Ka Tnat Information & Broadcasting
Yn iashim bynta ka India ha ka 77th Cannes Film Festival (14-25 tarik u Jymmang)
Yn rakhe ia ka ‘Bharat Parva’ ha ka 77th Cannes Film Festival
La saindur ia ka Bharat Pavilion da ka NID, Ahmedabad bad la ai kyrteng ia ka da kaba ioh mynsiem na ka ‘The Sutradhara’ ban pyni ia ka phang jong une u snem ban Tei ha India
Ka ‘All We Imagine as Light’ jong ka Payal Kapadia ka dei ka phlim na India kaba don ha ka thup jingiakhun hadien 30 snem
Kane ka tamasa kan sakhi ia ka jingpyllait paidbah ia ka Poster & Trailer jong ka 55th IFFI bad ka Save the Date na ka bynta ka 1st WAVES ha u Naiwieng 2024
Posted On:
10 MAY 2024 1:08PM by PIB Shillong
Une u dei u snem ba kyrpang na ka bynta ka India ha ka Cannes Film Festival ha kaba ka ri ka pynkhreh ia ka bynta kaba 77 jong kane ka tamasa kaba don burom. Ka kynhun Corporate jong ka India ka kynthup ia ki nongmihkhmat na ka Sorkar India, ki Sorkar Jylla, kito kiba iadon kti ha ka kam bad kan pyni ia ki kam saindur jong ka India ha ka iew shna phlim kaba hakhmat tam jong ka pyrthei, ka Marche du Films lyngba ki sienjam bapher bapher.
Kane kan dei ka sien kaba nyngkong ba ka ri kan pynlong ia ka “Bharat Parv” ha ka 77th Cannes Film Festival, na ka bynta ki kynrem ki lyndan bad ki delegate na kylleng ka pyrthei kiba iawan iashim bynta ha kane ka tamasa, ban don jingiakren bad ki khlur ha ki kam shna phlim, ki nongshna phlim, ki director, producer, nongthied bad ki agent na kylleng ka pyrthei bad pyni ia ki lad kiba bun ha ki kam saindur bad ki briew kiba bun kiba kyrhai ka sap. Yn pyllait paidbah ia ka poster & trailer jong ka 55th India International Film Festival (IFFI) ka ban long ha Goa ha ka 20-28 tarik u Naiwieng, 2024 ha ka Bharat Parv. Ka Bharat Parv kan sakhi ruh ia ka jingpyllait paidbah ia ka “Save the Date” na ka bynta ka 1st World Audio-Visual& Entertainment Summit (WAVES) ka ban long ha ryngkat ka 55th IFFI.
Ka Bharat Pavilion ha ka 77th Cannes Film Festival ha 108 village International Riviera, ka dei ka ban plie paidbah ha ka jingiadon lang ki khlur na ka kam shna phlim. Ka Bharat Pavilion ha ka Cannes ka long ka rynsan na ka bynta kito kiba don ha ki kam shna phlim jong ka India ba kin iadon bynta lang ha ki kam bapher bapher kiba kynthup ka jingkyntiew ia ka jingiatreilang ha ka jingpynmih phlim, ki jingai jinghikai, ka jingiasoi ia ki jingiakut ban pyniaid ia ki phlim, ka jingsdang ia ki script, ki jingiakynduh B2B bad ka jingiadei kam bad kito kiba la skhem bha ha ki kam pynbyrnia bad ki kam media na kylleng ka pyrthei. Ka Pavilion ka dei kaba yn pyniaid da ka National Film Development Corporation (NFDC) ha ka jingiatreilang bad ka Federation of Indian Chambers of Commerce & Industry (FICCI). Yn pynbiang ia ka ‘Bharat Stall’ ha ka Marche du Cannes lyngba ka Confederation of Indian Industry (CII) ban plie lad ia kito kiba iadon bynta ha kane ka kam ba kin iadei kam bad iatrei lang bad kiwei kiwei.
Ia ka Bharat Pavilion la saindur da ka National Institute of Design, Ahmedabad bad la ai kyrteng ia ka ‘The Sutradhara’ ban pyni ia ka phang mynta u snem jong ka “Tei ha India”. Katba ngi peit ia ka jingiadon bynta ka India, mynta u snem ha ka Cannes Film Festival, ka histori kaba riewspah bad ka jinglong jingman jong ki kam saindur ki pyni ia ka lad ka lynti ha ka pyrthei.
Ka "All We Imagine As Light" jong ka Payal Kapadia ka dei kaba lah ban khring bha ia ki briew bad ka iakhun ban ioh ia ka khusnam Palme d'Or. Lah ban shu kdew hangne ba kane ka long u mawmer haba ka India ka rung ha ka bynta jong ki jingiakhun jong ka Cannes Film Festival Official Selection hadien laiphew snem. La kham itynnad ruh na ka jingbatai u nongshna phlim ka Britain-India, u Sandhya Suri ha ka "Santosh," ha ka Un Certain Regard ha ryngkat ka "Sister Midnight" jong u Karan Kandhari ha ka Directors' Fortnight bad ka "In Retreat" jong u Maisam Ali ha ka L’Acid.
Ka phlim jong ki shah hikai jong ka Film and Television Institute of India (FTII) ka “SUNFLOWERS WERE FIRST ONES TO KNOW” ka dei kaba la shah jied ha ka bynta La Cinef Competitive. Kane ka phlim ba lyngkot kaba la shna ha ka ktien Kannada, ka dei kaba la shah jied na ki phlim na kylleng ka pyrthei bad mynta kan iakhun pyrshah 17 tylli ki phlim ba lyngkot na kylleng ka pyrthei ha ka bynta kaba khatduh.
Shuh shuh, ka ‘Manthan’ jong u Shyam Benegal, ka phlim shaphang ka Amul dairy cooperative movement, ka dei ka ban pyni ha ka bynta Classics, ka ban wanrah ia ki jingkynmaw ia ki por ba la dep bad ka jingiadei jong ki phlim na India ha kane ka tamasa bad ka histori. Ia ki reel jong ki phlim la buh bha da ki phew snem ha ki jaka ba kyrpang jong ka NFDC-National Film Archive of India (NFAI), ka bynta jong ka Tnat Sorkar Pdeng, bad la pynthymmai ia ki da ka Film Heritage Foundation (FHM).
U cinematographer Santosh Sivan uba la jop khusnam ha ka ri un ioh ia ka Pierre Angenieux tribute ha ka Cannes Film Festival. Un pynlong ruh ia ka masterclass na ka bynta ki Cannes delegate, bad un long u briew ba nyngkong na India ban ioh ia kane.
La khmih lynti ba bun ki jylla jong ka India kiba kynthup ka Goa, Maharashtra, Jammu & Kashmir, Karnataka, Jharkhand bad Delhi kin iashim bynta ban pyni ia ki jaka bapher bapher bad ki riew donsap ha ki kam shna phlim jong ka India.
Ka bynta ban phaikhmat sha ki jingiatreilang bad ka India ha ki kam shna phlim, ba tip kum ka “Abundant Incentives and Seamless Facilitations - Come, Create in India” ka dei ka ban pynlong ha ka Main Stage (Riviera) ha ka 15 tarik u Jymmang ha ka por 12 baje. Kan don ka panel discussion ka ban pyni ia ki jingmyntoi haba wan shna phlim ha India, ki lad ban iatrei lang bad ki kam pyndep ia ki phlim kiba khlain bha jong ka India. Ka panel kan pyni kumno ki nongshna phlim ki pdiang bha ia kine ki sienjam, ki jingshem jong ki haba treikam ha ka jingshna phlim ha India bad ki khana kiba bun shaphang kine baroh.
Ki jingiakren ha ka Bharat Pavilion, ban pynlong baroh shi lynter jong kane ka tamasa kin phaikhmat sha ki kam bapher bapher kum ki jingmyntoi haba wan shna phlim ha India, ka jingiatreilang ki ri ha ki tamasa phlim, ka India kum ka jaka kaba biang bha ban wan shna phlim, ka jingiatreilang hapdeng ka India bad kiwei kiwei ki ri ban shna phlim kum ka Spain, UK bad France ha ryngkat kiwei kiwei. Kine ki bynta ki thmu ban plie lad ia ki jingiamir jingmut, ki jingiatreilang bad ki lad kiba don ia ki nongshna phlim kiba kwah ban wan iatrei lang bad ki kam shna phlim jong ka India bad ki nongiatreilang jong ka na kiwei kiwei ki ri.
*****
(Release ID: 2020260)
Visitor Counter : 42
Read this release in:
Tamil
,
Kannada
,
Malayalam
,
Bengali
,
Odia
,
English
,
Urdu
,
Marathi
,
Hindi
,
Manipuri
,
Assamese
,
Punjabi
,
Gujarati
,
Telugu