হাওসিং অমসুং অর্বান এফেয়ার্স মিনিস্ত্রিনা মসিগী নেসনেল অর্বান লাইফলিহুদ মিসনগা লোয়ননা মসিগী অতল মিসন ফোর রিজুভেনেসন এন্দ অর্বান ত্রান্সফোর্মেসনগী মখাদা দিৱালি-“নুপীশিংগীদমক ঈশিং, ৱাতর কেম্পেনগীদমক নুপীশিং” থৌরম হৌদোক্নবা থৌরাং তৌরে। কেম্পেন অসিনা “জল দিৱালি” পাংথোক্কনি অমসুং মসি নবেম্বর ৭,২০২৩দগী হৌগনি। মসি নবেম্বর ৯, ২০২৩ ফাওবা মখা চৎথগনি।

কেম্পেন অসিগী মখাদা ঈশিং ফংহন্নবা থবক্তা নুপীশিং শরুক য়াহন্নবা পান্দম থম্লি। মখোয় ঈশিং শেংদোকপগী মতাংদা লৌশিং ফংনবা মখোয় মখোয়গী সহরশিংদা লৈবা ৱাতর ত্রিৎমেন্ত প্লান্তশিংদা চৎকনি। মসিনা য়ুমথোঙশিংদা অফবা অমসুং থক্নবা ঈশিং ফংহন্নবা থবকশিং ফগৎহনগনি। কেম্পেন অসি মাইপাকপা অসিনা নুপীশিংদা মপু ওইবগী ৱাখল্লোন অমা ফাওহনগনি অমসুং ঈশিং ফংহন্নবা মচাকশিংগা মরী লৈনহনগনি।

৬৫,০০০ এম.এল.দি কেপাসিতি লৈবা অমসুং ওপরেসনেল কেপাসিতি ৫৫,০০ এম.এল.দি লৈবা ৱাতর ত্রিৎমেন্ত প্লান্ত ৩,০০০ হেন্না ভারত্তা লৈরি। কেম্পেন মনুংদা ঈশিং শেংদোক্নবা প্লান্ত ৫৫০দা নুপী সেল্ফ হেল্প গ্রুপশিং চৎনবা পান্দম থম্লি। হায়রিবা অসি ২০,০০০ এম.এল.দি ওপরেসনেল কেপাসিতি হেন্না লৈরি। 

য়ুম অমগী ঈশিং ফংহনবদা নুপীশিংনা মরুওইবা থৌদাং অমা লৌরি। ঈশিং শেংদোকপগী মতাংদা নুপীশিং লৌশিং লৈহন্দুনা মখোয়গী য়ুমশিংদা অফবা থক্নবা ঈসিং ফংহনবদা মখোয়গী থৌদাং হেনগৎহন্নবা মিনিস্ত্রিনা পান্দম থম্লি। মহৌশাদগী হৌনা নুপাশিংনা ঙমদুনা লাকপা থবকশিংদা নুপীশিং শরুক য়াবা হেনগৎহন্দুনা নুপা-নুপী থোং মান্নদবগী ৱাথোকশিং ৱারোইশিন পুরক্নবা কেম্পেন অসিনা পান্দম থম্লি।

অহানবা তাঙ্কক্কী জল দিৱালি-“নুপীশিংগীদমক ঈশিং, ৱাতর কেম্পেনগীদমক নুপীশিং” রাজ্যশিং/য়ু.তিশিং(মীখল পাংথোক্লিবা রাজ্য ৫ নত্তনা)গী নুপী সেল্ফ হেল্প গ্রুপ ১৫,০০০ হেন্না শরুক য়াগনি। কেম্পেন অসিনা মরুওইনা পাংথোক্কদবা থবকশিংদি :

1. নুপীশিংদা ৱাতর ত্রিৎমেন্ত প্লান্তশিং অমসুং ঈশিং চাংয়েং তৌনবগী খুদোংচাবশিং খঙহনবা
2. নুপীশিংগী সেল্ফ হেল্প গ্রুপশিংনা পুথোকপা সোভেনিয়রশিং অমসুং পোৎলমশিংগী খুৎথাংদা থবক-থৌরম খুদিংমক্তা শরুক য়াহনবা পুক্নিং থৌগৎপা
3. অমরুত স্কিম অমসুং ঈশিং ফংহন্নবা মচাকশিং শেমগৎদা মসিনা পীরিবা কান্নবগী মতাংদা নুপীশিং খঙহনবা অমসুং তাকপীবা

কেম্পেন অসিদগী ফংগনি হায়না থাজবা থম্লিবশিংগী মনুংদা ৱাতর ত্রিৎমেন্ত প্লান্তশিংগী মরমদা খঙহনবা, মপু ওইবগী ৱাখল ফাওহনবা, সেল্ফ হেল্প গ্রুপশিং শক্তি পীবা, তুংগী চাউখৎ-থৌরাংশিংগী নমুনাগী অফবা ইথিল পীবা য়াওরি।

অমরুত অমসুং এন.য়ু.এল.এমগী স্তেৎ অমসুং সিতি ওফিসিএলশিংনা খোঙচৎশিং অসিদা মতেং পাংগনি। অমরুতকী মখাদা ঈশিং ফংহন্নবা মচাকশিং শেমগৎপদা নুপীশিং শরুক য়াহন্নবা থবক অসিদা মতেং পাংনবা মিনিস্ত্রিনা স্তেৎ অমসুং সিতি ওফিসিএলশিংদা খঙহনখ্রে

***