খুরুমজরি।

থা অসিদা রোজগার মেলাগী খোঙচৎনা মরু ওইবা পন্দুপ অমা হৌখি। মমাং চহিগী ওক্তোবর থাদগী রোজগার মেলা হৌখি। মসিদগী হৌদুনা লেপ্পা-লৈতনা রোজগার মেলাশিং কেন্দ্র অমসুং NDAনা লৈঙাকপা রাজ্যশিং অমসুং য়ুনিয়ন তেরিরোরীশিংদা মথং-মথং পাঙথোক্তুনা লাকখি। হৌজিক ফাওবদা নহারোল লাখ কয়াদা সরকারগী থবকশিংগী এপোইন্তমেন্ত লেত্তরশিং পীখ্রে। ঙসিসু নহারোল 50,000 হেনবদা সরকারগী থবকশিং পীরি। দিৱালী লাক্কদবা কুইদ্রে অদুউ এপোইন্তমেন্ত লেত্তরশিং ফংখিবা ইমুংশিংগীদমক্তদি মসি দিৱালিদগী তাবা নতে। নখোয়না কন্না হোৎনবনা মসিগী থাক অসি য়ৌবা ঙমখিবনি। মসিগীদমক ঐহাক্না পুম্নমক্তা, ঐগী নহা ওইরিবা মরুপশিং, মরু ওইনা ইচানুপীশিংদা নুংঙাইবা ফোঙদোকচরি। নখোয়গী ইমুং-মনুংশিংদা অখন্ননা নুংঙাইবা ফোঙদোকচরি।

মরুপশিং,

তোঙান-তোঙানবা রাজ্যশিং অমসুং য়ুনিয়ন তেরিতোরীশিংদা পাঙথোকখিবা রোজগার মেলাশিং অসিনা নহারোলগীদমক ঐখোয়না লৌরিবা ফিরেপ অদুগী শাখি ওইরি। ঐখোয়গী সরকারনা নহারোলগী তুংলমচৎকী খল্লগা মিসন মোদতা থবক তৌরি। ঐখোয়না থবক পীবা খক্তা নত্তনা ত্রান্সপরেন্ত ওইবা সিস্তেম অমা লৈহনবসু ঙম্লি মসিনা মরম ওইরগা থবক লৌবগী থৌওংশিংদা নহারোলনা থাজবা হেনগৎলক্লি। সরকার অসিনা প্রোসেসশিং অসি স্ত্রীমলাইন তৌনবা হোৎনবা খক্তা নত্তনা একজামিনেসন প্রোসিজরদসু রিস্ত্রকচর তৌখি। স্তাফ সেলেক্সন কম্মিসন (SSC)গী রিক্র্যুতমেন্ত সাইকলদা চংলম্বা মতম অদুসু শরুক তঙ্খাইদা হন্থহনখি। হায়বদি থবক লৌবগী নোতিফিকেসনসগী এমপ্লোইমেন্ত লেত্তর পীবগী মরক্তা লৈরিবা অপুনবা মতমদা চাউনা হন্থহনখি। মসিনা নহারোলগী মতম চাউনা কনবা ঙমখি। সরকারনা নহারোলগী য়াইফনবা মরু ওইবা অহোংবা অমগা পুরকখি। SSCগী একজামিনেসন খরা হিন্দী অমসুং ইংলিশকী মথক্তা তোঙান-তোঙানবা রিজনেল লোল 13দা পাঙথোক্তুনা এস্পিরেন্তশিংনা লোলগী পল অসি থুগাইবদা লাইহল্লি।

মরুপশিং,

ঙসি ভারতনা চংশিল্লিবা মাইকৈ অমসুং খোঙজেল অসিনা সেক্তর খুদিংমক্তা অনৌবা থবক্কী খুদোংচাবশিং পীরি।  নখোয়না গুজরাতকী কচ্ছ জিলাদা লৈবা পাকিস্তানগী ঙমখৈদা লৈরিবা ধোরদো ভিলেজ অসিবু য়ুনাইতেদ নেসন্সনা বেস্ত তুরিজম ভিলেজকী এৱার্দ পীখিবা উরমগনি। অমসুং কর্নাতকাগী হোইসালা তেম্পেল কমপ্লেক্স অমসুং ৱেস্ত বেঙ্গলগী শান্তি নিকেতনবু ৱর্ল্দ হেরিতেজ সাইৎ ওইনা শকখঙখি। মসিনা মফম অসিগী তুরিজমগী পোতেন্সিএল অমসুং ইকনোমী কয়া য়াম্না হেনগৎহল্লমগনি খনবীয়ু। অহানবদা তুরিজমদা চাউখৎলকপা অসিনা হকথেংননা অনৌবা থবক্কী খুদোংচাবশিং পীবা খোঙজেল য়াংবা হেনগৎহল্লি, কান্নবশিং  অসি তুরিজমগী মহৈনি, মসিদগী মনাক নকপদা লৈবা হোতেলশিং, অপীকপা দুকানদারশিং, বস দ্রাইবরশিং, তেক্সি দ্রাইবরশিং, ওতো রিক্ষো থৌবশিংদা কান্নবা পীরি। মতৌ অসুম্না স্পোর্তসকী ওইনসু অনৌবা এভেন্যুশিং শেমগৎলি। ঐখোয়গী শান্নরোয়শিংনা নেস্নেল অমসুং ইন্তরনেস্নেল গেম্সতা পুৱারী ওইরবা পরফোর্মেন্স উৎখি। মাইপাকপশিং অসিনা ঐখোয়গী লৈবাক্কতা স্পোর্তস লেন্দস্কেপতা পুরকপা অচৌবা অহোংবশিং অমসুং দিবেলপমেন্তগী খুদম অমসু ওইরি। অমসুং স্পোর্তস সেক্তর চাউখৎলবা মতমদা মসিনা অফবা শান্নরোয়শিং পুথোকপা খক্তা নত্তনা মসিনা ত্রেনরশিং, ফিজিওশিং, রেফ্রীশিং অমসুং স্পোর্তস ন্যুত্রিস্নিস্তশিংগুম্বা অনৌবা খুদোংচাবা কয়া পীরি।

মরুপশিং,

ঐখোয়না থবক পীরিবা ত্রেদিস্নেল সেক্তরশিং মপাঙ্গল কনখৎহল্লি। অমসুং মসিগা লোয়ননা ঐখোয়না রিন্যুএবল ইনর্জী, স্পেস, ওতোমেসন অমসুং দিফেন্সগুম্বা অনৌবা সেক্তরশিংগী এক্সপোর্ত তৌবা থৌগৎলি। দ্রোন তেক্নোলোজীদা ওইথোকপা য়াবশিংগী অনৌবা থোংশিং হাংলি। ঙসি লৌমীশিংনা দ্রোন শীজিন্নদুনা ক্রোপ এসেসমেন্ত তৌরি অমসুং হীদাক চাইরি। স্বামিত্ব স্কিমগী মখাদা লেন্দ মেপ্পিংগীদমক দ্রোনশিং শীজিন্নরি। নুমিৎ খরনিগী মমাংদা নখোয়না ভিদিও অমা উরমগনি। হিমাচল প্রদেশকী লাহৌল স্পিতি রিজনদা ICMRনা দ্রোনশিংগী মতেংনা মফম অমদগী মফম অমদা হীদাকশিং য়ৌহনখি। মমাংদা মসিগী থবক অসি পুং 2রোম চংলমখি অদুবু দ্রোনগী মতেংনা মিনিৎ 20, 25, 30 দা হন্থহনখি। দ্রোনশিংনা স্তার্তঅপশিং মশিং য়াম্বা হেনগৎহনখি। লম অসিদা তৌখিবা ইনভেস্তমেন্তনা দ্রোনশিংগী অনৌবা মখল দিজাইন তৌবদা নহারোলবু মতেং পাংলি।

ঐগী ইমুং-মনুংশিং,

থা অসিদা ঐখোয়না পুজ্য বাপুগী মপোক কুমওনসু পালন তৌখি। গান্ধীজীনা চর্খ অসিবু স্বদেশী অমসুং কর্ময়োগকী শক্তি লৈরবা খুদম অমা ওইনা শীজিন্নখি। মতিক ময়াই মাংলুরগা খাদীনা অমুক নৌনা হল্লকখি। হৌখিবা চহি 10গী মমাংদা শুপ্নগী করোর লিশিং 30 ওইরম্বা অদুগা চাংদম্নবদা হৌজিক্তি করোর লাখ 1.25 হেন্না য়োনবা ঙমখি। মসিনা খাদী এন্দ ভিলেজ ইন্দস্ত্রী সেক্তরদা মরু ওইনা নুপীশিংদা থবক কয়া পীখি। মরু ওইনা নুপীশিংনা মসিদগী চাউনা মতেং ফংখি।

মরুপশিং,

লৈবাক খুদিংমক্কী তোঙান-তোঙানবা মখলগী মতিক-ময়াই লৈজৈ। খরগীনা নেচরেল রিসোর্সশিং লৈ, খরগীনা মিনরেল লৈ, খরগীনা শাংলবা কোস্তলাইনগী শক্তি লৈজৈ। অদুবু পোতেন্সিএল অসি শীজিন্ননবা মথৌ তারিবা খ্বাইদগী চাউবা শক্তি অদুদি য়ুব শক্তিনা ওইরি। নহারোলনা শক্তি লৈরিবা মতিক লৈবাক্না হেন্না চাউখৎপা ঙমগনি। ঙসি লৈবাক অসিনা অনৌবা খুদোংচাবশিং মপুং ফানা লৌবা ঙম্নবা নহারোলবু স্কিলিং তৌনবা অমসুং স্কিলিং তৌনবগী থোশিলশিং পাইখৎলি। তুংলমচৎকী মথৌ তাবশিং য়েংলগা লৈবাক অসিদা অনৌবা নেস্নেল এজুকেসন পোলিসী ইমপ্লিমেন্ত তৌখি। মশিং য়াম্লবা অনৌবা মেদিকেল কোলেজশিং, IIT, IIM অমসুং IIIT লিংখৎলকখি অমসুং পি.এম. কৌশাল বিকাস য়োজনাগী মখাদা নহারোল করোর কয়াবু ত্রেনিং পীখি। তেক্নোলোজীগী চহিচা অসিদা পুম্নমক খোঙজেল য়াংনা হোংলক্লি অদুনা মীপুম খুদিংমক্তা মখোয়গী স্কিলশিং অমসুং লৌশিংগী অপদেৎ তৌবা তাই। অনৌবা স্কিল তমশিল্লবা মতুংদা মদুবু লেপ্পা লৈতনা অপস্কিল অমসুং রি০স্কিল তৌবা য়াম্না মরু ওই। পি.এম. বিশ্বকর্মা য়োজনা অসি বিশ্বকর্মা মরুপশিংগীদমক হৌদোকখি। রিস্কিলিং অমসুং অপস্কিলিং অসি ওর্দর ওফ দি দে ওইবনা পি.এম. বিশ্বকর্মা য়োকজনা অসি বিশ্বকর্মাশিংবু মোদর্ন তেক্নোলোজী অমসুং তুলশিংগা লোয়ননা লিঙ্ক তৌবনি।

ঐগী ইমুং-মনুংশিং,

Creating employment opportunities for the youth is an important part of the process of nation building. নহারোলগীদমক থবক্কী খুদোংচাবশিং পীবা অসি লৈবাক শেমগৎপগী থৌওংগী মরু ওইবা শরুক অমনি। মসি চাউখৎপা ভারতকী পান্দম ফংনবা মাইকৈদা চংশিনবগী মরু ওইবা খোঙথাং অমা ওইরি। সরকারগী কর্মচারী অমা ওইনা নখোয়না স্কিমশিংবু মাংদা পুখৎপগী অমসুং গ্রাউন্দ লেবেলদা ইমপ্লিমেন্ত তৌবগী থৌদাং লৌগদবনি। ঙসি নখোয়না ঐখোয়গী জাতি শেমগৎপগী খোঙচৎ অসিগী মরু ওইবা মরুপশিং ওইরি। ঐহাক্না নখোয়দা নখোয়গী তমশিনবগী থৌওং মখা চত্থনবা অমসুং iGOT কর্ময়োগী পোর্তেল শীজিন্ননবা হায়জরি। নখোয়গী খোঙথাং খুদিংমক্না লৈবাক অসিবু চাউখৎপগী লম্বেলদা মাংদা খোঙজেল য়াংশিনহনবদা মতেং ওইগনি। অমুক হন্না ঐহাক্না ময়ামদা য়াইফ মঙ্গোল পীজরি। নখোয়গী ইমুং মনুংদা ঐহাক্না মঙ্গোল পীজরি। ঙসি অসি শরদ পুর্নিমাগী য়াইরবা নুমিৎনি। হরাও-কুহ্মৈগী মতম য়ৌরক্লে, নখোয়না নথৌ তৌবা মতমদা লৈবাক্কী মনুংদা থবক পীনবগী পাম্বৈ অমসু ওইরিবা ভোকেল ফোর লোকেলগী পাউজেল শন্দোক্নবা হায়জরি। অমুক হন্না ময়ামদা য়াইফ-মঙ্গোল পীজরি। হন্না-হন্না থাগৎচরি।

****