ঙসি প্রধান মন্ত্রী শ্রী নরেন্দ্র মোদীনা রাজ্য সভাদগী পোথারগদবা মেম্বরশিংদা বিদায় পীখ্রে।

রাজ্য সভাদা পাংথোকপা থৌরমদা ৱা ঙাংবদা প্রধান মন্ত্রীনা হায়খি চহি মঙা খুদিংগী লোক সভাদা অহোংবা লাকই অমসুং রাজ্য সভানা চহি অনি খুদিংগী অনৌবা পুন্সি অমা হৌই। চহি অনি খুদিংগী পাংথোকপা থৌরম অসিনা কাউবা ঙম্লরোইদবা নিংশিংবশিং লৈহৌখি অমসুং অনৌবা মেম্বরশিংগী মমল নাইদ্রবা লন অমনি।

দোক্তর মনমোহন সিংহনা পাংথোক্লম্বা থবকশিং নিংশিংলদুনা, প্রধান মন্ত্রীনা হায়খি মহাক্না মতম শাংনা হাওস অমসুং লৈবাক অসি লমজিংলম্বা মরম্না, ঐখোয়গী লৈবাক্কী গনতন্ত্রগী খন্ন-নৈনবা খুদিংমক্তা দোক্তর মনমোহন সিংহ পল্লগনি। অসিগুম্বা শক্নাইরবা মীওইশিং অসি লমজিং মৈরা ওইনা অসিগুম্বা মেম্বরশিংগী থবকশিং সংসদকী মেম্বর খুদিংমক্না তমগদবনি। হান্নগী প্রধান মন্ত্রী অসিনা হুইল চিয়ারদা ভোৎ থাদবা লাকপা অসি মেম্বর অমনা মহাক্কী মথৌদা কৎথোকপগী পুক্নিং থৌগৎনিঙাই ওইরবা খুদম অমনি। গনতন্ত্রগী মপাঙ্গল কনখৎহন্নবা মহাক লাকপনি হায়না ঐনা থাজৈ। মহাক হকচাং ফনা অমসুং পুন্সি শাংনা হিংনবা প্রধান মন্ত্রী মোদীনা মহাক্কী য়াইফ-পাউজেল পীখি।

প্রধান মন্ত্রীনা হায়খি মীয়ামগী থবক হেন্না তৌনবগীদমক মফম অসি  থাদোক্লবা মেম্বরশিংনা রাজ্য সভাদগী ফংলকপা লৌশিং কয়া য়াম্না কান্নগনি। মসি খঙলকপা উরকপা কয়ানা শেম্বা চহি তরুক্কী মখল কয়াগী য়ুনিভর্সিতি অমনি। মফম অসিদা থোকখিবা মীওই অমা লৈবাক শেমগৎপগী থবকশিংদা হেন্না শরুক য়াগনি। 

প্রধান মন্ত্রীনা হায়খি হৌজিক্কী মতম অসি য়াম্না শিংথানিঙাই ওইরবা মতমনি। ঙসি কায়নরগদবা মেম্বরশিং অনৌবা অমসুং অরিবা বিল্দিংদা থবক তৌবগী খুদোংচাবা অমা ফংলে অমসুং মখোয় অমৃত কাল অমসুং সংবিধানগী চহি ৭৫শুবা উহৌবগা লোয়ননা মখোয় থাদোক্লবনি।

কোবিদ লাইচৎ নিংশিংলদুনা প্রধান মন্ত্রীনা হায়খি হাওসগী থবক পাংথোক্নবা মেম্বরশিংনা অয়েৎপা অমতা পীখিদবা অদু থাগৎচরি। মখোয়গী মথৌশিং পাংথোক্নবা সংসদকী মেম্বরশিংনা অচৌবা খুদোংথিবা কয়া মায়োক্নখি। কোরোনা ভাইরসনা মরম ওইদুনা লৈখিদ্রবা মেম্বরশিংগীদমক অৱাবা ফোঙদোকচরি।

ওপোজিসন্না অমুবা ফিজোল শেৎখিবা অদু নিংশিংলদুনা, প্রধান মন্ত্রীনা হায়খি লৈবাক অসি নুংঙাই-য়াইফবগী অনৌবা থাকশিং য়ৌরে অমসুং থৌদোক অদু ভারতকী চাউখৎপগী খোঙচৎকীদমক ‘কালা তিকা’ অমা নমদুনা শরোই-ঙারোইশিং তান্থোক্নবা হোৎনবা অমনি।

অরিবা লাইরিকশিংদগী ৱারোল খর পল্লদুনা প্রধান মন্ত্রীনা হায়খি অফবা মীওই শঙ্গা তৌবা মীওইশিং অফবা গুনশিং চেল্লি অমসুং ফত্তবা মীওইশিংনা কোইশিনবা মীওইশিং ফত্তে। তুরেলগী ইচেল চেল্লিঙৈদা তুরেল অমগী ঈশিং থকপা য়াই, অমসুং ইচেল অদু সমুদ্রদা তিনখিবা মতমদা, মদু থুমহি চেনখি। পোথারগদবা মেম্বরশিংনা মীওই খুদিংমক ইথিল পীগনি। মহাক্না মেম্বরশিং থাগৎপা ফোঙদোকখি অমসুং মহাক্কী য়াইফ-পাউজেল পীখি।

****