রাস্ত্রপতিগী লোইশঙ
ভারতকী ইকায়খুম্নবরী রাস্ত্রপতি শ্রীমতি দ্রৌপতি মুর্মুনা সংসদতা ফোঙদোকখিবা ৱারোল
Posted On:
31 JAN 2024 12:35PM by PIB Imphal
ইকায়খুম্নরবা মেম্বরশিং,
1. অনৌবা সংসদ বিল্দিংদা মসিনা ঐগী অহানবা ৱা ঙাংবনি। ফজরবা বিল্দিং অসি “অজাদি কা অমৃত কাল” হৌরকপদা শারে। মসি ‘এক ভারত শ্রেস্থা ভারত’কী নুংশিবা মনম চেল্লে অমসুং মসি ভারতকী সভেত্যা অমসুং নাৎকী খুদম অমনি। ঐখোয়গী গনতন্ত্র অমসুং সংসদকী চৎনবীশিং ইকায়খুম্নবা উৎনবগী ৱারেপ অদু মসিদা মমি তারে। মসিদা, ২১শুবা চহিচাদা অনৌবা ভারত অমা শেমগৎনবগীদমক অনৌবা চৎনবীশিং শেমগৎনবা থাজবা অদু উৎলে। ঐখোয়গী নিংতম্বগী অমৃত কালদা চাউখৎলবা ভারত অমা শেমগৎনবা থৌশিলশিং শেম্নবা কান্নরবা ৱাফমশিং খন্ন-নৈনবা মসিগী অনৌবা বিল্দিং অসিদা উবা ফংগনি হায়না ঐনা থাজৈ।
ময়াম পুম্নমক ঐগী য়াইফ-পাউজেল পীজরি।
ইকায়খুম্নরবা মেম্বরশিং,
2. চৎলিবা চহি অসি ঐখোয়গী সংবিধান চৎনবা হৌখিবগী চহি ৭৫শুবনি। হায়রিবা মতম অসিগী মনুংদা, নিংতম্বা চহি ৭৫শুরকপগী অমৃত মহোৎসব থৌরমশু পাংথোকখ্রে। মসিগী মনুংদা লৈবাক শীনবা থুংনা থৌরমশিং পাংথোকখি। লৈবাক অসিনা মসিগী শকখঙবীদ্রবা নিংতম্বা লান্মীশিং নিংশিংখি। চহি ৭৫গী মতুংদা, নহারোলশিংনা নিংতম ইহৌগী মতম অদু অমুক নিংশিংখি।
3. কেম্পেন মনুংদা :
- মেদি মাতি, মেরা দেস কেম্পেনগী মখাদা লৈবাক্কী খুঙ্গং খুদিংমক্তগী লৈবাক য়াওবা অমৃত কালাস দিল্লিদা পুরকখি।
- প্লেগ লাখ ২ হেন্না খিল্লে।
- মীওই করোর অহুম হেন্না ‘পঞ্চ প্রান’গী ৱাশক লৌখি।
- অমৃত সরোভর ৭০,০০০ হেন্না তৌখ্রে।
- “অমৃত বতিকাস” লাখ অনি হেন্না শেমগৎখ্রে।
- উ পাম্বী করোর অনি হেন্না থাখ্রে।
- মীওই করোর ১৬ হেন্না মচু অহুমগী ফিরালগা নম্বা মখোয়গী সেলফিশিং থাগৎখি।
4. অমৃত মহোৎসব মনুংদা,
- “কর্তাব্যা পথ”তা নেতাজি সুভাস চন্দ্র বোসকী মীফম অমা খিনখি।
- লৈবাক্কী কোনুং নিউ দিল্লিদা লৈবাক অসিগী প্রধান মন্ত্রীশিং মিউজম অমা কৎথোকখি।
- শান্তিনিকেতন অমসু হোয়সালা লাইশঙ ৱার্ল্দ হেরিতেচ লিস্ততা য়াওখি।
- “সাহিবজাদে” নিংশিংদুনা বীর বাল দিবস লাউথোকখি।
- ভাগবান বিরসা মুন্দাগী মপোক নুমিৎ “জনজাতিয়া গৌরব দিবস” হায়না লাউথোকখি।
- লৈবাক অনি থোকখিবগী অকিবা থৌদোকশিং নিংশিংনবা ওগস্ত ১৪ অসি “বিভাজন বিভিসিকা শ্মৃতি দিবস” হায়না লাউথোকখি।
ইকায়খুম্নরবা মেম্বরশিং,
5. হৌখিবা চহি ভারতকী পুৱারি ওইরবা মাইপাকপশিংনা পীক থনখি। মতম অসিগী মনুংদা, ঐখোয়গী মীয়ামগী চাউথোকচবা হেনগৎহনবা থৌদোক কয়া থোকখি।
- মালেমগী অৱাবা কয়া মরক্তা, ভারত খ্বাইদগী য়াংনা চাউখৎলকপা অচৌবা ইকোনোমি অমা ওইরকখি, ক্বাতর অনি থংন-থংননা গ্রোথ রেত চাদা ৭.৫ লৈখি।
- থাগী খা-মেরুদা লৈবাক অমগী ফিরাল পাইহনবা অহানবা লৈবাক ভারতনা ওইখি।
- ভারতনা মাইপাক্না অদিধ্য মিসন থাগৎখি অমসুং লৈবাক অসিগী সেতেল্লাইত মালেমদগী কিমি লাখ ১৫ থাপ্পা মফমদা য়ৌবা ঙমখি।
- পুৱারি ওইরবা জি-২০ মীফম মাইপাক্না পাংথোকখিবা অসিনা মালেমদা ভারতকী ফিবম ফগৎহল্লে।
- অহানবা ওইনা ভারতনা এসিয়ান গেমসতা মেদল ১০০ হেন্না ফংলে।
- ঐখোয়না পেরা এসিয়ান গেমসতশু মেদল ১০০ হেন্না ফংলে।
- লৈবাক অসিগী খ্বাইদগী চাউবা সমুদ্রগী থোং অতল সেতু ভারত্তা লৈরে।
- ভারতনা লৈবাক অসিগী অহানবা নমো ভারত ত্রেন অমসুং অহানবা অমৃত ভারত ত্রেন লৈরে।
- ভারতনা মালেমদা খ্বাইদগী য়াংনা 5G ফংহনবা লৈবাক ওইরে।
- ভারতকী এয়রলাইন কম্পেনি অমনা মালেমদা খ্বাইদগী য়াম্না এয়রক্রাফ লৈনবা য়ানবা পুরকখ্রে।
- হৌখিবা চহিদা, ঐগী সরকারনা মিসনগী মওংদা নহারোল লাখ কয়াদা থবক ফংহনখ্রে।
ইকায়খুম্নরবা মেম্বরশিং,
6. হৌখিবা থা ১২দা, ঐগী সরকারনা মরুওইবা আইন কয়া পুথোক্লে। হায়রিবা আইনশিং অসি সংসদকী মেম্বর পুম্নমক্কী মতেংদগী পাস তৌখিবনি। হায়রিবা আইনশিং অসি চাউখৎলবা ভারত অমগী মঙলান মঙফাওন্নবা অকনবা য়ুম্ফম অমনি। চহি ৩০ ঙাইরক্লবা মতুংদা নারী শক্তি বন্দন অধিনিয়ম পাস তৌখিবগীদমক ঐনা ময়াম পুম্নমক থাগৎচরি। মসিনা নুপীশিং লোক সভা অমসুং লেজিসলেতিপ এশেমব্লিশিংদা মশিং য়াম্না শরুক য়ানবগী লম্বী য়াৎলে। মসিনা নুপীনা মাঙজিল থাবা চাউখৎপগী ঐগী সরকারগী ৱাশক হেন্না মপাঙ্গল কনখৎহল্লে। অওনবা, থবক অমসুং অহোংবা পুরক্নবা সরকার অসিগী ৱাশক ঐগী সরকারনা মখা তানা পুখৎলি। লোয়লম লৈঙাক মতমগী অচুম-অরান ৱায়েনবগী থবক অদু হৌজিক পুৱারি ওইহৌরে। ‘অচুম্বনা হান্না’ হায়বা ৱাখল্লোন অশিদা হৌজিক লৈবাক অসিদা অনৌবা ন্যয়া সনহিতা অমা লৈরে। দিজিতেল পর্সোনেল দেতা প্রোতেক্সন এক্তনা দিজিতেল স্পেস হেন্না চেকশিল্লগনি। “অনুসন্ধান নেসনেল রিছার্স ফাউন্দেসন এক্ত”না লৈবাক অসিদা রিছার্স অমসুং ইন্নোবেসনগী থবক হেন্না ফগৎহল্লগনি। জম্মু এন্দ কাস্মির রিজার্বেসন এক্তনা রাজ্য অদুদা ত্রাইবেলশিং মীয়ামগী মীহুৎ ওইনবা হক পীরে। মতম অসিগী মনুংদা সেন্ত্রেল য়ুনিভর্সিতি এক্ত শেমদোক্লে। মসিনা তেলঙ্গানাদা সাম্মাক্কা সারাকা সেন্ত্রেল ত্রাইবেল য়ুনিভর্সিতি অমা লিংখৎনবা লম্বী শেম্লে। হৌখিবা চহিদা, অতোপ্পা অরিবা আইন ৭৬শু মুৎথৎলে। পরিক্ষাশিংদা অশোইবা কয়া লৈবদগী নহারোলশিংনা লাংতক্নরিবা অসি ঐগী সরকারনা খঙলে। মরম অদুনা অসিগুম্বা অরানবা থবকশিং অসি থেংননবা অনৌবা আইন অমা চৎননবা সরকার অসিনা ৱারেপ লৌরে।
ইকায়খুম্নরবা মেম্বরশিং,
7. লৈবাক অমনা হান্নগী খুদোংচাদবশিং কোকহল্লবা অমসুং তুংগীদমক থৌনা খ্বাইদগী য়াম্না শীজিন্নরবা মতমদা লৈবাক অমা য়াম্না য়াংনা চাউখৎপা ঙমগনি। হৌখিবা চহি ১০দা, লৈবাক অসিগী মীয়াম্না ঙাইদুনা লাক্লবা অসিগুম্বা থক কয়া লৈবাক্কীদমক পাংথোকখিবা ভারতনা উবা ফংলে। চহি চা কয়া রাম মন্দির অমা শানবা অনিংবা অমা লৈখি। ঙসি মসি থবক ওইনা পাংথোক্লে। জম্মু অমসুং কাস্মিরদগী আর্তিকল ৩৭০ লৌথোকপগী মতাংদা চিংনবা লৈখি। মদু হৌজিক পুৱারি ওইহৌরে। সংসদ অসিনা ‘ত্রিপল তালাগ’ কী মায়োক্তা অকনবা আইন অমা চৎনহল্লে। ঐখোয়গা য়ুম্লোন্নরিবা লৈবাকশিংদা লৈরিবা অৱাবা নংলবা মশিং য়ামদবা মীওইশিং নাগরিক ওইহন্নবা আইন অমা চৎনহল্লে। চহি ৪০ হেন্না ঙাইরক্লবা ৱান রেঙ্ক ৱান পেন্সন ঐগী সরকারনা চৎনহল্লে। ৱান রেঙ্ক ৱান পেন্সন চৎনরবা মতুংদা, হৌজিক এক্স-সর্বিসমেন্না চাউরাক্নবা লুপা করোর লাখ ১ রোম ফংলে। অহানবা ওইনা, ভারতকী দিফেন্স ফোর্সশিংগী চীফ ওফ দিফেন্স স্তাফ অমা হাপ্লে।
ইকায়খুম্নরবা মেম্বরশিং,
8. মুৎপা নাইদ্রবা উতকলমনি পন্দিৎ গোপাবন্ধু দাসকী ৱাহৈ পরেশিংনা মপান নাইদ্রবা মরৈবাক নুংশিবগী ইথিল পীখি। মহাক্না হায়খি,
मिशु मोर देह ए देश माटिरे,
देशबासी चालि जाआन्तु पिठिरे।
देशर स्वराज्य-पथे जेते गाड़,
पूरु तहिं पड़ि मोर मांस हाड़।
মদুদি
লৈবাক অসিগী লৈশাদা ঐগী হকচাং তিনখ্রসনু,
ইরৈচাশিং ঐগী মথক্তা চৎচসনু,
নিংতম্বা ফংনবা লৈবাক অসিগী লম্বীদা লৈরিবা অকুৎপা খুদিংমক,
ঐগী হকচাং অমসুং শরুশিংনা মেনবা ওইরসনু।
ৱাহৈ পরেংশিং অসিদা ঐখোয়না মথৌ পাংথোকপা অমসুং লৈবাক্কী থবক্না হান্না হায়বা অচুম্বা ফিদমশিংগী মতোল লোম্বা অদু উবা ফংলে।
9. ঙসি উরিবা মাইপাকপশিং অসি হৌখিবা চহি ১০ চুপ্না হোৎনরকপগী মহৈনি। অঙাং ওইরিঙৈদগী,ঐখোয়না ‘লায়রবা মুৎথৎলু’ হায়বা খোল্লাউ তাদুনা লাকখি। হৌজিক ঐখোয়গী পুন্সিদা অহানবা ওইনা, পাক-শন্না লায়রবা মুৎথৎপা উরে। নিতি অয়োগকী মতুংইন্না, হৌখিবা চহি ১০দা, লৈবাক অসিগী মীওই করোর ২৫ রোম লায়রবা কোক্লে। মসিনা লায়রবশিংগী মরক্তা অচৌবা থাজবা অমা লৈহল্লে। করিগুম্বা মীওই করোর ২৫ লায়রবা কোক্লবদি, লৈবাক অসিগী লায়রবশু কোক্লগনি।
- করিগুম্বা হৌজিক ঐখোয়না শেন্মিৎলোনগী মাইকৈ খুদিংমক য়েংলবদি, অচুম্বা ৱারেপশিং লৌদুনা, ভারত অচু্ম্বা মাইকৈদা চঙশিল্লি হায়না মসিনা ঐখোয়গী থাজবা হেনগৎহল্লে।
- ভারতনা “ফ্রেজাইল ফাইব” ওইরম্বদগী “তোপ ফাইব” ইকোনোমিদা লাকপা ঐখোয় উরে।
- ভারতনা মপান্দা থাদোকপা দোল্লর বিল্লিয়ন ৪৫০দগী দোল্লর বিল্লিয়ন ৭৭৫ তা হেনগৎলে।
- এফ.দি.আই চঙলকপা হেনগৎলে।
- খাদি অমসুং খুঙ্গংগী উদোগশিংগী পোৎথোকশিং য়োনবা শরুক ৪ হেনগৎলে।
- ইনকম তেক্স রিতর্ন ফাইল তৌবা মীওই মশিং শরুক অনি হেনগৎতুনা, করোর ৩.২৫ তগী করোর ৮.২৫ য়ৌরে।
- লৈবাক অসিদা স্তার্দ-অপ চা খর লৈরম্বা অদু হৌজিক লাখ ১ হেল্লে।
- চহি অমদা কম্পেনি লিশিং ৯৪ রেজিস্তার তৌখি। হৌজিক মশিং অসি লাখ ১.৬০ য়ৌরে।
- দিশেম্বর ২০১৭ দা, মীওই লাখ ৯৮ জি.এস.তি পীখি, ঙসি মখোয়গী মশিং করোর ১.৪০ য়ৌরে।
- ২০১৪গী মমাঙদা চহি ১০দা গারি করোর ১৩ রোম য়োনখি। হৌখিবা চহি ১০দা, লৈবাক অসিগী মীয়াম্না গারি করোর ২১ হেন্না লৈখি।
- ২০১৪-১৫ দা ইলেক্ত্রিক্কী গারি লিশিং ২ রোম য়োনখি। হৌজিক, ২০২৩-২৪গী ওইনা দিশেম্বর থা ফাওবদা, ইলেক্ত্রিক গারি লাখ ১২ রোম য়োনখ্রে।
ইকায়খুম্নরবা মেম্বরশিং,
- হৌখিবা চহি ১০দা, ঐগী সরকারনা অফবা লৈঙাক পুরকখি অমসুং লোয়শঙ খুদিংমক্তা অরোন-অথুপ লৈতনা থবক তৌহনখি। মসিগী ফল ওইনা, শেন-থুমগী অচৌবা অওনবশিং লাকপা ঐখোয়না উরে।
- মতম অসিগী মনুংদা, লৈবাক অসিদা ইন্সোলভেন্সি এন্দ বেঙ্করপসি কোদ চৎনবা হৌখি।
- জি.এস.তিগী মওংদা হৌজিক লৈবাক অসিদা লৈবাক অমা তেক্স লো অমা লৈরে।
- ঐগী সরকারনা মেক্রো-ইকোনোমিক্কী তুংদু-লৈতাবা পুরক্লে।
- চহি ১০দা, কাপেক্স শরুক ৫ হেনগৎতুনা, লুপা করোর লাখ ১০ য়ৌরে। ফিসকেল দিফিসিতশু লাকশিনবা ঙম্লে।
- ঙসি, ঐখোয় য়ু.এস দোল্লর বিল্লিয়ন ৬০০গী অহেনবা ফোরেক্স রিজার্ব লৈরে।
- হান্নগী য়াম্না ফত্তনা লৈরম্বা ঐখোয়গী বেঙ্ককী থবকশিং, হৌজিক মালেমদা খ্বাইদগী মপাঙ্গল কনবা বেঙ্ককী থবকশিং ওইরে।
- হান্না বেঙ্কশিংগী এন.পি.এশিং দিজিত অনি ওইরম্বা অদু হৌজিক চাদা ৪ রোম খক্তা ঙাইরে।
- মেক ইন ইন্দিয়া অমসুং অত্মানির্ভর ভারত কেম্পেনশিং ঐখোয়গী মপাঙ্গল ওইরে।
- ঙসি, ভারত মালেমদা অনিশুবা খ্বাইদগী চাউবা মোবাইল ফোনশিং শাবা লৈবাক ওইরে।
- হৌখিবা চহি ১০, মোবাইল ফোন শাবা শরুক ৫ হেনগৎলে।
- চহি খরগী মমাঙদা ভারতনা মপান লৈবাকশিংদগী শান্নপোৎশিং পুশিল্লকখি, ঙসিদি ভারতনা লৈবাক অসিদা শাবা শান্নপোৎশিং মপান্দা থাদোক্লে।
- ভারতকী ঙাক-শেনগী পোৎথোক লুপা করোর লাখ ১ হেল্লে।
- ঙসি, লৈবাক অসিনা মশানা শাজবা এয়রক্রাফ কেরিয়র আই.এন.এস বিক্রান্ত উবদা ভারতমচা খুদিংমক চাউথোকচবা ফাওরে।
- কম্বেৎ এয়রক্রাফ তেজাস অসি ঐখোয়গী এয়র ফোর্সকী মপাঙ্গল ওইরে।
- ভারত্তা অথুবা মতমদা সি-২৯৫ ত্রান্সপোর্ত এয়রক্রাফ শারগনি।
- ভারত্তা অনৌবা এয়ারক্রাফ ইঞ্জিনিশিংশু শারগনি।
- উত্তর প্রদেস অমসুং তামিল নাদুদা দিফেন্স কোরিদোরশিং শেমগৎলে।
- দিফেন্স সেক্তরদা প্রাইভেদ সেক্তর শরুক য়ানবা ঐগী সরকারনা থবক পায়খৎলে।
- ঐখোয়গী সরকারনা নৌরিবা স্তার্দ-অপশিং স্পেস সেক্তরদা শরুক য়ানবা অয়াবা পীরে।
ইকায়খুম্নরবা মেম্বরশিং,
- শেন-থুম তাল্লিবা মীওইশিংনা পাংলিবা মতেং ঐগী সরকারনা খঙলে অমসুং ভারতকী প্রাইভেদ সেক্তরগী তৌবা ঙম্বশিং থাজরে। ভারত্তা ললোন-ইতিক পাংথোকপা নুংঙাইনবা ফিবম অমা ঐখোয়না লৈহল্লে অমসুং মসিগী পান্দম অসি ফংনবা সরকারনা লেপ্তনা থবক পায়খৎলি।
- ললোন-ইতিক পাংথোকপা লাইবা হেনগৎলক্লে।
- হৌখিবা চহি খরদা তঙাইফদনা ইনগদবা নিয়ম ৪০,০০০ হেন্না মুৎথৎলে নত্ত্রগা লাইথোকহল্লে।
- ক্রিমিনেল ওফেন্স লিস্ততগী কম্পেনিস এক্ত অমসুং লিমিতেদ পার্তনরশিপ এক্তকী প্রোবিজন ৬৩ লৌথোক্লে।
- তোঙান-তোঙানবা আইনশিংগী মখাদা জন বিশ্বাস এক্তনা প্রোবিজন ১৮৩ দিক্রিমিনেলাইজ তৌরে।
- কোর্ত য়াওদনা মরুপ-মপাং ওইবা মওংদা য়াশিন্নবা পুরক্নবা মেদিএসন লো অমা চৎনরে।
- হান্না নুমিৎ ৬০০ হেন্না চঙলম্বা ফোরেন্ত অমসুং ইনভাইরোনমেন্ত ক্লিয়ারেন্স হৌজিক নুমিৎ ৭৫ য়ৌদনা পীরে।
- তেক্সকী থবকশিংদা ফেসলেস এসেসমেন্ত স্কিম্না হেন্না মনুং-মপান ফাওনা থবক তৌহল্লে।
ইকায়খুম্নরবা মেম্বরশিং,
- অহোংবা অসিদা ঐখোয়গী এম.এস.এম.ই সেক্তরশু কান্নবা য়াম্না ফংলে। অদোমশু খংলে মদুদি, ঙসি এম.এস.এম.ই সেক্তরদা মীওই করোর কয়া থবক তৌরি। এম.এস.এম.ইশিং অমসুং অপীকপা ওন্ত্রেপ্রেনিউয়রশিং শক্তি পীনবা ঐখোয়গী সরকারনা মপুংফানা থবক তৌরি।
- এম.এস.এম.ইশিংগী ৱাহন্থোক পাকথোক-চাউথোকহল্লে।
- অনৌবা দিফিনিসন অসিদা ইনভেস্তমেন্ত অমসুং তর্নওভর হাপচিল্লে।
- হৌজিক চাউরাক্না এম.এস.এম.ই করোর ৩.৫ উদ্যাম অমসুং উদ্যাম এসিস্ত পোর্তেলদা রেজিস্তার তৌরে।
- এম.এস.এম.ইশিংগী ক্রেদিদ গরেন্তি স্কিমগী মখাদা, হৌখিবা চহি খরদা চাউরাক্না লুপা করোর লাখ ৫ গী গরেন্তিশিং পীখ্রে।
- ২০১৪গী মমাঙদা পীখিবা শেনফম অদুদগী মসিনা শরুক তরুক হেল্লবনি।
ইকায়খুম্নরবা মেম্বরশিং,
- ঐগী সরকারনা দিজিতেল ইন্দিবা শেম্লে। ঙসি দিজিতেল ইন্দিয়ানা হিংবা অমসুং ললোন-ইতিক লাইহল্লে। মসি ভারতকী অচৌবা মাইপাকপ অমনি হায়বা মালেম শীনবা থুংনা খঙলে। চাউখৎলবা লৈবাকশিং ফাওবা ভারতকী দিজিতেলগী থবক অসিগুম্বা লৈতে। খুঙ্গংশিংদা চাংনাইনা লৈবা অমসুং য়োনবা দিজিতেল ওইনা পাংথোকপা অসিদা মীওই খর ৱাখলনা লাম্বা ফংবগী ৱাংমদা লৈখি।
- ঙসি মালেমগী অপুনবা রিয়েল-তাইম দিজিতেল ত্রান্সসেক্সনগী চাদা ৪৬ ভারত্তা পাংথোক্লি।
- হৌখিবা থাদা রেকোর্দ ওইনা য়ু.পি.আইগী খুৎথাংদা ত্রান্সসেক্সন করোর ১২০০ পাংথোকখি।
- রেকোর্দ ত্রান্সসেক্সন অসিগী শেনফম লুপা করোর লাখ ১৮ নি।
- মালেমগী অতোপ্পা লৈবাকশিংশু হৌজিক য়ু.পি.আইগী খুৎথাংদা ত্রান্সসেক্সনগী থবকশিং পাংথোক্লে।
- দিজিতেল ইন্দিয়ানা বেঙ্কগী থবকশিং হেন্না খুদোংচাহল্লে অমসুং লোনশিং য়েন্থোকপা লাইহল্লে।
- জন ধন আধার মোবাইল(জাম)গী ত্রিনিতিনা শেঞ্জা-থুমজা লাকশিনবদা মতেং পাংলে।
- ঐগী সরকারনা দি.বি.তিগী খুৎথাংদা লুপা করোর লাখ ৩৪ ত্রান্সফর তৌখ্রে।
- সিস্তেমদগী শাশিন্নবা বেনিফিসরি করোর ১০ হেন্না লৌথোকপগীদমক জন ধন আধার মোবাইল(জাম) থাগৎচরি।
- মসিনা লুপা করোর লাখ ২.৭৫ অরানবা তৌবশিংদা তাখিগদবদগী কনবদা মতেং পাংলে।
- দিজিলোক্করগী খুদোংচাবনা হিংবদা লাইহল্লে। মসি শীজিন্নবা মীওইশিংদা হৌজিক ফাওবদা চে-চাং বিল্লিয়ন ৬ হেন্না পীখ্রে।
- অয়ুস্মান ভারত হেল্থ একাউন্তগী মখাদা চাউরাক্না মীওই করোর ৫৩গী দিজিতেল হেল্থ আইদিশিং শেম্লে।
ইকায়খুম্নরবা মেম্বরশিং,
- দিজিতেলগা লোয়ননা, ফিজিকেল ইনফ্রাস্ত্রকচরদা রেকোর্দ ওইনা শেন থাদরে। ঙসি ভারত্তা ইনফ্রাস্ত্রচর শেমগৎলে। মসি ভারতমচা খুদিংমক্না মঙ মঙলিবা অদুনি।
হৌখিবা চহি ১০দা:
- খুঙ্গংশিংদা কিমি লাখ ৩.৭৫ রোমগী অনৌবা লম্বীশিং শেম্লে।
- নেসনেল হায়ৱেশিংগী অশাংবা কিমি লিশিং ৯০দগী কিমি লিশিং লাখ ১.৪৬তা হেনগৎলে।
- লেন মরি লৈবা নেসনেল হায়ৱেশিংগী অশাংবা শরুক ২.৫ হেনগৎলে।
- হান্না হায়-স্পিৎ কোরিদোরগী অশাংবা কিমি ৫০০ ওইরম্বা অদু, হৌজিক কিমি লিশিং ৪ হৌরে।
- এয়রপোর্ত মশিং শরুক অনি হেনগৎতুনা ৭৪ দগী ১৪৯ য়ৌরে।
- লৈবাক অসিগী অচৌবা হিথাংফমশিংদা কার্গো হেন্দলিংগী শক্তি শরুক অনি হেনগৎলে।
- ব্রোদব্রেন্দ শীজিন্নবা মীওই মশিং শরুক ১৪ হেনগৎলে।
- লৈবাক অসিগী খুঙ্গংগী পঞ্চায়ত লাখ ২ রোম ওপ্তিকেল ফাইবরনা শম্নরে।
- খুঙ্গংশিংদা কম্মন সর্বিস সেন্তর লাখ ৪ হেন্না লিংখৎলে। হায়রিবা সেন্তরশিং অসি অচৌবা থবক ফংফম অমা ওইরে।
- লৈবাক অসিদা গ্যাস পাইপলাইন কিমি ১০,০০০ ফুম্লে।
- ৱান নেসন, ৱান পৱার গ্রিদনা লৈবাক অসিদা মৈ থাদোক-থাজিন ফগৎহল্লে।
- ৱান নেসন, ৱান গ্যাস গ্রিদনা গ্যাসতা য়ুম্ফম ওইবা ইকোনোমি ফগৎহল্লে।
- সহর ৫ খক্তদা লৈরম্বা মেত্রোগী খুদোংচাবশিং হৌজিক সহর ২০ দা লৈরে।
- কিমি লিশিং ২৫ হেনবগী রেলৱে ত্রেকশিং শেম্লে। মসি চাউখৎলবা লৈবাক কয়াগী রেলৱে ত্রেকশিংগী অপুনবা অশাংবদগী হেল্লবনি।
- রেলৱেজশিং চাদা ১০০ মৈ ফংহন্নবা ভারত য়াম্না নক্না লৈরে।
- ভারত্তা অহানবা ওইনা সেমি হায়-স্পিৎ ত্রেনশিং চেনবা হৌরে।
- ঙসি রুত ৩৯ হেনবদা বন্দে ভারত ত্রেনশিং চেনবা হৌরে।
- অমৃত ভারত স্তেসন স্কিমগী মখাদা রেলৱে স্তেসন ১৩০০ হেন্না শেমগৎলি।
ইকায়খুম্নরবা মেম্বরশিং,
16. অকনবা য়ুম্বী মখোঙ মরী য়ুংখৎতুনা ‘চাউখৎলবা ভারত’ অমগী অচৌবা শঙলেন অমা শাগনি হায়না ঐগী সরকারনা থাজবা থম্লি। য়ুম্বীশিং অদুদি-নহারোলশিংগী শক্তি, নুপীশিংগী থৌনা, লৌমীশিং অমসুং লায়রবশিংনি। মখোয়গী ফিবম অমসুং মঙলান লৈবাক অসিগী মফম খুদিং অমসুং কাংলুপ খুদিংমক্তা মান্নৈ। মরম অদুনা ঐগী সরকারনা মখোয়গী ফিবম ফগৎহন্নবা চোকথবা নাইদনা থবক তৌরি। হায়রিবা য়ুম্বীশিং অসিগী ফিবম ফগৎহন্নবা তেক্সশিংগী অয়াম্বা শরুক ঐগী সরকারনা চাদিং তৌরি।
- লায়রবা ইমুং করোর ৪.১০ পাক্কাগী য়ুমশিং শারে। থবক অসিগীদমক লুপা করোর লাখ ৬ চাদিং তৌখ্রে।
- অহানবা ওইনা, খুঙ্গংগী ইমুং করোর ১১ তোতি ঈশিং ফংলে।
- থবক অসিগীদমক চাউরাক্না লুপা করোর লাখ ৪ চাদিং তৌখি।
- হৌজিক উজৱালা গ্যাস কন্নেক্সন করোর ১০ পীরে।
- হায়রিবা বেনিফিসরি ইচলশিংদা অতাবা মমলদা চাক থোংনবা গ্যাস ফংহল্লে।
- স্কিম অসিগীদমক সরকারনা লুপা করোর লাখ ২.৫ রোম চাদিং তৌরে।
- কোরোনা ভাইরস লাইচৎ লাকপদগী, লৈবাক অসিগী মীওই করোর ৮০ হেনবদা লেম্না চেঙ ফংহনখ্রে।
- খুদোংচাবা অসি মখা তানা চহি ৫ শাংদোক্লে।
- মসিগীদক অহেনবা লুপা করোর লাখ ১১ চাদিং তৌগনি।
- ঐগী সরকারগী থবক্তি স্কিম খুদিংমক য়াংনা চাদা ১০০ পায়খৎপনি। খুদোংচাবা ফংবা য়ারবা মীওই খুদিংমক নাথৈদুনা থম্লোইদবনি।
- পান্দম অসিগা লোয়ননা, নবেম্বর ১৫ দগী বিকসিত ভারত সংকল্প যাত্রা পাংথোক্লি। হৌজিক ফাওবা যাত্রা অসিদা মীওই করোর ১৯ রোম শরুক য়াখ্রে।
ইকায়খুম্নরবা মেম্বরশিং,
- হৌখিবা চহি খরদা, মালেম্না অচৌবা লাঞ্জাউ অনি উখি অমসুং কোরোনাগুম্বা মালেমগী লাইচৎ অমা থেংনখি। অসিগুম্বা মালেমগী অৱাবশিং মরক্তা, লৈবাক অসিদা ঐগী সরকারনা পোৎ-চৈগী মমল হেনগৎলকপা লাকশিনখি, ঐখোয়গী মীয়ামদা অহেনবা পোৎলুম পুবা হন্থহনখি। ২০১৪গী মমাংগী চহি ১০দা, পোৎকী মমল হেনগৎপগী চাং অসি চাদা ৮ ওইখি। অদুবু হৌখিবা চহি ১০দা পোৎ-চৈগী মমল হেনগৎলকপগী চাং অসি চাদা ৫ দা লৈখি। ঐগী সরকারগী থবকশিং অসিনা মীচম মীয়ামগী খুৎত্তা শেন তুংশিনবা হেনগৎহল্লে।
- হান্না, ভারত্তা, লুপা লাখ ২ অমসুং মসিগী মথক্কী ইনকমদা ইনকম তেক্স লৌরমখি।
- হৌজিক ভারত্তা, লুপা লাখ ৭ ফাওবা ইনকম তেক্স লৌদ্রে।
- তেক্স কোমথোকপা অমসুং অওনবশিং অসিনা মরম ওইদুনা, হৌখিবা চহি ১০দা ভারতকী তেক্স থিরিবশিংনা চাউরাক্না লুপা করোর লাখ ২.৫ কনবা ঙমখি।
- অয়ুস্মান ভারত স্কিমগী মথক্তা, তোঙান-তোঙানবা হোস্পিতালশিংদা কেন্দ্র সরকারনা লেম্না লায়য়েংবগী খুদোংচাবশিং পীরে। মসিনা লৈবাক অসিগী মীয়ামগী চাউরাক্না লুপা করোর লাখ ৩.৫০ রোম কনবা ঙম্লে।
- জন ঔশাধি কেন্দ্রশিংনা ঐখোয়গী মীয়াম হিদাক-লাংথকশিং লৈবগী চাউরাক্না লুপা করোর লিশিং ২৮ রোম কনবা ঙম্লে।
- কোরোনারি স্তেন্তশিং, নী ইমপ্লান্তশিং, কেন্সরগী হিদাকশিংগী মমল হন্থরে। মসিনা মরম ওইদুনা, চহি খুদিংগী লুপা করোর লিশিং ২৭ রোম কনবা ঙম্লে।
- কিদনি অনাবশিংদা লেম্না দাইলাইশিস তৌনবা থৌরম অমা ঐগী সরকারনা পায়খৎলি। চহি খুদিংগী অনাবা লাখ ২১ হেন্না মসিগী খুদোংচাবা ফংলি। মসিনা চহি খুদিংগী অনাবশিংগী লুপা লাখ অমা কনবা ঙম্লে।
- লায়রবা মীওইশিং মখা তানা অতাবা মমলদা চেঙ ফংনবা ঐগী সরকারনা লুপা করোর লাখ ২০ চাদিং তৌরে।
- ভারত রেলৱেজনা পেসেঞ্জর খুদিংমক্তা চাদা ৫০ দিসকাউন্ত পীরে। মসিনা মরম ওইদুনা, চহি খুদিংগী লায়রবা অমসুং মিদল ক্লাস পেসেঞ্জরশিং লুপা করোর লিশিং ৬০ কনবা ঙম্লে।
- লায়রবা অমসুং মিদল ক্লাস অতাবা মমলদা এয়র তিক্কেতশিং ফংলে। উরান স্কিমগী মখাদা, লায়রবা অমসুং মিদল ক্লাস এয়র তিক্কেতশিংগী লুপা করোর লিশিং ৩ হেন্না কনবা ঙম্লে।
- লুপা করোর ২০,০০০ হেনবগী ইলেক্ত্রিসিতি বিলশিং কনবা ঙম্বগীদমক এল.ই.দি ব্লবশিং থাগৎপা ফোঙদোকচরি।
- জিবন জয়তি বিমা য়োজনা অমসুং সুরক্ষা বিমা য়োজনাগী মখাদা, লায়রবা মীয়াম্না লুপা করোর ১৬,০০০ হেনবগী ক্লেমশিং ফংখ্রে।
ইকায়খুম্নরবা মেম্বরশিং,
18. থাক খুদিংমক্তা নারী শক্তি মপাঙ্গল কনখৎহন্নবা ঐগী সরকারনা থবক পায়খৎলি। চহি অসিগী গনতন্ত্র দিবস পেরেদ অসি নুপীশিংগী থৌনাদা কৎথোক্লে। হন্দক্কী পেরেদ অসিদা, মালেম্না অমুক হন্না ঐখোয়গী ইচানুপীশিংগী তৌবা ঙম্বা উরে। ঈশিং, কংফাল অমসুং অতিয়াদা মফম খুদিংমক্তা ইচানুপীশিংগী থৌদাং ঐখোয়গী সরকারনা হেনগৎহল্লে। নুপীশিংগীদমক শেন-থুমগী মনিংতম্বা হায়বসি করিনো হায়বা ঐখোয়না খঙলে। শেন-থুমগী থবকশিংদা নুপীশিং শরুক য়াবা হেনগৎহন্নবা ঐগী সরকারনা লেপ্পা লৈতনা হোৎনরি।
- ঙসি নুপী করোর ১০ সেল্ফ হেল্প গ্রুপশিংদা শরুক য়ারি।
- হায়রিবা গ্রুপশিং অসিদা লুপা করোর লাখ ৮ গী বেঙ্ক লোনশিং অমসুং লুপা করোর লিশিং ৪০ রোমগী শেন্থং পীখ্রে।
- নুপী করোর ২ লাখপতি দিদিশিং ওইনা শেমগৎনবা সরকারনা খোঙজং অমা পায়খৎলি।
- নমো দ্রোন দিদি স্কিমগী মখাদা গ্রুপশিংদা দ্রোন লিশিং ১৫ ফংহনখ্রে।
- অঙাং উনবগী ছুতি চয়োল ১২ দগী চয়োল ২৬ তা হেনগৎহনবা অসিনা লৈবাক অসিগী নুপী লাখ কয়া কান্নবা পীরে।
- আর্মদ ফোর্সশিংদা অহানবা ওইনা ঐখোয়গী সরকারনা নুপীশিংদা পর্মিনেন্ত কম্মিসন পীরে।
- অহানবা ওইনা, নুপী কেদেদশিং সাইনিক স্কুলশিং অমসুং নেসনেল দিফেন্স একাদেমীদা মিং চনবা য়ারে।
- ঙসি, নুপীশিংশু ফাইত্তর পাইলোতশিং ওইরে অমসুং অহানবা ওইনা নেভিগী জহাজশিং কমান্দ তৌরে।
- মুদ্রা য়োজনাগী মখাদা লোন করোর ৪৬ হেন্না য়েন্থোকখ্রে অমসুং নুপীশিংদা লোন করোর ৩১ হেন্না পীখ্রে।
- স্কিম অসিগী মখাদা নুপী করোর কয়া মশানা মশাবু থবক পীজনবগী খুদোংচাবশিং ফংলে।
ইকায়খুম্নরবা মেম্বরশিং,
- লৌ উবা অসি শেন্দোং হেন্না লৈহন্নবা ঐগী সরকারনা হোৎনরি। ঐখোয়গী পান্দমদি লৌ উবদা চঙবা শেনফম হন্থহনবা অমসুং শেন্দোং হেন্না ফংহনবনি। অহানবা ওইনা, ঐগী সরকারনা, লৈবাক অসিগী লৌউ-শিংউগী থৌশিল অমসুং স্কিমশিংদা লায়রবা লৌমী করোর ১০ হেনবদা মীৎয়েং চঙলে।
- পি.এম কিষান সম্মান নিধি স্কিমগী মখাদা, হৌজিক ফাওবদা লৌমীশিংনা লুপা করোর লাখ ২.৮০ ফংখ্রে।
- হৌখিবা চহি ১০দা, বেঙ্কশিংনা লৌমীশিংদা লোনশিং ফংহনবা শরুক অহুম হেনগৎলে।
- প্রধান মন্ত্রী ফাসাল বিমা য়োজনাগী মখাদা লৌমীশিংনা লুপা করোর লিশিং ৩০গী প্রেমিয়ম অমা পীখ্রে। মদুগী কান্নবা ওইনা, মখোয়না লুপা করোর লাখ ১.৫ গী ক্লেম ফংখ্রে।
- হৌখিবা চহি ১০দা, ফৌ অমসুং গেহুগী এম.এস.পি ওইনা লৌমীশিংনা লুপা করোর লাখ ১৮ রোম ফংখ্রে।
- মসি ২০১৪ মমাঙগী চহি ১০দগী শরুক ২.৫ হেল্লবনি।
- মমাঙদা সরকারনা চাং য়াম্না য়ামদনা থাউ থোকপা মরুশিং অমসুং হৱায়শিং লৈখি।
- হৌখিবা চহি ১০দা, সরকারনা এম.এস.পিদা লুপা করোর লাখ ১.২৫গী থাউ থোকপা মরুশিং অমসুং হৱায়শিং লৈরে।
- অহানবা ওইনা ঐখোয়গী সরকারনা লৈবাক অসিদা এগ্রিকলচরেল এক্সপোর্ত পোলিসি শেম্লে।
- মসি লুপা করোর লাখ ৪ ফাওবগী লৌউ-শিংউগী পোৎথোকশিং মপান্দা থাদোক্লে।
- চহি ১০ অসিদা, লৌমীশিং অহোংবা মমলদা হারশিং ফংহন্নবা লুপা করোর লাখ ১১ হেন্না চাদিং তৌখ্রে।
- ঐগী সরকারনা প্রধান মন্ত্রী কিষান সমরিধি কেন্দ্র লাখ ১.৭ হেন্না লিংখৎলে।
- হৌজিক ফাওবদা, এফ.পি.ও ৮০০০ রোম শেম্লে।
- লৈবাক অসিদা অহানবা ওইনা কোওপরেসনগী মিনিস্ত্রি অমা শেম্লে।
- কোওপরেতিপ সেক্তরদা মালেমদা খ্বাইদগী চাউবা গ্রেন স্তোরেজ প্লান হৌদোক্লে।
- খুঙ্গংশিংদা কোওপরেতিপ সোসাইতি লাখ ২ লিংখৎলে।
- ঙা য়োকপদা লুপা করোর লিশিং ৩৮ রোমগী স্কিমশিং পায়খৎলে অমসুং মসিনা হৌখিবা চহি ১০দা পোৎথোক মেত্রিক লাখ ৯৫ তগী মেত্রিক তন লাখ ১৭৫ তা হেনগৎলে।
- কংফাল মনুংগী ঙাগী পোৎথোক মেত্রিক তন লাখ ৬১ দগী মেত্রিক তন লাখ ১৩১ দা হেনগৎলে।
- মপান্দা ঙা থাদোকপা হেনগৎতুনা, লুপা করোর লিশিং ৩০দগী লুপা করোর লিশিং ৬৪ দা হেনগৎলে।
- লৈবাক অসিদা অহানবা ওইনা শা-ষন লোইবা লৌমীশিং অমসুং ঙামীশিংদা কিষান ক্রেদিদ কার্দকী কান্নবা পীরে।
- হৌখিবা চহি ১০দা মীওই অমনা ফংবা শঙ্গোম চাদা ৪০ হেনগৎলে।
- শা-ষনশিং ফুদ অমসুং মাউথ দিজিজশিংদগী ঙাকথোক্নবা অহানবা ওইনা লেম্না তিকা থাবগী থবক চৎথরি।
- হৌজিক ফাওবদা তাঙ্কক মরিদা তিকা দোজ করোর ৫০ থাখ্রে।
ইকায়খুম্নরবা মেম্বরশিং,
20. মীয়ামগী য়াইফ-থৌরাংশিং অসিনা মীয়ামগী পুন্সিদা অফবা অহোংবা অমা পুরক্লে। ঐগী সরকারগী স্কিমশিংগী কান্নবশিং অসি সরকার অমসুং সরকারগী নত্তবা লুপশিংনা থিজিন্নবা হিরম অমা ওইরে। স্কিমশিং অসিগী কান্নবশিং অসি লায়রবা মুৎথৎনবা হোৎনরিবা লৈবাক খুদিংমক্কী ময়েক লারবা খুদমশিং ওইরে।
হন্দক তোঙান-তোঙানবা ইন্সতিতুসনশিংনা থিজিনবদা ফংলে:
- তোইলেত করোর ১১ হেন্না শারে অমসুং লমহাংদা খোঙহাম্বা তোকপদগী লায়না কয়া ঙাকথোক্লে।
- মসিগী ফল ওইনা, সহরগী লায়রবা য়ুমথোং খুদিং চহি অমদা মেদিকেলগী লুপা লিশিং ৬০ রোমগী শেনফম কনবা ঙম্লে।
- থক্নবা তোতি ঈশিং ফংহনবা অসিনা চহি খুদিংগী অঙাং লাখ কয়াগী পুন্সি কনবা ঙম্লে।
- পি.এম অৱাস য়োজনাগী মখাদা পাক্কাগী য়ুমশিং শাবা অসিনা বেনিফিসরি ইমুংশিংগী খুন্নাইগী থাক অমসুং ইকায়খুম্নবা হেনগৎহল্লে।
- পাক্কাগী য়ুমশিং লৈরবা অঙাংশিংগী লাইরিক-লাইশুগী ফিবম ফগৎলে অমসুং লাইরিক তম্বা তোকপগী চাংশু হন্থরে।
- প্রধান মন্ত্রী মাত্রি সুরক্সিৎ মাত্রিবা অভিয়ানগী মখাদা, হৌজিক লৈবাক অসিদা চাদা ১০০ লায়য়েংশঙদা অঙাং উনরে। মসিনা অঙাং উনবদা মমা শিবগী চাং য়াম্না হন্থরে।
- অতোপ্পা থিজিনবা অমগী মতুংইন্না, উজৱালাগী কান্নবা ফংলবা ইমুংশিংদা অরুবা অনাবশিং হন্থবা থেংনরে।
ইকায়খুম্নরবা মেম্বরশিং,
21ঐগী সরকারনা মীওইবদা মীৎয়েং থম্বদা চাউখৎপদা লুম্না লৌরি। মীওই খুদিংমক চিংলেম্না হিংবা হায়বসি ঐখোয়না মরুওইনা লৌরি। মসি খুন্নাইগী অচুম্বা পুরক্নবা ঐখোয়গী ফিদম্নি। মসি ভারত সংবিধানগী আর্তিকল খুদিংমক্কী থৌনা অমনি। মতম শানা হকশিং খক্তগী মতাংদা খন্নখি। ঐখোয়না সরকারগী থৌদাংশিংগী মতাংদশু খন্নরে। মসিনা মীয়াম মরক্তা মশাগী মথৌ মশক খঙবগী ৱাখল অমা ফাওহল্লে। কনাগুম্বা অমগী মথৌ পাংথোকপা অসিনা কনাগুম্বা অমগী হকশিং ফংহল্লে হায়না ঙসি মীয়াম্না খনবা অমা লৈরে।
চাউখৎপগী ঈচেলদগী লাপ্না লৈরিবশিংশু ঐগী সরকারনা চেকশিন্না য়েংশিল্লে। হৌখিবা চহি ১০দা, অহানবা ওইনা ত্রাইবেলশিংগী খুঙ্গংশিংদা মৈ অমসুং লম্বী ফংহল্লে। হৌজিক ত্রাইবেল ইমুং লাখ কয়া তোতি ঈশিং ফংলে। ত্রাইবেলশিংগী খুঙ্গং লিশিং কয়াদা ঐগী সরকারনা 4G ইন্তরনেত ফংহল্লে। বন ধন কেন্দ্রশিং লিংখৎপা অমসুং উমংগী পোৎথোক ৯০ হেনবদা এম.এস.পি ফংহনবা অসিনা ত্রাইবেলশিংদা কান্নবা য়াম্না ফংলে। ত্রাইবেলশিংগীদমক পি.এম জনমন য়োজনানা লুপা করোর লিশিং ২৪গী শেনফম অমা কাইথোক্লে। মহৌশানা ত্রাইবেল ইমুংশিং সিক্কল সেল এনেমিয়ানা শোকহল্লি। মসি কোকহন্নবা অহানবা ওইনা নেসনেল মিসন অমা হৌদোক্লে। মিসন অসিগী মখাদা হৌজিক ফাওবদা মীওই করোর ১.৪০ স্কৃন তৌখ্রে।
ঐগী সরকারনা দিবয়াংজনশিংগীদমক ‘সুগময়া ভারত অভিয়ান’ হৌদোক্লে। তেক্সবুকশিং সাইন লেঙ্গোইজশিংদশু ফংহল্লে। খুন্নাইদা ত্রান্সজেন্দরশিং ইকায়খুম্নবা মফম অমা পীনবা অমসুং মখোয়গী হকশিং ঙাক্নবা আইন অমা চৎনরে।
ইকায়খুম্নরবা মেম্বরশিং,
22. সরকারগী মতেং ফংদবদগী ঐখোয়গী বিশ্বকর্মা মরুপশিং অৱাবা কয়া মায়োক্নরি। অসিগুম্বা বিশ্বকর্মা ইমুশিং ঐখোয়গী সরকারনা চেকশিন্নবা য়েংশিল্লে। হৌজিক ফাওবদা মীওই লাখ ৮৪ হেন্না পি.এম বিশ্বকর্মা য়োজনাগা শম্নরে।
চহি কয়া ঐখোয়গী লম্বী নাকলদা পোৎ য়োল্লিবা মরুপশিং মখোয়গী মরাইবক্না তম্বা অমদা থাদোক্তুনা থম্লকখি। ঐগী সরকারনা মখোয় পি.এম শ্বানিধি য়োজনাগী মখাদা বেঙ্কশিংগা শম্নহল্লে। হৌজিক ফাওবদা লুপা করোর ১০,০০০ হেনবগী লোনশিং পীখ্রে। সরকারনা মখোয়দা গরেন্তি য়াওদনা লোনশিং ফংহল্লে। মীওই অয়াম্বা লোন শিংবা খক নত্তনা, মথংগী লোন ফংলে। কান্নবা ফংলবা মীওই অয়াম্বা দলিতশিং, তোল্লবশিং, ত্রাইবেলশিং অমসুং নুপীশিংনি।
ইকায়খুম্নরবা মেম্বরশিং,
- ঐগী সরকার অসি “সবকা সাথ, সবকা বিকাস, সবকা বিশ্বাস অমসুং সবকা প্রয়াস” কী লাইৱানা লমজিংলি অমসুং খুন্নাইগী কাংলুপ খুদিংমক্তা খুদোংচাবশিং ফংহল্লে।
- অহানবা ওইনা জেনেরেল কাংলুপকী শেন-থুমগী ফিবম চাদবা মীওইশিংদা রিজার্বেসনগী খুদোংচাবা পীরে।
- গ্রেজুয়েদ অমসুং পোস্ত গ্রেজুয়েদ মেদিকেল কোর্সশিংদা ও.বি.সিশিংগী সেন্ত্রেল কোতাদা চাদা ২৭ খাক্তুনা থম্লে।
- নেসনেল কম্মিসন ফোর বেকৱার্দ ক্লাসেস সংবিধান্না শক খঙলে।
- বাবা সাহেব অম্বেদকারগা মরী লৈনবা মফম ৫ পঞ্চতির্থ ওইনা শেমগৎলে।
- লৈবাক শীনবা থুংনা ত্রাইবেল নিংতম লান্মীশিংগী মিউজম ১০ লিংখৎলে।
ইকায়খুম্নরবা মেম্বরশিং,
- চহি কয়া মীরাইদুনা লাক্লবা ঐখোয়গী ঙমখৈ ময়াগী খুঙ্গংশিং ঐখোয়না লৈবাক অসিগী অরোইবা খুঙ্গংশিং ওইনা লৌরি। ঐখোয়না মখোয় লৈবাক্কী অহানবা খুঙ্গংশিং ওইনা মশক খঙলে। হায়রিবা খুঙ্গংশিং অসি শেমগৎনবা ভাইব্রেন্ত ভিলেজ প্রোগ্রাম পায়খৎলে।
ঐখোয়না অন্দমান অমসুং নিকোবর ইথৎশিং অমসুং লক্ষদ্বিপ ইথৎশিং শেমগৎলে। মখোয়দা লম্বী, এয়র কন্নেক্তিবিতি অমসুং অয়াংবা ইন্তরনেতকী খুদোংচাবশিং ফংহল্লে। চয়োল খরগী মমাঙদা, লক্ষদ্বিপ ঈশিং মনুংগী ওপ্তিকেল ফাইবরগা শম্নরে। মসিনা লমদম অদুগী মীয়াম অমসুং লমকোয়বশিংদা কান্নবা পীরগনি।
এস্পিরেসনেল দিস্ত্রিক প্রোগ্রামগী মখাদা লৈবাক অসিগী জিলা ১০০ হেন্না শেমগৎনবা থবক পায়খৎলে। মসি মাইপাকপদগী সরকারনা এস্পিরেসনেল ব্লোক প্রোগ্রামশু হৌদোক্লে। হায়রিবা ব্লোকশিং অসি শেমগৎনবা হৌজিক অখন্নবা মীৎয়েং চঙলে।
ইকায়খুম্নরবা মেম্বরশিং,
- ঙসি ঐগী সরকারনা ঙমখৈ শীনবা থুংনা অনৌবা ইনফ্রাস্ত্রকচর শেমগৎলে। ঙসি ঐখোয়গী ফোর্সশিংনা তেরোরিজম নত্ত্রগা এক্সপান্সিওনিজমদা মতিক চাবা পাউখুম পীরে। লৈবাক মনুংগী সেকুরিতি কনখৎহন্নবা ঐগী সরকারনা পায়খৎপা থবকশিং ঐখোয় উবা ফংলে।
- জে অমসুং কেদা সেকুরিতি লৈরে।
- মমাঙদা স্ত্রাইকনা মরম ওইদুনা মী তাক্লবা কৈথেলশিং ঙসিদি মী য়াম্না চিনবা কৈথেলশিং ওইরে।
- অৱাং-নোংপোক্তা তোখায় তাবগী থৌদোকশিং নিংথিনা হন্থরে।
- লুপ কয়া তুংকোইনা শান্তি পুরক্নবা মাইকৈদা লাক্লে।
- নেক্সালনা শোকহল্লবা লমশিং য়ামশিল্লক্ত্রে।
ইকায়খুম্নরবা মেম্বরশিং,
- হৌজিক ভারতনা তুংগী চহিচা কয়াগী ৱারি ইগদবা মতমনি। ঙসি ফাওবা ঐখোয়গী অহল-লমনশিংগী অখন্নবা মাইপাকপশিং ঐখোয়না নিংশিংলি। ঙসিগী মীরোলনা চহিচা কয়া নিংশিংদুনা লৈহৌগদবা ফিবম অমা শেমগৎকদবনি। মরম অদুনা অচৌবা মঙলান অমদা হৌজিক ঐগী সরকারনা থবক তৌরি। মসি মথং চহি২৫ গী পান্দম অমনি। মসি মথং চহি ২৫গী লম্বী অমনি। চাউখৎলবা ভারতনা খুন্নাই, কলচর অমসুং লালগী থৌনাদা চপ মান্নবা মিৎয়েং থমগনি। মখোয় য়াওদনা চাউখৎপা অমসুং শেন-থুমগী ফিবম ফগৎহনবা কুইনা চৎলোই। মসিগী ৱাখল্লোন অসিগা লোয়ননা থবক কয়া পায়খৎলে।
ইকায়খুম্নরবা মেম্বরশিং,
- ভারতনা য়াংনা চাউখৎলকপা ঙসি মালেমগী লুপ কয়ানা খঙলে। রেকোর্দ ওইনা ইনফ্রাস্ত্রকচরদা শেন থাদবা অমসুং থৌশিলশিংদা অহোংবা পুরকপা অসিনা মখা তানা ইনভেস্তরশিংগী থাজবা হেনগৎহল্লে। ভারতকী মরা চেৎপা সরকার অমা লৈবা অসিনা মালেমদা থাজবা অমুক হেন্না লৈহল্লে।
ভারত খক্তনা মালেমগী সপ্লাই চেন মপাঙ্গল কনগৎহনবা ঙমগনি হায়না মালেম্না থাজরি। লৈবাক অসিদা অফবা এম.এস.এম.ইগী নেতৱার্ক অমা লৈরে। ঐগী সরকারনা হিরম ১৪ দা পি.এল.আই স্কিমশিং পায়খৎলে। স্কিম অসিগী মখাদা লুপা করোর লাখ ৯ রোমগী পোৎথোক পুথোকখ্রে। মসি লৈবাক অসিদা মীওই লাখ কয়া অনৌবা থবকশিং ফংহল্লে। ঐগী সরকারনা লৈবাক অসিদা ব্লক দ্রগ পার্ক ৩ শেমগৎলে।
ইকায়খুম্নরবা মেম্বরশিং,
- ঙসি মেদ ইন ইন্দিয়া মালেমগী ব্রান্দ অমা ওইরে। ‘অত্মানির্ভর ভারত’কী ৱাখল্লোন অসি মালেম্না থাগৎনরে। মালেম শীনবা থুংবগী কম্পেনিশিংনা ভারতকী নৌনা হৌরক্লিবা সেক্তরশিং পাম্নরে। সেমিকন্দক্তর সেক্তরদা শেন থাদরে। ইলেক্ত্রোনিক্স অমসুং ওতোমোবাইল সেক্তরনা সেমিকন্দক্তর সেক্তরদগী কান্নবা য়াম্না ফংলে। হৌখিবা চহি খর অসিদা লৈবা অসিদা ইলেক্ত্রিক গারি লাখ কয়া শারে। ভারত্তা অচৌবা এয়রক্রাফশিং শানবা ঐখোয়না থবক পায়খৎলে। মেনুফেকচরিং সেক্তরনা অনৌবা থবক কয়া পীরগনি।
ইকায়খুম্নরবা মেম্বরশিং,
- অকোয়বগী ফিবম শোকহন্দবা পোৎথোকশিং অসি মালেম অসিনা পাম্নরে। মরম অদুনা ঐগী সরকারনা জিরো ইফেক জিরো দিফেক পায়খৎলে। ঐখোয়না গ্রিন ইনর্জিদা অখন্নবা মীৎয়েং থম্লে।
- চহি ১০দা নন-ফোসিল ফুয়েল বেজ ইনর্জি পুথোকপা গিগাৱাত ৮১ দগী গিগাৱাত ১৮৮তা হেনগৎলে।
- সোলার পৱার পুথোকপা শরুক ২৬ হেনগৎলে।
- . ৱিন্দ পৱার কেপাসিতি শরুক অনি হেনগৎলে।
- রিনিউএবল ইনর্জি ইন্সতোল কেপাসিতিগী লমদা ঐখোয় মালেমদা মরিশুবা মফমদা লৈরে।
- সোলার পৱার কেপাসিতিদা ঐখোয় মঙাশুবা মফমদা লৈরে।
- ২০৩০ ফাওবদা লৈবাক অসিগী ইলেক্ত্রিক্কী অপুনবা চাদা ৫০ নন-ফোসিল ফুয়েলশিংদগী পুথোক্নবা ভারতনা পান্দম অমা থম্লে।
- হৌখিবা চহি ১০দা অনৌবা সোলার পার্ক ১১ শেমগৎলে। ঙসি সোলার পার্ক ৯ শেমগৎলি।
- য়ুম মথক্তা সোলার থম্নবা অনৌবা স্কিম অমা হৌদোক্লে। স্কিম অসিগী মখাদা ইমুং করোর ১ মতেং পীগনি।
- ঐগী সরকারনা অনৌবা নিউক্লিয়ার প্লান্ত ১০ অয়াবা পীরে।
- ঐখোয়না লাদাখ অমসুং দমন-দিয়ুদা হায়দ্রোন ইনর্জিগী প্রোজেক অনি পায়খৎপা হৌরে।
- ঐগী সরকারনা ইথানোলগী লমদা থবক তৌবা হৌরে। চাদা ১২ ইথানোল য়ানশিন্নবা পান্দম ফংবা ঙম্লে। চাদা ২০ ইথানোল য়ানশিন্নবা পান্দম অথুবা মতমদা ফংলগনি। হৌজিক ফাওবদা লুপা করোর লাখ ১ হেনবগী ইথানোল কম্পেনিশিংদগী লৈরে। নুমিৎ খরনিগী মমাঙদা বে ওফ বেঙ্গলদা অনৌবা ব্লোক্তগী থাউ পুথোকপা হৌরে। মসি লৈবাক অসিগী অচৌবা মাইপাকপনি।
ইকায়খুম্নরবা মেম্বরশিং,
- মালেম অসিদা মরুওইবা ধাতুশিং য়াম্না লিক্না ফংই । মরম অদুনা ঐগী সরকারনা সর্কুলার ইকোনোমি পুক্নিং থৌগৎলে। মসিগী পান্দম অসি ফংনবা ভারতকী অহানবা ভেহিকল স্ক্রাপ্পেজ পোলিসি থবক পায়খৎপা হৌরে। সমুদ্র মনুংদা মিনরেলশিং থিনবা দিপ ওসিন মিসন থবক হৌরে। হিরম অসিদা ভারতকী ‘সমুদ্রয়ান’ থবক পায়খৎলে। মালেমদা ভারতনা অচৌবা স্পেসকী শক্তি অমা ওইনবা ঐগী সরকারনা থবক পায়খৎলে। মসিনা পুন্সি মহিং ফগৎহনগনি। ভারতকী স্পেসকী থবকশিং পাকথোক-চাউথোকহন্নবা মরুওইবা ৱারেপ কয়া লৌরে। মসিনা অনৌবা স্পেস স্তার্দঅপ কয়া শেমগৎলে। ভারতকী গাগনয়াননা সুন্দ্রং য়ৌগদবা নুমি অদু কুইদ্রে।
ইকায়খুম্নরবা মেম্বরশিং,
- ঐগী সরকারনা ভারত মালেমদা মাংজিল থাবা দিজিতেল ইকোনোমি অমা ওইহল্লে। মসিনা নহারোল করোর কয়াদা থবক ফংহল্লে। মরিশুবা ইন্দস্ত্রিএল রিভোলুসন্দা ভারতনা মাংজিল থাবা হায়বসি ঐখোয়গী থবক্নি। ঐগী সরকারনা আর্তিফিসিএল ইন্তিলিজেন্স মিসন পায়খৎলে। মসিনা লৌউ-শিংউ, হকশেল অমসুং লাইরিক তম্বদা অওনবা পুরক্লগনি। ঐগী সরকারনা নেসনেল ক্বান্তম মিসন অয়াবা পীরে। হিরম অসিদা ভারতনা মাংজিল থানবা হৌজিক থবক পায়খৎলে।
ইকায়খুম্নরবা মেম্বরশিং,
- ঐগী সরকারনা অনৌবা ইজুকেসন পোলিসি অমা শেম্লে অমসুং মসি য়াংনা চৎনহল্লে। নেসনেল ইজুকেসন পোলিসিনা ইমালোলশিং অমসুং ভারতকী লোলশিং লাইরিক তম্বীনবা মীৎয়েং চঙলে। ভারতকী লোলশিংদা ইঞ্জিনিয়ারিং অমসুং মেদিকেল সবজেকশিং তম্বীবা হৌরে। মগুন লৈবা ইজুকেসন ফংহন্নবা ঐগী সরকারনা পি এম শ্রী বিদ্যলয় ১৪,০০০ হেনবগী থবক পায়খৎলে। মসিগী মনুংদা স্কুল ৬০০০ থবক হৌখ্রে।
লৈবাক অসিদা লাইরিক তম্বা তোকপগী চাং য়াম্না হন্থরে। অৱাংবা থাক্তা নুপীমচাশিং মিং চনবা হেনগৎলে। এস.সি মহৈরোয়শিং মিং চনবা চাদা ৪৪ হেনগৎলে আমসুং এস.তি মহৈরোয়শিংনা চাদা ৬৫ হেনগৎলে। ও.বি.সিশিংনা চাদা ৪৪ হেনগৎলে। অতল ইন্নোবেসন মিসনগী মখাদা অতল তিনকরিং লেব ১০,০০০ লিংখৎলে। মসিদা মহৈরোয় করোর ১ হেন্না শরুক য়ারে। হৌখিবা চহি ১০দা এ.আই.আই.এম.এস ১৬ অমসুং মেদিকেল কলেজ ৩১৫ লিংখৎলে। নর্সিং কলেজ ১৫৭ লিংখৎলে। এম.বি.বি.এস সিত মশিং শরুক অনি হেনগৎলে।
ইকায়খুম্নরবা মেম্বরশিং,
- হৌখিবা চহি ১০দা ঐগী সরকারনা তুরিজম সেক্তরদা অচৌবা থবক কয়া পায়খৎলে। ভারত্তা লৈবাক মনুংগী লমকোয়বা মীওইশিং অমসুং মপান লৈবাকশিংগী লমকোয়বা মীওইশিং মশিং হেনগৎলে। ঙসি মালেম অসিনা ভারত য়েংবা পাম্নরে। লম্বী-থোংগী ফিবম ফগৎলকপদগী তুরিজমগী থবকশু হেনগৎলক্লে। তোঙান-তোঙানবা মফমশিংদা এয়রপোর্তশিং শেমগৎপা অসিনা খুদোংচাবশিং পীরে। হৌজিক অৱাং-নোংপোক্তা রেকোর্দ ওইনা লমকোয়বা মীওইশিং লাক্লে।
লৈবাক শীনবা থুংনা লৈরিবা লাইফমশিং অমসুং পুৱারিগী মফমশিং শেমগৎনবা ঐগী সরকারনা থবক পায়খৎলে। ভারতকী হেরিতেচ তুরিজমদা মালেম্না পাম্নরে। হৌখিবা চহিদা মীওই করোর ৮.৫ কাসি য়েংবা লাকখি। মীওই করোর ৫ হেন্না মহাকালদা চৎখি। মীওই লাখ ১৯ কেদার ধামদা চৎখি। প্রান প্রতিস্থাগী নুমিৎ মঙানিদা অযোধ্যা ধামদা ভক্তা লাখ ১৩ লাকখি।
ভারত অসি মীফমশিং অমসু একজিবিসনশিংগী মরুওইবা মফম অমা ওইহন্নবা ঐগী সরকারনা হোৎনরি। মসিগীদমক ভারত মন্দাপাম, যাসোভুমি শেমগৎলে। তুংদা তুরিজম অসি থবক পীনবা অচৌবা সেক্তর অমা ওইরক্লগনি।
ইকায়খুম্নরবা মেম্বরশিং,
34. ঐখোয়না লৈবাক অসিগী স্পোর্তস ইকোনোমিগা নহারোলশিংগী হৈশিংবা অমসুং থবক ফংবগা শম্নহল্লে। ঐগী সরকারনা হোৎনবদগী হৌজিক ভাত অচৌবা শান্নবগী শক্তি অমা ওইরক্লে। ঙসি নেসনেল স্পোর্তস য়ুনিভর্সিতি লিংখৎলে। লৈবাক অসিদা সেন্তর ফোর এক্সলেন্স কয়া লিংখৎলে। মসিনা নহারোলশিং শান্নবা অসি শীনফম অমা ওইনা খন্নবা খুদোংচাবা পীগনি। শান্নবগী পোৎলমশিং পুথোকপদা মখল খুদিংমক্কী মতেং পাংলে।
হৌখিবা চহি ১০ দা ভারত্তা মালেমগী অচৌবা শান্নবগী থৌরম কয়া মাইপাক্না পাংথোকখ্রে। ঐখোয়গী নহারোলশিং বিকসিত ভারত অমা শেমগৎনবা মতেং পাংনবা মেরা যুব ভারত লুপ শেম্লে। মসিদা নহারোল করোর ১ রোম শরুক য়ারে।
ইকায়খুম্নরবা মেম্বরশিং,
- হৌখিবা চহি ৩ দা মালেমদা মুক্নবা কয়া উরে। ঐগী সরকারনা অৱাবা তারবা মতমদা ভারত অসি বিশ্বামিত্রা অমা ওইনা শেমগৎলে। মসিনা মরম ওইদুনা ভারত মালেমগী মরুপকী শক্তম লৌরিবা অসিনা ঙসিদি গ্লোবেল সাউথকী খোল্লাউ অমা ওইরে।
ঐগী সরকারনা সরকারগী থবকশিংদা মীয়াম হকথেংননা শরুক য়াহল্লে। মসি ভারতনা জি-২০ প্রসিদেন্ত ওইবা মনুংদা ঐখোয়না উবা ফংলে। ভারতনা জি-২০ অসি মীয়ামগা শম্নহল্লিবা অসি মমাঙদা অমুক্তা ওইখিদ্রি। ভারত শীনবা থুংনা অচৌবা থৌরম কয়া পাংথোক্তুনা মালেমদা ভারতকী অশেংবা শক্তি অদু উৎখ্রে। ভারত্তা পাংথোকখিবা জি-২০ মীফম অদু মালেম্না থাগৎনখি। নুপীশিংনা মাংজিল থাবা চাউখৎপা অমসুং ইনভাইরোনমেন্তগী ৱাফমশিংগী মতাংদা দিক্লারেসনগী য়ুম্ফম ওইখিবা অদু মালেম্না অমতা ওইনা য়ানখি। ঐখোয়না হোৎনবদগী অফ্রিকান য়ুনিন জি-২০গী মেম্বর ওইখি। মীফম মনুংদা ইন্দিয়া-মিদল ইস্ত-য়ুরোপ কোরিদোর শেমগৎনবা লাউথোকখি। মসিনা ভারতকী সমুদ্রগী থবক হেনগৎহনগনি। গ্লোবেল বাইওফুয়েল এল্লাইন্স হৌদোকখিবা অসি অচৌবা থৌরম অমনি।
ইকায়খুম্নরবা মেম্বরশিং,
- ভারতকী মপান লৈবাকশিংগী থৌশিল অসি হান্নগী খুদোংচাদবশিং অদু লৈত্রে। ঙসি ভারত মালেমগী লুপ কয়াদা ইকায়খুম্নরবা মেম্বর অমা ওইরে। ঙসি ভারতনা তেরোরিজমগী মায়োক্তা মালেমদা মাংজিল থানা খোল্লাউ লাউরে।
মালেমগী খুদোংথিবা মতমদা ওপরেসন গঙ্গা, ওপরেসন কাভেরি অমসুং বন্দে ভারতগুম্বা থবকশিং পায়খৎতুনা ভারতমচাশিং অশোই-অঙাম থোক্তনা লৌথোকখি। মালেমদা ভারতকী য়োগ, প্রনায়ম অমসুং অয়ুর্বেদা শন্দোক্নবা ঐগী সরকারনা মখা তানা থবকশিং পায়খৎলি। হৌখিবা চহিদা য়ু.এন হেদক্বাতরদা লৈবাক ১৩৫গী মীহুৎশিং পুন্না য়োগ পাংথোকখি। ঐগী সরকারনা অনৌবা অয়ুস মিনিস্ত্রি লিংখৎলে। ভারত্তা ৱার্ল্দ হেল্থ ওর্গনাইজেসনগী অহানবা গ্লোবেল সেন্তর ফোর ত্রেদিসনেল মেদিসিন লিংখৎলে।
ইকায়খুম্নরবা মেম্বরশিং,
37. সভেত্যগী পুৱারিদা তুংগী চহিচা কয়াগী মশক তাক্কদবা তাঙ্কক অমা লাকই। চহি অসিগী জনুৱারি ২২ দা লৈবাক অসিনা নুমিৎ অদু উখ্রে। চহি চা কয়া ঙাইরক্লবা মতুংদা, অযোধ্যাদা মহাক্কী লাইশঙদা রাম লালা লেংশিনখ্রে। মসি লৈবাক অসিগী মীওই করোর কয়াগী থাজবা অমসুং অনিংবগা মরী লৈনবা ৱাফম অমনি।
ইকায়খুম্নরবা মেম্বরশিং,
- অদোম্না ভারতমচা করোর কয়াগী অপাম্বশিংগী মহুৎশিল্লিবনি। ঙসি স্কুলশিং অমসুং কলেজশিংদা লৈরিবা নহারোলশিংগী মঙলানশিং তোঙাল্লে। অমৃত কালগী মীরোলশিংগী মঙলানশিং মঙফাওনহনবা হায়বসি ঐখোয় খুদিংমক্কী থৌদাংনি। ঐখোয়গী অমৃত কালগী মীরোলগী মঙলান অসি চাউখৎলবা ভারত অমা শেমগৎপনি। মসিগীদমক ঐখোয় পুন্না থবক তৌমিন্নগদবনি।
ইকায়খুম্নরবা মেম্বরশিং,
- ইকায়খুম্নরবা অতল জিনা হায়খি-
अपनी ध्येय-यात्रा में,
हम कभी रुके नहीं हैं।
किसी चुनौती के सम्मुख
कभी झुके नहीं हैं।
ভারতমচা করোর ১৪০গী মঙলানশিং মঙফাউন্নবা থাজবগা লোয়ননা ঐগী সরকার মাঙলোমদা চঙশিল্লি। ভারতকী খোঙচৎ অনৌবা সংসদ অসিনা মখা তানা থৌনা হাপকনি অমসুং অনৌবা অমসুং অফবা চৎনবীশিং শেমগৎকনি হায়না ঐনা থাজৈ।
মরুপ কয়া ২০৪৭ দা হাওস অসিদা উনবা ফংলরোই। ঐখোয়গী থবক্তি তুংগী মীরোলশিংনা ঐখোয় নিংশিংহৌনবা থবক পাংথোকপনি।
ময়াম পুম্নমক য়াইফ-পাউজেল পীজরি!
অদোম থাগৎচরি!
জয় হিন্দি !
জয় ভারত!
*****
(Release ID: 2001474)
Visitor Counter : 54
Read this release in:
Kannada
,
English
,
Urdu
,
Hindi
,
Marathi
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Odia
,
Tamil
,
Telugu
,
Malayalam