Ha ka sien ba nyngkong, ka eksamin Constable (GD) na ka bynta ka jingpynrung kam constable ha ki Central Armed Police Force (CAPF) yn pynlong ha 13 tylli ki ktien tynrai ha ryngkat ka ktien Hindi bad phareng. Yn pynlong ia ka eksamin naduh ka 20 tarik Rymphang haduh 7 tarik Lber 2024 na ka bynta kumba 48 lak ngut ki kandidet ha 128 tylli ki nongbah ha kylleng ka ri.

Hapoh ka jingialam jong u Myntri Rangbah duh, Narendra Modi bad ka jingpeit jong u Myntri Kam Pohiing bad Cooperation jong ka sorkar pdeng, Amit Shah, ka Tnat Kam Pohiing (MHA) ka la rai ban pynlong ia ka eksamin Constable (General Duty) na ka jingpynrung kam ha ki CAPF ha 13 tylli ki ktien tynrai ha ryngkat ka ktien Hindi bad phareng naduh ka 1 tarik Kyllalyngkot, 2024. Ia kane ka rai ba kyrpang la shim halor ka sienjam jong u Myntri Kam Pohiing bad Cooperation jong ka Sorkar pdeng, Amit Shah ban kyntiew ka jngiashim bynta jong ki samla ka thain ha ki Central Armed Police Force bad kyntiew ia ki ktien tynrai.

Ia ki kot jngkylli na ka bynta ka eksamin Constable (General Duty) mynta yn pynkhreh ha ki 13 tylli ki ktien tynrai harum ha ryngkat ka ktien Hindi bad Phareng:

1. Assamese

2. Bengali

3. Gujarati

4. Marathi

5. Malayalam

6. Kannada

7. Tamil

8. Telugu

9. Odia

10. Urdu

11. Punjabi

12. Manipuri

13. Konkani

Ka eksamin Constable GD kalong kawei na ki eksamin ba kongsan ba pynlong da ka Staff Selection Commission (SSC) kaba khring ia ki lak ngut ki samla na kylleng ka ri. Kumta, ka Tnat Kam Pohiing bad ka Staff Selection Commission ka la iasoi MoU ban pynsuk ka rukom pynlong eksamin ha kitei ki 13 tylli ki ktien tynrai ba la kdew haneng ha ryngkat ka ktien Hindi bad Phareng. Ka SSC ka la pynmih jingpynbna ban pynlong ia ka eksamin Constable (GD), 2024 ha 13 tylli kiwei ki ktien tynrai ha ryngkat ka ktien phareng bad Hindi.

Lynba kane ka rai da ki lak ngut ki samla kin iashim bynta ha ka eksamin ha ka ktien tynrai jong ki bad kyntiew ia ka jingshah jied jong ki. Kumta, ka jingiar jong kane ka examin kan kiew hapdeng ki kandidet ha ka ri baroh kawei bad baroh kin ioh kajuh ka lad ioh kam ioh jam.

Lyngba kane ka sienjam jong ka sorkar pdeng, ki samla ha kylleng ka ri ki la ioh ka kabu ksiar ban iashim bynta ha ka eksamin Constable (General Duty) ha ki Central Armed Police Force ba la pynlong da ka Staff Selection Commission ha ka ktien tynrai jong ki bad ba kin ioh kam ha ka jingai jingshakri ia ka ri.

*****