Ka Election Commission of India ka la khreh ban pynlong ia ka Bynta kaba 7 jong ka elekshon Lok Sabha lashai ka sngi kaba long ruh ka bynta kaba khatduh. Yn don ka jingthep vote ha 57 tylli ki PC ha 8 tylli ki Jylla / UT ba kynthup ia ka Bihar, Chandigarh, Himachal Pradesh, Jharkhand, Odisha, Punjab, Uttar Pradesh bad West Bengal. Yn don ruh ka jingthep vote na ka bynta ki 42 tylli ki Assembly Konstituensi jong ka Odisha State Legislative Assembly ha kajuh ka por. Kane kan long ka dak jong ka jingkut jong ka kam thep vote ba heh tam ha ka pyrthei kaba la sdang naduh ka 19 tarik jong une u bnai ba la dep bad ha kaba la dep 6 Bynta bad 486 tylli ki seat Lok Sabha. Ka jingthep vote na ka bynta 28 tylli ki Jylla/UT bad 486 tylli ki PC ka la dep bad kane ka la long kaba iaid beit iaid ryntih khlem da don ki jingkulmar. Ka jingniew vote kan long ha ka 4 tarik jong u Jylliew.

La phah ia ki kynhun ki ban peit ia ka jingthep vote ha ryngkat ki kor bad ki jingdonkam sha ki polling station. Ki polling station ki la khreh ban pdiang ia ki nongjied nongmihkhmat ha kaba la pynbiang lut ia ki jingdonkam kum ki jingiada na ka sngi, ka um dih, ki jaka kiew ia ki shuki ba don shaka, ki jaka leit shabar ban pynthikna ia ka jingiaid beit kane ka kam jied nongmihkhmat. La bthah ia ki CEO bad ki bor ba dei ban peit ha ki jylla ba kin shim ia ki sienjam ban iada na ka jingshit ne u slap ha ki jaka ba la antad ban don ki jingeh.

Wat hapdeng ka jingshit, ki nongjied nongmihkhmat ki la poi paidbah sha ki polling station ha kine ki bynta ba la dep. Ha ki ar bynta ba dang shu dep, ki la kham bun ki longkmie ban ia ki rangbah kiba la wan iashim bynta. Ka Commission ka la kyntu ia ki nongjied nongmihkhmat ba kin iawan shim bynta ha ki polling station bad ba kin thep ia ka vote jong ki da ka jingbahkhlieh bad ka jingsngew sarong.

Katto katne shaphang ka bynta kaba 7:

1. Ka jingthep vote na ka bynta ka Bynta kaba 7 jong ka General Election 2024 kan long ha ka 1 tarik u Jylliew, 2024 na ka bynta 57 tylli ki Parliamentary Konstituensi (General- 41; ST- 03; SC-13) ha 8 tylli ki Jylla/ UT. Ka jingthep vote kan sdang 7 baje mynstep bad kan kut ha ki por bapher bapher katkum ki PC.
2. Ka jingthep vote na ka bynta 42 tylli ki Assembly Konstituensi (Gen=27;ST=06;SC=09) jong ka Odisha Legislative Assembly kan long ha kajuh ka por.
3. Kumba 10.9 lak ki ophisar kin pdiang ia palat 10.06 klur ngut ki nongjied nongmihkhmat ha ~1.09 lak tylli ki polling station
4. Palat 10.06  klur ngut ki nongjied nongmihkhmat ki kynthup kumba 5.24 klur ngut ki rangbah; 4.82 klur ngut ki longkmie bad 3574 ngut ki Third gender.
5. Ka don ka lad ban thep vote na la iing na ka bynta ki tymmen ki kro kiba la palat 85 snem ka rta bad ruh kito kiba don jingduna ha ki dkhot met.
6. La phah 13 tylli ki rel ba kyrpang bad la pynher helicopter 8 sien (na ka bynta ka Himachal Pradesh) ban pynpoi ia ki briew ki ban peit ia ka jingthep vote bad ka jingshngain.
7. 172 ngut ki Observer (64 General Observer, 32 Police Observer, 76 Expenditure Observer) ki la poi sha ki Konstituensi katto katne sngi shuwa ka sngi thep vote. Ki long kum ki khmat bad ki shkor jong ka Commission ha ka jingpeitngor. Shuh shuh, la phah ia ki Special Observer sha katto katne tylli ki jylla.
8. 2707 tylli ki Flying Squad, 2799 tylli ki kynhun Static Surveillance, 1080 tylli ki kynhun Surveillance bad 560 tylli ki kynhun peit ia ki video ki dang peitngor miet bad step khnang ban lah ban tehlakam mardor ia kano kano ka jingkhring ia ki nongjied nongmihkhmat ha ki rukom bym iahap.
9. 201 tylli international Border check post bad 906 tylli ki inter-state border check post ki dang peitngor ban ym don kano kano ka jingpynkit beain ia ka kyiad, drok, pisa ne ki jingaiei. La peit bniah bha ia ki jaka duriaw bad ki lad pynher liengsuin.
10. La pynbiang ia ki jingdonkam kum ka um, jaka rieh, jaka leit shabar, jaka kiew ki shuki ba don shaka, ki nongtrei mon sngewbha bad ka bording ban pynthikna ba baroh ki nongjied nongmihkhmat ba kynthup ia ki tymmen ki kro bad kito kiba don jingduna ha ki dkhot mer kin ioh ban thep ia ka vote jong ki khlem kano kano ka jingjynjar.
11. La sam ia ki Voter Information Slip sha baroh ki nongjied nongmihkhmat ba la kyntiew kyrteng. Kine ki kot ki dei kiba plie lad bad ki long ruh kum ka jingkhot jong ka Commission ia baroh ba kin wan thep vote. Hynrei kine kim dei kiba hap ban don ha ka por ba thep vote.
12. Ki nongjied nongmihkhmat ki lah ban peit ia ki jingtip shaphang ka polling station, ka tarik ban thep vote ha kane ka link https://electoralsearch.eci.gov.in/
13. Ka Commission ka pdiang ruh ia 12 jait ki rukom pynshisha ialade lait na ka Voter id card (EPIC) ha ki polling station. Lada u nongjied nongmihkhmat u don kyrteng ha ka electoral roll, ki lah ban thep vote da kaba pyni ia kine kiwei kiwei ki kot. Ka link sha ka hukum jong ka ECI shaphang kine kiwei kiwei ki kot ki sla ban pynshisha ialade: https://tinyurl.com/43thfhm9
14. Ia ka thup ki nongjied nongmihkhmat katkum ki Parliamentary Konstituensi na ka bynta ka bynta kaba 6 la pyllait lyngba u kyrwoh no. 109 ha ka 28.05 2024

https://tinyurl.com/2zxn25st

15. Ia ki jingtip shaphang ka jingwan iashim bynta ki nongjied nongmihkhmat ha ka General Election sha ka Lok Sabha 2019 lah ban ioh lyngba ki link: https://old.eci.gov.in/files/file/13579-13-pc-wise-voters-turn-out/
16. Ka Voter turnout App ka pyni ia ka jingantad ia ka jingwan iashim bynta ha man ka bynta. Lah ban shu kdew ba ka jingtip shaphang ka jingwan iashim bynta katkum ka Bynta / Jylla / AC / PC lah ban ioh mardor ha ka voter turnout App man ka ar kynta ha ka sngi thep vote haduh 7 baje mynmiet bad la pynthymmai ia ki jingtip haba poi ki kynhun pyniaid ia ki jingthep vote.
17. Lah ban iohi mardor ia ki jingtip shaphang ka jingwan iashim bynta ha ki Bynta, Jylla, Parliamentary Konstituensi (ha ryngkat ka jingwan iashim bynta ha ki Assembly Konstituensi kiba don hapoh ka PC) ha ka Voter Turnout app, kaba lah ban ioh na kine ki link harum:

Android:https://play.google.com/store/apps/details?id=in.gov.eci.pollturnout&hl=en_IN&pli=1

iOS: https://apps.apple.com/in/app/voter-turnout-app/id1536366882

******