প্রধান মন্ত্রী শ্রী নরেন্দ্র মোদী জুন ২০ অমসুং জুন ২১,২০২৪ দা জম্মু অমসুং কাস্মিরদা চৎকনি।

জুন ২০গী নুংথিল পুং ৬ রোম তাবদা, প্রধান মন্ত্রীনা শ্রীনগরগী সের-ই-কাস্মির ইন্তরনেসনেল কনফরেন্স সেন্তর(এস কে আই সি সি)দা পাংথোকপা ‘নহারোলশিংদা শক্তি পীবা, জে অমসুং কে অওনবা পুরকপা’ থৌরম শরুক য়াগনি। প্রধান মন্ত্রীনা জম্মু অমসুং কাস্মিরদা তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমগনি অমসুং শঙ্গাগনি। মহাক্না কম্পিতিতিপনেস ইমপ্রুপমেন্ত ইন এগ্রিকলচর এন্দ এল্লাইদ সেক্তরস(জে কে সি আই পি) হৌদোক্কনি।
জুন ২১গী নুংথিল পুং ৬:৩০ তাবদা, প্রধান মন্ত্রীনা শ্রীনগরগী সের-ই-কাস্মির ইন্তরনেসনেল কনফরেন্স সেন্তর(এস কে আই সি সি)দা ১০শুবা মালেমগী য়োগ নুমিৎ থৌরম শরুক য়াগনি। প্রধান মন্ত্রীনা থৌরম অদুদা মীয়ামদা ৱা ঙাংগনি অমসুং তুংদা সি.ৱাই.পি য়োগ সেসন শরুক য়াগনি।

নহারোলশিং শক্তি পীবা, জম্মু অমসুং কাস্মির অওনবা পুরকপা

“নহারোলশিং শক্তি পীবা, জম্মু অমসুং কাস্মির অওনবা পুরকপা” হায়রিবা থৌরম অসি চাউখৎনবা উৎনবা অমসুং নহারোলশিংদা ইথিল পীনবা লমদম অসিগী মরুওইবা তাঞ্জা অমনি। থৌরম অসিদা, প্রধান মন্ত্রীনা স্তোলশিং য়েংগনি অমসুং জম্মু অমসুং কাস্মিরগী মাইপাক্লবা নহারোলশিংগা ৱারি শানগনি।

প্রধান মন্ত্রীনা লুপা করোর ১,৫০০ হেনবগী মরুওইবা চাউখৎ-থৌরাংগী প্রোজেক ৮৪ উরেপ-উয়ুং তমগনি অমসুং শঙ্গাগনি। শঙ্গাগদবা প্রোজেকশিংগী মনুংদা লম্বী-থোং, থক্নবা ঈশিং পীনবা স্কিমশিং অমসুং অৱাংবা থাক্কী মহৈ-মশিংগী ইনফ্রাস্ত্রকচরশিং য়াওরি। মসিগী মথক্তা, প্রধান মন্ত্রীনা উরেপ-উয়ুং তমগদবা প্রোজেকশিংগী মনুংদা চেনানি-পাতনিতোপ-নসারি সেক্সন ফগৎহন্নবা প্রোজেক, ইন্দস্ত্রিএল স্তেৎশিং চাউখৎহনবা অমসুং সরকারগী দিগ্রি কলেজ ৬ শাবা য়াওরি।

প্রধান মন্ত্রীনা প্রধান মন্ত্রীনা লুপা করোর ১৮০০ রোমগী কম্পিতিতিপনেস ইমপ্রুপমেন্ত ইন এগ্রিকলচর এন্দ এল্লাইদ সেক্তরস(জে কে সি আই পি) হৌদোক্কনি। প্রোজেক অসি জম্মু অমসুং কাস্মিরগী জিলা ২০গী ব্লোক ৯০দা পায়খৎকনি অমসুং বেনিফিসরি লাখ ১৫  কোনশিন্দুনা য়ুমথোং ৩০০,০০০ প্রোজেক অসিগী কান্নবা ফংহনগনি।

প্রধান মন্ত্রী সরকারগী থবক ফংলবা মীওই ২০০০ হেনবদা এপোইন্তমেন্ত লেত্তরশিং য়েন্থোক্কনি।

উরেপ-উয়ুং তমগদৌরিবা অমসুং শঙ্গাগদৌরিবা প্রোজেকশিং অসিনা নহারোলশিংদা শক্তি পীরগনি অমসুং জম্মু অমসুং কাস্মিরগী ইনফ্রাস্ত্রকচর ফগৎহল্লগনি।

মালেমগী য়োগ নুমিৎ

জুন ২১,২০২৪, ১০শুবা মালেমগী য়োগ নুমিত্তা প্রধান মন্ত্রীনা শ্রীনগরগী সের-ই-কাস্মির ইন্তরনেসনেল কনফরেন্স সেন্তর(এস কে আই সি সি)দা পাংথোকপা মালেমগী য়োগ নুমিৎ থৌরম লমজিংগনি। য়োগনা  নহারোলশিংগী পুক্নিং অমসুং হকচাংদা পীরিবা কান্নবশিংগী মরুওইবা অদু চহি অসিগী থৌরম অসিদা পান্দম থম্লি। থৌরম অসিদা নহারোল লিশিং কয়া য়োগা পাংথোক্নবা অমসুং মালেমগী থাক্তা হকচাং ফবা অমসুং নুংঙাই-য়াইফবা পুক্নিং থৌগৎনবা পান্দম থম্লি।

২০১৫ দগী, প্রধান মন্ত্রীনা লমজিংদুনা তোঙান-তোঙানবা মমিং লৈরবা মফমশিং হায়বদি দিল্লিগী কর্তভ্য পথ, চান্দিগর, দেহরাদুন, রাঞ্চি, লাখনৌ, মাইসুরু অমসুং নিউ য়োর্ককী য়ুনাইতেদ নেসন্স হেদক্বাতরসতা মালেমগী য়োগ নুমিৎ পাংথোক্তুনা লাক্লি।

চহি অসিগী থিম “ইশাগী অমসুং খুন্নাইগীদমক য়োগ” হায়বসিনা লনাই মীওই অমসুং খুন্নাই চাউখৎহনবদা য়োগনা লৌরিবা থৌদাং অনি অদু ফোঙদোক্লি। মীয়াম শরুক য়ানবা অমসুং খুঙ্গংগী লমদমশিংদা য়োগ শন্দোক্নবা থৌরম অসিনা পুক্নিং থৌগৎকনি।

****