Ka Ophis jong u Myntri Rangbah duh ka ri
Peit u Myntri Rangbah Duh ia ki jingpynjulor ka eriong “Remal”
La batai ia u Myntri Rangbah Duh shaphang ki jingpynjulor ka eriong ha ki jylla ba shah ktah
Ong u Myntri Rangbah Duh ba ka Sorkar kan bteng ban ai lut ki jingkyrshan ia ki jylla ba shah ktah
La phah ia ki kynhun NDRF katkum ki jingdonkam; Ki kynhun ki la iarap ban pyllait ia ki briew, iarap pynkit da ki liengsuin bad iarap bteng biang ia ki surok
U Myntri Rangbah Duh u la bthah ruh ia ka tnat Kam Pohiing ba kan peit ia ki jinglong jingman bad ban ai ka jingiarap kaba donkam ban iaid beit biang ki kam ki jam
Posted On:
02 JUN 2024 2:34PM by PIB Shillong
U Myntri Rangbah Duh u la peit ia ki jingktah jong ka eriong “Remal”, na ka iing sah jong u ha 7 Lok Kalyan Marg, New Delhi mynta ka sngi.
Ha kane ka jingialang, la batai ia u Myntri Rangbah Duh shaphang ki jingpynjulor kane ka eriong ha ki jylla ba la shah ktah. La iakren shaphang ka jingduh mynsiem briew ka jingjulor ki iing bad ki jingdon jingem namar ki jingtwa khyndew bad ki jingshlei um ha Mizoram, Assam, Manipur, Meghalaya bad Tripura. La phah ia ki kynhun NDRF katkum ki jingdonkam. Ki kynhun ki la iarap ban pyllait ia ki briew, iarap pynkit da ki liengsuin bad iarap bteng biang ia ki surok. Ha kane ka jingialang, la pyntip ba ka Tnat Kam Pohiing ka don hapdeng ki jingiakren bad ki Sorkar Jylla.
U Myntri Rangbah Duh u la ong ba ka Sorkar kan bteng ban ai lut ki jingkyrshan ia ki jylla ba shah ktah ha kane ka eriong. U Myntri Rangbah Duh u la bthah ruh ia ka tnat Kam Pohiing ba kan peit ia ki jinglong jingman bad ban ai ka jingiarap kaba donkam ban iaid beit biang ki kam ki jam.
U Principal Secretary sha u Myntri Rangbah Duh PM, Cabinet Secretary, Secretary ka tnat kam pohiing, Secretary ka tnat Earth Sciences, DG NDRF bad Member Secretary, NDMA ha ryngkat ki ophisar na ka PMO bad ki Tnat sorkar kiba iadon bynta ha kine ki kam ki la iadon lang ha kane ka jingialang.
***
(Release ID: 2022539)
Visitor Counter : 32
Read this release in:
Odia
,
Tamil
,
Kannada
,
Malayalam
,
Telugu
,
English
,
Urdu
,
Marathi
,
Hindi
,
Hindi_MP
,
Manipuri
,
Assamese
,
Punjabi
,
Gujarati