প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভারত মন্দপমদা পাঙথোকখিবা 7শুবা পরিক্ষা পে চর্চা (PPC)গী ইদিসন মনুংদা মহৈরোয়শিং, ওজাশিং অমসুং মমা-মপাশিংগা ৱারী শাখ্রে। মহাক্না থৌরম অসিদা উৎখিবা আর্ত অমসুং ক্রাফস একজিবিসনসু চৎতুনা য়েংখি। PPC অসি অঙাং অমমমগী অখন্নবা মগুন অদুবু নুংঙাইবা ফোঙদোকপা, পুক্নি থৌগৎপা অমসুং মপুং ফানা উৎথোকপা য়াহনবা এনভাইর্নমেন্ত অমা শেমগৎনবা মহৈরোয়শিং, মমা-মপাশিং, ওজাশিং অমসুং খুন্নাইবু পুনশিনবগী প্রধান মন্ত্রী নরেন্দ্র মোদীগী খোঙথাংশিংনা শাহৌ পীরিবা ইহো অমনি।

মহৈরোয়শিং, ওজাশিং অমসুং মমা-মপাশিংগী ওইবা থৌরম অসিদা ৱা ঙাংলদুনা প্রধান মন্ত্রীনা তোঙান-তোঙানবা মওংশিংদা অনৌবা নেস্নেল এজুকেসন পোলিসীগুম্বা এস্পিরেসনশিং অমসুং কনসেপ্তশিং ফোঙদোক্লিবা একজিবিসন্দা মহৈরোয়শিংনা পুথোকপা ক্রিএসনশিংগী মতাংদা ফোঙদোকখি। মহাক্না হায়খি একজিবিৎশিং অসিনা অনৌবা মীরোলশিং অসিনা তোঙান-তোঙানবা তোপিকশিংগী মরমদা করি খল্লি অমসুং ইস্যুশিং অসিগীদমক মখোয়দা করি সোল্যুসনশিং লৈবগে হায়বগী মমি তাখি।

মহাক্কী ৱারী-ৱাতাই শাবা অদু হৌরদুনা প্রধান মন্ত্রীনা থৌরম পাঙথোকফম হায়বদি ভারত মন্দপমগী মরু ওইবগী মতাংদা মহৈরোয়শিংদা খঙহনখি  অমসুং মখোয়দা মালেমগী অচৌবা লুচিংবা পুম্নমক্না পুনখিবা অমসুং মালেমগী তুংলমচৎকীদমক খন্নখিবা G20 সম্মিৎকী মরমদা মখোয়দা হায়খি।

এক্সতর্নেল প্রেসর অমসুং স্ত্রেস

ওমানদা লৈবা লনাই CBSE স্কুল অমদগী দানিয়া শাবু অমসুং দিল্লীগী রুরারিদা লৈবা গভর্নমেন্ত সর্ভোদ্য বাল বিদ্যালয়দগী মুহম্মদ আর্শনা মহৈরোয়শিংদা প্রেসর হাপদা শরুক তম্মিবা কলচরেল অমসুং সোসাইতেল এক্সপেক্তেসনগুম্বা এক্সতর্নেল ফেক্তরশিংগী কোকহন্নবা হীরমগী মতাংদা পুখৎলকখি। প্রধান মন্ত্রীনা 7শুবা ইদিসন ওইরবসু PPCদা মতম চুপ্পদা কলচরেল অমসুং সোসাইতেল এক্সপেক্তেসনশিংগী মতাংদা ৱাহংশিং অদুমক থোরকখি হায়না ফোঙদোকখি। মহাক্না মহৈরোয়শিংদা এক্সতর্নেল ফেক্তরশিংদগী লাকপা অহেনবা প্রেসরগী শাফু হন্থহনবদা লৌরিবা ওজাশিংগী থৌদাংগী মতাংদা ফোঙদোকখি অমসুং মমা-মপাশিংনা মতম মতমগী ওইনা থেংনদুনা লাকখি। মহাক্না ইশানা প্রেসর অসি থেংনবা ঙম্নবা অমসুং মসিগীদমক শেম শাবা অসি পুন্সিগী শরুক অমা ওইহন্নবা হায়খি। প্রধান মন্ত্রীনা মহৈরোয়শিংদা য়াম্না খুদোংচাদবা ক্লাইমেৎ কন্দিসন অমদগী অতোপ্পা অমদা চৎপদা ৱাখলনা য়াম্না খুদোংচাদবা ৱেদর কন্দিসনশিং থেংননবা শেম শাবগী খুদম পীরদুনা মখোয় মশাগী পুক্নিং ৱাখলদা শেম শানবা হায়খি। মহাক্না স্ত্রেস লেবেলশিং এক্সেস তৌনবা অমসুং মহৈরোয়শিংগী মতিক ময়াইদা অপনবা পীদনা তপ্না তপ্না ইনক্রিমেন্ত তৌদুনা মাংদা চংশিন্নবসু হায়খি। শ্রী মোদীনা মহৈরোয়শিং, ইমুং-মনুংশিং অমসুং ওজাশিংদা সিস্তমেতিক থিওরী  অমা ইমপ্লিমেন্ত তৌবগী মহুৎ প্রোসেস অমা শেমদুনা এক্সতর্নেল স্ত্রেস কোকহন্নবা পুন্না হোৎন্নবা হায়খি। মহাক্না মহৈরোয়শিংগী ইমুং-মনুংশিংনা মখোয়দা কান্নগদবা তোঙান-তোঙানবা মওংশিংগী মতাংদা খন্নবা হায়খি।

মরুপশিংগী মরক্তা লৈরিবা পীয়র প্রেসর অমসুং কম্পিতিসন

 মরুপশিংগী মরক্তা লৈরিবা পীয়র প্রেসর অমসুং কম্পিতিসনগী ইস্যুশিং কোকহন্নবগী মতাংদা অন্দামান এন্দ নিকোবার আইলেন্দগী গভর্নমেন্ত দেমোনস্ত্রেসন মলতিপর্পস স্কুলদগী বাগ্যা লক্ষ্মী, গুজরাতকী JNV পঞ্চমহলদগী দ্রাস্তি চৌহান অমসুং কেরালাগী কলিকৎকী কেন্দ্রিয় বিদ্যালয়দগী স্বাতি দিলীপনা পুখৎলকখি অদুগী পাউখুমদা প্রধান মন্ত্রীনা কম্পিতিসনগী কান্নবগী মতাংদা ফোঙদোকখি অদুম ওইনমক মহাক্না কম্পিতিসন অসি অফবা মওংদা তৌগদবনি হায়খি। মহাক্না হায়খি মদুদি ইমং মনুংদা ওইবা ফীভমদা ফত্তবা অথোই অহেন তানবগী মরূশিং অসি হুন্দুনা মচিল মনাওশিংগী মরক্তা অচৌবা কম্পিতিসন তৌনহল্লি। পি.এম. মোদীনা মমা-মপাশিংদা মখোয়গী মচাশিংগী মরক্তা কম্পিতিসন তৌদনবা হায়খি। প্রধান মন্ত্রীনা অঙাংশিংনা অমনা অমগী মতেং পাংবগা লোয়ননা অফবা মওংদা কম্পিতিসন তৌনবগী খুদম ওইরিবা ভিদিও অমা উৎখি। মহাক্না হায়খি একজামশিংদা নীংথিনা তৌবা অসি জিরো-সম গেম অমা নতে অমসুং কম্পিতিসন অসি ইশাগা তৌজগদবনি মরমদি মরুপ অমনা নীংথিনা পরফোর্ম তৌবনা ঐনা মাইপাক্নবগী লমদা অপনবা ওইদে। প্রধান মন্ত্রীনা মসিগী তেন্দেন্সী অসিনা ইথিল পীরোইদবা মপাং অমা তিন্নবগী তেন্দেন্সী অমা লৈহল্লকপা য়াই হায়খি। মহাক্না মমা-মপাশিংদা মখোয়গী অঙাংশিংবু অতৈ অঙাংশিংগা চাংদম্নদনবা হায়খি। মহাক্না মখোয়গী অঙাংশিংগী মাইপাকপনা মখোয়গী বিজিতিং কার্দ ওইনা লৌদনবা হায়খি। পি.এম. মোদীনা মহৈরোয়শিংদা মখোয়গী মরুপকী মাইপাকপদা নুংঙাইথোক্নবা হায়খি। “মরুপ ওইবগী মরী অসি ত্রান্সেক্সনেল ইমোসন অমা নত্তে” হায়না প্রধান মন্ত্রীনা ফোঙদোকখি।

মহৈরোয়শিংদা ইথিল পীবদা ওজাশিংগী থৌদাং

মহৈরোয়শিংদা ইথিল পীবদা লৌরিবা ওজাশিংগী থৌদাংগী মতাংদা প্রধান মন্ত্রীনা আন্ধ্র প্রদেশকী উপ্পারাপল্লী জিপি হায় স্কুমগী ম্যুসিক তীচর, শ্রী কোন্দাকঞ্চি সম্পথা অমসুং অসামগী শিবসাগরদগী ওজা অমা ওইরিবা বন্তী মেদীনা হংলকপা ৱাহংশিংগী পাউখুম পীখি। প্রধান মন্ত্রীনা হায়খি মদুদি ঈশৈনা ক্লাস অমা খক্তা নত্তনা স্কুল পুম্বগী মহৈরোয়শিংগী স্ত্রেস কোকহনবা ঙম্মি। শ্রী মোদীনা ক্লাসকী অহানবা নুমিৎতগী একজামগী মতম ফাওবদা মহৈরোয়-ওজাগী মরী অসি তপ্না-তপ্না হেনগৎহন্নবা ফোঙদোকখি অমসুং হায়খি মদুদি মসিনা একজাম মনুংদা স্ত্রেস মপুং ফানা হন্থহনবা ঙমগনি। মহাক্না ওজাশিংদা ‌তাক্লিবা সবজেক্তশিংদা য়ুম্ফম ওইরগা মখোয়গা মরী থম্বগী মহুৎ মহৈরোয়শুংদা হেন্না এক্সেসিবল ওইহন্নবা হায়খি। মাগী পেসেন্তশিংগা লোয়ননা পর্সনেল কন্নেক্সন লৈনরিবা দোক্তরশিংবু খুদম ওইনা পীদুনা প্রধান মন্ত্রীনা হায়খি অসিগুম্বা মরী অসিনা লায়েংবগী তঙ্খাই য়ৌরবনি।মহাক্না ইমুং মনুংশিংগা লোয়ননা পর্সনেল কন্নেক্ত থম্নবা অমসুং মহৈরোয়শিংবু মখোয়গী মমাংদা মাগী মাইপাকপশিংগীদমক থাগৎনবা হায়খি। “ওজাশিং অসি শুপ্নগী থবক খক্তা নত্তে মখোয়দা মহৈরোয়শিংগী পুন্সি মখোঙ শোম্বগী থৌদাংসু লৈ”, হায়না পি.এম. মোদীনা মখা তাখি।

একজামগী স্ত্রেস থেংনবা

ৱেস্ত ত্রিপুরগী প্রনাবন্দা বিদ্যা মন্দিরগী এদ্রিতা চক্রবোর্তি, ছত্তিসগরগী বাস্তরগী জ্বাহর নভোদয় বিদ্যালয়গী মহৈরোয় শেখ তাইফর রেহমন, অমসুং ওরিশাগী কত্তক্কী অদার্শ বিদ্যালয়গী রাজ্যলক্ষ্মি অচার্য়না প্রধান মন্ত্রীদা একজাম স্ত্রেস থেংননবগী মতাংদা হংখি। প্রধান মন্ত্রীনা মমা মপাশিংনা হেন্না হরাওশনবা নত্ত্রগা মহৈরোয়শিংনা হেন্না সিন্সিয়র ওইশিনবনা মরম ওইরগা থোকপা অশোইবশিং ঙাকথোকপা মথৌ তাই হায়খি। মহাক্না মমা মপাশিংদা অনৌবা ফিরোল লৈবা, লাইগী থৌরম পাঙথোকপা নত্ত্রগা স্তেসনরী লৈবগী থৌওং চত্থদুনা একজাম অসি ওভর-হাইপ তৌদনবা হায়খি। মহাক্না মহৈরোয়শিংদা অরোইবা মীকুপ ফাওবা প্রিপিয়র তৌদুনা লৈতনবা অমসুং ৱাখল ইনা পরিক্ষা থেংননবা অমসুং কান্নদবদা তেন্সন লৈবা এক্সতর্নেল দেস্ত্রক্সন ঙাকথোকচনবা হায়খি। প্রধান মন্ত্রীনা মখোয়দা ক্বেসন পেপর পানবা অমসুং অরোইবা মতম য়ৌরকপদা পাখৎপা পোক্তনবা তাইম এল্লোকেসন প্লান তৌথোক্নবা হায়খি। প্রধান মন্ত্রীনা মহৈরোয়শিংদা পরিক্ষাশিং অসি হৌজিকসু ইবনি অমসুং ইবগী হৈনবী অসি কম্প্যুতরশিং অমসুং ফোনশিংনা মরম ওইরগা হন্থরক্লি হায়খি। মহাক্না মখোয়দা ইবগী হৈনবী থম্নবা হায়খি। মহাক্না মখোয়না লাইরিক পাবগী চাদা 50দি ইবগী থবক তৌনবা হায়খি। মহাক্না হায়খি নখোয়না করিগুম্বা অমা ইরবা মতমদা খক্তা মদু তশেংনা খঙবা ঙমগনি। মহাক্না অতোপ্পা মহৈরোয়শিংগী স্পীদ উবদা পাখৎপা তৌদনবা হায়খি।

অফবা পুন্সি মহিং অমা ঙাক্না থম্বা

পরিক্ষাগী শেম শাবা অমসুং অফবা পুন্সি মহিং অমা ঙাক্না থম্বগী মরক্তা বেলেন্স তৌবদা থেংনরিবা খুদোংচাদবগী মতাংদা রাজস্থানগী সিনিয়র সেকেন্দরী স্কুল অমগী মহৈরোয়, ধিরাজ সুভাস, লদাখকী কার্গিলগী পি.এম. শ্রী কেন্দ্রিয় বিদ্যালয়গী মহৈরোয়, নজমা খাতুন অমসুং অরুনাচল প্রদেশকী তোবি লহমে গভর্নমেন্ত হায়র সেকেন্দরীগী ওজা, অভিশেক কুমার তিৱারীনা প্রধান মন্ত্রীনা শাজেলগা লোয়ননা করম্না স্তেদী মেনেজ তৌগদগে হংখি। প্রধান মন্ত্রীনা মোবাইল ফোন রিচার্জ তৌবা মথৌ তাবা অসুম্না ফিজিকেল হেল্থ য়েংশিনবা মথৌ তাই হায়খি। মহাক্না বেলেন্দ লাইফস্তাইল অমা ঙাক্না থম্নবা অমসুং পুম্নমক এক্সেস ওইবদগী ঙাকথোক্নবা হায়খি। “অফবা হকচাং অসি অফবা পুক্নিং ৱাখলগীদমক মরু ওই” হায়না পি.এম. মোদীনা ফোঙদোকখি। মহাক্না হায়খি হকচাং ফাবদা রুতিন খরা মথৌ তাই অমসুআ নুমিৎতা থোক্তুনা মতম লেন্নবা অমসুং চাং নাইনা অমদি মপুং ফানা তুম্নবা হায়খি। মহাক্না স্ক্রিন তাইমগুম্বা হৈনবীশিং অসিনা মোদর্ন হেল্থ সাইন্সনা য়াম্না মরু ওই লৌনরিবা মথৌ তাবা তুমগী মতম অদু চাথোক্লি। প্রধান মন্ত্রীনা হায়খি মদুদি মহাক্কী লনাইগী ওইবা পুন্সিদসু মহাক্না ফমুং চংবগী সেকেন্দ 30গী মনুংদা তুম্নবা সিস্তেম অমা মেন্তেন তৌরি। “তুমদবা মতমদা মপুং ফানা মীৎ শীংনা লৈবা অমদি তুম্বা মতমদা মপুং ফানা তুম্বা অসি ফংফম থোকপা বেলেন্স অদুনি” হায়না মহাক্না ফোঙদোকখি। মচি ওইবা চীঞ্জাক্কী মতাংদা পল্লদুনা পি.এম. মোদীনা বেলেন্স দাইৎ চানবা হায়খি। মহাক্না চাং নাইনা শাজেল তৌবা অমসুং হকচাং ফনা থম্নবা ফিজিকেল এক্তিবিতীশিং তৌবগী মরু ওইবা ফোঙদোকখি।

কেরিয়র প্রোগ্রেসন

কেরিয়র প্রোগ্রেসনগী মতাংদা পাউতাকশিং পীরদুনা ৱেস্ত বেঙ্গোলগী নোর্থ 24 পর্গানাগী কেন্দ্র বিদ্যালয়, বররাকপোরগী মধুমিতা মাল্লিক অমসুং হরিয়াগী পনিপতকী দি মিলিনিয়ম স্কুলগী অদিতি তনৱারনা হংলকপা ৱাহংগী পাউখুমদা প্রধান মন্ত্রীনা কেরিয়রগী লম্বী খনবা মতমদা ক্লেরিতী লৈনবা অমসুং চম্মনবা অমসুং পুক্নিং লেপ্পা ঙমদবা তৌদনবা হায়খি। স্বচ্ছতাগী খুদম পীরদুনা প্রধান মন্ত্রীগী ফিরেপ অসিগী নুংদা লৈরিবা ৱাখল্লোন অদু ফোঙদোক্লদুনা পি.এম. মোদীনা ‘স্বচ্ছতা’ অসি লৈবাক্কী ওইনা মরু ওইবা লম অমা ওইরক্লি। মহাক্না হায়খি মদুদি ভারতকী আর্ত অমসুং কলচর সেক্তরগী মার্কেৎ অসি হৌখিবা চহি 10দা শরুক 250 খুমাং চাউশিল্লকখি। “করিগুম্বা ঐখোয়দা মতিক ময়াই লৈরবদি ঐখোয়না করিগুম্বা অমা হেক্তা তৌবা ঙমগনি” হায়না ফোঙদোক্লদুনা পি.এম. মোদীনা মহৈরোয়শিংদা মখোয় মশাবু হন্থনবা খন্দনবা হায়খি। মহাক্না মপুং ফানা কত্থোকপগা লোয়ননা থবক তৌনবা হায়খি। নেস্নেল এজুকেসন পোলিসীগী মতাংদা পল্লদুনা মহাক্না সিঙ্গল স্ত্রম অমদা চৎপগী মহুৎ তোঙান-তোঙানবা কোর্সশিং তম্বা য়াবগী প্রোবিজনগী মতাংদা ফোঙদোকখি। মহাক্না থৌরম অসিদা উৎখিবা একজিবিসনদা মহৈরোয়শিংনা শরুক য়াবা, মখোয়গী স্কিল অমদি দেদিকেসন অদু থাগৎখি অমসুং হায়খি মদুদি মখোয়না সরকারগী স্কিমশিংগী মরমদা খঙহন্নবা তৌরিবা থবক অসি ভারত সরকারগী ইনফোর্মেসন অমসুং ব্রোদকাস্তিং মন্ত্রালয়গা চাংদম্নবদা মখোয়না হেন্না নীংথিনা তৌরি। “ঐখোয়না চম্মনবা কোকহন্নবা পুক্নিং লেপ্পা ঙম্বা তাই” হায়না ফোঙদোক্লদুনা পি.এম. মোদীনা কনাগুম্বা অমনা চানিংবা পোৎলম রেস্তোরেন্তদা ওর্দর তৌবগী খুদম অদু পীখি। মহাক্না ৱারেপশিংগী পোজিতিব অমদি নেগেতিবশিংবু ইভেল্যুএৎ তৌনবা হায়খি।

মমা-মপাশিংগী থৌদাং

পুদুচেরী গভর্নমেন্ত হায়র সেকেন্দরী স্কুলগী মহৈরোয় দীপাস্রীনা দিল্লীদগী ভিদিও কনফরেন্সকী থোংদা প্রোগ্রাম অসিদা শরুক য়ারদুনা প্রধান মন্ত্রীদা মমা মপাশিংগী থৌদং অমদু করম্না মহৈরোয়শিংনা থাজবা লৈহনগনি হায়বা ৱাহং হংখি। প্রধান মন্ত্রীনা ইমংদা থাজবা মাংবগী মতাংদা পনখি অমসুং মমা-মপা অমদি ওজাশিংনা মসি লুম্না লৌনবা হায়খি। মহাক্না মসিগী অৱাৎপা অসি খঙহৌদনা লাকপা নত্তে মসিদা লোং-দ্রোন প্রোসেস অমনি অমসুং মীপুম খুদিংমক্কী কন্দক্ত কুপ্না ইশানা এনালাইসিস তৌবা মথৌ তাই। পুকচেল শেংনা পাউ ফাওনবনা থাজবগী অৱাৎপা লৈরিবা অসি কোকহনবা ঙমগনি। মহৈরোয়শিংনা থবক তৌবদা পুকচেল শেংবা তাই। মতৌ অসুম্না মমা-মপাশিংনসু মখোয়গী মচাশিংদা চীংনবগী মহুৎ থাজবা থম্বা তাই। থাজবা ৱাৎপনা থোকহল্লকপা অরাপ্পা অসিনা অঙাংশিংবু দিপ্রেসন লৈহল্লকপা য়াই। প্রধান মন্ত্রীনা ওজাশিংদা মহৈরোয়শিংগা লোয়ননা কম্ম্যুনিকেসনগী চেনেলশিং হাংদোক্তুনা থম্নবা অমসুং ফেবরিতিজম তৌদনবা হায়খি। মহাক্না এক্সপরিমেন্ত অমা তৌনবা হায়খি অমসুং মরুপশিংগী ইমুং মনুংগা চাং নাইনা উন্নবা অসুং অঙাংশিংদা মতেং পাংগদবা পোজিতিব ওইবা লমগী মতাংদা খন্ননবা হায়খি।

তেক্নোলোজী চংশিল্লকপা

মহারাস্ত্রগী পুনেদগী মপা অমা ওইরিবা, চন্দ্রেশ জেন্না মহৈরোবশিংগী পুন্সিদা তেক্নোলোজী চংলকপগী ইস্যুগী মতাংদা পুখৎলকখি অমসুং ঝারখন্দগী রামগরদগী মমা, কুমারি পুজা শ্রিবাস্তবানা সোসিএল মেদিয়া প্লেৎফোর্মশিং মরাং কাইনা লৈবা অসিদা স্তদীজ করম্না মেনেজ তৌগনি হংখি। হিমাচল প্রদেশকী হমরিপুরগী কঙ্গোদা লৈবা TR DAV স্কুলগী মহৈরোয়, অভিনাব রানানা মোবাইল তেক্নোলোজীগী কান্নবা অসি মহৈ তম্নবা তুল অমা ওইনা শীজিন্নবগা লোয়ননা একজাম স্ত্রেন নীংথিনা মেনেজ তৌনব মহৈরোয়শিংবু ৱাখল তাহন্নবা অমসুং পুক্নিং থৌগৎনবা ইস্যুগী মতাংদা পুখৎলকখি। “করিগুম্বা অমা হেক্তা য়াম্না হেনজিনবা হায়বা অসি অফবা নত্তে” হানা প্রধান মন্ত্রীনা ফোঙদোক্লদুনা মোবাইল ফোন কা হেন্না শীজিন্নবগা কা হেন্না য়ুমদা থোংবা চাক ইনসাং চাশিনবনা পুক নাহনবা অমসুং অতোপ্পা খুদোংচাদবা থোকহনবগা চাংদম্নখি। মহাক্না জদজমেন্ত-বেজ দিসিজন-মেকিংগী মতেংগা লোয়ননা তেক্নোলোজী অমসুং মোবাইল ফোনশিং নীংথিনা শীজিন্ননবা হাবখি। “মমা-মপা খুদিংমক্না মসিগী ইস্যু অসি মায়োক্নরি” হায়রদুনা প্রধান মন্ত্রীনা প্রাইভেসী অমসুং সেক্রেসীগী সবজেক্ত অদু পুথোকখি। মহাক্না ইমুং মনুংদা চৎন-কাংলোনশিং শেম্নবা অমসুং চাকচাবা মতমদা ইলেক্ত্রোনিক গেদজেৎশিং শীজিন্নদবা অমসুং ইমুংদা নো গেদজেৎ জোবশিং থম্নবা হায়খি। “ঙসিগী মালেম অসিদা কনাগুম্বা অমত্তনা তেক্নোলোজী য়াওদনা হিংবা ঙমলোই” হায়না প্রধান মন্ত্রীনা ফোঙদোকখি। মহাক্না হায়খি মদুদি মসি পোৎলুম অমা ওইনা লৌরোইদবনি মসি নীংথিনা শীজিন্নবা হৈনবা হোৎনবা তাই। প্রধান মন্ত্রীনা মহৈরোয়শিংবু তেক্নোলোজী অসি এজুকেস্নেল রিসোর্স অমা ওইনা লৌনবা মখোয়গী মমা-মপা ৱাখল তাহন্নবা হায়খি অমসুং মখোয়গী য়ুমদা লৈরিবা মীওই খুদিংমক্তা মোবাইল ফোনগী পাসকোদশিং শিয়র তৌদুনা ত্রান্সপরেন্সী থম্নবা হায়খি। “মসিনা ফত্তবা কয়া ঙাকথোকপা ঙমহনগনি” হায়না মহাক্না মখা তাখি। প্রধান মন্ত্রীনা দেদিকেতেদ মোবাইল এপ্লিকেসনশিং অমসুং তুলশিং শীজিন্নবগা লোয়ননা স্ক্রীন তাইম মোনিতর তৌনবা হায়খি। মহাক্না মহৈরোয়শিংদা ক্লাসরুমদা মোবাইল ফোনশিংগী কান্নবগী মতাংদা তাকপীনবসু হায়খি।

প্রধান মন্ত্রীনা করম্না স্ত্রেস কোকহনবা ঙম্বগে অমসুং পোজিতিব ওইনা লৈবগে?

তামিল নাদুগী চেন্নাইগী মোদর্ন সিনিয়র সেকেন্দরী স্কুলগী মহৈরোয়, এম, ভাগেশনা প্রধান মন্ত্রীদা মহাক্না করম্না প্রধান মন্ত্রীগী ফম পাইবগা লোয়ননা প্রেসর অমসুং স্ত্রেস হেন্দল তৌবগে হংখি। উত্তরাখন্দগী উদম সিংহ নগরগী দাইনাস্তী মোদর্ন গুরুকুল একাদেমিগী মহৈরোয়, স্নেহা তিয়াগীনা প্রধন মন্ত্রীদা ‘করম্না অদোমগুম্না পোজিতিব ওইবা ঙমগনি? হায়না হংখি। প্রধান মন্ত্রীনা হায়খি অঙাংশিংনা প্রধান মন্ত্রীগী ফম অসি প্রেসর লৈ খঙলিবা অসি য়াম্না ফৈ। মহাক্না হায়খি মীপুম খুদিংমক্না তম্বা ঙমদবা ফীভমশিং মায়োক্নৈ। কনাগুম্বনা মদু নাথৈবা য়াই অদুম ওইনমক মীয়াম্না থোইনা হেন্না মাইপাকপা ওইবদি ঙমদে। “ঐনা কান্নৈ খঙখিবা ঐগী এপ্রোচ অসি ‘ঐহাক্না শীংনবা খুদিংমক মায়োক্নবা ঙম্নবা হোৎনৈ’। ঐহাক্না শীংনবশিং অদু মশা মথন্তা লোইখিনবা ঙাইদুনা লৈতে। মসিনা মতম পুম্বদা ঐঙোন্দা তমশিন্নবা খুদোংচাবা অমা পী। অনৌবা ফীভমশিং থেংনবা অসিনা ঐঙোন্দা লৌশিং হাপকৎলি”। মহাক্না মখা তারদুনা হায়খি, “ঐগী খ্বাইদগী চাউবা থাজবা অসি ঐগী ইরৈবাকচা করোর 140না ঐগীদমক লৈরিবা অসিনি। করিগুম্বা শীংনবা 100  লাক্লবদি মদুগী সোল্যুসন বিলিয়ন অমা লৈগনি। ঐহাক্না কৈদৌনুংদা ইথন্তনা অমসুং পুম্নমক ঐঙোন্দা তারে খন্দে ঐহাক্না ঐগী লৈবাক অমসুং ইরৈবাকচাশিংগী তৌবা ঙম্বশিংদা মতম চুপ্পদা থাজবা থম্মি। মসি ঐগী ৱাখল্লোনগী মরু ওইবা ৱাখল্লোন অমনি”। মহাক্না হায়খি মদুদি মহাক্না মাং থানা থবক তৌগদবা অমদি অশোইবশিংসু মাগী ওইগদবা ওইরবসু লৈবাক্কী তৌবা ঙম্বশিংনা মপাঙ্গল কনখৎহল্লি। “ঐগী ইরৈবাকচাশিংগী মতিক ময়াই ঐনা হেনগৎহল্লিবা মতিক শীংনবশিং থেংনবগী ঐগী মতিক ময়াই হেনগৎহল্লি” হায়না মহাক্না ফোঙদোকখি। লাইরবগী ইস্যুগী খুদম পীরদুনা প্রধান মন্ত্রীনা হায়খি লায়রবনা মখোয় মশানা লায়রবা কোকহন্নবা ৱারেপ লৌরবা মতমদা লায়রবা মাংখিগনি। “পক্কাগী য়ুম, তোইলেৎ, এজুকেসন, আয়ুশ্মান, তোতি ঈশিং অসিগুম্বগী মঙলানশিং মঙনবা খুৎলাইশিং পীবা ঐগী থৌদাংনি। মহাক্কী নুংতিগী থেংনরিবা অৱাবা অসি কোকহল্লবা মতমদা মহাক্না শোইদনা লায়রবা মাংহনবা ঙমগনি”, হায়না প্রধান মন্ত্রীনা ফোঙদোকখি। মহাক্না হায়খি হৌখিবা চহি 10 অসিদা মীওই করোর 25না লায়রবদগী থোরকপা ঙমখি।

মখা তানা প্রধান মন্ত্রীনা হায়খি মদুদি মীওই অমনা পোৎশিং মরু ওইনা খন্দোকপা ঙম্বগী লৌশিং লৈগদবনি। মসি পুম্নমক্কী এক্সপরিয়েন্স লৈবা অমসুং এনালাইসিস তৌরবা মতমদা ঙম্মি। মহাক্না হায়খি মদুদি মহাক্কী অশোইবশিং অসি মহাক্না পরা অমা ওইনা লৌই।

মহাক্না কোবিদ লাইচৎকী মতাংদা ফোঙদোকখি অমসুং হায় মদুদি তুমিন্না ফমদোকপগী মহুৎ মহাক্না মীয়ামবু থৌগৎনবা অমসুং দিয়া থান্নবা নত্ত্রগা ‘পুখম’ থিনবা অসিগুম্বা থৌওংশিংগী খুত্থাংদা অপুনবগী শক্তি পুথোক্নবা হোৎনখি। মতৌ অসুম্না স্পোর্তসকী মাইপাকপগী নুংঙাইবা ফোঙদোকপা অমসুং অচুম্বা  লালোং, মাইকৈ অমসুং লুচিংবনা ইন্তরনেস্নেল ইভেন্তশিংদা মেদল চাউনা লৌবা ঙমহনখি।

মহাক্না হায়খি মদুদি অফবা লৈঙাক্কীদমক মখাতগী মথক ফাওবা অচুম্বা ইপাউগী সিস্তেম অমসুং মথক্তগী মখা ফাওবা অচুম্বা লমজিং লমতাক্কী সিস্তেম লৈগদবনি।

প্রধান মন্ত্রীনা পুন্সিদা নীংহন্নবা তৌদনবা অমসুং ৱারেপ অমা লৌরবা মতমদা মদুগী পোজিতিবিতী লেংদনা থম্নবা হায়খি। “ঐহাক্না ঐগী পুন্সিদা নীংহন্নবগী থোং থোংনাও পুম্নমক লোনশিনখ্রে” হায়না প্রধান মন্ত্রীনা ফোঙদোকখি। মহাক্না হায়খি মদুদি ৱারেপ লৌবা অসি করিগুম্বা অমগী ফিরেপ চেৎলবা মতমদা লাইহল্লি। “পুকচেল পীকপগী ৱাখল্লোন লৈত্রবা মতমদা ৱারেপ লৌবদা চম্মনবা কৈদৌনুংদা পোকলোই”, হায়না মহাক্না ফোঙদোকখি। হৌজিক লৈরিবা মীরোলগী পুন্সি অসি লাইথোকহনবদা মীৎয়েং চংলদুনা প্রধান মন্ত্রীনা ঙসিগী মীরোলনা মখোয়গী মমা-মপাশিংনা থেংনখিবা অৱাবশিং অদু থেংনররোই হায়না থাজবা ফোঙদোকখি। “সরকার অসিনা হৌজি খক্তা নত্তনা তুংগী মীরোলশিংনা ঙান্থোইনবা খুদোংচাবা ফংবা অমসুং মখোয়গী মতিক ময়াই উৎথোকপা ঙম্বা লৈবাক অমা শেমগৎনবা হোৎনরি”  হায়না প্রধান মন্ত্রীনা ফোঙদোকখি অমদি মহাক্না হায় মসিনা লৈবাক পুম্বগী অমত্তা ওইবা ফিরেপ ওইহনসি। পোজিতিব ওইনা খনবা ঙম্বগী শক্তিগী মতাংদা প্রধান মন্ত্রীনা হায়খি মদুদি মসিনা খ্বাইদগী নেগেতিব ওইবা ফীভমশিংদা ফাওবা পোজিতিব ওইবা ফলশিং ফংহনবা ঙম্নবা শক্তি পীরি। প্রধান মন্ত্রীনা মহৈরোয়শিংবু পুক্নিং থৌগৎতুনা মখোয়গী পুন্সিগী পান্দমশিং থুংহন্নবা য়াইফ মঙ্গোল পীবগা লোয়ননা ৱা ঙাংবা লোইশিনখি।

থৌরম অসিদা কেন্দ্রগী এজুকেসন মন্ত্রী, শ্রী ধর্মেন্দ্র প্রধানসু শরুক য়াখি।

পরিক্ষা পে চর্চাগী মমাংগী ভর্জনশিং মখাদা ফংবীগনি:

Join Pariksha Pe Charcha! Great to connect with students from across the country. https://t.co/z1UDFjYMWv

— Narendra Modi (@narendramodi) January 29, 2024

It is crucial to instill resilience in our children and help them cope with pressures. pic.twitter.com/BmkH2O6vV6

— PMO India (@PMOIndia) January 29, 2024

The challenges of students must be addressed collectively by parents as well as teachers. pic.twitter.com/lvd577dgx1

— PMO India (@PMOIndia) January 29, 2024

Healthy competition augurs well for students' growth. pic.twitter.com/lCa4PzoqRl

— PMO India (@PMOIndia) January 29, 2024

दबाव पर हमें अपने तरीके से जीत हासिल करनी है, ये संकल्प करना है। pic.twitter.com/EEhCHbRLG0

— PMO India (@PMOIndia) January 29, 2024

Parents should not make report cards of their children as their visiting card. pic.twitter.com/Y75KDAxdD3

— PMO India (@PMOIndia) January 29, 2024

The bond between students and teachers must be beyond syllabus and curriculum. pic.twitter.com/IUhTUWyFHC

— PMO India (@PMOIndia) January 29, 2024

Never sow the seeds of competition and rivalry between your children. Rather, siblings should be an inspiration for each other. pic.twitter.com/xIxN3iq02R

— PMO India (@PMOIndia) January 29, 2024

Strive to be committed and decisive in all the work and study you do. pic.twitter.com/S21e5eUyv0

— PMO India (@PMOIndia) January 29, 2024

Practice the writing of answers as much as possible. If you have that practice, the majority of exam hall stress will go away. pic.twitter.com/2kAsFiDo6m

— PMO India (@PMOIndia) January 29, 2024

Technology should not become a burden. Use it judiciously. pic.twitter.com/qveSxDbEjn

— PMO India (@PMOIndia) January 29, 2024

There is nothing like the ‘right’ time, so do not wait for it. Challenges will keep coming, and you must challenge those challenges. pic.twitter.com/s63iq9mG8Z

— PMO India (@PMOIndia) January 29, 2024

If there are millions of challenges, there are billions of solutions as well. pic.twitter.com/rcQqllZ8yB

— PMO India (@PMOIndia) January 29, 2024

Failures must not cause disappointments. Every mistake is a new learning. pic.twitter.com/crhbeRyldi

— PMO India (@PMOIndia) January 29, 2024

পরিক্ষা পে চর্চা 2023

পরিক্ষা পে চর্চা 2022

পরিক্ষা পে চর্চা 2021

পরিক্ষা পে চর্চা 2020

পরিক্ষা পে চর্চা 2019

পরিক্ষা পে চর্চা 2018

*****