ভে অসিনা হায়রি মদুদি রেজিস্তর তৌরবা দিজাইনসু ২০১৪-১৫ দা ৭,৪৭ লৈরম্বদগী ২০২৩-২৪দা ৩০,৬৭২ দা হেনগৎলে। মসিমসু হায়খি মদুদি লৈঙাক অসিনা ২০২৩-২৮ কী মনুংদা ভারতকী ইন্দস্ত্রীশিংদা অৱাংবা থাক্কী রিসর্চ পীনবগী মায়কৈদা লৈবা এপেক্স বোদী অমা ওইনা লুপা করোর ৫০,০০০ চঙনা অনুশন্ধন নেসনেল রিসর্চ ফাউন্দেসন (এ.এন.আর.এফ.) শেমগৎনবা পান্দম থম্লি।

ভারতকী মশক থোক্লবা স্তার্ত অপ ইকোসিস্তেম অমা তাক্লদুনা সর্ভে অসিনা স্তার্ত অপকী চাদা ৪৫দি তায়র ২ অমসুং ৩দা লৈ হায়খি অমসুং দি.পি.আই.আই.তি.না শকখঙলবা স্তার্ত অপকী মশীংসু ২০১৬দা ৩০০ ওইরম্বদগী মার্চ ২০২৪দা লাখ ১.২৫ ওইরে। সর্ভে অসিনা হায়রি মদুদি হায়রিবা স্তার্ত অপশিং অসিগী মনুংদগী ১৩০০০ না আর্তিফিসিএল ইন্তেলিজেন্স, ইন্তর্নেত ওব থিংস, রোবোতিক্স অমসুং নেনোতেক্নোলোজীগুম্বা থিমেতিক ওইবা হীরমশিংদা চঙশিল্লি। ভারতকী স্তার্ত অপশিং অসিনা ইন্নোভেসনবু ২০১৬দগী মার্চ ২০২৪ ফাওবদা পেতেন্ত এপ্লিকেসন ১২০০০ হেনগৎলে। সর্ভে অসিগী মতুং ইন্না, অলতর্নেতিব ইনভেস্তমেন্ত ফন্দ ১৩৫ না শেনবা চহি ২৪ লোইরকপদা লুপা করোর ১৮০০০ হেন্না থাদখ্রে অদুগা ভারত স্তার্ত অপ নোলেজ এক্সেস রেজিস্ত্রীনা স্তার্ত অপ ইকোসিস্তেমগী তোঙান-তোঙানবা স্তেকহোল্দরশিংবু পুনশিলহল্লি।

*****