লেমজনিঙাই ওইরবা ফেস্তিবেল অসিগী ৭৭শুবা ইদিসন শরুক য়ানবা লৈবাক অসিনা থৌরাং তৌবগা লোয়ননা কান্স ফিল্ম ফেস্তিবেল অসি ভারতকীদমক অখন্নবা চহি অমনি। ভারত সরকার, রাজ্য সরকারশিং, ফিল্ম উদোগকী মীহুৎশিং য়াওবা ভারতকী কাংবুনা শিংথানিঙাই ওইরবা থবক পরিং অমগী খুৎথাংদা মালেমগী মাংজিল থারিবা ফিল্মগী কৈথেল মার্চ দু ফিল্মসতা ভারতকী ক্রিয়েতিপ ইকোনোমি উৎকনি।

মালেম শীনবা থুংবগী ফিল্মগী শক্নাইরবশিং, ফিল্মমেকরশিং, দিরেক্তরশিং, প্রদুসরশিং, বাইয়রশিং অমসুং সেলস এজেন্তশিংগা উন্নবা অমসুং খুদোংচাবশিং অমসুং হৈথোই-শিংথোইবশিং উৎনবা ফেস্তিবেল অসিদা শরুক য়াগদবা মালেম শীনবা থুংবগী শক্নাইরবশিং অমসুং দেলিগেদশিংগীদমক অহানবা ওইনা ৭৭শুবা কান্স ফিল্ম ফেস্তিবেলদা লৈবাক অসিদা “ভারত পর্ব” অমা পাংথোক্কনি। ভারত পর্ব অসিদা গৱাদা নবেম্বর ২০-২৮-২০২৪ দা পাংথোক্কদৌরিবা ৫৫শুবা ইন্দিয়া ইন্তরনেসনেল ফিল্ম ফেস্তিবেল(ইফি)গী ওফিসিএল পোস্তর অমসুং ত্রেল্লর হৌদোক্কনি। ৫৫শুবা ইফিগা লোয়ননা পাংথোক্কদবা অহানবা ৱার্ল্দ ওদিও-ভিজুয়েলস এন্দ ইন্তরতেনমেন্ত সম্মিৎ(ৱেবস)গী “সেভ দি দেত” ভারত পর্বদা ফোঙগনি।

ফিল্মগী শক্নাইরবা মীওইশিং শরুক য়াদুনা মে ১৫দা ৭৭শুবা কান্স ফিল্ম ফেস্তিবেলদা ১০৮ ভিলেজ ইন্তরনেসনেল রিবৈরাদা ভারত পর্ব হৌদোক্কনি। কান্সকী ভারত পর্ব অসিদা ভারতকী ফিল্মগী মীওইশিংনা পুন্না ফিল্ম পুথোকপা হেনগৎহন্নবা, লৌশিং তানশিনবগী থৌরমশিং শরুক য়ানবা, দিস্ত্রিবিউসনগী য়ানচেশিং খুৎয়েক পীন্নবা, স্ক্রিপশিং খন্ন-নৈন্নবা, বি২বি মীফমশিং পাংথোক্নবা অমসুং মালেম শীনবা থুংবগী শক্নাইরবা হরাও-কুহ্মৈ অমসুং মেদিয়াগী কাংবুগা শম্ননবগী মফম অমা পীগনি। ফেদেরেসন ওফ ইন্দিয়ান চেম্বর্স ওফ কম্মর্স এন্দ ইন্দস্ত্রি(এফ আই সি সি আই) না উদোগকী খোঙলোই অমা ওইনা খুৎশম্নদুনা নেসনেল ফিল্ম দিবলপমেন্ত কোর্পোরেসন(এন এফ দি সি)না পেভিলিয়ন অসি শীনগনি। কনফিদেরেসন ওফ ইন্দিয়ান ইন্দস্ত্রি(সি আই আই)গী খুৎথাংদা মার্চ দু কান্সতা ‘ভারত স্তোল’ অমা হাংদোক্কনি।

চহি অসিগী থিম “ক্রিয়েসন ওফ ইন্দিয়া” মশক তাক্নবা ‘সুত্রাধার’ না ইথিল পীদুনা এন.আই.দি অহমেদবাদনা ভারত পেভিল্লিয়ন দিজাইন তৌবনি। চহি অসিগী কান্স ফিল্ম ফেস্তিবেলদা ভারতনা শরুক য়াবা অসিদা মালেমগী ফম্বাক্তা ইনাকখুল্লবা পুৱারি অমসুং হৈথোই-শিংথোইবগী হিরমশিং উৎথোক্কনি।

পয়াল কপাদিয়াগী “ওল ৱি ইমাজিন এস লাইত”না অয়েংবশিং পুক্নিং চিংশিন্নবা হোৎনরি অমসুং লেমজনিঙাই ওইরবা পাল্ম দি ওরগী লাম্বা তৌনরি। চহি ৩০গী মতুংদা ভারতকী ফিল্ম অমা কান্স ফিল্ম ফেস্তিবেলগী ওফিসিএল সেলেক্সন্দা শরুক য়াবা শিংথানিঙাই ওইবা অমনি। অন সর্তাইন রিগার্দতা বৃতিস-ইন্দিয়ান ফিল্মমেকর সন্ধ্যা সুরিগী “সন্তোস’ অমসুং দিরেক্তরস ফোরাইত্তা কারন কনধারিগী “সিসতর মিদনাইত” অমসুং লা এসিদতা মাইসাম আলিগী “ইন রিত্রিৎ” শরুক য়ারি।

লা সিনেফ কম্পিতিতিপ সেক্সনদা ফিল্ম এন্দ তেলিবিজন ইন্সতিতুৎ ওফ ইন্দিয়া(এফ তি আই আই)গী মহৈরোয়গী ফিল্ম “সনফ্লাৱার্স ৱিয়ার ফার্স্ত ৱান্স তু নো” খল্লে। কন্নরাগী অতেনবা ফিল্ম অসি মালেম শীনবা থুংবগী ফিল্মশিংদগী খনখৎপনি অমসুং হৌজিক অরোইবা তাঙ্কক্তা অতোপ্পা মালেমগী অতেনবা ফিল্ম ১৭গা চাংদম্নগনি।

অমুল দাইরি কোওপরেতিপ ইহৌদা য়ুম্ফম ওইবা শ্যাম বেনেগালগী “মন্থান” ক্লাসিক সেক্সন্দা উৎকনি অমসুং মসিনা ফেস্তিবেল অসিদা উৎকদৌরিবা ভারতকী ফিল্মশিংদা পুৱারিগী ওইবা মহাও অমা পীরগনি। মিনিস্ত্রিগী য়ুনিত অমা ওইরিবা এন.এফ.দি.সি-নেসনেল ফিল্ম আর্কাইব ওফ ইন্দিয়া(এন এফ এ আই)গী ফিল্ম থমফমশিংদা চহি কয়া লৈরক্লবা ফিল্ম রিলশিং ফিল্ম হেরিতেচ ফাউন্দেসন(এফ ঐচ এম)না অমুক হন্না শেমজিল্লে।

কান্স ফিল্ম ফেস্তিবেলদা নেসনেল এৱার্দ ফংলবা সেনিমাতোগ্রাফর সন্তোস সিবানদা লেমজনিঙাই ওইরবা পিরে এঞ্জেনিউজ পীদুনা ইকায়খুম্নবা উৎকনি। মনা অসি ফংবা অহানবা ভারতমচা ওইনা, মহাক্না কান্সকী দেলিগেদশিংদা মাস্তরক্লাস অমদা ৱা ঙাংগনি।

গৱা, মহারাস্ত্রা, জম্মু অমসুং কাস্মির, কর্নাতকা, ঝারখন্দ অমসুং দেল্লি য়াওনা ভারতকী রাজ্যশিং ফেস্তিবেল অসিদা শরুক য়াদুনা ভারতকী তোঙান-তোঙানবাম মফমশিং অমসুং ফিল্মগী হৈথোই-শিংথোইবশিং উৎকনি।

ভারতকা লোয়ননা পুন্না ফিল্ম পুথোকমিন্নবগী খুদোংচাবশিং মশক খঙদোক্নবা থৌরম অমা মে ১৫ গী নুংথিল পুং ১২ তাবদা মেন স্তেজদা পাংথোক্কনি। খন্ন-নৈনবা অদুদা ফিল্ম পুথোকপা, পুন্না ফিল্মগী পুথোকমিন্নবগী খুদোংচাবশিং অমসুং অফবা মখলগী পোস্ত-প্রদক্সনগী খুদোংচাবশিংগী মতাংদা ভারতকী খুদোংচাবশিং মতাংদা খন্নগনি। হায়রিবা খুদোংচাবশিং অসি কমদৌনা ফিল্মমেকরশিংনা লৌগনি, ভারত্তা ফিল্ম নম্বগী নুংঙাইবশিং অমসুং শরুক য়ামিন্নগদবা নুংঙাইরবা ৱারিশিংগী মতাংদা খন্নগনি।

ভারত পেভিলিয়নদা পাংথোক্কদবা খন্ন-নৈনবা থৌরমশিংদা ভারত্তা ফিল্ম নম্বদা ফংগদবা খুদোংচাবশিং, ফিল্ম ফেস্তিবেলশিংদা মালেমগী থাক্তা মতেং পীনবা, ভারত ফিল্মগী মফম অমা ওইহনবা, স্পেন, য়ু.কে অমসুং ফ্রান্স লৈবাকশিংগা ভারতকা লোয়ননা লৈবাক অনিগী ফিল্মশিং পুথোকমিন্নবগী মতাংদা য়াওগনি। থৌরম অসিদা ফিল্মমেকরশিংনা ভারতকী ফিল্ম ইন্দস্ত্রি মশক খঙনবগী খুদোংচাবা ফংগনি।

*****