হয়েং লোক সভা মীখল ২০২৪গী ৭শুবা অমসুং অরোইবা তাঙ্কক পাংথোক্নবা ভারতকী ইলেক্সন কম্মিসন্না থৌরাং তৌবা লোইরে। বিহার, চান্দিগর, হিমাচল প্রদেস, ঝারখন্দ, ওরিসা, পঞ্জাব, উত্তর প্রদেস অমসুং নোংচুপ বেঙ্গল য়াওনা রাজ্য/য়ু.তি ৮ গী পি.সি ৫৭দা মীখল পাংথোক্কনি। মসিগা লোয়ননা ওরিসা রাজ্য বিধান সভাগী বিধান সভা কেন্দ্র ৪২গী মীখলশু পাংথোক্কনি। মসিগা লোয়ননা হৌখিবা থা এপ্রিল ১৯ দগী হৌখিবা মালেমদা খ্বাইদগী চাউবা মীখলগী থবক অসি লোইশিল্লগনি অমসুং হান্ননা তাঙ্কক ৬ তা লোক সভা সিত ৪৮৬গী মীখলশিং পাংথোকখ্রে। রাজ্য/য়ু.তি ২৮ অমসুং পি.সি ৪৮৬গী মীখলশিং শান্তি ওইনা পাংথোকখ্রে। লাক্লিবা জুন ৪দা মীখলগী ভোৎ মশিং থিগনি।

মীখলগী ওফিসিএলশিং মেছিনশিং অমশুং মীখলগী পোৎলমশিংগা লোয়ননা মখোয় মখোয়গী পোল্লিং স্তেসনশিংগীদমক খোঙশানখ্রে। নুংঙাইনা ভোৎ থাদবা য়ানবা পোথাফম, থক্নবা ঈশিং, রাম্পশিং অমসুং তোইলেতশিং য়াওনা তঙাইফদনা চঙদবা য়াদ্রবা খুদোংচাবশিংগা লোয়ননা ভোত্তরশিং তরাম্না ওক্নবা পোল্লিং স্তেসনশিংনা থৌরাং তৌদুনা লৈরে। অকনবা নুংশাগী মৈশা নত্ত্রগা নোং চুবদগী ঙাকথোক্নবা মতিক চাবা থৌরাং লৌখৎনবা মরী লৈনবা সি.ই.ওশিং অমসুং রাজ্য সরকারগী মরী লৈনবশিংদা পাউতাক পীখ্রে।

নুংশা য়াম্না কন্না শারবশু, হৌখিবা তাঙ্ককশিংদা মশিং য়াম্লবা ভোত্তরশিং পোল্লিং স্তেসনশিংদা থোক্লকখি। হৌখিবা তাঙ্কক অনিদা, নুপী ভোত্তরশিংনা নুপা ভোত্তরশিংদগী মশিং হেনখি। পোল্লিং স্তেসনশিংদা ভোত্তরশিং মশিং য়াম্না থোক্লক্নবা অমশুং চাউথোকচবা লোয়ননা ভোৎ থাদনবা কম্মিসন্না খঙহল্লি।

৭শুবা তাঙ্কক্কী মরুওইবা ৱাফম খর:

1. লোক সভা মীখল ২০২৪গী ৭শুবা তাঙ্কক্কী মীখল রাজ্য/য়ু.তি ৮দা পি.সি ৫৭(জেনেরেল-৪১; এস.তি-০৩;এস.সি-১৩) দা জুন ১,২০২৪ দা পাংথোক্লগনি, অয়ুক পুং ৭ তগী ভোৎ থাদবা হৌগনি অমসুং লোইশিনবগী মতম পি.সিগী মরক্ত খেন্নবা লৈগনি।
2. মতম অমত্তা ওরিসা বিধান সভাগী বিধান সভা কেন্দ্র ৪২ (জেনেরেল-২৭; এস.তি-০৬; এস.সি-০৯)গী মীখলশু পাংথোক্কনি।
3. পোল্লিং স্তেসন লাখ ১.০৯ শীনবা থুংনা পোল্লিং ওফিসিএল লাখ ১০.০৯ রোম্না ইলেক্তর করোর ১০.০৬ হেন্না তরাম্না ওক্কনি।
4. ভোত্তর করোর ১০.০৬ হেনবগী মনুংদা নুপা ভোত্তর করোর ৫.২৪ অমসুং নুপী ভোত্তর করোর ৪.৮২ অমসুং থার্দ জেন্দর ভোত্তর ৩৫৭৪ য়াওরি।
5. চহি ৮৫ হেল্লবা অমসুং পি.দব্লিউ.দি ভোত্তরশিংদা য়ুমদা ভোৎ থাদবগী খুদোংচাবশিং পীরে
6. পোল্লিং অমসুং সেকুরিগী পর্সোনেলশিং পুনবা অখন্নবা ত্রেন ১৩ অমসুং হেলিকোপ্তর হোর্তি ৮( হিমাচল প্রদেসকীদমক) শীজিন্নরে।
7. মীখল মমাঙদা ওবজার্বর ১৭২ ( জেনেরেল ওবজার্বর ৬৪, পুলিস ওবজার্বর ৩২, এক্সপেন্দিচর ওবজার্বর ৭৬) মাঙজৌননা মখোয় মখোয়গী কেন্দ্রশিংদা থুংখ্রে।  পুক্নিং চঙনা মথৌ পাংথোক্তুনা মখোয়না কম্মিসনগী মীৎ-নাকোং ওইনা থবক তৌগনি। অকক্নবা রাজ্য খরদা অখন্নবা ওবজার্বরশিং থাখ্রে।
8. ফ্লাইং স্কাদ ২৭০৭, স্তেতিক সর্ভেলিয়েন্স তিম ২৭৯৯, ভিদিও সর্ভিলিয়েন্স তিম ১০৮০ অমসুং ভিদিও ভিয়ুইং তিম ৫৬০ থমদুনা ভোত্তরশিংদা মখল অমতগী অরানবা থবক পাংথোকপশিং য়েংশিনবা থমখ্রে।
9. আইন্না য়াদবা মওংদা য়ু, দ্রগশিং, শেন অমসুং য়েন্থোক্নবা পোৎ-চৈশিং য়েংশিন্নবা ইন্তর-স্তেৎ ৯০৬ অমসুং ইন্তরনেসনেল বোর্দর চেক পোস্ত ২০১ থমখ্রে। সমুদ্র অমসুং নোংথক্কী লম্বীশিং মীকুপ-নাহুম শিংনা লৈখ্রে।
10. অহলশিং অমসুং হকচাংগী ফিবমদা মীমান্নদ্রবশিং য়াওনা ভোত্তর খুদিংমক নুংঙাইনা ভোৎ থাদবা য়ানবা ঈশিং, পোথাফম, তোইলেতশিং, রাম্পশিং, ভোলুন্তিয়ারশিং, হুইলচিয়ারশিং অমসুং মৈগী খুদোংচাবশিং ফংহল্লে।
11. রেজিস্তার ভোত্তরশিংদা ভোত্তর ইনফোর্মেসন স্লিপশিং য়েন্থোক্লে। হায়রিবা স্লিপশিং অসি ভোৎ থাদনবা লাক্নবা কম্মিসন্না পীবা চেবাউ অমশু ওইরি। মখোয় অসি ভোৎ থাদনবা তঙাইফদবদি নত্তে।
12. লিঙ্ক অসিদা https://electoralsearch.eci.gov.in/ ভোত্তরশিংনা মখোয়গী পোল্লিং স্তেসনশিংগী অকুপ্পা মরোলসিং অমসুং মীখলগী নুমিৎ খঙবা য়াগনি।
13. পোল্লিং স্তেসনশিংদা মশক তাক্নবা ভোত্তর আই.দি কার্দ(ইপিক কার্দ)কী মথক্তা অতোপ্পা চে-চাং ১২শু কম্মিসন্না পীরি। করিগুম্বা ভোত্তর অমা ইলেক্তোরেল রোলদা য়াওরবদি, হায়রিবা চে-চাংশিং অসি উৎলগা ভোৎ থাদবা য়াগনি। অতোপ্পা শক্তাক-চেশিংগী মতাংদা ই.সি.আইনা পীবা ওর্দর লিঙ্ক অসিদা ফংগনি: https://tinyurl.com/43thfhm9
14. মে ২৮,২০২৪দা থোকখিবা প্রেস নোত নম্বরি ১০৯ দা  তাঙ্কক ৬গী পি.সিশিংগী ইলেক্তরশিং ফোঙখ্রে।

https://tinyurl.com/2zxn25st

15. লোক সভা ২০১৯গী ভোৎ থাদবা থোক্লখিবা ভোত্তরশিংগী দেতা মখাগী লিঙ্ক অসিদা ফংগনি: https://old.eci.gov.in/files/file/13579-13-pc-wise-voters-turn-out/
16. তাঙ্কক খুদিংমক্কী ভোৎ থাদবা থোক্লকপশিং উৎনবা অনৌবা খুদোংচাবা অমা ভোত্তর তর্নআউত্তা য়াওরে। মীখল নুমিত্তা নুমিদাংগী পুং ৭ ফাওবা পুং অনি খুদিংগী ভোত্তর তর্নআউত এপ্পতা তাঙ্কক তাঙ্কক্কী/রাজ্য-রাজ্যগী/এ.সি-এ.সিগী/পি.সি-পি.সিগী ওইনা চাউরাকপা ভোৎ থাদবা থোক্লকপশিংগী মশিং উৎলে অমসুং মসি মীখলগী ওফিসিএলশিং থুংলবা মতমদা মখা তানা অমুক পীগনি।
17. ভোৎ থাদবা থোক্লকখিবগী চাং-তাঙ্কক্কী ওইনা, রাজ্য-রাজ্যগী, পি.সি/পি.সিগী মরোল (পি.সি মনুংদা লৈরিবা বিধান সভা কেন্দ্র মনুংগী ভোৎ থাদখিবগী চাং য়াওনা) ভোত্তর তর্নআউত এপ্পতা উবা ফংগনি, মসি মখাগী লিঙ্ক অসিদগী লৌথবা য়াগনি:

 এন্দ্রোইত:https://play.google.com/store/apps/details?id=in.gov.eci.pollturnout&hl=en_IN&pli=1

 আই.ও.এস : https://apps.apple.com/in/app/voter-turnout-app/id1536366882

******