থাগৎখিবা:
02 JUN 2024 2:34PM by PIB Imphal
ঙসি অঙনবদা নিউ দিল্লিগী ৭ লোক কলয়ান মার্গতা লৈবা মহাক্কী য়ুমদা প্রধান মন্ত্রীনা নোংলৈ-নুংশিৎ রেমালগী চৈথেং অমুক হন্না য়েংশিনখ্রে।
মীফম মনুংদা প্রধান মন্ত্রীদা নোংলৈ নুংশিৎনা শোকহনখিবা রাজ্যশিংগী মতাংদা পাউদমখ্রে। চীং নিংখায়রকপা অমসুং ঈশিং ইচাউনা মরম ওইদুনা মিরোমর, মনিপুর, অসাম, মেগালয় অমসুং ত্রিপুরাদা মীওই কয়া শিখিবা অমসুং য়ুমশিং অমসুং লন-থুমশিং অমাং-অতা থোকখিবগী মতাংদশু খন্নখি। দরকারগী মতুংইন্না এন.দি.আর.এফ তিমশিং শীজিন্নরে; তিমশিং মী হুন্দোকপগী থবক, এয়রলিফতিং অমসুং লম্বী শেংদোকপগী থবকশিং পাংথোক্লি। হোম এফেয়ার্স মিনিস্ত্রিনা রাজ্য সরকারশিংগা চাং নাইনা পাউ ফাওনরি হায়না মীফম অদুদা পুথোকখি।
প্রধান মন্ত্রীনা হায়খি নোংলৈ নুংশিৎনা শোকহল্লবা রাজ্যশিংদা সরকারনা মখা তানা মপুংফানা মতেং পীগনি। ফিবম অসি য়েংশিন্নবা অমসুং মহৌশাগী পুন্সিদা হঞ্জিল্লক্নবা দরকার ওইবা মতেং পাংনবা চাংনা নাইনা য়েংশিন্নবা প্রধান মন্ত্রীনা হোম মিনিস্ত্রিদা প্রধান মন্ত্রীনা পাউতাক পীখ্রে।
মীফম অদুদা প্রধান মন্ত্রীগী প্রিন্সিপাল সেক্রেতরি, কেবিনেত সেক্রেতরি, হোম সেক্রেতরি, আর্থ সাইন্সেস মিনিস্ত্রিগী সেক্রেতরি, এন.দি.আর.এফকী দি.জি, এন.দি.এম.এগী মেম্বর সেক্রেতরি, পি.এম.ওগী সেনিয়ার ওফিসিয়েলশিং অমসুং মরি লৈনবা মিনিস্ত্রিশিংগী সেনিয়র ওফিসিয়েলশিংশু শরুক য়াখি।
****