ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଳୀର ଭାରତ ମଣ୍ଡପମ୍‌ଠାରେ ପରୀକ୍ଷା ପେ ଚର୍ଚ୍ଚାର ସପ୍ତମ ସଂସ୍କରଣ ଅବସରରେ ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକମାନଙ୍କ ସହ ଆଲୋଚନା କରିଛନ୍ତି । ଏହି ଅବସରରେ ଆୟୋଜିତ ଚାରୁ କଳା ପ୍ରଦର୍ଶନୀ ମଧ୍ୟ ସେ ବୁଲି ଦେଖିଛନ୍ତି। ପିପିସି ଆନ୍ଦୋଳନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର ଏପରି ଏକ ଉଦ୍ୟମ ଯେଉଁଥିରେ ଅଭିଭାବକ, ଛାତ୍ରଛାତ୍ରୀ ଓ ଶିକ୍ଷକ ଆଲୋଚନା ମାଧ୍ୟମରେ ଏକାଠି ହୋଇଥାନ୍ତି ଓ ଛାତ୍ରଛାତ୍ରୀ ସେମାନଙ୍କ ବ୍ୟକ୍ତିଗତ ସମସ୍ୟା ପ୍ରକାଶ କରିବାର ଏକ ଅନୁକୂଳ ବାତାବରଣ ମଧ୍ୟ ପାଇଛନ୍ତି । 

ଛାତ୍ର, ଶିକ୍ଷକ ଓ ପିଲାମାନଙ୍କ ମାତା-ପିତାଙ୍କ ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ପିଲାମାନେ ସେମାନଙ୍କ ସୃଜନଶୀଳ ନୂତନ ଶିକ୍ଷା ନୀତି ଭଳି ବିଷୟ ଓ କଳ୍ପନାକୁ ରୂପ ଦେଇଛନ୍ତି ଏବଂ ତାହା ପ୍ରଦର୍ଶନୀରେ ସ୍ଥାନ ପାଇଛି । ବିଭିନ୍ନ ବିଷୟ ନେଇ ବର୍ତ୍ତମାନର ନୂଆ ପିଢି କ’ଣ ଭାବୁଛି ଓ ତାହାର ସମାଧାନ କ’ଣ ତାହା ପ୍ରଦର୍ଶନୀ ଜରିଆରେ ପ୍ରତିଫଳିତ ହୋଇଛି ।

ମତ ବିନିମୟ ଆରମ୍ଭ କରି ପ୍ରଧାନମନ୍ତ୍ରୀ କାର୍ଯ୍ୟକ୍ରମ ସ୍ଥଳୀର ଗୁରୁତ୍ୱ ଉପରେ କହିଥିଲେ । କାର୍ଯ୍ୟକ୍ରମ ସ୍ଥଳୀ ଭାରତ ମଣ୍ଡପମରେ କିପରି ଜି-୨୦ ଶିଖର ସମ୍ମିଳନୀ ଅନୁଷ୍ଠିତ ହୋଇଥିଲା ଓ ବିଶ୍ୱ ନେତୃବୃନ୍ଦ କିପରି ଏକତ୍ରିତ ହୋଇ ବିଶ୍ୱର ଭବିଷ୍ୟତ ସମ୍ପର୍କରେ ଆଲୋଚନା କରିଥିଲେ, ତାହା ବର୍ଣ୍ଣନା କରିଥିଲେ । 

ବାହ୍ୟ ଚାପ ଓ ମାନସିକ ଉତ୍ତେଜନା 

ଓମାନର ଘରୋଇ ସିବିଏସଇ ବିଦ୍ୟାଳୟର ଦାନିଆ ସାବୁ ଓ ଦିଲ୍ଲୀ ବୁରାରୀର ସରକାରୀ ସର୍ବୋଦୟ ବାଲ ବିଦ୍ୟାଳୟର ମହମ୍ମଦ ଆର୍ଶ ବାହ୍ୟ ଚାପ ଯଥା ସାଂସ୍କୃତିକ ଓ ସାମାଜିକ ଆକାଂକ୍ଷା ଯୋଗୁଁ ପିଲାମାନଙ୍କ ଉପରେ ବେଶୀ ଚାପ ପଡୁଛି । ଏପରିକି ସପ୍ତମ ସଂସ୍କରଣ ହେଲେ ମଧ୍ୟ ସାଂସ୍କୃତିକ ଓ ସାମାଜିକ ଚାପ ପିପିସିରେ ପ୍ରଶ୍ନ ସବୁବେଳେ ଉଠିଥାଏ ବୋଲି ପ୍ରଧାନମନ୍ତ୍ରୀଙ୍କ ହୃଦବୋଧ ହୋଇଥିଲା । ଛାତ୍ରଛାତ୍ରୀଙ୍କ ଉପରେ ପଡୁଥିବା ବାହ୍ୟଚାପ ପ୍ରଶମନ ଉପରେ ପ୍ରଧାନମନ୍ତ୍ରୀ ଶିକ୍ଷକମାନଙ୍କ ଭୂମିକା ଉପରେ ଆଲୋକପାତ କରି କହିଥିଲେ ଯେ ଅଭିଭାବକମାନେ ମଧ୍ୟ ଏ ସମ୍ପର୍କରେ ଚାପର ବଶବର୍ତ୍ତୀ ହେବାକୁ ବାଧ୍ୟ ହେଉଛନ୍ତି । ସେ ନିଜେ ଚାପକୁ ସମ୍ଭାଳିବାରେ ଦକ୍ଷ ହୋଇ ତାହାକୁ ଜୀବନର ଅଂଶ ବିଶେଷଭାବେ ବିବେଚନା କରିବା ଆବଶ୍ୟକ । ଯେପରି ଗୋଟିଏ ଜଳବାୟୁରୁ ପୁରା ବିପରୀତ ଜଳବାୟୁ ଅବସ୍ଥାକୁ ଯାଇ କିପରି ତାହାର ସମ୍ମୁଖୀନ ହେବା ପାଇଁ ଆଗରୁ ପ୍ରସ୍ତୁତି କରାଯାଇଥାଏ ସେହିପରି ପଥ ସ୍ଥିର କରିବା ଉପରେ ସେ ପରାମର୍ଶ ଦେଇଥିଲେ । ଚାପର ସ୍ତରକୁ କଳନା କରି କ୍ରମଶଃ ତା’ର ମୁକାବିଲା କରିବାକୁ ହେବ । କାରଣ ତାହା ଦ୍ୱାରା ବିଦ୍ୟାର୍ଥୀର ସାମର୍ଥ୍ୟ ପ୍ରଭାବିତ ହେବ ନାହିଁ । ଶ୍ରୀ ମୋଦୀ ଶିକ୍ଷକ, ଛାତ୍ରଛାତ୍ରୀ ଓ ଅଭିଭାବକମାନଙ୍କୁ ମିଳିମିଶି ବାହ୍ୟ ଚାପର ମୁକାବିଲା କରିବା ସହ ଏକ ପଦ୍ଧତିଗତ ଅନୁଶୀଳନ ନ କରି ଏହାର ଏକ ପ୍ରକ୍ରିୟା ନିର୍ଦ୍ଧାରଣ କରିବାକୁ ପରାମର୍ଶ ଦେଇଥିଲେ । ‌ପରିବାରଗୁଡିକ ସେମାନଙ୍କ ପିଲାମାନଙ୍କ ପାଇଁ ବିଭିନ୍ନ ରାସ୍ତା ନେଇ ଚିନ୍ତା କରିବା ଆବଶ୍ୟକ । 

ସାଥୀ, ବନ୍ଧୁବାନ୍ଧବ ଓ ସହପାଠୀମାନଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା

ବନ୍ଧୁବାନ୍ଧବଙ୍କ ଚାପ ଓ ସହପାଠୀମାନଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ବିଷୟ ନେଇ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର ସରକାରୀ ଡିଏଭି ସ୍କୁଲର ଭାଗ୍ୟଲକ୍ଷ୍ମୀ, ଗୁଜରାଟ ପଂଚ ମହଲାର ଜେଏନଭିର ଦ୍ରାଷ୍ଟି ଚୌହ୍ୱାନ ଓ କେରଳ କାଲିକଟ କେନ୍ଦ୍ରୀୟ ବିଦ୍ୟାଳୟର ସ୍ୱାତୀ ଦିଲୀପ ପ୍ରଶ୍ନ ପଚାରିଥିଲେ । ପ୍ରତିଯୋଗିତାର ଗୁରୁତ୍ୱ ଉପରେ ପ୍ରଧାନମନ୍ତ୍ରୀ ଆଲୋକପାତ କରିବା ସହ ଏହା ସୁସ୍ଥ ବାତାବରଣ ମଧ୍ୟରେ ହେବା ଉଚିିତ ବୋଲି କହିଥିଲେ । ଅସୁସ୍ଥ ବାତାବରଣ ଜନିତ ପ୍ରତିଯୋଗିତାର ମଞ୍ଜି ଅନେକ ସମୟରେ ପରିବାର ଦ୍ୱାରା ବୁଣାଯାଇଥିବାରୁ ଅନେକ ସମୟରେ ପିଲାମାନଙ୍କ ମଧ୍ୟରେ ଏଭଳି ଖରାପ ମନୋଭାବ ଦେଖା ଦେଇଥାଏ । ପିଲାମାନଙ୍କ ମଧ୍ୟରେ ପ୍ରତିଯୋଗିତାକୁ ବାରଣ କରିବାକୁ ପ୍ରଧାନମନ୍ତ୍ରୀ ମାତା-ପିତାଙ୍କୁ ପରାମର୍ଶ ଦେଇଥିଲେ। ଏକ ଭିଡିଓର ଉଦାହରଣ ଦେଇ ପ୍ରତିଯୋଗିତା ଦ୍ୱାରା କିପରି ପିଲାମାନେ ଏକ ସ୍ୱଚ୍ଛ ବାତାବରଣର ନଜିର ପେସ କରୁଛନ୍ତି ତାହା ଦର୍ଶାଇଥିଲେ । ପରୀକ୍ଷାରେ ଉତ୍ତମ ପ୍ରଦର୍ଶନ ଜଣେ କଲେ ତାହା ଅନ୍ୟକୁ ସେପରି କରିବାକୁ ନିବୃତ କରିବ ନାହିଁ । ସେ ନିଜର ପିଲାମାନଙ୍କୁ ଅନ୍ୟ କାହା ସହ ତୁଳନା ନ କରିବାକୁ ପିତା-ମାତାକୁ ପରାମର୍ଶ ଦେଇଥିଲେ । ସେମାନେ ନିଜ ପିଲାଙ୍କ ଉତ୍ତମ ପ୍ରଦର୍ଶନକୁ କୌଣସି ଭିଜିଟିଂ କାର୍ଡର ରୂପ ନ ଦେବାକୁ କହିବା ସହ ଅନ୍ୟ ସାଙ୍ଗମାନଙ୍କ ଉତ୍ତମ ପ୍ରଦର୍ଶନକୁ ନେଇ ଖୁସି ହେବାକୁ କହିଥିଲେ । “ବନ୍ଧୁତ୍ୱ କୌଣସି ଦେଣନେଣ ଜନିତ ଭାବନା ନୁହେଁ” ବୋଲି ଶ୍ରୀ ମୋଦି କହିଥିଲେ । 

ବିଦ୍ୟାର୍ଥୀମାନଙ୍କ ପ୍ରେରଣା ଦେବାରେ ଶିକ୍ଷକଙ୍କ ଭୂମିକା-

 ଆନ୍ଧ୍ରପ୍ରଦେଶ ଉପରପଲ୍ଲୀର ଜେଡ୍‌ପି ଉଚ୍ଚ ବିଦ୍ୟାଳୟର ସଙ୍ଗୀତ ଶିକ୍ଷକ ଶ୍ରୀ କୋଣ୍ଡାକାଞ୍ôଚ ସମ୍ପତରାଓ ଓ ଆସାମ ଶିବସାଗରର ଶିକ୍ଷକ କଣ୍ଟିମେଡିଙ୍କ ଶିକ୍ଷକମାନଙ୍କ ଦ୍ୱାରା ବିଦ୍ୟାର୍ଥୀମାନଙ୍କ ପ୍ରେରଣା ନେଇ ପ୍ରଧାନମନ୍ତ୍ରୀ ଆଲୋକପାତ କରିଥିଲେ । କେବଳ ଗୋଟିଏ ଶ୍ରେଣୀ ନୁହେଁ ସମଗ୍ର ବିଦ୍ୟାଳୟର ପିଲାଙ୍କ ମାନସିକ ଚାପକୁ ସଙ୍ଗୀତ ଦୂର କରିବାରେ ସକ୍ଷମ । ଏହା ପରୀକ୍ଷାରେ ପିଲାମାନଙ୍କ ଚାପକୁ ଉପଶମ କରିଥାଏ । କେବଳ ନିଜର ବିଷୟ ଛାଡି ଅନ୍ୟାନ୍ୟ କଥାରେ ମଧ୍ୟ ପିଲାମାନଙ୍କୁ ଚାପମୁକ୍ତ ରଖିବା ପାଇଁ ନେଇ ପରାମର୍ଶ ଦେବାକୁ ସେ ଶିକ୍ଷକମାନଙ୍କୁ ନିବେଦନ କରିଥିଲେ । ପଶ୍ଚିମ ତ୍ରିପୁରା ପ୍ରଣବା ନନ୍ଦ ବିଦ୍ୟାପୀଠର ଆଦ୍ରିତା ଚକ୍ରବର୍ତ୍ତୀ, ଛତିଶଗଡ ବସ୍ତର ଜବାହାର ନବୋଦୟ ବିଦ୍ୟାଳୟର ଶେଖ ସଇଫୁର ରହେମାନ ଓ ଓଡିଶାର କଟକର ଆଦର୍ଶ ବିଦ୍ୟାଳୟର ରାଜଲକ୍ଷ୍ମୀ ଆଚାର୍ଯ୍ୟ ପରୀକ୍ଷାର ଚାପର ମୁକାବିଲା ନେଇ ପ୍ରଶ୍ନ ପଚାରିଥିଲେ । ପ୍ରଧାନମନ୍ତ୍ରୀ ମାତା-ପିତାଙ୍କ ଅତ୍ୟଧିକ ଉତ୍ସାହ ଓ ପିଲାଙ୍କ ଅଧିକ କର୍ତ୍ତବ୍ୟ ନିଷ୍ଠାର ବଶବର୍ତ୍ତୀ ହୋଇ ଭୁଲ ନ କରିବାକୁ ପରାମର୍ଶ ଦେଇଥିଲେ । ପରୀକ୍ଷାକୁ ଅତିରଞ୍ଜିତ କରିବାକୁ ଯାଇ ନୂତନ ପୋଷାକ, ଅଧିକ ପୂଜାର୍ଚ୍ଚନା ବା ନୂଆ ନୂଆ ଜିନିଷ ବ୍ୟବହାର ନ କରିବାକୁ ମଧ୍ୟ ସେ କହିଥିଲେ । ପରୀକ୍ଷାର ଆରମ୍ଭ ପର୍ଯ୍ୟନ୍ତ ପଢାପଢି ନ କରି ପୂର୍ବରୁ ଆରାମ କରିବା ତଥା ବାହ୍ୟ ଚାପରୁ ବଶବର୍ତ୍ତୀ ନ ହେବାକୁ ସେ କହିଥିଲେ । ପରୀକ୍ଷା ପ୍ରଶ୍ନ ଭଲଭାବେ ପଢି ସମୟ ଅନୁସାରେ ଉତ୍ତର ଲେଖିବାକୁ ଯୋଜନା କଲେ ଶେଷ ମୁହୁର୍ତ୍ତରେ ବ୍ୟତିବ୍ୟସ୍ତ ହେବାକୁ ପଡିବ ନାହିଁ। କମ୍ପ୍ୟୁଟର ଓ ଫୋନ ଯୋଗୁଁ ଲେଖିବା ଅଭ୍ୟାସ ହ୍ରାସ ପାଉଥିବାରୁ ତଥା ଆଜିକାଲି ପ୍ରଶ୍ନଗୁଡିକ ଲିଖିତ ଆକାରରେ ଆସୁଥିବାରୁ ଲେଖା ଅଭ୍ୟାସ ଅବ୍ୟାହତ ରଖିବାକୁ ପରାମର୍ଶ ଦେଇଥିଲେ । ସେ ପିଲାମାନଙ୍କ ପଢାପଢିର ଶତକଡା ୧୫୦ଭାଗ ଲେଖାଲେଖିରେ ମନୋନିବେଶ କରିବାକୁ ପରାମର୍ଶ ଦେଇଥିଲେ । ଯଦି କେହି ପିଲା ଜୋର ଜୋର ଲେଖେ ସେଥିରେ ବିବ୍ରତ ହେବା ଅନାବଶ୍ୟକ ବୋଲି ମଧ୍ୟ ସେ ପରାମର୍ଶ ଦେଇଥିଲେ ।

ସୁସ୍ଥ ଜୀବନଯାପନ ଶୈଳୀ 

ରାଜସ୍ଥାନର ଏକ ଉଚ୍ଚ ମାଧ୍ୟମିକ ବିଦ୍ୟାଳୟର ଧୀରଜ ସୁଭାଷ, କାରଗିଲ ଲଦାଖ ପିଏମ୍ ଶ୍ରୀ କେନ୍ଦ୍ରୀୟ ବିଦ୍ୟାଳୟର ନଜମା ଖାତୁନ, ଅରୁଣାଚଳ ପ୍ରଦେଶ ତୋବି ଲାମେର ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଶିକ୍ଷକ ଅଭିଷେକ କୁମାର ତିୱରୀ ବ୍ୟାୟାମ ସହ ପାଠପଢା ତଥା ଏକ ସୁସ୍ଥ ଜୀବନ ଶୈଳୀ ଉପରେ ପ୍ରଶ୍ନ ପଚାରିଥିଲେ । ଯେପରି ମୋବାଇଲ ଫୋନ ଚାର୍ଜ କରାଯାଏ, ସେହିପରି ସ୍ୱାସ୍ଥ୍ୟ ଯତ୍ନ ମଧ୍ୟ ଆବଶ୍ୟକ । ସବୁବେଳେ ଅଧିକକୁ ପ୍ରଶ୍ରୟ ନ ଦେଇ ଏକ ସନ୍ତୁଳିତ ଜୀବନଶୈଳୀ ଆପଣାଇବା ଆବଶ୍ୟକ । 

ଏକ ସୁସ୍ଥ ମନ ପାଇଁ ସୁସ୍ଥ ଶରୀର ଆବଶ୍ୟକ’ ବୋଲି ଶ୍ରୀ ମୋଦୀ କହିଥିଲେ । ଶରୀରକୁ ସୁସ୍ଥ ରଖିବା ନିମନ୍ତେ ଏକ ରୁଟିନର ଆବଶ୍ୟକ । ସୂର୍ଯ୍ୟାଲୋକ ପାଇବା ସହ ନିୟମିତ ପୁରା ପୁରୀ ଶୋଇବା ଦରକାର । ନିଜ ଜବୀନରେ ସେ ମଧ୍ୟ ଶୋଇବାକୁ ଗଲେ ୩୦ ସେକେଣ୍ଡ ମଧ୍ୟରେ ଗଭୀର ନିଦ୍ରା ଯାଆନ୍ତି । ‘ଜାଗ୍ରତ ରହିବା ବେଳେ ପୁରା ଜାଗ୍ରତ ରୁହ ଓ ଶୋଇବା ବେଳେ ପୁରା ନିଦରେ ଶୁଅ’ ଏହା ଏକ ସନ୍ତୁଳନ ଯାହା ରକ୍ଷା କରିବା ଆବଶ୍ୟକ ବୋଲି ସେ କହିଥିଲେ । ପୌଷ୍ଟିକତା ନେଇ ଏକ ସନ୍ତୁଳିତ ଆହାର ଉପରେ ସେ କହିଥିଲେ । 

ବୃତ୍ତିଗତ ଅଗ୍ରଗତି 

ପଶ୍ଚିମବଙ୍ଗ ଉତ୍ତର ୨୪ପ୍ରଗଣା, ବାରାକପୁର କେନ୍ଦ୍ରୀୟ ବିଦ୍ୟାଳୟର ମଧୁମିତା ମଲ୍ଲିକ ଓ ହରିୟାଣା ପାନିପଥ ସ୍ଥିତ ମିଲେନିୟମ ହାଇସ୍କୁଲର ଅଦିତି ତନୱାର ବୃତ୍ତିଗତ ଅଗ୍ରଗତି ସମସ୍ୟା ନେଇ ପ୍ରଶ୍ନ କରିଥିଲେ । ପ୍ରଧାନମନ୍ତ୍ରୀ କହିଥିଲେ ଯେ ଯେତେବେଳେ ବୃତ୍ତି କଥା ଆସେ, ସେତେବେଳେ ଏହା ନେଇ ଭୁଲଭାଲ ନିଷ୍ପତ୍ତି ଓ ମାନସିକ ଦ୍ୱନ୍ଦ୍ୱକୁ ଏଡାଇଯିବା ଆବଶ୍ୟକ । ସ୍ୱଚ୍ଛତାର ଉଦାହରଣ ଦେଇ ପ୍ରଧାନମନ୍ତ୍ରୀ କହିଥିଲେ ଯେ ସ୍ୱଚ୍ଛତା ଦେଶର ଏକ ଅଗ୍ରଣୀ ଇଲାକା । ଗତବର୍ଷ ମଧ୍ୟରେ ଦେଶର ସଂସ୍କୃତି ଓ କଳା କ୍ଷେତ୍ର ୨୫୦ଗୁଣ ବୃଦ୍ଧି ପାଇଛି । “ଆମର ସାମର୍ଥ୍ୟ ଥିଲେ ଆମେ ତାକୁ ଉନ୍ନତ କରିପାରିବା ।” ପିଲାମାନେ ନିଜକୁ ହୀନମନ୍ୟତାର ସହ ନ ଦେଖିବାକୁ ପରାମର୍ଶ ଦେଇଥିଲେ । ନୂତନ ଜାତୀୟ ଶିକ୍ଷା ନୀତିର ଉଦାହରଣ ଦେଇ ବିଦ୍ୟାର୍ଥୀ ଗୋଟିଏ ଉତ୍ସ ପରିବର୍ତ୍ତେ ଅନେକ ରାସ୍ତା ଅଛି ବୋଲିି କହିଥିଲେ । ସବୁବେଳେ ପ୍ରତ୍ୟେକ ନିଷ୍ପତ୍ତିର ଭଲମନ୍ଦ ପ୍ରଥମରୁ ବିବେଚନା କରିବା ଆବଶ୍ୟକ ।

ମାତା-ପିତାଙ୍କ ଭୂମିକା 

ଦିଲ୍ଲୀରୁ କାର୍ଯ୍ୟକ୍ରମରେ ଆଭାସୀ ଜରିଆରେ ଯୋଗଦେଇଥିବା ପୁଡୁଚେରୀ ସରକାରୀ ଉଚ୍ଚମାଧ୍ୟମିକ ବିଦ୍ୟାଳୟର ଛାତ୍ରୀ ଦିପାଶ୍ରୀ ପ୍ରଧାନମନ୍ତ୍ରୀଙ୍କୁ ପିତା ମାତାଙ୍କ ବିଶ୍ୱାସଭାଜନ କିପରି ହେବାକୁ ପଡିବ ପ୍ରଶ୍ନ କରିଥିଲେ । ପରିବାରରେ ବିଶ୍ୱାସଭାଜନ ହେବା ଉପରେ ଆଲୋକପାତ କରି ପ୍ରଧାନମନ୍ତ୍ରୀ ମାତାପିତା ଓ ଶିକ୍ଷକମାନଙ୍କୁ ଏହି ଗୁରୁତର ସମସ୍ୟାର ସୂତ୍ର ବାହାର କରିବାକୁ ପରାମର୍ଶ ଦେଇଥିଲେ । ଏହି ସମସ୍ୟା ହଠାତ୍ ଆସିନାହିଁ । ଏହା ଦୀର୍ଘଦିନର ପ୍ରକ୍ରିୟା ହୋଇଥିବାରୁ ପ୍ରତ୍ୟେକଙ୍କର ବ୍ୟବହାରର ଆତ୍ମ ବିଶ୍ଳେଷଣ କରିବା ଉପରେ ମତ ଦେଇଥିଲେ । ସେହିପରି ମାତା-ପିତା ମଧ୍ୟ ପିଲାମାନଙ୍କ ଉପରେ ସନ୍ଦେହ ନ କରି ବିଶ୍ୱାସ ରଖିବାକୁ କହିଥିଲେ । ବିଶ୍ୱାସର ଅଭାବ ପିଲାଙ୍କୁ ହତାଶ ଆଡକୁ ଟାଣି ନେଇ ପାରେ । ପ୍ରିୟାପ୍ରତି ତୋଷଣ ଛାଡି ଶିକ୍ଷକମାନେ ସମସ୍ତଙ୍କ ସହ ଯୋଗାଯୋଗ ରଖିବାକୁ ଶ୍ରୀ ମୋଦୀ ପରାମର୍ଶ ଦେଇଥିଲେ । 

ପ୍ରଯୁକ୍ତିର ଅନୁପ୍ରବେଶ

ମହାରାଷ୍ଟ୍ର ପୁଣେର ଜଣେ ଅଭିଭାବକ ଚନ୍ଦ୍ରଶେ ଜୈନ, ଝାଡଖଣ୍ଡ ରାମଗଡର କୁମାରୀ ପୂଜା ଶ୍ରୀବାସ୍ତବ, ଟିଆର ଡିଏଭି ସ୍କୁଲ କଙ୍ଗୁରୁ, ହମିରପୁର ହିମାଚଳ ପ୍ରଦେଶର ବିଦ୍ୟାର୍ଥୀ ଅଭିନବ ରାଣା ପରୀକ୍ଷା ପାଇଁ ପ୍ରସ୍ତୁତି ସହ ମୋବାଇଲ ପ୍ରଯୁକ୍ତି ସନ୍ତୁଳନ ନେଇ ପ୍ରଶ୍ନ କରିଥିଲେ । ଅତି ସବୁବେଳେ ଗର୍ହିତ ଓ ପ୍ରଧାନମନ୍ତ୍ରୀ ଅତ୍ୟଧିକ ମୋବାଇଲ ବ୍ୟବହାରକୁ ଘର ପ୍ରସ୍ତୁତ ଖାଦ୍ୟ ସହ ତୁଳନା କରି ଅତ୍ୟଧିକ ଭୋଜନ ପାକସ୍ଥଳୀ ସମସ୍ୟା ସୃଷ୍ଟି କରିବା ବୋଲି କହି ଆବଶ୍ୟକ ପ୍ରଯୁକ୍ତି ଉପଯୋଗ ଉପକାରୀ ବୋଲି କହିଥିଲେ । ଏହି ପରିପ୍ରେକ୍ଷୀରେ ସେ ଗୋପନୀୟତା ଓ ବ୍ୟକ୍ତିଗତ ବ୍ୟବହାର ଉପରେ କହିଥିଲେ । ମୋବାଇଲ ବ୍ୟବହାରର ସ୍ୱଚ୍ଛତା ରକ୍ଷା ନିମନ୍ତେ ଘରର ସବୁ ସଦସ୍ୟ ମୋବାଇଲ ପାସ୍ କୋର୍ଡ ସେୟାର କରିବା ଉପରେ ଗୁରୁତ୍ୱ ଆରୋପ କରିଥିଲେ । ଛାତ୍ରଛାତ୍ରୀଙ୍କୁ ପ୍ରଯୁକ୍ତି ଉପଯୋଗ ନେଇ ନିଜ ମାତା-ପିତାଙ୍କୁ ଅବଗତ କରାଇବାକୁ ପରାମର୍ଶ ଦେଇଥିଲେ । 

ପ୍ରଧାନମନ୍ତ୍ରୀ କିପରି ଚାପକୁ ସମ୍ବାଳି ସକାରାତ୍ମକ ରହନ୍ତି ତାମିଲନାଡୁ, ଚେନ୍ନାଇର ଉଚ୍ଚ ମାଧ୍ୟମିକ ବିଦ୍ୟାଳୟ ଛାତ୍ର ଏମ. ରମେଶ ପ୍ରଧାନମନ୍ତ୍ରୀ ହୋଇ ସେ ଚାପ ସମସ୍ୟାକୁ କିପରି ସମ୍ଭାଳନ୍ତି ବୋଲି ପ୍ରଶ୍ନ କରିଥିଲେ । 

ଉତ୍ତରାଖଣ୍ଡ ଉଦ୍ଦାମ ସିଂ ନଗର ଡାଇନାଷ୍ଟି ମଡର୍ଣ୍ଣ ଗୁରୁକୂଳ ଏକାଡେମୀର ବିଦ୍ୟାର୍ଥୀ ସ୍ନେହା ତ୍ୟାଗୀ ପ୍ରଧାନମନ୍ତ୍ରୀ ହୋଇ ମଧ୍ୟ କିପରି ସକାରାତ୍ମକ ରହୁଛନ୍ତି ପଚାରିଥିଲେ । ପିଲାମାନେ ପ୍ରଧାନମନ୍ତ୍ରୀଙ୍କ ଚାପ ବିଷୟରେ ଜାଣିବା ଅତ୍ୟନ୍ତ ଖୁସିର ବିଷୟ ବୋଲି ସେ କହିଥିଲେ । ସେ କହିଥିଲେ ଯେ ପ୍ରତ୍ୟେକ ବ୍ୟକ୍ତି ଅସ୍ୱାଭାବିକ ପରିସ୍ଥିତିର ସାମ୍ନା କରିଥାନ୍ତି । ଏହାକୁ ଅଣଦେଖା କଲେ ନିଜର ଉପ୍‌ସିତ ଲକ୍ଷ୍ୟସ୍ଥଳରେ ପହଂଚି ହୁଏ ନାହିଁ ।” ମୁଁ ପ୍ରତ୍ୟେକ ଆହ୍ୱାନକୁ ଆହ୍ୱାନ କରେ । ମୁଁ କେବେ ମଧ୍ୟ ସମସ୍ୟା ଅପସାରଣ ପାଇଁ ସ୍ଥିର ହୋଇ ବସି ରହେ ନାହିଁ । ତାହା ମତେ ଅନେକ ଶିଖିବାକୁ ସୁଯୋଗ ଦେଇଥାଏ । “ମୋର ସବୁଠାରୁ ବଡ ଆତ୍ମବିଶ୍ୱାସ ହେଉଛି ମୋର ପଛରେ ୧୪୦କୋଟି ଦେଶବାସୀ ଅଛନ୍ତି । ଯେଉଁଠି ଲକ୍ଷ ଲକ୍ଷ ସମସ୍ୟା ଅଛି । ସେଠାରେ କୋଟି କୋଟି ସମାଧାନ ମଧ୍ୟ ରହିଛି । ମୁଁ କେତେବେଳେ ମଧ୍ୟ ନିଜକୁ ଏକୁଟିଆ ମଣେ ନାହିଁ, ମୋ ସହ ଦେଶବାସୀ ସବୁବେଳେ ଅଛନ୍ତି। ଯେତେବେଳେ ଲୋକମାନେ ଦାରିଦ୍ର‌୍ୟ ଅପସାରଣ ନିମନ୍ତେ ସ୍ଥିର କରିବେ, ସେତେବେଳେ ଦାରିଦ୍ର‌୍ୟ ଆପେ ଘୁଂଚିଯିବ । “ମୋର ଦାୟିତ୍ୱ ହେଉଛି ସେମାନଙ୍କୁ ପକ୍‌କା ଘର, ପାଇପ ଜଳ, ଶିକ୍ଷା ଇତ୍ୟାଦି ଦେଇ ସେମାନଙ୍କ ସ୍ୱପ୍ନ ସାକାର କରିବି । ତାଙ୍କ ୧୦ବର୍ଷର ଶାସନ କାଳରେ ୨୫କୋଟି ଲୋକ ଦାରିଦ୍ର‌୍ୟ କବଳରୁ ବାହାରିଛନ୍ତି ବୋଲି କହିଥିଲେ । ସେ ବୈଶ୍ୱିକ ମହାମାରୀ ଉଦାହରଣ ଦେଇ ଲୋକମାନେ ସେତେବେଳେ ଦିୟା ଓ ଥାଳି ଉପଯୋଗ ଉପରେ ପରାମର୍ଶଦେଇଥିଲେ ।

 ପ୍ରଧାନମନ୍ତ୍ରୀ ଜୀବନରେ ନିରାଶ ନ ହେବାକୁ ପରାମର୍ଶ ଦେବାକୁ କହି ସେ ନିଜର ସମସ୍ତ ହତାଶାର ଦ୍ୱାର ବନ୍ଦ କରିଦେଇଛନ୍ତି ବୋଲି କହିଥିଲେ । ଯେତେବେଳେ କୌଣସି ସ୍ୱାର୍ଥ ଅନ୍ୱେଷଣ ନ ଥିବ ସେତେବେଳେ ନିଷ୍ପତି ନେଇ ଦ୍ୱନ୍ଦ ରହିବା ଅନୁଚିତ । ବର୍ତ୍ତମାନ ବିଦ୍ୟାର୍ଥୀ ସେମାନଙ୍କ ମାତା ପିତା ଯେଉଁ ବାଧାବିଘ୍ନରେ ସମ୍ମୁଖୀନ ହୋଇଥିଲେ, ତାହା ହେବ ନାହିଁ ବୋଲି କହିଥିଲେ । ପ୍ରଧାନମନ୍ତ୍ରୀ ବିଦ୍ୟାର୍ଥୀମାନଙ୍କୁ ଶୁଭେଚ୍ଛା ଜଣାଇ ତାଙ୍କ ଅଭିଭାଷଣର ଅନ୍ତ ଘଟାଇଥିଲେ ।

 କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଅନ୍ୟମାନଙ୍କ ମଧ୍ୟରେ କାର୍ଯ୍ୟକ୍ରମ ବେଳେ ଉପସ୍ଥିତ ଥିଲେ ।

*****

SM/SLP