ସୂଚନା ଓ ପ୍ରସାରଣ ମନ୍ତ୍ରଣାଳୟ
୭୭ତମ କାନ୍ସ ଫିଲ୍ମ ଫେଷ୍ଟିଭାଲ (ମେ ୧୪-୨୫)ରେ ଭାଗ ନେବ ଭାରତ
୭୭ତମ କାନ୍ସ ଫିଲ୍ମ ଫେଷ୍ଟିଭାଲରେ ପାଳିତ ହେବ 'ଭାରତ ପର୍ବ'
ଏନଆଇଡି, ଅହମ୍ମଦାବାଦ ଦ୍ବାରା ଡିଜାଇନ୍ ଭାରତ ମଣ୍ଡପ କ୍ରିଏଟ୍ ଇନ୍ ଇଣ୍ଡିଆର ଚଳିତ ବର୍ଷର ଥିମକୁ ଦର୍ଶାଇବା ପାଇଁ ‘ଦି ସୂତ୍ରଧର’ ନାମ ଦିଆଯାଇଛି
୩୦ ବର୍ଷ ପରେ ପାୟଲ କପାଡ଼ିଆଙ୍କ 'ଅଲ୍ ୱି ଇମାଜିନ୍ ଆଜ୍ ଲାଇଟ୍' ପ୍ରତିଯୋଗିତା ବିଭାଗରେ ଏକ ଭାରତୀୟ ଚଳଚ୍ଚିତ୍ର
ଏଥିରେ ନଭେମ୍ବର ୨୦୨୪ ରେ ହେଉଥିବା ୫୫ତମ ଆଇଏଫଏଫଆଇ ଏବଂ ପ୍ରଥମ ବିଶ୍ବ ଅଡିଓ ଭିଜୁଆଲ୍ ଏବଂ ମନୋରଞ୍ଜନ ଶିଖର ସମ୍ମିଳନୀ (ୱେଭସ) ର ‘ସେଭ୍ ଦି ଡେଟ୍’ ର ପୋଷ୍ଟର ଓ ଟ୍ରେଲର ଶୁଭାରମ୍ଭ ହେବ
Posted On:
10 MAY 2024 1:08PM by PIB Bhubaneshwar
କାନ୍ସ ଫିଲ୍ମ ଫେଷ୍ଟିଭାଲର ୭୭ତମ ସଂସ୍କରଣ ପାଇଁ ଦେଶ ପ୍ରସ୍ତୁତ ହେଉଥିବାବେଳେ ଏହା ଭାରତ ପାଇଁ ଏକ ସ୍ୱତନ୍ତ୍ର ବର୍ଷ । କର୍ପୋରେଟ୍ ଇଣ୍ଡିଆନ୍ ପ୍ରତିନିଧି ଦଳରେ ଭାରତ ସରକାର, ରାଜ୍ୟ ସରକାରଙ୍କ ପ୍ରତିନିଧି, ଶିଳ୍ପର ସଦସ୍ୟମାନେ ବିଶ୍ୱର ଅଗ୍ରଣୀ ଚଳଚ୍ଚିତ୍ର ବଜାରରେ ଭାରତର ସୃଜନଶୀଳ ଅର୍ଥନୀତିକୁ ପ୍ରଦର୍ଶନ କରିବେ।
୭୭ତମ କାନ୍ସ ଫିଲ୍ମ ଫେଷ୍ଟିଭାଲରେ ପ୍ରଥମ ଥର ପାଇଁ ଭାରତ ପର୍ବଆୟୋଜନ କରାଯିବ, ଯେଉଁଥିରେ ବିଶ୍ୱର ବିଶିଷ୍ଟ ବ୍ୟକ୍ତି ବିଶେଷ ଓ ପ୍ରତିନିଧିମାନେ ଅଂଶଗ୍ରହଣ କରିବେ, ଯେଉଁଥିରେ ବିଶ୍ୱର ଚଳଚ୍ଚିତ୍ର ସେଲିବ୍ରିଟି, ଚଳଚ୍ଚିତ୍ର ନିର୍ମାତା, ନିର୍ଦ୍ଦେଶକ, ପ୍ରଯୋଜକ, କ୍ରେତା ଏବଂ ବିକ୍ରୟ ଏଜେଣ୍ଟଙ୍କ ସହ ଯୋଗାଯୋଗ କରିବା ସହ ସୃଜନଶୀଳ ସୁଯୋଗ ଏବଂ ସୃଜନଶୀଳ ପ୍ରତିଭାର ଏକ ସମୃଦ୍ଧ ବ୍ୟାଙ୍କ କୁ ପ୍ରଦର୍ଶିତ କରାଯିବ । ନଭେମ୍ବର ୨୦-୨୮, ୨୦୨୪ ରେ ଗୋଆରେ ଆୟୋଜିତ ହେବାକୁ ଥିବା ୫୫ତମ ଇଣ୍ଡିଆ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲ (ଆଇଏଫ୍ଏଫ୍ଆଇ)ର ଅଫିସିଆଲ୍ ପୋଷ୍ଟର ଓ ଟ୍ରେଲର ଭାରତ ପର୍ବରେ ଉନ୍ମୋଚିତ ହେବ। ଭାରତ ପର୍ବରେ ୫୫ତମ ଆଇଏଫ୍ଏଫ୍ଆଇ ସହ ଆୟୋଜିତ ହେବାକୁ ଥିବା ପ୍ରଥମ ବିଶ୍ୱ ଅଡିଓ-ଭିଜୁଆଲ୍ ଆଣ୍ଡ୍ ଏଣ୍ଟରଟେନ୍ମେଣ୍ଟ୍ ସମିଟ୍ (ୱେଭ୍ସ)ର 'ସେଭ୍ ଦି ଡେଟ୍' ରିଲିଜ୍ ହେବ।
୧୦୮ ଗ୍ରାମ ଇଣ୍ଟରନ୍ୟାସନାଲ ରିଭିଏରାଠାରେ ୭୭ତମ କାନ୍ସ ଫିଲ୍ମ ଫେଷ୍ଟିଭାଲରେ ଭାରତ ପ୍ୟାଭିଲିୟନ୍ ମେ ୧୫ ତାରିଖରେ ବିଶିଷ୍ଟ ଚଳଚ୍ଚିତ୍ର ବ୍ୟକ୍ତିତ୍ୱଙ୍କ ଉପସ୍ଥିତିରେଉଦଘାଟିତ ହେବ। କାନ୍ସରେ ଥିବା ଭାରତ ପ୍ୟାଭିଲିୟନ୍ ଭାରତୀୟ ଚଳଚ୍ଚିତ୍ର ସମୁଦାୟ ପାଇଁ ପ୍ରଯୋଜନା ସହଯୋଗକୁ ପ୍ରୋତ୍ସାହିତ କରିବା, କ୍ୟୁରେଟେଡ୍ ଜ୍ଞାନ ଅଧିବେଶନ, ବିତରଣ ଚୁକ୍ତି ସ୍ୱାକ୍ଷର, ଗ୍ରୀନଲାଇଟିଂ ସ୍କ୍ରିପ୍ଟ, ବି୨ବି ବୈଠକ ଏବଂ ବିଶ୍ୱର ପ୍ରମୁଖ ମନୋରଞ୍ଜନ ଏବଂ ଗଣମାଧ୍ୟମ ଖେଳାଳିଙ୍କ ସହିତ ନେଟୱର୍କିଂ ସମେତ ବିଭିନ୍ନ କାର୍ଯ୍ୟକଳାପରେ ନିୟୋଜିତ ହେବା ପାଇଁ ଏକ ପ୍ଲାଟଫର୍ମ ଭାବରେ କାର୍ଯ୍ୟ କରେ । ଜାତୀୟ ଚଳଚ୍ଚିତ୍ର ଉନ୍ନୟନ ନିଗମ (ଏନ୍ଏଫଡିସି) ଏବଂ ଫେଡେରେସନ୍ ଅଫ୍ ଇଣ୍ଡିଆନ୍ ଚାମ୍ବର୍ସ ଅଫ୍ କମର୍ସ ଆଣ୍ଡ ଇଣ୍ଡଷ୍ଟ୍ରି (ଫିକି)ର ମିଳିତ ସହଯୋଗରେ ଏହି ପ୍ୟାଭିଲିୟନ୍ ଆୟୋଜନ କରାଯିବ। ଏହି ଶିଳ୍ପକୁ ଯୋଡ଼ିବା ଏବଂ ସହଯୋଗ କରିବା ପାଇଁ ଭାରତୀୟ ଶିଳ୍ପ ମହାସଂଘ (ସିଆଇଆଇ) ମାଧ୍ୟମରେ ମାର୍ଚେ ଡୁ କାନ୍ସରେ ଏକ 'ଭାରତ ଷ୍ଟଲ୍' ରଖାଯିବ।
ଅହମ୍ମଦାବାଦସ୍ଥିତ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଡିଜାଇନ୍ ପକ୍ଷରୁ ଚଳିତ ବର୍ଷର ଥିମ୍ 'କ୍ରିଏଟ୍ ଇନ୍ ଇଣ୍ଡିଆ'ର ବିଷୟବସ୍ତୁକୁ ଦର୍ଶାଇବା ପାଇଁ 'ସୂତ୍ରଧାରା' ନାମରେ ଏହି ଭାରତ ପ୍ୟାଭିଲିୟନର ଡିଜାଇନ୍ କରାଯାଇଛି। ଭାରତର ଉପସ୍ଥିତିକୁ ଦେଖିଲେ ଚଳିତ ବର୍ଷ କାନ୍ସ ଫିଲ୍ମ ଫେଷ୍ଟିଭାଲରେ ଏକ ସମୃଦ୍ଧ ଇତିହାସ ଏବଂ ସୃଜନଶୀଳତାର ଦୃଶ୍ୟ ଅନ୍ତର୍ଜାତୀୟ ମଞ୍ଚର ଦିଗକୁ ସୂଚାଇଥାଏ ।
ଚର୍ଚ୍ଚାରେ ଥିବା ପାୟଲ କାପାଡିଆଙ୍କ ଅଭିନୀତ ଫିଲ୍ମ 'ଅଲ୍ ୱି ଇମାଜିନ୍ ଆଜ୍ ଲାଇଟ୍' ଦର୍ଶକଙ୍କୁ ଆକର୍ଷିତ କରିବା ସହ ସମ୍ମାନଜନକ ପାଲମେ ଡି'ଓର୍ ପାଇଁ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛି। ଉଲ୍ଲେଖଯୋଗ୍ୟ, ତିନି ଦଶନ୍ଧି ପରେ କାନ୍ସ ଫିଲ୍ମ ଫେଷ୍ଟିଭାଲ ଅଫିସିଆଲ ସିଲେକ୍ସନର ପ୍ରତିଯୋଗିତା ବିଭାଗରେ ଭାରତୀୟ ଟାଇଟଲ ସ୍ଥାନ ପାଇଥିବାରୁ ଏହା ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ। ଏହି ସିନେମାଟିକ୍ ପରିଦୃଶ୍ୟ ବ୍ରିଟିଶ୍ ଭାରତୀୟ ଫିଲ୍ମ ନିର୍ମାତା ସଂନ୍ଧ୍ୟା ସୂରୀଙ୍କ ‘ସନ୍ତୋଷ’ ରେ ମାର୍ମିକ କଥା, ଡାଇରେକ୍ଟର୍ସ ଫର୍ଟନାଇଟରେ ଅନ୍ ସର୍ଟନ୍ ରିଗାର୍ଡ଼ ସହିତ କରଣ କନ୍ଧରୀଙ୍କ ‘ସିଷ୍ଟର ମିଡନାଇଟ୍’ ଏବଂ ଏଲ ସିଡ୍ ରେ ମୈସମ ଅଲିଙ୍କ ସମ୍ମୋହକ ‘ଇନ୍ ରିଟ୍ରିଟ’ ରେ ସମୃଦ୍ଧ ହୋଇଛି।
ଫିଲ୍ମ ଆଣ୍ଡ ଟେଲିଭିଜନ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (ଏଫଟିଆଇଆଇ) ଛାତ୍ରଙ୍କ ଚଳଚ୍ଚିତ୍ର "ସନଫ୍ଲାଓ୍ଵାର୍ସ ଓୟାର ଫାଷ୍ଟ ୱାନସ ଟୁ ନୋ" ଲା ସିନେଫ୍ କମ୍ପିଟିଟିଭ୍ ବିଭାଗରେ ଚୟନ କରାଯାଇଛି। କନ୍ନଡ ଭାଷାରେ ନିର୍ମିତ ଏହି କ୍ଷୁଦ୍ର ଚଳଚ୍ଚିତ୍ରକୁ ସମଗ୍ର ବିଶ୍ୱରୁ ମନୋନୀତ କରାଯାଇଥିଲା ଏବଂ ବର୍ତ୍ତମାନ ଏହା ଶେଷ ପର୍ଯ୍ୟାୟରେ ଅନ୍ୟ ୧୭ଟି ଅନ୍ତର୍ଜାତୀୟ କ୍ଷୁଦ୍ର ଚଳଚ୍ଚିତ୍ର ସହିତ ପ୍ରତିଦ୍ୱନ୍ଦ୍ୱିତା କରିବ ।
ଏହାବ୍ୟତୀତ ଅମୁଲ ଦୁଗ୍ଧ ସମବାୟ ଆନ୍ଦୋଳନ ଉପରେ ଆଧାରିତ ଶ୍ୟାମବେନେଗାଲଙ୍କ 'ମନ୍ଥନ୍' ଚଳଚ୍ଚିତ୍ରଟି କ୍ଲାସିକ୍ସ ବିଭାଗରେ ଉପସ୍ଥାପିତ ହେବ, ଯାହା ମହୋତ୍ସବର ଭାରତୀୟ ଲାଇନଅପ୍ ରେ ଐତିହାସିକ ମହତ୍ତ୍ୱର ସ୍ପର୍ଶକୁ ସାମିଲ୍ କରିବ। ମନ୍ତ୍ରଣାଳୟର ଏକ ୟୁନିଟ୍ ଏନଏଫଡିସି-ନ୍ୟାସନାଲ ଫିଲ୍ମ ଆର୍କାଇଭ୍ ଅଫ୍ ଇଣ୍ଡିଆ (ଏନ୍ଏଫ୍ଏଆଇ)ର ଫିଲ୍ମ ଭଲ୍ଟରେ ଅନେକ ଦଶନ୍ଧି ଧରି ଏହି ଫିଲ୍ମର ରିଲ୍ ସଂରକ୍ଷିତ ରହିଥିଲା ଏବଂ ଫିଲ୍ମ ହେରିଟେଜ୍ ଫାଉଣ୍ଡେସନ୍ (ଏଫଏଚଏମ୍ ) ଏହାକୁ ପୁନରୁଦ୍ଧାର କରିଛି।
ଜାତୀୟ ପୁରସ୍କାର ବିଜେତା ସିନେମାଟୋଗ୍ରାଫର ସନ୍ତୋଷ ଶିବନଙ୍କୁ କାନ୍ସ ଫିଲ୍ମ ଫେଷ୍ଟିଭାଲରେ ସମ୍ମାନଜନକ ପିଏରେ ଆଞ୍ଜେନିକ୍ସ ଶ୍ରଦ୍ଧାଞ୍ଜଳି ପ୍ରଦାନ କରାଯିବ। ସେ କାନ୍ସ ପ୍ରତିନିଧିମାନଙ୍କ ପାଇଁ ଏକ ମାଷ୍ଟରକ୍ଲାସ ମଧ୍ୟ ପ୍ରଦାନ କରିବେ ଏବଂ ଏହି ସମ୍ମାନରେ ସମ୍ମାନିତ ହେବାରେ ପ୍ରଥମ ଭାରତୀୟ ହେବେ ।
ଗୋଆ, ମହାରାଷ୍ଟ୍ର, ଜମ୍ମୁ ଓ କଶ୍ମୀର, କର୍ଣ୍ଣାଟକ, ଝାଡ଼ଖଣ୍ଡ ଏବଂ ଦିଲ୍ଲୀ ସମେତ ଅନେକ ଭାରତୀୟ ରାଜ୍ୟ ଭାରତର ବିବିଧ ସ୍ଥାନ ଏବଂ ଚଳଚ୍ଚିତ୍ର ପ୍ରତିଭା ପ୍ରଦର୍ଶନ କରିବାରେ ସାହାଯ୍ୟ କରିବାର ସମ୍ଭାବନା ରହିଛି ।
ଆସନ୍ତା ୧୫ ତାରିଖ ମଧ୍ୟାହ୍ନ ୧୨ଟାରେ ମେନ୍ ଷ୍ଟେଜ୍ (ରିଭିଏରା)ରେ 'ଆବନଡାଣ୍ଟ ଇନ୍ସେନଟିଭ୍ସ ଆଣ୍ଡ ସିମଲେସ୍ ଫାସିଲିଟେସନ- କମ୍, କ୍ରିଏଟ ଇନ୍ ଇଣ୍ଡିଆ' ଶୀର୍ଷକ ଭାରତ ସହଯୋଗରେ ଚଳଚ୍ଚିତ୍ର ନିର୍ମାଣର ସୁଯୋଗ ଖୋଜିବା ପାଇଁ ଏକ ଅଧିବେଶନ ଅନୁଷ୍ଠିତ ହୋଇଯାଇଛି। ପ୍ୟାନେଲ ଆଲୋଚନାରେ ଚଳଚ୍ଚିତ୍ର ନିର୍ମାଣ ପାଇଁ ଭାରତର ବିପୁଳ ପ୍ରୋତ୍ସାହନ, ସହ-ପ୍ରଯୋଜନା ସୁଯୋଗ ଏବଂ ସର୍ବୋଚ୍ଚ ପୋଷ୍ଟ-ପ୍ରଡକ୍ସନ ସୁବିଧା ଉପରେ ଆଲୋକପାତ କରାଯିବ। ଚଳଚ୍ଚିତ୍ର ନିର୍ମାତାମାନେ ଏହି ପଦକ୍ଷେପକୁ କିପରି ସ୍ୱାଗତ କରୁଛନ୍ତି, ଭାରତରେ ସୁଟିଂ ପାଇଁ ଭୂମିରେ ପ୍ରକୃତ ଅନୁଭୂତି କ'ଣ ଏବଂ କେଉଁ ରୋମାଞ୍ଚକର କାହାଣୀ ସେୟାର କରାଯାଉଛି ସେ ବିଷୟରେ ପ୍ୟାନେଲ ଉପସ୍ଥାପନ କରିବ।
ସମଗ୍ର ମହୋତ୍ସବରେ ଆୟୋଜିତ ଭାରତ ପ୍ୟାଭିଲିୟନ୍ ରେ ଆୟୋଜିତ ଏହି ଆଲୋଚନାଚକ୍ରରେ ଭାରତରେ ସୃଜନ ପାଇଁ ପ୍ରୋତ୍ସାହନ, ଚଳଚ୍ଚିତ୍ର ମହୋତ୍ସବରେ ଅନ୍ତର୍ଜାତୀୟ ସହଯୋଗ, ସୁଟିଂ ଗନ୍ତବ୍ୟ ସ୍ଥଳ ଭାବେ ଭାରତ ଏବଂ ସ୍ପେନ୍, ବ୍ରିଟେନ୍ ଏବଂ ଫ୍ରାନ୍ସ ଭଳି ଦେଶ ମଧ୍ୟରେ ଦ୍ୱିପାକ୍ଷିକ ଚଳଚ୍ଚିତ୍ର ସହ-ପ୍ରଯୋଜନା ଆଦି ବିଷୟ ଉପରେ ଆଲୋଚନା ହେବ। ଗତିଶୀଳ ଭାରତୀୟ ଚଳଚ୍ଚିତ୍ର ଶିଳ୍ପ ଏବଂ ଅନ୍ତର୍ଜାତୀୟ ଅଂଶୀଦାରମାନଙ୍କ ସହ ଜଡ଼ିତ ହେବାକୁ ଚାହୁଁଥିବା ଚଳଚ୍ଚିତ୍ର ନିର୍ମାତାମାନଙ୍କ ପାଇଁ ଆଲୋଚନା, ନେଟୱାର୍କିଂ ଏବଂ ସହଯୋଗର ସୁଯୋଗକୁ ସୁଗମ କରିବା ଏହି ଅଧିବେଶନର ଉଦ୍ଦେଶ୍ୟ ।
BS
(Release ID: 2020306)
Visitor Counter : 70
Read this release in:
Tamil
,
Kannada
,
Malayalam
,
Bengali
,
English
,
Khasi
,
Urdu
,
Marathi
,
Hindi
,
Manipuri
,
Assamese
,
Punjabi
,
Gujarati
,
Telugu